منتديات مشتاوي

هيك بتعمل يا شادي هيك بتضحك علينا الأعادي

بخصوص البيت الي زكرو الأخ شادي ، هالبيت أنا سامعو من شاعرنا الكبير أبو علي البلوداني
وبخصوص الشطر التاني الأخ شادي ناقلو غلط ،، فبطلب منّو أنو يرجع يسمع البيت منيح ويرجع يصححو ،،

وبعدين الشغلة مبينة ، والأمر واضح كل الوضوح أنو شادي غلطان بنقل البيت ،، لأنو الشاعر البلوداني مستحيل قول بيت
مكسور .................... ال بو علي يكسر ال
لك :

العتابا علم يَصعُب عل متلك علمها ،،،،، وإنِت عايش فتافيت الشعر علمها
العتابا لمّــن بوعلـي رفـرف علمها ،،،،، كنت بسريرك تحاكي الخشــــــب

وعقولة الشاعر المرحوم صالح رمضان :
ياريت القلم بـِ اسمك مخطّاك ،،،،، كبر الجهل يا شاعر مخطّاك
كنت صغيــر عاتمّك مخطّاك ،،،،، لمن *بوعلي يألّـــف عتـــاب

* هون المرحوم بيقول لما النادر

هلا و غلا سيد شفيق ....... الغيبة ؟؟؟ خليها لألله أحسن ..... عكل حال أنا كل فترة و فترة بدخل بطقس و بقرألكن كل شي ،، لا تخاف عليي .... عجبني حوارك مع أبو علي كتير .....

الأخ البلوداني و بس .... ما شاء الله عليك شو هالكلام الحلو اللي عم ينقط من تمك ؟؟؟؟

من الاول هيك بدنا شعراء عتابا متل حكايتك ,,,, يا ريت تكتب و تكمل ،،، بس بيت العتابا الأول فكرتك عم تحكي شي بيت معنى !!! و التاني تبع صالح رمضان شي روعة و بيعبر عن مستواك العالي (( بتذوق )) العتابا .... دائما أتحفنا بهيك شغلات ...

بالعتــابا شدّيـت وركـبــت خيلي ،،،،، بحب البيت لمّا يكون خيلي
وأبونورس حبيب القلب خي لي ،،،،، اسمحلنا لو إسينا بالخطـاب


الأخ العزيز المحترم ملك العتابا والميجنا أبو نورس الغالي حبيب الشعب كلو ،،،،

بنعتذر عن الكلام الحلو الي سمعناك ياه ، بس حبينا نهز الورد على شان نشمو مو أكتر ،،،،

وإلك مني أعز وأحلى سلام نابع من القلب

وبالنسبة للأخ شفيق بنقولو تسلم دياتك على موضوع الحوار الي نزلتو ،،،،

مع خالص الحب والوفاء أخوكم
(( البلوداني وبس )).......................وسامحونا

الشعر بحر وْ لو عاصَـر يمْـنا عصرو

قضى صبحو و صلى يمْـنا عصرو

وْ فينا نغب موجو ، يا مْـنعصرو

بكاسة تقول للسامع اشرااااااب

غزل

يلي فيها حصرت افكاري شعرها الهوى لو نسم عليها شعرها

نام البدر عا فرشة شعرها وعي على خدودها وماعاد غاااااااااااااب

تكملة بيت العتابا للأخ فراس

إذا بجمع سيـوفي عا رماحــي ــــــــــ بشعري بكون أكبر عار ماحي

الشَّخص الّلي بيقبَـل عار ما حَي ــــــــــ يموت وينـْدِفِن تحت التراب

يا ميجانا و يا ميجانا ويا ميجانا شادي أكل بطاطا وبندورة وخيا ر و موز و كتشب مع بطاطا حجم عائلي أكلون كلهم و أجى لياكنا

عا بعدي ولف عصّب ولف راق _____ ويلي ما أصعب الهجرة والفراق

رد للسيد أبو عزاااب

المشاركة الأصلية بواسطة أبو عزاااب

عا بعدي ولف عصب ولف راق ــــــــــ ويلي ما أصعب الهجرة والفراق

إذا بتِلبُس ألف بَدلة والـــف راق ــــــــــ ما رَحْ يحْموك من سَهم الهـــداب

شويّة عتابا

شْـوَيّة عتابا

طِيري وافرحي بحبّي ... وجـِنـِّي ـــــــــ وما يعرف فرحْتِـكْ إنسي وجـِنـّي
ما بَدّي رَحـمة الخالِق ... وجـنـّة ـــــــــ بـِدونِك جَـنـِّتو .... نار وعـــــذاب

الليالي ..... قـَدْ ما يحْـلـُكْ عَـتِمْها ـــــــــ مع الأحباب ... رَح إقـْدُرعا تـَمهــا
لـَمَّا قـَرَّبـِت ..... تِمّي عا تمهـــــا ـــــــــ انتشيت وصِرت أعلى من السحاب

طريق الولِف .. بالنـَّرجس عَـبدنا ـــــــــ وغرامو بَسْ .... قِدَّسنا وعَـبَدنا
لـَمَحْـتا بْـتـَوبْها الشّفاف عا بَدنــا ـــــــــ مِتل البَدِر ... مِن خـَلف السْحاب

دروس الحُب .... دِرَّسْـتِك تـَمَلـِّي ـــــــــ وما كِنتي يـوم مِن دَرسي تِمِلـِّـي
بْقِيتي بْمَعْـهَدي ... حتى تـَم الـِّلي ـــــــــ بَـدِّك ياه ... رحْـتِي بْلا سَـبَــــــبْ

حَبيبي الـْ ما بْدَلـْتـُو بْجاه أو مَـــال ـــــــــ يا خـَوفِي يكون مِنـّي زعِلْ أو مَـل
عيونو عن عيوني ان زاح أو مال ـــــــــ بْحِسْ القـلب من جُـوَّا .... انعَطـَبْ

شِـفِتها تحت شِـبَّاكي .... مَـتِمْـشـي ـــــــــ طار العَـقِل مِن راسي ما تـَم شِي
تـَعِي نِشْرَب عَرَقْ عِنـَّا ما تـَم شاي ـــــــــ وألله يصْطِفِـلْ ..... يَوم الحـسابْ

ميجانا
من جروح حُبِّـكْ يا بنيّة مين شِفي ــــــــ بَعْـد اللي داق العَسَـل صافي مِن شِفِة
يا رَيتني ..... بْحَمّام بَيتِـك مَـنشفة ــــــــ حتى عا مَهْلي ..... نـَشِّـفْ المَرمَر أنا

وإلى من يرغب في تكملة أبيات العتابا

سْلاحْ ومَرَا وتـَكْسي ... ما يعارو ـــــــــ يا عارو اللي عَمْ يعِيرُنْ يا عارو

تمتمة بسيطة أما هالابداع

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سْلاحْ ومَرَا وتـَكْسي ما يُعَارو = يا عارو اللي عَمْ يعِيرُنْ يا عارو
وما مرة حْبَابنا بْحُبُّن يُعارو = وإل عَمْ يْعيْرُن يا ويلو مِنِّنَا[/poem]*******
إلى من يرغب بالمُتابعة:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماشي بِهالدِّنْيَا الَّلئِيمة وإلَّلعينة = يَا دُنْيَا دُوم بْحَبِّك وَلِّعِينِي[/poem]



شفيق!! بعرفك بتحب العَتَابا!! تفضل تَنشوفك!!

[color=darkblue]جواب عا البيت الأول
[size=5]ســـــلاح محبّـــتو الله مَنــــحنا ****** أبايا و عا رخص حوّا مانِحنا
و لا بدنا يعيرنا مركب ما نحنا ****** طلعنا عا الســما بمركب لهب[/color][/size]

بهــالدنــيــا اللـئيــمة و اللعـينــة ****** دوم بنــار حبــــّك ولّـــعـيني
نظرت تا شوف وينِك ولاّ عيني ****** ما بتشـــوف ناس من التراب
و يلّي بيحب يتلّت بحرف العين :

عبرت عبور عنتر عن عزيمي ******* عملت عقاب عايد عن عزيمه

ألله يثبت علينا الئَعِل والدين!!!

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الشيوخ؛ وما تْعَرَّفْنا عَ جَنَابَك = إذا إنتِ فِيل لَ تْفَكِّر عَاجْ نَابَك
عَصاة الِشِّعِر لَكَسِرْها عَ جَنابَك = إذا شي مرة بِتْتَّمْتِم عَتَااااااااب[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
يَا فَاتِح شِعْري عليك مَا تَعَدَّا = وكُلْ مَنْ بِالشِّعِر تَمْتَم مَات عِدَّا
وِين سَْيفَك الشِّعري مَا تعِدََّا = لإنها وَلَّعَت أحْلى لِحْراب[/poem]