من بوعلي لبوعلي شرّف يا استاذ حسن بنوت بي كل محبة

[hany nassif]

[SIZE="5"][COLOR="Red"]

يا مرعوبين من إسمي و فنـوني
أنا الواعـــي الما فيكن تلحقـوني
أنا هاني أنا من الدهر أكبر
الفصول الأربعة اللي بيخدموني

نجوم الليّل و البدر المنّور
ما بيطلطلو إن ما استأذنوني
وصعبة قيامتك من بعد مطهر
إذا ما صوروني بقلب قوني

أنا إلماس صافي و عقد مرمر
أنا من الدّر أكثر تمنوني
أنا بي جنّة الرحمان كوثر
ما بتطهرو إن ما بتلمسوني

أنا عالمنبر الشاعر الأمهر
بنات الوحي ياما غنجوني
أنا بالفلسفة شاعر مخمّر
جبران و أرسطو بيحسدوني

أنا بكانون تاني تلج أطهر
على صنين عم ريّح جفوني
أنا بي شباط خير بزت أكتر
تا شبّع سواقي شربوني

أنا بآذار وردي ورد زهّر
وجودي أمّ للكلمة الحنوني
أنا بنيسان مع صاج المقمر
بربعن مع فراشة و زيزفوني

وبعيد العامل الأصلب و أجبر
بصلّي حد مريمنا المعوني
وعارمل الشط هاني رمل أصفر
عا أجسام الصبايا الشيبوني

وبتموز بشرب خمر عنبر
تاالكاسات هنّي يسكروني
وبجي مع جيشنا الحر المظفر
بعيّد صاحب السمعة المصوني

أنا بأيلول عالكرم المنّور
بعبي البيت مني ليك موني
وبتشرين أول عالمكبّر
بيجو الأصحاب حتى يعيّدوني

و ع إستقلال لبنان الموقّر
بنشيد الأرز انتوا بتنشدوني
وبميلاد يسوع التنصّر
عا جنب مغارتو بترتلوني

وع راس السنة تالأيام تعمر
بيحطوني أمل بي كل محفل
وغر بالقلب مش عم يزرعوني


بعد ما سنين زين شعيب ذابوا
و زجلنا بهالدني النسيان صابو
خلق شاعر سرق حلم الصبية
وملاك الحب أعلن انسحابو

و بعركات التحدي المنبرية
أنا للمنبر بجدد شبابو
عليي لو هجم بالشعر ميّة
هاني صعب يركع عَ ركابو

أنا إمي الشمس لبنان بيي
أرز لبنان خيي على هضابو
ومازال المنتدى عندو قضيّة
يوضّح مين زين بلا عتابو

بسأل بو علي التاني يا خيي
لقب زين التحدي منين جابو
ما بدي يا حسن تشفق عليي
انا عمري عجنّي من عذابو

يا حامل إسم و مبهبط شويّ
وخجل مليان ببطانة جيابو
جايي شلحك تاجك بيدييّ
و بلّغ كل شعار المعنّى
وصون الاسم بحضوروا و غيابو


يا زين شعيب إنهض من ثباتك
شو فاتك بالشعر عالنت فاتك
إجا من المروانيّة شب أسمر
يبني مَجِدْ عا بَقوة فُتاتك

وأنا بوضعك يبن بنوت أخبر
ما فيك تشوف إلا عا سواتك
إذا وديّت بالإبداع أبجر
ما بضمن للبشر تسلم حياتك

عرفت مبارحة بيتك تكسر
هيكي مخبرة العالم حماتك
وأنا عندي من النسوان أكتر
وانت مقطوع منهم يا مشحّر
لأنّو الوقت يا حسون فاتك



إفتخر و ارفع جبينك يا زماني
انا رب القصيد الاولاني
باسمي بوعلي و بالحرب عنتر
استحى صنين من غبرة حصاني

و انت شو انت يا خامل مختيّر
يا نملة راكضي تزق الزواني
انت ختيار عالمنبر مهرهر
علينا و عالشعر يا كبير جاني

انا هاني انا المارد الاسمر
جبل صنين حدي طفل حاني
انا سيف النبوة و مجد عبقر
لزين شعيب رديت الاماني

أنا منّك يبن بنوت أشعر
الشعر فرّق مكانك عن مكاني
و بطون الشعر و الفن المجوهر
متلك انت عطيت كل ساعة
و ما جابت بوعلي عا شكل هاني

[/COLOR][/SIZE]

[SIZE="4"]بوعلي[/SIZE]

[COLOR="Blue"][/COLOR]

[hany nassif]

[SIZE="5"][COLOR="Red"]عفوا قطع خطأ بالقصيدة الاخيرة بتمنى من الادارة تعطينا مجال للتعديل عليها

إفتخر و ارفع جبينك يا زماني
انا رب القصيد الاولاني
باسمي بوعلي و بالحرب عنتر
استحى صنين من غبرة حصاني

و انت شو انت يا خامل مختيّر
يا نملة راكضي تزق الزواني
انت ختيار عالمنبر مهرهر
علينا و عالشعر يا كبير جاني

انا هاني انا المارد الاسمر
جبل صنين حدي طفل حاني
انا سيف النبوة و مجد عبقر
لزين شعيب رديت الاماني

أنا منّك يبن بنوت أشعر
الشعر فرّق مكانك عن مكاني
و بطون الشعر و الفن المجوهر
متلك انت عطيت كل ساعة
و ما جابت بوعلي عا شكل هاني

هيدي القصيدة المعدلة[/COLOR][/SIZE]

[hany nassif]

[SIZE="5"][COLOR="Red"]كمان قطع خطأ بتاني قصيدة بطلب من الادارة اقدر عدل و هيدا بسبب خطأ بنقل القصيدة

لأني اليوم رح إنهي حياتك

و الصحيح :
:mad::mad::mad:
لأنو الوقت يا حسون فاتك[/COLOR][/SIZE]

[حسن بنوت]

[size="6"]رتبلو هالقصيده شوي يا عصام من شان الله
وأنا راجع بالسهره
يحضر حالو[/size]

[slayman]

[SIZE="6"][COLOR="Navy"]حلوووووووووووووووووووووووووووووووو يا هاني ضيعتونا مين بو علي
ههههههههههههههههههههههههههههههههههههههههههههههههههههههه[/COLOR][/SIZE]

[عصام يوسف]

يا ميت أهلا بّو علي و بّو علي=
يا زنود دبّيكي بعرس المرجلي=
خايف إذا بتتقاسموا المنبر سوى =
بالمنتدى ما يْضل في حصّه إلي=

[hany nassif]

[SIZE="5"][COLOR="Red"]يا بو شربل خافوا الله و الانبيا و الرسل انت و عصام يوسف و حسن بنوت شرفوا بقا كل واحد عا بلدوا تا نعمل هالحفلة انا و حسن بالمروانية و معك حفل ببرحليون و مع عصام بي مشتى الحلو
يا حسن انا علي و انت بو علي بترضى انو علي يضل محروم منك و انا شربل يا بو شربل بترضى انو شربل يقعد بي برحليون وحدو و يا عصام بترضى المشتى ينحرم من جمال شعرك تضربوا انتو التلاتي و شرفوا بقى حرام البلدان تخسر المبدعين و العقول
يا حسن بنوت ناطرك بالمروانية انا و مجد ادهم خنجر[/COLOR][/SIZE]

[hany nassif]

يا ميت أهلا بّو علي و بّو علي=
يا زنود دبّيكي بعرس المرجلي=
خايف إذا بتتقاسموا المنبر سوى =
بالمنتدى ما يْضل في حصّه إلي=

[SIZE="7"]

[COLOR="Red"]لو بيعدو المندفعين
من اهل الدنيا و الدين
كلن واحد بالمية
و عصام التسعة و تسعين[/COLOR]

[/SIZE]

[hassankawsarani]

[COLOR="Red"][SIZE="5"]

يا عصام سآل شرع المتولي *** بتضل كنية بو علي تطلع إلي
لو ما علي ما عاش إسمك يا حسن *** ولو ما حسن ما عاش
إسمك يا علي

[/SIZE][/COLOR]

[حسن بنوت]

يا مشتاوي يا منبر شعرعالي=وصل مجدك لنجمات الاعالي
انحنى البدر وعلى الخدين باسك=تيتبارك من صحاب المعالي
يا مشتى أرفع بهالكون راسك=بشاعر عينتين الشعر مالي
بني عاقبة الزرقا اساسك=وزرع قرص الفلك در ولآلي
يا هاني روّق وهدّي مَراسك=ولا تمشي الدرب ضايع لا مبالي
وبكلمات الادب عبي كياسك=قبل ما تزغر بعين الاهالي
وحرّك فكرك وشغّل حواسك=وألبس من وحي الالهام هالي
وخللي الحلو يمرق عا ضراسك=على منبر إله الارتجالي
أنا مجبور فصّل عا قياسك=ونقّص من رصيدي ومن كمالي
وحيّك من عطف قلبي لِباسك=لأنو واجبي حفظ الرسالي
وإذا سيفي قضالك عا حماسك=وقطف راسك متل حب الدوالي
بيكون الجهل عبا اليوم كاسك=وغرور الفيك غطا عالجهالي
عصام المن قبل يومين داسك=شاعر لحن الكلمه ليالي
لا قدو ولا قياسو من قياسك=ولا شعرك متل شعرو خيالي
يا جايي بساحتي تربّع جراسك=وتعمل بوعلي وتشمخ قبالي
برصاص الشعر ما بيحرز قواسك=لأنو من بعد عصام يوسف
=غير الريش منك ما بقالي
***=***
يا جايي ولابس من الكذب بدلي=وعم تنادي ما في عملاق بدلي
وعامل بوعلي ودجال شكلك=أنا بسرك يا بن ناصيف بدلي
الاسم لا لاق فيك ولا لبقلك=وأنا بشهدلك بحقي وعدلي
اذا بتحكّم بهالامر عقلك =وتجي وجايب معك سجل عدلي
اذا حبيت عالاسم نوافقلك=تعا يا بو الهنا جبلي وجدلي
جبلي باب بالحرب انطرقلك=جبلي نصر فيه عملت جدلي
جبلي شو نتج بالشعر حقلك=جبلي من خيوط الوحي جدلي
جبلي كم نبي تقلو عا تقلك=جبلي كم ولي نخ وسجدلي
جبلي وشو تجبلي ما انطبقلك=اذا بيقوم زين من المقابر
=قولو ند بالشعر انوجدلي
***=***
انت مينك يا طول بدون غله=يا جايي تنقل الميي بسله
تحداني عا شكلك ألف أقرع=تحديهن معي حسبتو تسله
إذا جايي حسن بنوت تصرع=بردة جهل وبصوتك تعلي
بردك من بعد ما الموت تجرع=على جهنم تزيد الطين بله
زيح تحلحل تحرك تفرع=بعود ومن طريق الزلم ولي
إذا بتكون من شيبوب أبرع=يا شيبوب الزجل شو باك قلي
يا هاجم عا دروب الموت أسرع=من صاروخ بالطالع معلي
بيك قال إبن جديد أزرع=وأمك عند ما سمعت بموتك
=عم تندب يا تعتيري يا دلي
***=***
يا ساحة بوعلي بعدك فتيي=وغنيي بالشعر والعنتريي
لا تشكي فرقة الزين وغيابو=وأنا وجودي لمجدو معنويي
يرحم زين هالكان بشبابو=ملك عالشعر وفكارو سخيي
كتر ما دهدك الكلمه بكتابو=خطف مهجه منى وسلوى وعليي
وعلى منبر الزجلي وعا خشابو=إن وقف زين وصرخ صرخه قويي
الأرض تصير ترجف من خطابو=متل ما بترجفي يا أشطليي
وأنا بعدو متى الكاسات طابو=مع رجال الزجل والعبقريي
بيجي قدموس زحف على ركابو=وإلي جايب حروف الابجديي
وإذا خصمي تبارى في حرابو=بعركة شاعريي حربجيي
سيفي لو سحبتو من قرابو=الشمس بتضل جمعه منطفيي
وإبن ناصيف ما بعرف شو صابو=جايي يشمّر زنودو الطريي
جايي يزمجر ويعرض نيابو=جايي يطوّل لسانو عليي
ولك عني خبرو حضرة جنابو=لأنو الشب جهلان القضيي
تا خللي القتل يهريلو جنابو=ولسانو أفرمو مليون شقفه
=إذا بيحكي بحق المروانيي
***=***
خصمي عالحرب جبرتو=العضم كسرتو وما جبرتو
قصدت الربع قتلت السبع=وعا راس النبع قبرتو
***=***
طلبنا فارس عالميدان=ودولي الاسمو ناصيف
بيضلو عابس حردان=عيونو حول وراسو نضيف
لوما سوريا ولبنان=وأرض المشتى وأهل الريف
قلتلو افرقني يا فلان= ولا حكيتو ولا عبرتو
***=***

[hany nassif]

[SIZE="6"][SIZE="5"][COLOR="Red"]ناصيف ان جال الميدان
قبالو لا تعجن و تلّت
مافي فلان و إبن فلان
و لا إبن العبدة و الست
وخيّال منابر لبنان
قدامو سلاحك بتزت
و لمّا بيتلاقو الفرسان
سلاح الشاعر مقدرتو [/COLOR][/SIZE][/SIZE]

[SIZE="4"][COLOR="Blue"]بوعلي [/COLOR][/SIZE]

[حسن بنوت]

***=***
خصمـي عالـحـرب جبـرتـو=العضـم كسرتـو ومـا جبرتـو
قصـدت الربـع قتلـت السـبـع=وعــا راس النـبـع قبـرتـو
***=***
مقدرتي وحي وإلهام=وبكتاب الحكمه دارس
وبالساحه أول مقدام=الدهر على بابي حارس
وبكرا مع مر الايام=تبقى خبّر عن فارس
من صدرك شال الاقلام=ومن دماتك محبرتو
***=***

[hany nassif]

[SIZE="5"][COLOR="Red"]من ضلوعي الالهام انصب
و نقى الكلمة تنقاية
و كب العجوة و خلى الحب
تا يربيكون ترباية
و رب الكلمة اللي بينحب
من ضلوعي جاب حكاية
و بحوّا نوّر هالدرب
انشالله تكونو تنورتوا[/COLOR][/SIZE]

[SIZE="4"][COLOR="Blue"]بوعلي[/COLOR][/SIZE]

[حسن بنوت]

***=***
القول العندك مش مظبوط=والقفله الفيها مش صح
لا آدم منك مبسوط=ولا حوا بتقلك دح
طلاع نزال وشد وشوط=وصرخ تا صوتك ينبح
بتضلك قد الجلبوط=مهما راسك كبرتو
***=***

[hany nassif]

[SIZE="6"][COLOR="Red"]

جلبوط الكلمة من وين
جايبلي هالمقطوعا
و نحنا بين الكلمة و بين
الكلمة آية مرفوعا
هاني مربي غراب البين
و كل الشعرا المنزوعا
وانت المش سارق من زين
الا اسمو و بهورتو[/COLOR][/SIZE]

[COLOR="Blue"][SIZE="5"]بوعلي[/SIZE][/COLOR]

[hany nassif]

[COLOR="Red"][SIZE="5"]

يا بو علي حضّر خدودك عالكفوف
جاييك شاعر رجّف قبالو ألوف
ما بريد تحكيني بقلب ناعم عطوف
واياك تحسبني من زغار الضيوف
هاني انا عا منبري بنحت حروف
و ما ضل غيرك يا حسن شرّف و شوف
يا بشلحك هالاسم و بخلّص بقا
يا برقصك بالشعرعا شفار السيوف[/SIZE][/COLOR]


[SIZE="4"][COLOR="Blue"]بوعلي[/COLOR][/SIZE]

[حسن بنوت]

*****
يازين لا تعتل الهم بمطرحك=عملاق غيري مين عبـّا مسرحك
تحضـّر يا بن ناصيف والبس ملفحك=من قبل ما ريح الجنوبي يلفحك
ومن قبل ما تشلـّح جَنابي وشلـّحك=بمشتى الحلو بدها الخليقه تنصحك
لا تشهر سيوفك بساحة بو علي=منخاف عالسيف البإيدك يجرحك
*****

[slayman]

[SIZE="6"][COLOR="Navy"]شو كان بدك بها العلقة يا هاني عصام بيحاورك بالورد والزهر هون بو علي ما بيعرف

شو الورد والزهر عا المنبر خخخخخخخخخخخخخ ما في يا امي ارحميني


هههههههههههههههه يلا تا شوف بو علي مين
:beer::beer::beer::beer::beer::beer::beer::beer:
بحر الزجل[/COLOR][/SIZE]

[hany nassif]

[SIZE="6"][COLOR="Red"]بنّوت هذّب مطلعك جنب الكبار
و شوف النحت بالسيف و احكيني بوقار
يا أرض مشتى العز يا مرج الخضار
والله بعتيلي خصم يلقى بهالحوار
عطيتك مجد سيفي اللي شرقط وهج نار
بدلتو بخدعة مبيني و الحقد جار
و هوني صوات الحق صاحت لا فتى[/COLOR][/SIZE]

[SIZE="6"][COLOR="Red"]الا علي و لا سيف الا ذو الفقار[/COLOR][/SIZE]

[SIZE="5"][COLOR="Blue"]بو علي[/COLOR][/SIZE]

[hany nassif]

[SIZE="5"][COLOR="Blue"]انا بعتذر على التأخير ظروف عمل و سفر بس يا بو شربل جلدك عم يرعاك حاسس انا ؟؟؟؟

بوعلي[/COLOR][/SIZE]