بعيدك يا امي

[هيفاء العنداري]

[SIZE="6"]

عيدك بعد يومين يا امي
شو بجبلك بهالعيد؟ مِنْهَمّه!!
بِشلح على كتافك حلم آذار
وبِجمع من زهور العمر ضَمِّه
بقطفلك اللهفه من التذكار
كلما خْيال بفكرك تضُمّي
ودعسة طفالا سارحه بالدار
بعيونك الدعسات بتلمّي
ودمعات تحرق خدّك الختيار
لمّن زرار الورد بتشمي
يا حامله بقلبك وجع جبّار
همّك عتيق وحاملي همّي
يا ريتنا منرجع طفالا زغار
وهديّتك بالعيد يمّي تكون
حولك زغار البيت ملتمّه

[/SIZE]

[maged83]

جد بشكرك كتير على هالكلام لي بيرجع الروح لايام الطفولة
وبتمنى انشوف الكتير من هالجمال

[slayman]

[SIZE="6"][COLOR="Navy"]

بعيدك يا امي الناس مهتمي

يا روح الله النازلي تسمّي

يا مركب الأحساس بالوجدان

قديش صرتي بعمرنا مهمي

مهما خلق بالكاينة أديان

تفرق بشر أو تجمع القمة

بيبقا صداها بيزعج الأنسان

واسمك طهارة مزينة القمة

انتي منارة لعمرنا الهربان

لا باع الله ووّسخ الذمة

انتي حلم بجروحنا بردان

وأيام مرة وصارت مسمي


بكرى بعد ما يرحل سليمان

والجسم يفنا وينتهي رمي

بدو التراب يصيح بالأكفاااااان

ما في حنان بها الدني بيساع

الا حنان الأم يا أمي

[/COLOR][/SIZE]

[طوني شلهوب]

[SIZE="6"]الله تــا خلـــقـِــــك إمّ للإنــســـــــان
شـعــلــــة دفـــا وتــحــنــــان ومـــــودّة
خرطش شمس عـــا ورقة الوجـدان
ومن بعدهـا .. خلـقـِـك بعــد مــدّة
متـل شـاعــر بـيـّـض القــصــــــدان
الكـانـو قـبــل عــــا وراق مســــودّة


ينعاد عا جميع الأمهات بالخير والصحـّة[/SIZE]