وردة الحمــــــــــرا

[بسطاطي]

[COLOR="Red"]

[SIZE="6"]يا وردة الحمرا
أنا مشتاق
لوّن من قمارك
سما الأشواق
وطرطش على
خدودك
عطر ونبيد
وأسكبلك الّلهفي
من الأعماق
***
وقطّف من وراقك
قصيد جديد
وشعر وغزل
بيمجّد الخلاّق
وأكرج متل دوري
على القرميد
من عيون مشتاقة
وقلب خفّاق
***
تا شبّع عيونك
حلا وتغريد
وتا خبّرك شو
هالقلب توّاق
ولمّا الحلا
يسأل عَ حب جديد
ويكون عَ الماضي
بعد ما فاق
***
بيطل لكن
من عدا مواعيد
بيعرف بأنّو
هالعمر ســراق
متل الجمر
يشعل عَ صدر جليد
وتحفر دموعو
بالمدى أنفاق
***
ومن قبل
مايلوّحو عناقيد
متل الخجل
عن شفّة السمّاق
قطّفلك قمار
الورد بالأيد
وشلال أزرق
من عطر دفّاق
***
وقلوب حمرا
متل جمر وقيد
بتشهق ألك
من نهدتين غماق
وغيوم حمر
لمن عدا عواميد
يطير منها وراق
تبقى وراق
تلوّن سما
بالحب والتنهيد
وخلّي الدّني
تغيّم بعيد الحب
وتتلج ورد
أحمر على العشّاق


ــــــــــــــــــــــــــــــــــــــــــــ حسّان 13 / شباط / 2010[/SIZE]

[/COLOR]

[مي خلوف]

كعادتك حسان كلام جميل
والصور أجمل
تحية لك للمشاعر الحساسة والمرهفة التي تنبض حبا بين الحرف والكلمات
وعيد مبارك لكل العشاق وبالدرجة الأولى الشعراء

[بسطاطي]

[SIZE="6"][COLOR="Red"]

الوردي الحمرا ما بتقبل *** تربى بالفيّ
لازم حتّــى مـــا تدبــــل *** تسقيها ميّ

[/COLOR][/SIZE]

[فؤاد يوسف]

تلج دافي

[SIZE="6"][COLOR="Red"]في واسطة حسان صار العيد .... يتلج ورد جوري وزهر دراق

عالعاشـقـين بحـب وزغاريـد .... برقة وشفافـية وحسن أخلاق



تلجك دافي ياحسان ..... ورومنسي ومليان عطور

ومواضيعك عالي الشان .... بتمنح أهل الشعر شعور [/COLOR][/SIZE]

[م.جورج عبدوش]

[SIZE="6"][COLOR="Green"]عذوبة الكلام ..

ورقة التعابير ...


ودفء الأحاسيس ..


وشفافية الصور [/COLOR]..

[COLOR="Purple"]شكراً لك َ .. وكل عام وأنت والجميع بخير [/COLOR]


[COLOR="Cyan"]مع تحياتي [/COLOR].[/SIZE]

[slayman]

[SIZE="6"][COLOR="Navy"]بحيــــــاة ربّك... قلّها يا عيد
ما عاد بدّي جبلها هديّة

نفّضت صار الحب عنّي بعيد
وغير التعب ما بيسأل عليي

راح العمر ...والحب مش بالأيد
وتا بيع قلبي اليوم ما فيي

وناطر حنيني يوم عيد جديد
يفلفش بروحي وراق منسيّي

شبّعتني بعام المضى تنهيّد
وتركت فييي جروح مخفيي

وسقيتني من كروم همي نبيد
وما كنت أرضى بغير ألفيّة

وتركت فيي بالهوى عناقيد
وحبوب بالنسمات مدريي

ومع كل هيدا طلّتك بتزيد
نار المحبة وفرحة العشّاق
وزهور فوق قلوب مرميي



بحر الزجل

بو شربل[/COLOR][/SIZE]