الصفحات: 1 2 3 4 5 6 7 8 9
قال أب لابنه المتشيطن :
لعنة الله على ضرّك ونفعك
بظني شيل لا روحك ونفعك
------------------
يا حرش الغاب ما تقلي وين أفعاك ------- تريح هـ الصبي من هـ العذاب
------------------
------------------
إذا الشيطان شي مرة وشا لك ------- وحطك ع قفا ضهرو وشالك
------------------
ثناء حيدر كتب:------------------
إذا الشيطان شي مرة وشا لك ------- وحطك ع قفا ضهرو وشالك
------------------
بنار جهنم غرورك وشالك _____ صعبي عنك يردو العذاب
بحب أبتدي بهالبيت :
سلو سوالـــف سما ولها سلوكي
سو سمعوا سبب سقــمي سلوكي
سري ساري سلى سلكي سلوكي
سكر سكر سكب سكر البــــــاب
الرجاء تعطوني رأيكن فيه
شادي
حلو كتير يا شادي ...
وبالذات التزامك بحرف السين ...واللعبة اللفظية...
هي منّي بيت::
البدر في طلّتو لمّا ملت تم ...........وعطيتك بوستي لروحك ما للتم
تأعمل فارس وانزل ملتّم ..............على حصاني وشيلك بالهداب
البيت الثاني
جروا الأريام وجـــوارن جـــرامي
جبر جاروا جرن عيني جــــرامي
حبـــهم جــر جـرجرني جـــريمي
بعد هالجرجرة تنسي الحبــــــــاب
شلون
وهالبيت لأحلى مشرف ((شفيق))
شفـــيق كون عليي من منشار
تيصير رأيك بين الناس منشار
لك جيب سيف أو جيب منشار
قطاع راسي فدا عيون الحباب
أهلا بشادي الغالي
وهي بيت
قوليلي شخص متلي حبّ من في؟؟,,,,,,وعطاكي مهجتو من شمس من في
أنا بقبل بأني كون منفي,,,,,,,,,,,,,,,,,,,,بشرط نفيي يجي بقلب العباب
شفيق
همدروشاتو
عتبي لو راعي السبع همدروشاتو
تركها حاملي همدروشاتو
تحميها إذا همدروشاتو
رضع من بزهم غدر الديــــــــاب
أيواااه , أي هيك ها
درب الحب من أجلك عبدنا
و شخصك من بعد الله عبدنا
لما قربت بدني عا بدنا
كأني وصلت سلك الكهربا
عبـاب الدار مبرك كبش غالي
وعباب الدار مبرك كبش غالي
وعباب الدار مبرك كبش غالي
وعباب الدار لفيوا الحبــــــاب
شلون
حبابي إذا سمـعوني وردّون
عني رجعوا الإعدا وردّون
وإذا الإنسان بيمشي وردّون
أيامه تبقى عذاب بعــــذاب
أنا قلبي ببحر عيونك عاش راعين
الحنون الباع عمرو عا شراعــين
سيبي المركب يسافر عا شراعين
بلا متحركشي موج العبــــــــــاب
تراكي
انشـــالله تظل عيـني تراكي
عاكتف غيـــــري ما تراكي
أنا ميت بحبك وانتي تراكي
نسيتي الوفا ونسيتي الحباب
الرجاء من شعارنا مشاركتنا
يا شعار الزجل غنوا معانا
تيـــزيد شــعرنا قوة ومعانا
وشــادي طول عمرو معانا
إلا بسحر عينك و الهـداب
الشاعرة ثناء حيدر
تعي بشورك رأي منشاركوني
تشــــارك بالرأي منشاركوني
وعلى عنقي متل منشاركوني
إقطعي راسي فدا عيون الحباب
عطينا رأيك ، ولا تحرمينا من مشاركتك
ولو
يا شاعــــرة الشعراء ردّي
وعني ســيوف الردى ردّي
وردّي ولو بينص ردّي
ولا تبخلي بشعرك عالصحاب
قصدنا مـــكة تنزورو حرمنا
وخلعنا مخـيطنا لبسنا حرمنا
ولما شفيق مشاركته حرمنا
زاد التعس في قلبي والعذاب
حبيبي الأخ the jackal شكرا كتير على مشاركتك الحلوة ، بس كأنو بيتك مكسور آخره ،،، عالعموم ضلك أتحفنا بمشاركاتك
(( حبيب قلبي )) ومر تانية بشكرك من كل قلبي ،،، الله يخليك لا تحرمنا من مشاركتك
الصفحات: 1 2 3 4 5 6 7 8 9