مــــــــرمـــــــريتــــــــا

[بسطاطي]

[SIZE="7"][COLOR="Navy"]

[COLOR="Red"]يــــــــامرمريتــــــــــــا[/COLOR]

يامرمــــريتا بعــــد حــــــرماني *** عَ خمــــر حبّك صار أدماني
من كتر ماغرفتي البلاغة غرف *** صارت وراق الكتب ورماني
باليــازجيّي اعتـــز مجد الحرف *** من حكم قــاسي وظلم عثماني
إنتي احترفتي الأبجديّي الصرف *** وجيرانك احتـــرفو المشلماني

***

يامرمريتــــا كتيــــر مشتقلِك *** قلبــــي المـــدلّل عم بيشهقلِك
وكلشي بيلبق ورد للأعراس *** إنتـــي الورد أكتــــــر بيلبقلِك
وكل ما بالدّيـر رنّـــو جراس *** لمــــلايكي بــــالهمس تبعقلِك
أصحا الصبح يغافل الحرّاس *** ويعشق حلاكي ويلعب بعقلِك

***

كــام منّـــك طــــل معمرجي *** عملو صخـــور بلادنا فرجي
من تيابهن غبرة العطر تفوح *** تخلّي زرار الورد منحـرجي
من "خليل" ومن أبو" مسّوح *** ومن "أبو نظام وأبو جرجي"
ببلادنا قديش شقعو صروح *** عَ القنطرا شقعو الشمس مراي
ونحتو القمر عَ مدخلك درجي

***

يامرمــريتــا الفن بعدك بَح *** ومن بعـــدك بتبــقى الدنـــي قفرا
تخرسن البلبل والكنار انبَح *** وصارت غصون الموهبي صفرا
لاتفكري عَ الكبَرعزّك شَح *** بعــــدك ربيــــع بـــــأوّل السّــفرا
قلبي إِلِك لولا جـوابك صَح *** " وكـــل غلطــة منّـــك بكَفــــرا "

ــــــــــــــــــــــــــــــــــــــ حسّان بسطاطي _ مرمريتا _صيف 2008

[/COLOR][/SIZE]