(((خبّرتني .حلوة الحلوين))))

[شفيق]

[size=5]بأفضل ايّام المنتدى وأحسنها ..حبّيت نزّل هالموضوع وبكلّ مرّة رح احكي قصّة حفلات قديمة أو جديدة ...من هالقصص اللي بتثير فضول أنصار الزجل ...

ورح بلّش بقصّة حكالي ياها الشاعر الكبير أسعد سعيد ..عن حفلة المدينة الرياضيّة 1972 ::,,

بديوان الشاعر المرحوم زين شعيب ...محطوط صورة للشعراء ال16 ...بس مافيها صورة أسعد سعيد ولا محمد مصطفى ولا عبد الجليل وهبة ...
وفيها صورة أحمد السيّد ...

سألت أبو فادي وقلّي::

كان الاتفاق وقت وقّعو العقد
((يحقّ للشاعر أسعد سعيدالغناء مع أقرانه مثل محمد المصطفى أو حنّا موسى ,أو أنيس الفغالي أو غيرهن )))
وكان الشرط الجزائي للعقد 10000 دولار ...

وفجأة قبل الحفلة بيقولوا :أسعد سعيد ضد طليع حمدان
بيعصّب أسعد وبينسحب من الحفلة
وطبعا الشرط الجزائي بيمنعو عن هالشي ...
قام وقت ناقش متعهّدين الحفلة قالوا ::
مكتوب بالعقد أقرانه ..
والمقصود بأقرانه ..
طليع حمدان العضو الثالث بجوقة زغلول الدامور
وأسعد سعيد العضو الثالث بجوقة زغلول الدامور القديمة ...

بيقرّر أسعد الانسحاب ..وبيجيبوا مطرحو احمد السيد للتباري مع طليع ...
وبعدين بينجبر أسعد للعودة للحفلة والمشاركة فيها ...

وكمان كان الشاعر المرحوم جان رعد مشارك بالحفلة واسمو عالإعلان وخصمو الشاعر موسى زغيب ...بس سافر على افريقيا يمكن واشترك بدالو الشاعر المرحوم عبد الجليل وهبي
وتأكيدا لهالشي وقت بيقول العملاق محمد مصطفى ::
(((بحيلة هجرة اللابس عباية))))

أطال الله بعمر العملاق أسعد سعيد[/size]

[حسن بنوت]

*****
بحيلة هجرس اللابس عبايه
*****

[عصام يوسف]

[size=5]*****
بحيلة هجرس اللابس عبايه
*****

عفوا خيّي بو علي .. ما فهمت شو معنى كلمة هجرس

و إذا عندك معلومات عن النتائج و ترتيب الشعراء بالمدينه الرياضيّه .. إنت أو الأخ شفيق
يا ريت تنوّرونا ..

فاتحمعمحبّتي [/size]

[المغربي]

الهجرس ...هو ابن الثعلب

[المغربي]

مرة كان طليع حمدان وفيكتور ميرزا وشوقي ونديم ( يعني الجوقة كلها ) بحفلة قام قال طليع ردة غزل تغزل فيها بالشباب مو بالصبايا على الفور قلو فكتور :
حـمـدان شـاعـر قـوي لـكـن وديـع ـــــــــــــــــــــــــــ بيكتب غزل كلما قشع شلة حباب
بحقك مش مليحة يا شاعرنا طليع ـــــــــــــــــــــــــــــ تترك حلا الحلوين وتحب الشباب
فرد طليع هون وقال :
فكتور لا تلعب مع خيالي الوسيع ــــــــــــــــــــــــــ بتعرف انا بخلق من الشوكة ربيـع
بحب الشباب بدم مرجلة الشباب ــــــــــــــــــــــــــــ وهيكي شباب الشام بحبو طـلـيــع
وهون صار الشباب الي بالحفلة يزقفو متل الرصاص لطليع

[عصام يوسف]

شكرا للشباب على إغناء الموضوع ..

فاتحمعمحبّتي

[شفيق]

وارد تكون هجرس لأنو السيد بيستخدم هالكلمة كتير (((مرق هجرس بزلعومك ما ردّو))

بس منطقيا
تهجم شاعر مبارح عمنبر****ودوري مش إلي والناس أخبر
وبحيلة هجرس اللابس عباية****مكنفش صوفها والصوف أغبر

إذا كان الهجرس الثعلب الصغير ...كيف صوفها أغبر هي من صفات الديب مو من صفات الثعلب
وتسلسل الأبيات بيصير مو واضح بكلمة هجرس


النتائج ماني متأكّد مية بالمية بس رح قول اللي متأكد منهم ...

من خلال الأصوات
خليل وإميل ...خليل
بطرس وعبد المنعم تعادل
جورج وأدوار ..أدوار..... بالرغم أنو جورج ما كان هيّن بالحفلة
حنا وأنيس***حنا
طليع وأسعد ..أسعد
السيد والزغلول ...ما تم فرز الأصوات ..لأنو الصناديق تكسّروا قبل النتيجة
زين وجريس ..ماني متأكد بس بعتقد زين


يقال في كتيب قديم فيه نتائج المباريات كلها

يا ريت اللي عند معلومات أدق يعطينا

[حسن بنوت]

*****
الهجرس هوي لقب لشخص محتال من رجال القبيله مشتقه من كلمة ثعلب. وهالكلمة كانت موجهه لموسى زغيب يللي بقبل ليله تهجّم على السيد والزغلول بأفتتاحيتو. بعد منها قامو ردادة جوقة موسى من ورا السيد وراحت معهن الدربكه.
*****
بالنسبه للنتائج ما بيّن شي لأنو لما خلصت الجوله مع السيد والزغلول تكسّرو الصناديق وما بين أيا نتائج لأي من الشعار.
معقول في كتب كتير بعد منها نزلت وفضّلت شاعر عن شاعر ولاكن هيدي كلها آراء شخصيه.[poem=font="Arabic Transparent,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
تهجّم شاعر مبارح عامنبر=ودوري مش إلي والناس أخبر
بحيلة هجرس الابس عبايي=مكنفش صوفها والصوف أغبر
وأنا مش خصم يطعن في قفايي=بقصيد مزولعو أخضر وأصفر
ولو اني كنت خصم بشك رايي=بقلبو للي عصر من زوم أسمر
تا فرجي الارنب البيكون جايي=تا يتهجّم على ساحة غضنفر
*****[/poem]

[Firas H]

مع احترامي للجنة التحكيم الطويلة العريضة اللي كانت قاعدة بحفلة المدينة واللي عددها 10 من كبار أدباء لبنان

بس انا رح رتب النتائج من وجهة نظري

1 السيد محمد مصطفى رغم انهن عطوا حنا موسى المركز الأول
2 أسعد سعيد
3 حنا موسى
4 أنيس الفغالي
5 طليع حمدان
6 موسى زغيب ( بس ما يزعل عمر )
7 جريس البستاني
8 زين شعيب ( بس مل يزعل عمي أبو علي بنوت )
9 إدوار حرب ( بس ما يزعل شادي )
10 الزغلول ( بس ما يزعل بابا ) ( نقز دم الغرور بابن عمو ........... طلع الطش عشرة الرقم سجـّل )
11جورج أبو أنطون
12 خليل الشحرور
13 بطرس ديب
14 إيميل أبو شقرا
15 عبد الجليل وهبة
16 عبد المنعم فقيه

هيدا رأيي الشخصي وبعتذر من الجميع

[بشار]

مسا الورد

هيدي قصة عن لسان الشاعر الكبير انطوان سعادة


بو روكز و بو علي وبو الياس كانوا بجولة بأفريقيا وكان خليل عم يحضر حوار مع زغلول

وكان هو بجناح وزغلول وزين بجناح تاني وكانوا يبعتوا الردات مع صبي بالفندق هلق خليل

متعود على زغلول يتأخر بالرد ورداتو تكون نسبيا ضعيفة بس هالمرة كانت ردات زغلول قوية

وزنخة , شك خليل بالموضوع راح على غرفة الشباب ولا بيشوف زين على هالبلكون عم

يتأمل ويدخن وعم ينّقل الرد لزغلول بيتفاجأ زين كتير وبيقول لخليل دغري " يا خيي عم

يعطيني على الردة خمس ليرات عطيني عشرة لأسكت ....


والله أعلم


تحياتي

[hany nassif]

[COLOR="Red"][SIZE="6"]يعني من بعد اكتر من سنة رجعت شفت هالصفحة وحبيت علّق عليها

بخصوص ما نقل عن الشاعر انطوان سعادة هيدي شغلة معروفي كانت عن الزغلول انو كان يدفع لابو علي خمس ليرات تا يكتبلوا رداتو ايام خليل روكز وفي قصة تانية بتقول انو بحفلة المتين اللي جمعت الشعراء
الزغلول - ابو علي زين شعيب - اسعد سعيد
و خليل روكز - محمد المصطفى - موسى زغيب

المنطق بيقول ريس الجوقة بيغني مع ريّس الجوقة هلق في خبريتين بتقول انو الزغلول طلب من بوعلي يعملوا افتتاحية و كان بوعلي معوّد عا طريقة الزغلول و كتبلوا افتتاحية عا نسق ما بيغني الزغلول و بس عر ف خليل رفض يتحدى و غنّى مع بوعلي
وفي خبرية انو الزغلول دفع ميتين ليرة لخليل ت يعملوا افتتاح هني و طالعين عالحفلة قبض بس رفض يغني معو

اما بخصوص حفلة المدينة الرياضية اللي بيعرف باحوال الزجل انذاك في لبنان بيعرف انو كانت في حرب ضروس ضد جوقة خليل روكز المؤلفة من موسى زغيب - انيس الفغالي - جريس البستاني - بطرس ديب من خلال جوقة الزغلول و جوقات متفرقة في لبنان لانو كان رباعي مرعب في الزجل و اذا منرجع لحفلات الزجل ايامها و خصوصا حفلات الزغلول او موسى بتفهموا اللي عم بحكي

انا راي متواضع المدينة الرياضية بدنا نعمل ميزان للحفلة

1 - انيس الفغالي - حنا موسى كان الموضوع لصالح انيس الفغالي واضح و حتى حنا موسى مرتين كرج عن الموضوع و استعمل اسلوبوا ليحصل عالزقفة من الجمهور فقط بموضوع التنقل و الثبات

2 - السيد محمد المصطفى - زغلول الدامور يعني بالمنطق حرام عمق السيد نحطو حد سطحية الزغلول الشعرية و النتيجة واضحة لصالح السيد بموضوع القناعة و الطمع

3 - ادوار حرب - جورج ابو انطون هيدي حفلة الوحيدة اللي كانت متكافئة بين الشاعرين التنين سوى بدعوا بسما الشعر ولكن كل اللي بيعرف ادوار حرب يلمع بالقصيد انما النتيجة تعادل بين الغني و الفقير

4 - اسعد سعيد - طليع حمدان الخريف و الربيع النتيجة واضحة و فوز مدوي لصالح اسعد سعيد على طليع حمدان اللي ما قدر يكون بعمق اسعد سعيد

5 - عبد المنعم فقيه - بطرس ديب كمان بطرس كان شاطر ظاهر و امنع من الحج عبد المنعم الفقيه بموضوع القريب و البعيد

6 - خليل شحرور - اميل ابو شقرا التحرر و التقاليد اللي كان اول موضوع باول ليلة النتيجة واضحة تفوق خليل شحرور مع تميّز احيانا لاميل ابو شقرا

7 - ابو علي - جريس البستاني حل و ربط يعني يلخص الموضوع بردة جريس البستاني
لا تعجبوا يا ناس من بهورة زين -------------- هي عادتوا سلاحو تشوبر باليدين
يعني حبيب قلبي بوعلي الله يرحموا بس ما كان قد جريس البستاني

8 - اما الحفلة المهزلة و الجرصة بين موسى زغيب و عبد الجليل وهبة فهي كان فيها قصد جرصة لموسى زغيب ووضحت لما قال لعبد الجليل

على شريط الاذاعة قلت ردي ---------- رجع غيرك عن لسانك حكاها
يا عيب الشوم جاية عالتحدي -------- تقابل ناس مش من مستواها

النتيجة معروفي بي تفوق موسى من كل النواحي و الله يرحم بطرس ديب و يسامحوا لما نزل بوّج بوعلي بس متل ما بزكر اللي قيل عن لسان جورج خليل رحمه الله انو لو تركوا زين كان صار في مجزرة طائفية بي بيروت بين اهل حراجل اللي نزلوا بالكميونات و بين انصار زين شعيب اللي غمز غمزة اعتبرت طائفية انذاك

يا صديقي فراس الحفلة ما كان لازم يعملوا فيها نتائج بتضل حفلة رغم كل شي من اجمل حفلات الزجل و ما بوافقك انك صنفت الشعراء بالترتيب
يعني بالحفلة و بموضوعوا مثلا عبد المنعم فقيه و عم بحكي بموضوعوا كان امتن من طليع حمدان ما فيك تصنف ترتيب متل اللجنة و االخطأ الفادح اللي عملوا بحق الزجل في لبنان
[/SIZE][/COLOR]

[COLOR="Blue"][SIZE="5"]

بوعلي

[/SIZE][/COLOR]

[Firas H]

تحية وبعد

[size="5"]مسا الخير عمي أبو علي يعني هلق صار عندي عمّين أبو علي بعد عمي أبو علي حسن بنّوت

استاذ هاني بعد سنتين إذا بدك على مشاركتي بهاد الموضوع فيني قول إنو أنا لما كتبت رأيي بتصنيف الشعراء كان مجرّد إبداء رأي

الحفلة إذا كان فيها شاعرين أو 16 بيبقى لكل إنسان رأيو مين حب من الشعراء وأي شاعر أبدع أكتر من غيرو

هلق أنا ماني سعيد عقل حتى اقعد صنف ورتّب بس أنا سمعت الحفلة كاملة وكان إلي رأي بكل شاعر وشو عمل

ومن وجهة نظر تانية وبكوني متعصّب للسيّد محمد مصطفى فأنا بشوف إنو لازم كان ياخد المركز الأول بدل حنا موسى اللي متل ما ذكرت شطح عن موضوعو في بعض الردات وتعصّبي ما بينكر شو عمل السيد محمد بالحفلة قدّام أشهر شاعر في تلك المرحلة الزغلول

أنا كل مشاركتي مجرد رأي شخصي وأنا ما قصدت صنّف لأني أقل من إنّي صنّف أساطير بالزجل


شكرا لمشاركتك وبتشرّف بمعرفتك[/size]

[شفيق]

[SIZE="6"]

[COLOR="Red"][SIZE="6"]يعني من بعد اكتر من سنة رجعت شفت هالصفحة وحبيت علّق عليها



1 - انيس الفغالي - حنا موسى كان الموضوع لصالح انيس الفغالي واضح و حتى حنا موسى مرتين كرج عن الموضوع و استعمل اسلوبوا ليحصل عالزقفة من الجمهور فقط بموضوع التنقل و الثبات


6 - خليل شحرور - اميل ابو شقرا التحرر و التقاليد اللي كان اول موضوع باول ليلة النتيجة واضحة تفوق خليل شحرور مع تميّز احيانا لاميل ابو شقرا

7 - ابو علي - جريس البستاني حل و ربط يعني يلخص الموضوع بردة جريس البستاني
لا تعجبوا يا ناس من بهورة زين -------------- هي عادتوا سلاحو تشوبر باليدين
يعني حبيب قلبي بوعلي الله يرحموا بس ما كان قد جريس البستاني


[B][COLOR="Blue"][SIZE="5"]

بوعلي

[/SIZE][/COLOR]

مرحبا

مع شكري إلك عالمشاركة أخ هاني
بس لا تواخذني بدي ابدي وجهة نظري ببعض الأمور اللي بستغرب من رأيك فيها

1_أنيس الفغالي كان عم يظهر الاستهانة بحنا موسى حسب رؤيتي وتحليلي للأمور
وحتى لاحظ كان أنيس عم يردّ عتعليقات حنا بالجمود والبرودة ..وكأنو حنا عم يحكي لحالو

بس ما فادتو هالاستهانة وانعكست عليه سلبا

وبدي اسألك عأي أساس بتقول كان الموضوع لصالح أنيس ؟؟

بالختامية عطا انيس حجة عالأبجدية

وما قدرو لغير اسمو ينسبوها

على عيني وراسي ..فعلا الفينيقي ابتكر الأبجدية سواء كان بجبيل ..أو بأوغاريت

بس جواب حنّا هوي القاطع

وسافر عن شواطي جبيل حتى...نقل للكون حرف الأبجدية

وبتقول حنا استعمل أسلوبو للحصول عالزقفة من الجمهور ..
يعني بفهم من كلامك أنو هالشي عيب ولا غلط

بالعكس هاد البيميز منبر الزجل الحقيقي
لأنو المنبر إذا بدون حماس ..
الأفضل كان يطلع جورج خليل ويقرا ردات التنين وبلا ما يجيبو ال16 شاعر

طبعا مع احترامنا للشاعرين
حنا موسى ووقفاتو المذهلة
وأنيس الفغالي وجولاتو الأسطورية



خليل شحرور وأميل أبو شقرا

اللي بدي احكيه عن أميل ليس انتقاص لألو ..
بالعكس ..
يروى عن أميل أبو شقرا ..أنو كان الوحيد بعالم الارتجالي اللي ينافس زين شعيب
وفترة ظهورو كانت بالستينات جنب السيّد بجوقة خلود الفن..اللي بعتقد لمّا اجتمعو السيد وأميل أبو شقرا ..صار اسمها بنت العرزال حسب رواية ديوان الكلمة الحرة لعلي شريم

ويقال عن أميل ..أنو لما كان ينزل
بالسيارة عالحفلات هوي وزين شعيب وطليع حمدان ..كان أميل أكتر مين يرتجل عالطلعة بالسيارة والنزلة منها وتسكيرة الباب

المهم

بخصوص حفلتو مع خليل

أميل أدخل حالو بمواضيع ما كان بدو ياها

لأنو ثقافتو بالتاريخ الأسلامي مو متل ثقافة خليل

يعني بيقول

جبلي عبيد تحررو بعهد النبي ...إذا ما كنت مخربط بسبكة الردة

من البديهيات بالتاريخ الأسلامي

تحرير بلال الحبشي ..وعمار بن ياسر وغيرهن

هي ضرّتو كتير

كان أميل عم يعطي أمثلة يمكن بجيلو كانت مقبولة

تنقص رقبتها على نص الطريق

وهون كمان خليل جاوب حلو

ننحر قلب أبيض متل قلب النهار

كان خليل عم يضرب صحّ


أما بخصوص هالجملة

[COLOR="Red"][SIZE="5"]يعني حبيب قلبي بوعلي الله يرحموا بس ما كان قد جريس البستاني [/SIZE][/COLOR]

بأكدلك هاد رأيك أنت وما منقدر نناقشك برأيك ..بس تأكد في ملايين قد تعاكس هالرأي

وبحوار جريس وزين

الحماس اللي بلّشو فيه أول شي انعكس سلبا عالتنين ..لأنو برد الجمهور
بس لاحظ زين قدر يولّعها مرة تانية بينما جريس ضل بنفس البرودة[/SIZE]

[hany nassif]

[COLOR="Red"][SIZE="6"]يا هلا يا هلا بالخيّال يا عمي انت خيّال اسم عا مسمّى
حلو النقاش والله انا انبسطت بالموضوع لانو بيحمل نقاش حلو بالزجل

موضوع انيس الفغالي - حنا موسى

سيد شفيق انا بدعيك هلق ترجع تسمع المحاورة بعين الناقد للزجل و شيل الصورة من قدامك اسمع عمق انيس الفغالي
سيد شفيق عبارات انيس الفغالي بالزجل اللبناني لم تكن مسموعة قبل يمكن بعصرنا منشوفها هيني بس معفّر القوافي انيس الفغالي كان امنع و اصلب بالحوار

بيقول لولا من ثبات الصخرتين
مجد الدني و الدين ما كان انبنا

انت لمن كنت بعمر الولاد
اخدوك اهلك عالكنيسة باجتهاد
وبعد العمادة سبتوك باعتقاد
بقلبك تصير خميرة الايمان زاد
ضليت تكفر بالعتاق و بالجداد
تتنقل و تطرح جحودك بالمزاد
و حتى مرض كفرك ما ينقل عا حدا
طرشوا الكنيسة وصوبنوا جرن العماد

شو كان جواب حنا موسى بالمرتين اول مرة بحجة اخف و مش بعمق انيس يعني الرد من انيس كان راس جواب حنا بسيط
و تاني مرة صار مرقعة و كمان هيدي ميزة استعطاف الجمهور مقابل ردة راس عطا جواب بسيط مع جواب فكاهي اخد زقفة جمهور من دون مضمون قوي

اما بخصوص الختاميات لا تقارن خلود الفن بغرور الجواب
قدر حنا موسى يكون عا مسافي قريبة من قصيدة انيس الفغالي
قدر يعطي حجج صحيح بس مش عمق قدر عمق اللي لعب عليه الفغالي
بيرجع استاذ شفيق اسمحلي قلك بخصوص برودة انيس الفغالي
كل انسان عندو طريق الجواب عالمنبر

انيس الفغالي ما بعرف اذا كنت تعرفوا شخصي رحمه الله انا صرلي شرف انو تعرفت عليه طبعوا رايق و في يفيدنا خينا الاستاذ حسان بسطاطي بيعرف شو عم منقول لانو دخل بيتوا و عرف من اهلو وولادو هوي شو و بيعرف ميزة حياة الفغالي من خلال ابنو فراس

اما بخصوص الحماس عالمنبر استغرب يا رجل كيف بتفكر الحماس و البهورة عالمنبر الزجلي ما بتفيد حمست الجمهور من دون مضمون شو بتعمل
انيس الفغالي كان بارد و قلو طرشوا الكنيسة و صوبنوا جرن العماد
بهور حنا و طلع و نزل و اخر شي جاوب بمرقعة اخف من جواب انيس شو فادتوا هالحماس بالمنطق اللي بيفهم زجل ضحك عا حنا و جوابوا

مع ابو علي معروف عن بوعلي كل دقيقة بيقدر يولعها بس قدر يضل راس ولا اتضر يرجع يكبي

سبق وكان في محاورة زغيرة معك و قلتلك الراي بالحماس الزايد عالمنبر[/SIZE][/COLOR]

[COLOR="Blue"][SIZE="6"]بوعلي [/SIZE][/COLOR]

[عصام يوسف]

[SIZE="6"]





المهم

بخصوص حفلتو مع خليل

أميل أدخل حالو بمواضيع ما كان بدو ياها

لأنو ثقافتو بالتاريخ الأسلامي مو متل ثقافة خليل

يعني بيقول

جبلي عبيد تحررو بعهد النبي ...إذا ما كنت مخربط بسبكة الردة

من البديهيات بالتاريخ الأسلامي

تحرير بلال الحبشي ..وعمار بن ياسر وغيرهن

هي ضرّتو كتير



[/SIZE]

[SIZE="6"][COLOR="Navy"]حبيب القلب شفيق ... الكلام اللي قلتو مأخود من كتب المدرسه
و فيك ترجع للقرآن الكريم و الحديث الشريف
بلال الحبشي و عمّار بن ياسر كان بالفتره المكّيه ..
و معظم سفن العبيد اللي راحت عا أمريكا من 500 سنه طلعت من مدغشقر اللي كانت تابعه لسلطنة عمان بهاك الفتره و لحد اليوم تجارة العبيد متداوله بموريتانيا

بعتذر .. بس كلمة حق تُقال [/COLOR][/SIZE]

[شفيق]

[size="6"]

للأخ هاني

أنا ما بنكرو لأنيس الفغالي .بالعكس حكيك صح
أنيس أدخل لدنيا الزجل معايير جديدة ومطالع فخمة
كل اللي كان بدي قولو أنو أنيس اللي كان ببيت مري وبالمشرف وبحالات, كان متجلي أكتر من أنيس بالمدينة

وبالنسبة لحنا ..مهما كان عمق النقد أو عمق تحليل الكلمة والجواب ..حنا لعبها صحّ

[/size]