01-02-10, 02:36 AM
[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
= حفلة دالية الكرمل بتاريخ 21-1-2010 بين حسون حسون وبشار ابراهيم
=بعض من الافتتاح
يادالي جيت اهديكي فنوني=وقلادة نصر من عسكر جنوني
واذا لقبتك بست الدوالــــــــي=بخـــــــــــــاف مناصريني يعيروني
ولوما خاطرك عالكل غــــــالي=وعــنقك ما بيرضى بكل قوني
ما كان الكرمل بيسهر لـــيالي=ع خمس حروف في اسمك مصوني
ربيتي عا جبل شامخ وعالي=وبمربى العز ما خابت ظنوني
وعناقيدك حبوب من اللآلي= من وقــت اللي الله قال كوني
ولانك ساحرة وجّوك مثالي= وتحت ظلك لجوع العين موني
بقبل قول من حالي عا حالي=وراق عرايشك هدت حصوني
انا يا دالية مرتاح بــــــــــــــالي=وعا كلمة حق ما بدي معوني
وحتى يتّضح جـــوهر مقالي=انا جايي بكحل الشوق بدي
= فك الرهن عن شاشة عيوني
حسون أنصار الزجل أهلي=وغالي عَا قلبي كتير جيتها
لا تفتكر درب المجد سهلي=بتحمل مخاطر تحت طيتها
شاعر أنا ما بغفل بوهــلي=ولا بحترق من وهج كيتها
وكلما الوحي يتشردق بنهلي= وحرر مشاعر مش مبيتها
بنصب عرايش فكر عا مهلي= بيلعب خيالي تحت فيتها
حسون لو باريتك بجهلي=بتوعى الكرامي عا خطيتها
ولما عروس الشعر تندهلي=جمع شو في عندك خواطر شعر
=وبلّها وشراب ميتها
=
=قرادي :
=حسون :
يا دالي ربوعـــــــــــــــــــك ليكي= الله يســــلم ايديكي
الشمس بصبحك اعلى جبين= البدر تمرى بعينيكي
=*****
غضب الغيم وهب الريح= وقلبي بداليتي مشتي
والمي بمزراب السيـــــــح=عم بتنقط وتشتي
ارضك مزروعة مصابيح=ومرجع من جدي وستي
وصنوبرنا الما بيزيـــــــــح= زارع مجدو حواليكي
=*****
****************************************************
=بشار:
يا دالية فيكي الالهام= غط وبطل بدو يطير
بفياتك غفيوا الاحلام =وغيمك بالنخوة مطير
ولو حولت رموشي قلام= وعملت عيوني نواطير
قلامي بتكتب سحرك تام =بس عيوني ليل نهار
=بتحرس حمرة خديكي
=حسون:
بشار ببيتك محسوب=واستقبلتك في قلبي
وبين الغاضب والمغضوب=حابب افتح هالعلبة
كنك صخر الما بيذوب= كسرت الروح الصلبي
وان باعث نسرك مندوب=ب سْحر نسرك فستيكي
=بشار:
يا فستيكي بغد وامس=وراقك مطوية بدرجي
لا الشمسية بتلغي الشمس= ولا النسر بينزل درجي
ولما داعبتك بالهمس=وصرتي عليي تسترجي
شمتوا فيي حواسي الخمس= وقالوا طمعوا الاعدا فيك
= خرجك اكتر من هيكي
=حسون:
خبيني بقلبك عصفور= تا يزهر قلبك طيبي
بغزلك شمسية تدور=تشيلك من اقسى مصيبة
لكن يا شعار البور=حتى من القحل تطيبي
بالعقل زرعتلك نور= ورشيت الوحي عليكي
=بشار:
لملمت الوحي بصرّة= لما عني كنت بعيد
وتا تسود الكلمة الحرة= رخيت حبال التجديد
ويلي عليي بيتجرا= تا يفوز باعجاب الغيد
بينسى اسمو بالمرة=وعينيكي يا بنت الشعر
= شو ما بتأمر لبيكي
=معنى:
=بشار:
حسون عم شوفك بليلة بارقة=نقطة ندي بغيمة ضباب ومارقة
بتصير عينك في دموعك غارقة=ان حطيتها في عين شمسي الحارقة
شاعر انا شجرة نبوغي وارقة=وبالرغم ما عندي مواهب خارقة
بيهمني انصار فني تحبني=ولو انت ما حبيتني مش فارقة
=حسون:
نقطة ندى حسون عا غصون المدى=بتحب كل الناس ما بتكره حدا
عالشــام وديني رســــالة للفـــدى= احمي جبل سلطان من شوك العدا
وبرجع لعند الحبها قلبي وندا =نقطة ندى من شفافك بتشفي الردى
وشمسك ما ضحكت فوق موجات البحر=إلا بعد ما تبخر دموع الندى
=بشار:
شو باك مدح الذات عا فكرك سطا=لا تبالغ بتقدير نفسك سلبطة
بتحمي جبل أمن لعزتنا غطى = لو فيك ما تسخر ضميرك للخطا
ومنشان اضحك عا شفاف مقرقطة=ويشمخ علو الشمس عا ضعف الوطى
عْلواه لو ما تبخروا دموعك قوام =تا يصير في بيناتنا اخذ وعطا
=حسون:
بخر لجج فكري من بحور الادب =تا تصير شمسك تلبس خيوط الذهب
بكير بخرني دمع عم ينشرب =بتصبح الحفلي لا معاني ولا طرب
ولوما بجبل حوران وحدنا الارب= وتبخروا الارواح تا يعينوا العرب
ولوما بجبلنا الصدر ما بيعرف تعب=ولوما يا دالي بدمك المجد انكتب
ما كان من بعد المعارك والحروب= سلطان باشا تقمص بوادي الذهب
=بشار:
شو بدك بسلطان عيفو عا جنب =قلي شو انت عملت تا تفتل شنب
سلطان واجه والتحدي ما اجتنب= وانت طفرة بس طالعلك دنب
ويلي عا مجد عوايدو علا الطنب =غير البقلب المجتمع اجر الكنب
ويلي ما عندو كرم ملكو شي اكيد=بيقاتل الناطور تا ياكل عنب
=حسون :
قلو يا عنقود الدوالي والعنب = قديش كرمك فرط عنقود الغضب
بشار لوما مواهبي مصادف عجب=وجه لربك كل اسئلة العتب
ومهما تعلي الطنب قشعونا السرب= حسون غنى حد نقار الخشب
عشرين عمري وصرت سلطان القصيد= ومتلي ابن عشرين سلطان الطرب
=بشار:
لا تظن لو مزراب مقدرتك نقط =بتصير شاعر عا كلامو بينزقط
ما جيت غني حدك واربح نقط =ولا منبري بينعاب لو اسمك سقط
ناوي اذا حسون هالفرصة لقط =لو رغوة الكلمة عا مريولو شقط
رح دق تا ينقر تحت ايدي الخشب=ولا اقشعوا حسون بالاسم وفقط
=حسون :
دقدق عا خشبة منبرك يا برغشي =قررت هلق مش رح اعملك اشي
يا جاي كنزي تزين بوقية نشي =ماتو اللي خشيو بس دمك ما خشي
وتا تشوف كيف الشعر بعروقي مشي= كلمة ابن حسون منها مقطشي
عالدالية عزمتك على بساط الهوا =لكن عا مجدل شمس رح ترجع مشي
=بشار:
كرمال الله يا اوادم بـــــــــــــرتجي= تحكوا معي وتسكتوا هالبلطجي
مش ناطرك تترنم بصوتي الشجي =ولاتشحن فكاري بعروق مكربجي
استقبلتني بقناع زر بنفســــــجي=و لما وضعتك في مواقف محرجي
تنكرت لأصول الضيافة كلـــها =ونسيت انو قتلت حالك تا اجي
=حسون:
شو مفتكر بالليل بشار العقيم =جبتو تا حسمسلو عا راسو المستقيم
عزمتك على مورث سليمان الحكيم=فكرت ازرع ورد بحواض الهشيم
ما اقتنع نسري بحجة الشب الوسيم =وتا تنافس الحسون صوتك مش رخيم
ويلي تحدث مع سليمان النبي =ما بيقنع بحكيات بشار ابراهيم
=بشار قصيد :
غرقي بالنور يا شمس التحدي= اذا وصلتي على مرايات خدي
قبل ما تغرقي بقلب الحديقة = غرق العطر بالورد المندي
انا شاعر مثقف بالسليقة =واذا ما بفلسف التفكير بدي
دوزن كل اوتار الحقيقة =تا يوعى الأمس عا أحلام غدي
وعلى كل حال في حفلة عريقة=قبل ما واجب الموضوع أدي
يمكن اترك طباعي الرقيقة =تشيل الخوف من افكار ندي
وبس تجن نهداتي الطليقة= وجفن النوم يقلق عالمخدة
ضروري العدل يظهر للخليقة=نقاء الدر عن معدن مصدي
ويا حسون يا دمعة غريقة= افتخر عالكون لو غنيت حدي
اذا تماديت بتصيبك شقيقة= وعا آخك شيل مدي وحط مدي
واذا جدك الو قصة عتيقة= مع سليمان في سيطو المودي
نورنا بشي حالة دقيقة=فيها تباحثو بموضوع جدي
ولانك عاجز تلاقي طريقة=تبرر موقفك في كل ردة
ولحرب الفكر روحك مش وثيقة= ونفسك بعدها مش مستعدة
كنت منشان ما ولع حريقة= وانت ما تقنع بعطف ومودي
قبل ما تبلش الحفلة بدقيقة=حدفني عا جنب بالهمس قلي
= انا حسون فهماتي عا قدي
=موشح:
=بشار
من لما تم ظنـــــــــــــوني= وجناتك باس
مش قادر حط عيوني= بعيون الناس
=قصيد الختام:
يخزي العين هالحفلة البديعة= ع وهج حضورها عيني بصيري
جيت وجايب بقلبي ذريعة = علالله الناس تستطيب عصيري
الشاعر قادر بلمحة سريعة =حتى رغم عن يدو القصيري
من ورقة وقلم يخلق طبيعة= اذا بيتفلسف بوصف الحصيري
وانا ماشي على ذات الشريعة=وما فيي اكسر بخاطر نصيري
ويا دالي الذوق موجاتو رفيعة=وببحرو بخاف اغرق كنت لوما
= بخشبة حبك تعلّق مصيري[/poem]
= حفلة دالية الكرمل بتاريخ 21-1-2010 بين حسون حسون وبشار ابراهيم
=بعض من الافتتاح
يادالي جيت اهديكي فنوني=وقلادة نصر من عسكر جنوني
واذا لقبتك بست الدوالــــــــي=بخـــــــــــــاف مناصريني يعيروني
ولوما خاطرك عالكل غــــــالي=وعــنقك ما بيرضى بكل قوني
ما كان الكرمل بيسهر لـــيالي=ع خمس حروف في اسمك مصوني
ربيتي عا جبل شامخ وعالي=وبمربى العز ما خابت ظنوني
وعناقيدك حبوب من اللآلي= من وقــت اللي الله قال كوني
ولانك ساحرة وجّوك مثالي= وتحت ظلك لجوع العين موني
بقبل قول من حالي عا حالي=وراق عرايشك هدت حصوني
انا يا دالية مرتاح بــــــــــــــالي=وعا كلمة حق ما بدي معوني
وحتى يتّضح جـــوهر مقالي=انا جايي بكحل الشوق بدي
= فك الرهن عن شاشة عيوني
حسون أنصار الزجل أهلي=وغالي عَا قلبي كتير جيتها
لا تفتكر درب المجد سهلي=بتحمل مخاطر تحت طيتها
شاعر أنا ما بغفل بوهــلي=ولا بحترق من وهج كيتها
وكلما الوحي يتشردق بنهلي= وحرر مشاعر مش مبيتها
بنصب عرايش فكر عا مهلي= بيلعب خيالي تحت فيتها
حسون لو باريتك بجهلي=بتوعى الكرامي عا خطيتها
ولما عروس الشعر تندهلي=جمع شو في عندك خواطر شعر
=وبلّها وشراب ميتها
=
=قرادي :
=حسون :
يا دالي ربوعـــــــــــــــــــك ليكي= الله يســــلم ايديكي
الشمس بصبحك اعلى جبين= البدر تمرى بعينيكي
=*****
غضب الغيم وهب الريح= وقلبي بداليتي مشتي
والمي بمزراب السيـــــــح=عم بتنقط وتشتي
ارضك مزروعة مصابيح=ومرجع من جدي وستي
وصنوبرنا الما بيزيـــــــــح= زارع مجدو حواليكي
=*****
****************************************************
=بشار:
يا دالية فيكي الالهام= غط وبطل بدو يطير
بفياتك غفيوا الاحلام =وغيمك بالنخوة مطير
ولو حولت رموشي قلام= وعملت عيوني نواطير
قلامي بتكتب سحرك تام =بس عيوني ليل نهار
=بتحرس حمرة خديكي
=حسون:
بشار ببيتك محسوب=واستقبلتك في قلبي
وبين الغاضب والمغضوب=حابب افتح هالعلبة
كنك صخر الما بيذوب= كسرت الروح الصلبي
وان باعث نسرك مندوب=ب سْحر نسرك فستيكي
=بشار:
يا فستيكي بغد وامس=وراقك مطوية بدرجي
لا الشمسية بتلغي الشمس= ولا النسر بينزل درجي
ولما داعبتك بالهمس=وصرتي عليي تسترجي
شمتوا فيي حواسي الخمس= وقالوا طمعوا الاعدا فيك
= خرجك اكتر من هيكي
=حسون:
خبيني بقلبك عصفور= تا يزهر قلبك طيبي
بغزلك شمسية تدور=تشيلك من اقسى مصيبة
لكن يا شعار البور=حتى من القحل تطيبي
بالعقل زرعتلك نور= ورشيت الوحي عليكي
=بشار:
لملمت الوحي بصرّة= لما عني كنت بعيد
وتا تسود الكلمة الحرة= رخيت حبال التجديد
ويلي عليي بيتجرا= تا يفوز باعجاب الغيد
بينسى اسمو بالمرة=وعينيكي يا بنت الشعر
= شو ما بتأمر لبيكي
=معنى:
=بشار:
حسون عم شوفك بليلة بارقة=نقطة ندي بغيمة ضباب ومارقة
بتصير عينك في دموعك غارقة=ان حطيتها في عين شمسي الحارقة
شاعر انا شجرة نبوغي وارقة=وبالرغم ما عندي مواهب خارقة
بيهمني انصار فني تحبني=ولو انت ما حبيتني مش فارقة
=حسون:
نقطة ندى حسون عا غصون المدى=بتحب كل الناس ما بتكره حدا
عالشــام وديني رســــالة للفـــدى= احمي جبل سلطان من شوك العدا
وبرجع لعند الحبها قلبي وندا =نقطة ندى من شفافك بتشفي الردى
وشمسك ما ضحكت فوق موجات البحر=إلا بعد ما تبخر دموع الندى
=بشار:
شو باك مدح الذات عا فكرك سطا=لا تبالغ بتقدير نفسك سلبطة
بتحمي جبل أمن لعزتنا غطى = لو فيك ما تسخر ضميرك للخطا
ومنشان اضحك عا شفاف مقرقطة=ويشمخ علو الشمس عا ضعف الوطى
عْلواه لو ما تبخروا دموعك قوام =تا يصير في بيناتنا اخذ وعطا
=حسون:
بخر لجج فكري من بحور الادب =تا تصير شمسك تلبس خيوط الذهب
بكير بخرني دمع عم ينشرب =بتصبح الحفلي لا معاني ولا طرب
ولوما بجبل حوران وحدنا الارب= وتبخروا الارواح تا يعينوا العرب
ولوما بجبلنا الصدر ما بيعرف تعب=ولوما يا دالي بدمك المجد انكتب
ما كان من بعد المعارك والحروب= سلطان باشا تقمص بوادي الذهب
=بشار:
شو بدك بسلطان عيفو عا جنب =قلي شو انت عملت تا تفتل شنب
سلطان واجه والتحدي ما اجتنب= وانت طفرة بس طالعلك دنب
ويلي عا مجد عوايدو علا الطنب =غير البقلب المجتمع اجر الكنب
ويلي ما عندو كرم ملكو شي اكيد=بيقاتل الناطور تا ياكل عنب
=حسون :
قلو يا عنقود الدوالي والعنب = قديش كرمك فرط عنقود الغضب
بشار لوما مواهبي مصادف عجب=وجه لربك كل اسئلة العتب
ومهما تعلي الطنب قشعونا السرب= حسون غنى حد نقار الخشب
عشرين عمري وصرت سلطان القصيد= ومتلي ابن عشرين سلطان الطرب
=بشار:
لا تظن لو مزراب مقدرتك نقط =بتصير شاعر عا كلامو بينزقط
ما جيت غني حدك واربح نقط =ولا منبري بينعاب لو اسمك سقط
ناوي اذا حسون هالفرصة لقط =لو رغوة الكلمة عا مريولو شقط
رح دق تا ينقر تحت ايدي الخشب=ولا اقشعوا حسون بالاسم وفقط
=حسون :
دقدق عا خشبة منبرك يا برغشي =قررت هلق مش رح اعملك اشي
يا جاي كنزي تزين بوقية نشي =ماتو اللي خشيو بس دمك ما خشي
وتا تشوف كيف الشعر بعروقي مشي= كلمة ابن حسون منها مقطشي
عالدالية عزمتك على بساط الهوا =لكن عا مجدل شمس رح ترجع مشي
=بشار:
كرمال الله يا اوادم بـــــــــــــرتجي= تحكوا معي وتسكتوا هالبلطجي
مش ناطرك تترنم بصوتي الشجي =ولاتشحن فكاري بعروق مكربجي
استقبلتني بقناع زر بنفســــــجي=و لما وضعتك في مواقف محرجي
تنكرت لأصول الضيافة كلـــها =ونسيت انو قتلت حالك تا اجي
=حسون:
شو مفتكر بالليل بشار العقيم =جبتو تا حسمسلو عا راسو المستقيم
عزمتك على مورث سليمان الحكيم=فكرت ازرع ورد بحواض الهشيم
ما اقتنع نسري بحجة الشب الوسيم =وتا تنافس الحسون صوتك مش رخيم
ويلي تحدث مع سليمان النبي =ما بيقنع بحكيات بشار ابراهيم
=بشار قصيد :
غرقي بالنور يا شمس التحدي= اذا وصلتي على مرايات خدي
قبل ما تغرقي بقلب الحديقة = غرق العطر بالورد المندي
انا شاعر مثقف بالسليقة =واذا ما بفلسف التفكير بدي
دوزن كل اوتار الحقيقة =تا يوعى الأمس عا أحلام غدي
وعلى كل حال في حفلة عريقة=قبل ما واجب الموضوع أدي
يمكن اترك طباعي الرقيقة =تشيل الخوف من افكار ندي
وبس تجن نهداتي الطليقة= وجفن النوم يقلق عالمخدة
ضروري العدل يظهر للخليقة=نقاء الدر عن معدن مصدي
ويا حسون يا دمعة غريقة= افتخر عالكون لو غنيت حدي
اذا تماديت بتصيبك شقيقة= وعا آخك شيل مدي وحط مدي
واذا جدك الو قصة عتيقة= مع سليمان في سيطو المودي
نورنا بشي حالة دقيقة=فيها تباحثو بموضوع جدي
ولانك عاجز تلاقي طريقة=تبرر موقفك في كل ردة
ولحرب الفكر روحك مش وثيقة= ونفسك بعدها مش مستعدة
كنت منشان ما ولع حريقة= وانت ما تقنع بعطف ومودي
قبل ما تبلش الحفلة بدقيقة=حدفني عا جنب بالهمس قلي
= انا حسون فهماتي عا قدي
=موشح:
=بشار
من لما تم ظنـــــــــــــوني= وجناتك باس
مش قادر حط عيوني= بعيون الناس
=قصيد الختام:
يخزي العين هالحفلة البديعة= ع وهج حضورها عيني بصيري
جيت وجايب بقلبي ذريعة = علالله الناس تستطيب عصيري
الشاعر قادر بلمحة سريعة =حتى رغم عن يدو القصيري
من ورقة وقلم يخلق طبيعة= اذا بيتفلسف بوصف الحصيري
وانا ماشي على ذات الشريعة=وما فيي اكسر بخاطر نصيري
ويا دالي الذوق موجاتو رفيعة=وببحرو بخاف اغرق كنت لوما
= بخشبة حبك تعلّق مصيري[/poem]