معايدة للشاعر الخلاق عصام يوسف

[طوني شلهوب]

[SIZE="6"]

شو موقفـك قدّام هـاللي بيسألوك
إنت مين؟

وإنت .. عارف إنت مين ؟

ما بظن إنت وغير إنت بيعرفوك
إنت مين ...

وإنت
شي مارد حزين ؟
يمـّـا إله
وهالبشر ما بيقربوك ؟
لا لا .. إنت إنسان من ميـّـة وطين
لكن جروحك غصب عنـّـك ألــّـهـوك


بنتـك قصيدة خالدة
إنجيل دين
الشـّعـر
ومسيح زغير صارو يتبعـوك

وهيدي القصيدة الخالدة
مرّ السنين
هـَـيْ إمّ عا حضنا
حروفا مشلقحين
انشالله يكونو عيـّـدوها وعيدوك

[/SIZE]

[شفيق]

[SIZE="6"]

[COLOR="Red"]كل عام والخي الحبيب عصام يوسف بألف خير
خينا طوني مكفي وموفي بالشعر بس مو حلوة ما نكتبلنا بيتين زجل بهالمناسبة[/COLOR]

[/SIZE][SIZE="5"]

الصدفة م هيّي ظروف ينقادو....الصدفة أزل يولع من رمادو
الصدفة بيجوز من البحر صدفة...يشيلها الباشق بمنقادو
الصدقة بيجوز من الشعر ردفي...تخلّي الكتبها يخلّد بلادو
الصدفي زهر حظّ انحدف حدفي...من ناس زتّ الزهر ما رادو
لكن وحقّ الرب مش صدفة....باليوم يللي فيه ميلادك
...........يطلع أخي بهاليوم ميلادو

[/SIZE]

[slayman]

[SIZE="6"][COLOR="Navy"]

عيدو صلا حساسين... وسنينو غصون
ومذبح حياتو... واهبو للألهة
ومتحف خيالو مشمّعو بنور العيون
ولما ابتدى مجدو ...!!مجد غيرو انتهى

يا عمر ما بيخلص مع الأزمان
يا لون باقي بالنحت هالي
حرفك دهب وقصايدك مرجان
عا قبال ميّة عام يا غالي

بحر الزجل والقصدان

[COLOR="Red"]ضجران
هههههههههههههههههههه[/COLOR]

[/COLOR][/SIZE]

[الغريب1]

[SIZE="6"]
البارحه.. ولا اليوم ميلادك ### رْصدْت النجم.. ماعْرفت ميعادك

قولك ميلادك يوم لَلكلمي ### نْدرت شاعر والشعر رادك

يما ميلادك كل مَ البسمي ### ترسم حلم..عشفّة ولادك

يمكن ميلادك بعد مَ القسمي ### تنصف الشاعر والشعر وتكون

.........................وَحْدك عصام سْبقت ميعادك[/SIZE]

[السهروردي]

[COLOR="green"][SIZE="4"]عمرك طويل عمر الشعر كافي.....وزهر الياسمين عا وجنتك غافي
عمرك ما رح تقربو الاحــزان.....يا صاحب الاشراق والقلب صافي
ع كتافك الانجيـــــــل والـقرآن.....ودعوة صادقة من شب مصيــافي

العمر كلو سيد عصام
مع حبي ابو الوفا[/SIZE][/COLOR]

[عصام يوسف]

[SIZE="6"]

شو موقفـك قدّام هـاللي بيسألوك
إنت مين؟

وإنت .. عارف إنت مين ؟

ما بظن إنت وغير إنت بيعرفوك
إنت مين ...

وإنت
شي مارد حزين ؟
يمـّـا إله
وهالبشر ما بيقربوك ؟
لا لا .. إنت إنسان من ميـّـة وطين
لكن جروحك غصب عنـّـك ألــّـهـوك


بنتـك قصيدة خالدة
إنجيل دين
الشـّعـر
ومسيح زغير صارو يتبعـوك

وهيدي القصيدة الخالدة
مرّ السنين
هـَـيْ إمّ عا حضنا
حروفا مشلقحين
انشالله يكونو عيـّـدوها وعيدوك

[/SIZE]

[SIZE="6"][COLOR="navy"]بعتذر عا التأخير .. أوقات الوقت بيخربطني

....


أنا إبن الورق ..
خي القْرايي
أنا و صغير..
زوزقْتْ بْمَدايي
لبّسني
الشعر مريول
أشقر
و لمّا كبرت
لبّسني صِبايي
مرقت
بعيونك بْلبنان
أخضر
و تلج صنّين دوّقتو
دفايي
و شو حلوي
يلبس جفوني مْزَهّر
كلما صارت عيونك
مْرايي
إنت شاعر
عْملت الكون دفتر
و صارت
هالدني متل الحكايي
و أنا نقطه
بالحكايي ما بكبر
لكن بالصِّدَف
صَوتك
كتبني
و صرت نقطه بنص
السّطر جايي ..

[/COLOR][/SIZE]