13-03-10, 02:36 AM
[SIZE="6"][COLOR="Blue"]
[COLOR="DarkRed"]العمالقة وشاعر المشتى حسان بسطاطي[/COLOR]
قالو:
يخرب زوقك يا صبي ...
بتكتب متل اللي عمرو ( سبعين سنةْ شعـر ) .
[COLOR="DarkRed"] سعيد عقل 1994[/COLOR]
*****
عندك نَفـَسْ عذري , خَـلِّيك بها الزَّخم والإيمان .
[COLOR="darkred"]وديع الصافي 1994[/COLOR]
*****
كل ما بقـْراكْ بشوف حقـولنا زهَّـرت واخضر لون الحكي .
[COLOR="darkred"] منصور الرحباني[/COLOR]
*****
إذا الشعر مات بلبنان بيعيش بسوريا .
[COLOR="darkred"] ميشال قهوجي[/COLOR]
*****
..................
[COLOR="darkred"]حكاية حلا : بقلم رفيق روحانا[/COLOR]
بيقول دوستويفسكي : " الجمال بِيْخَلِّص العالم " . الشعر أكتر فنّ من الفنون إلو علاقا بالجمال . وهَيك فينا نقول : الشعر بِيوَحِّد العالم . مين بيقول إنو قصايد هالكتاب مِش عامِلا شاعر لبناني !!! لِغة هالقصايد وأوزانا وتِركيبا وحتّى مواضيعا ... كأنّا نابعا من جبل لبنان . عَ كل حال ، كِل عمرو الشط السوري من النهر الكبير لخليج الاسكندرون جانح لَطَير الفينيق اللي جِسمو لبنان وجوانحو بـِتطال كِل هالشط الشرقي للمتوسط من خليج الاسكندرون لعريش مصر .
ما قدِرت فَرِّق بين حسّان بسطاطي وأي شاعر لبناني كبير . يمكن هَيدا أول سبب خلاّني حبّ شِعرو وإكتِبلو هالمدخل لديوانو "نبـيد وجمـر وشفاف". أما الأسباب الباقيي فهِيّي كتيري . أهمّا تلاتي
[COLOR="DarkRed"]روح السَوْرا:[/COLOR]
البـِتوَعّي وبِتعَمِّر مِش اللي بِتهَبِّط أو بـِتوَدّي ع الجهل . سَورا بتِنبَع من العنفوان اللي ما بيِرضى إلا يسَيطِر الحق بكل القضايا . وحسّان من الشعرا اللي ما خافو يِرفَعو صَوتُن الصارِخ بوجّ كل فِكرا أو موقف أو حتى عقيدي ما بتِتماشى مع الحق .
والرائع عند حسّان بسطاطي ، إنّو بيعرف كيف يِعلُن السَورا هُوّي وعميِكتب غزل أو يوصف الطبيعا أو يتأمل بقضايا العقل .
وأروع القصايد اللي فِيا روح السَورا هِيّي اللي بيِتوجَّه فِيا لألله ، وبيسمّيه "إيل" تا يصير في بَيناتـُن شي من الميتولوجيا بيِسمحلو يتجرأ ويقول : "لـَو كنت مطرح إيل " .
وبرَدّو ع هالسؤال التمَنّي ، بيِطرح تقريباً سَورا كاملي بِتبَلّش بالدعوي لَ "زَوزَقِة الكون" ... وبِيكَمِّل بإنّو ناوي يـِمحي كتير من البـِكي من هالدني "وبِختصِر من هالدني أيام بِتبَكّي" و "يشَعشِع بلا شمس وقناديل" ، يعني يشعشِع بنور الروح ... بالفرح الحقيقي . والأجمل بسَورتو ، لو كان مطرح إيل ، إنّو بيِمْلي "الدني حلوين" ، والأغرب إنّو بيِلغي الصَلا ! لَيش ؟! لأنّو الناس مِعتِبرين الصَلا سِلـُّم بيِطلعو فيه لعند الله تا يحَقّقو أنانِيِّتُن ويوصَلو لمكتسبات شخصيّي من صحّا ونجاح ... وربح ... "وبقول ما بدّي تصَلّولي . صَلّو قصايد شعر للحلوين".
إنما كيف بيِبقى الله سنَد للأنسان ؟ هَيدي شغِلتو هَوّي . مش تِبييض وِجّ مِنّا بالصلا الكزّابي . إيل شَغلتو يحَقِّق أبوّتو للأنسان . ولهالسبب شافو حسّان متلما شافو الإنجيل مع الإبن الشاطر ، لمّا كان هالبيّ يِنطُر إبنو عالباب .
" ما بقِلكُن لَيّي تَعو ،
لعِندكُن وحدي بـِجِي".
ونهاية هالقصيدي تكريم للشاعر . وهَون بـِفهَم إنّو حسّان مِعتِبر الله الشاعر الأكبر :
"لو كنت مَطرَح إيل ...
بحُط شاعر عبقري بْدالو ".
يعني حسّان بدّو يـِلغي إيل الفِزَّيْعا ، ويحط مَطرحو إيل الفنان اللي شغِلتو يِخلُق جمال .
رَح إكتِفي بكلامي عن حسّان السَورا بهالقصيدي ، مع إنّو بأكتر من مطرَح وقِف بكل عنفوان يصرُخ بوجّ المجوّعين الناس : "يا مجوّع ملايين"... وبوِجّ الكفـّار : "صار الكفر للعالم شَريعا..." وبيِدعي الناس تا يفجّرو غَضَبُن : "والغضب يـِتفَجّر نبوعا" ...
وبالآخر بيقـَرّر إنّو عملية التغيير "بدّا نبيد ونار ... بَدّا عنفوان ".
يا خيّي حسّان . كل حرف كتَبتو عن شعرَك كان يصرخ لأخوْتو ، الحروف اللي ما كتَبتـُن بعد ، تا يساعدوه عَ إنّو يوفِي حق شاعريتَك .
قول لكتابك " شفاف وجمر ونبيد" يـِندَه لأخوْتو تا حروفي تِرتاح .
رفيق روحانا – عشقوت
كانون التاني 2008
[/COLOR][/SIZE]
قالو:
يخرب زوقك يا صبي ...
بتكتب متل اللي عمرو ( سبعين سنةْ شعـر ) .
[COLOR="DarkRed"] سعيد عقل 1994[/COLOR]
*****
عندك نَفـَسْ عذري , خَـلِّيك بها الزَّخم والإيمان .
[COLOR="darkred"]وديع الصافي 1994[/COLOR]
*****
كل ما بقـْراكْ بشوف حقـولنا زهَّـرت واخضر لون الحكي .
[COLOR="darkred"] منصور الرحباني[/COLOR]
*****
إذا الشعر مات بلبنان بيعيش بسوريا .
[COLOR="darkred"] ميشال قهوجي[/COLOR]
*****
..................
[COLOR="darkred"]حكاية حلا : بقلم رفيق روحانا[/COLOR]
بيقول دوستويفسكي : " الجمال بِيْخَلِّص العالم " . الشعر أكتر فنّ من الفنون إلو علاقا بالجمال . وهَيك فينا نقول : الشعر بِيوَحِّد العالم . مين بيقول إنو قصايد هالكتاب مِش عامِلا شاعر لبناني !!! لِغة هالقصايد وأوزانا وتِركيبا وحتّى مواضيعا ... كأنّا نابعا من جبل لبنان . عَ كل حال ، كِل عمرو الشط السوري من النهر الكبير لخليج الاسكندرون جانح لَطَير الفينيق اللي جِسمو لبنان وجوانحو بـِتطال كِل هالشط الشرقي للمتوسط من خليج الاسكندرون لعريش مصر .
ما قدِرت فَرِّق بين حسّان بسطاطي وأي شاعر لبناني كبير . يمكن هَيدا أول سبب خلاّني حبّ شِعرو وإكتِبلو هالمدخل لديوانو "نبـيد وجمـر وشفاف". أما الأسباب الباقيي فهِيّي كتيري . أهمّا تلاتي
[COLOR="DarkRed"]روح السَوْرا:[/COLOR]
البـِتوَعّي وبِتعَمِّر مِش اللي بِتهَبِّط أو بـِتوَدّي ع الجهل . سَورا بتِنبَع من العنفوان اللي ما بيِرضى إلا يسَيطِر الحق بكل القضايا . وحسّان من الشعرا اللي ما خافو يِرفَعو صَوتُن الصارِخ بوجّ كل فِكرا أو موقف أو حتى عقيدي ما بتِتماشى مع الحق .
والرائع عند حسّان بسطاطي ، إنّو بيعرف كيف يِعلُن السَورا هُوّي وعميِكتب غزل أو يوصف الطبيعا أو يتأمل بقضايا العقل .
وأروع القصايد اللي فِيا روح السَورا هِيّي اللي بيِتوجَّه فِيا لألله ، وبيسمّيه "إيل" تا يصير في بَيناتـُن شي من الميتولوجيا بيِسمحلو يتجرأ ويقول : "لـَو كنت مطرح إيل " .
وبرَدّو ع هالسؤال التمَنّي ، بيِطرح تقريباً سَورا كاملي بِتبَلّش بالدعوي لَ "زَوزَقِة الكون" ... وبِيكَمِّل بإنّو ناوي يـِمحي كتير من البـِكي من هالدني "وبِختصِر من هالدني أيام بِتبَكّي" و "يشَعشِع بلا شمس وقناديل" ، يعني يشعشِع بنور الروح ... بالفرح الحقيقي . والأجمل بسَورتو ، لو كان مطرح إيل ، إنّو بيِمْلي "الدني حلوين" ، والأغرب إنّو بيِلغي الصَلا ! لَيش ؟! لأنّو الناس مِعتِبرين الصَلا سِلـُّم بيِطلعو فيه لعند الله تا يحَقّقو أنانِيِّتُن ويوصَلو لمكتسبات شخصيّي من صحّا ونجاح ... وربح ... "وبقول ما بدّي تصَلّولي . صَلّو قصايد شعر للحلوين".
إنما كيف بيِبقى الله سنَد للأنسان ؟ هَيدي شغِلتو هَوّي . مش تِبييض وِجّ مِنّا بالصلا الكزّابي . إيل شَغلتو يحَقِّق أبوّتو للأنسان . ولهالسبب شافو حسّان متلما شافو الإنجيل مع الإبن الشاطر ، لمّا كان هالبيّ يِنطُر إبنو عالباب .
" ما بقِلكُن لَيّي تَعو ،
لعِندكُن وحدي بـِجِي".
ونهاية هالقصيدي تكريم للشاعر . وهَون بـِفهَم إنّو حسّان مِعتِبر الله الشاعر الأكبر :
"لو كنت مَطرَح إيل ...
بحُط شاعر عبقري بْدالو ".
يعني حسّان بدّو يـِلغي إيل الفِزَّيْعا ، ويحط مَطرحو إيل الفنان اللي شغِلتو يِخلُق جمال .
رَح إكتِفي بكلامي عن حسّان السَورا بهالقصيدي ، مع إنّو بأكتر من مطرَح وقِف بكل عنفوان يصرُخ بوجّ المجوّعين الناس : "يا مجوّع ملايين"... وبوِجّ الكفـّار : "صار الكفر للعالم شَريعا..." وبيِدعي الناس تا يفجّرو غَضَبُن : "والغضب يـِتفَجّر نبوعا" ...
وبالآخر بيقـَرّر إنّو عملية التغيير "بدّا نبيد ونار ... بَدّا عنفوان ".
يا خيّي حسّان . كل حرف كتَبتو عن شعرَك كان يصرخ لأخوْتو ، الحروف اللي ما كتَبتـُن بعد ، تا يساعدوه عَ إنّو يوفِي حق شاعريتَك .
قول لكتابك " شفاف وجمر ونبيد" يـِندَه لأخوْتو تا حروفي تِرتاح .
رفيق روحانا – عشقوت
كانون التاني 2008