من قصائد شاعرنا الكبير الراحل :خليل روكز

[aboulnour]

دفـنـت الهـنـا وهـربت بعـذابي
وبغربتي عايش عاأعصابي
وبالفكر احبابي معي ومحتاج
اسأل حدا كيف حال احبابي
يـا هـل تـرى تـكــاية الـديـباج
الخـليت الـهـا الشوق عـذابي
بعدو خيالي حـول منهـا سياج
يما غفي غيري عاأتـعـابـي
وتقميرة العارغيف خـبز الصاج
حنت عا شي جوعان بغيابي
وكاسي التركتو فوق لوح العاج
شربو حـدا او ضـل عحسابي
----------------------------------------------------------------------
ابو النور

[hany nassif]

[SIZE="6"][COLOR="Red"]قصيدة "حبني بالسرّ" للشاعر خليل روكز



يا ولف لما بين أهلك بقشعك
لا معي تحكي ولا بحكي معك
إنت وأنا علينا العيون مفتحين
بخاف يسمعني العزول ويسمعك

حبّني، ولا تظهر بمظهر حبيب
وعالدرب مرّ بجانبي متل الغريب
ولا تنفحط فيي ولا تخلّي الرقيب
يشوفك ويعرف هواك ومطمعك

وعنّك قدر ما يكون هجراني طويل
خلّيك لابس بدلة الصبر الجميل
ولما حدا بيخبّرك عني عليل
ابكي بقلبك ضلّ حابس مدمعك

وترم السلام ان شفتني قرّبت ليك
من غير نيّة سلّم عليي بيديك
ودبّل عيونك وقت ما بسلّم عليك
واكبس ع إيدي ساعة اللي بودّعك

ومن جهّتي بخبّي غرامك والجنون
وعا عيون الناس يا ولفي الحنون
ان ما قدرت تعطيني إشارة بالعيون
عطيني إشارة كيف ما كان بإصبعك

ما بلتهي ولا إنت عني تلتهي
مننتهي وغرامنا ما بينتهي
ألله كريم ومتل منَّك مشتهي
عا الهيني فيي الظروف بتجمعك

ضلّك وَفي وعا محبتك ببقى وفي
واليوم نحنا بالإشارة منكتفي
وبكرا متى حكمك على نفسك صفي
عن غرامك ما بيمنعني حدا
وإنت غير الكوّنك ما بيمنعك[/COLOR][/SIZE]