[SIZE="6"][COLOR="Red"]
دخلك يا الله انت مين و ابن مين
و لا تقول عني من جماعة كافرين
لاكن انا انسان في عندي سؤال
عم بسألو يا رب من ماضي السنين

مازال اسمك للعدل ارفع صفا
و العدل عا اسمك حقوقو بتنوفا
اسمحلي يا رب الكون اسال هالسؤال
بركي بيني و بينك يروح الجفا

ليش خلقت انسان من فقر كفر
مقضي حياتو بالعذاب و بالكدر
عدت خلقت انسان اغنى من غني
هيك العدل بيكون يا رب البشر ؟؟

خلقت الخطية بهالدني المعذبي
و زينتها بابدع حلى و اجمل عبي
رجعت خلقت انسان اضعف من ضعيف
و بتقول ما تخطى بوقت التجربي ؟

ليش خلقت مليون ملة من البشر
و كل ملة دينها د غري انتشر
و مازال انت مرجع الخلق الصحيح
ليش تا ميزت بين زيد و عمر

و هوني يا رب الكون لازم اسالك
ليش خلقت انسان عالعالم ملك
ليش الملك بيحقلو يملك عبيد
مازال مرجع خلق هالدنيا الك[/COLOR][/SIZE]

[/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني

منتديات مشتاوي

روابط سريعة

تابعنا