الـغـربـة

[فؤاد يوسف]

[SIZE="6"][COLOR="Navy"]إلك يامغترب عنـدي رسالة ..... انسلخت من شعوري ومن خيالي

رسـالـة ود ورسالـة محبـة ..... لـضيـعـة ربـيـت فـيـها عـ الأصالي

رسـالـة ود ورسالـة محبـة ...... لـضيـعـة حـبـها بـقـلبـك وقـلبي

ياغايب عود بـيـكفيك غربـة ..... بـلادك كل شــبر تــراب مـنـها

...................... أكـتر مـن كنوز الكون غالي


بلادك كل شـبر تـراب منها ....... أغلى من اللألي ومن تمـنـها

الغربة الساحر عيونك حسنها ..... بتقسي الحبيب علا حبـيـبو

........................ وبتْفـرق أهالي عن أهالي


بـتـقسي الحبيب علا حبـيـبو ..... وبتخلي القلب يشقى بنحيـبو

ولها الأسباب تاجروحك يطيبو ..... على بلادك من الغربة البعيـدة

.......................... عود بتـنجلي فيك الليالي


على بلادك من الغربة البعيدة ...... عود بتقشع العيشة الرغيدة

ولا تـتـغـرب ؟ الغربـة العنـيـدة ..... بـيـنزل كاسها عالقلب علقم

........................ ولو بيكون متل الشهد حالي

بـينزل كاسها عالقـلب علقم ...... وانت بتصير عالتعذيب مرغم

لكن بـعـد ما تــرجع بتـسـلم ....... من ضيم وشقا الهجران كلو

.......................... وبتعيش العمر بمقام عالي


من ضيم وشقا الهجران كلو ...... بتخلص لو عدت بـيـتـك تجلو

وتذكر شو كنت تغفى بظلو ..... ورضا تكسب من الأم الحنونة

........................ ورعـاية بـيـك الحر المثالي


رضا بتكسب من الأم الحنونة ..... ومن البي الرعاية والمعوني

وحتى دمـوع عينيك الهتـونـة ..... بتبدلها بحلا وبسمات سنك

......................... وبيصبح إلك كوكب ملالي


بتبـدل دمعك بـبسمات سنك ...... كلما شفت أهلك حـد منـك

وناس بتسأل النسمات عنك ...... يللي غاب عنـا كيـف حالو

.......................... كيفو رد ياريـح الشمالي


يللي غاب عنـا كيـف حـالـو ..... انشالله مكيف ومـرتـاح بالو

اشتقنا لضحكتو اشتقنا لجمالو .... اشتقنا لطول بالو لإنفعالو

وبـدنـا يـاه يـرجع تـاقـبـالـو ..... نتجمع سوى ونعيش عيشة


............................ أحلى من عناقيد الدوالي

[/COLOR][/SIZE]

[مريام]

كلماات حلوه كتيرررومافي أغلا
من تراب الوطن...بلادي ولو جارت
علي عزيزه وأهلي وأن بخلو
علي كرام ..ويسلمو خي

[سم وعسل]

اصعب شي بالدنيا الغربة