مـــلآك

[فؤاد يوسف]

[SIZE="6"][COLOR="black"]هب النسيم وحمل من عا كتافك شال ..... يبقى مغطي ليالي طوال مجدولة

حرر أسِرها وطلقها وصال فيها وجال ..... تـ انطلق منها العطور الغـير معقولة


وصارت تخيم عليكي متل شي عرزال ..... غامر بظلو غزالة بــ نـور مجبولة

أوصاف متل المَلآك الما لها أمثال ......... فـيها ومنها عـقـول الـناس مـذهـولة


الطول متل الـرمح ممشوق عال العال ........... كلو تـناسق جميل وعاجب ميولي

متل الـ بقالب سحـر مسكوب ؟ يا نـيـّال ........ يللي بشوفك ولو لحظات ... قالولي


بيحتار ينظر بشَعـر الـ شبّهـو بــْ شـلال ......... يما بــ ورود الــ على الخدين مشتولة

أو بالجـبـين الـبـدى لــ العـيـد أحلى هلال ...... أو في حواجب متل سيفـين مسلولة


أو في رموش السحر والنـَحر منها انشال ....... أوفي نضارة بحر وعيون مكحولة

أو في مباسم بتكشف عـن اللولو الــ نـال ..... مجدو وخلودو بـِحضن شفاف معسولة


أو رح يحـد الـنـظر بالعـنـق ؟ متلي الطال ....... عـنـدو وقوفي وتا أنقل عفت إسطولي

ومْن عـنـق عاجي انتقلت بواسطة سنسال ...... عاربوع فيها خوابي الخمر مبلولة


وبـْدون خمر سكرت حتى وصرت إنهال ....... إنشلح دوب بــ مفاتن عم يـنادولي

تاعيش معهن بــ وصل وعيف شغل البال ....... وبين القلوب الخطوط تضل موصولة[/COLOR][/SIZE]