حفر و تنزيل

[علي عامر]

ي شقرا حاجتك لؤم وعماله

سطيتي ع القلب روح وع مالي

شو طيشك عين اخلاقي عما لي

وم بعرف كيف رح اوزن عمالي

وداب العمر بين فضّا ع مالي

السهر بجروح قهرت شمس آب

[عابرسبيل]

32599][size="6"]

الل ضايع سبيلو بالهوى كــــالناسي .. هام

قلبو , و صفي بدنيا العشق كالناس ... هام

و متلو نحن في هالدني كـــنا ...... سهـــام

بس الهوى ضيــــع ســــــــبلنا كلنـــــــــــا

******************

الغمز بالعين بيسبب ... كفــر عين

و حيث نحنا بغصن واحد ... كفرعين

بيّــك ليش مع أمك ؟؟ كـــفرعــين

أمن .. بيحققو لو الصهـــر غــــــاب

**************************************

[/size][/QUOTE]

[علي عامر]

تمرّد قلبك الإحساس هد لي

وحسّونك ع غصن الجرح هد لي

ورغم ما غرّد المجروح هدله

وعنّ على الهجر ظلمك م ذاب

[باسم القباني]

للمرة الأخير يا مقنع لأنو بعرفك انت مين
انا ناطرك على الصفحة + و ينك يا مقنع 0
ان كنت رجال شرف

[عصام يوسف]

حلاكي دْواق شفّي..
شهر زادو
انشهر سيف بحكايه ..
شهر زادو
إذا وجّك
بيشرب شهر زادو
تَ يسكر شهريار
و شهر آب

[عابرسبيل]

يا حوا وقت آدم شفى تينك

لبسها و شف آخر شفتينك

و حسرة لا تعضي .. شفتينك

بنتك هاليوم لبست تياااااااب

[باسم القباني]

اللــــــــــــــــــــــــــــــــــــــــــــــه يا فاتح على هاللكمة الحلوة

تَ يسكر شهريار
و شهر آب

حلو كتير والله

[عصام يوسف]

الشفق لونو ..
شفافك مانحتلو
لوما بلون تمّك
ما نِحتلو
إذا بوسه
عا تمّك ما نَحتلو
تَ يشلح وجكّ
و يلبس غياب

[علي عامر]

رغم م الوله من قلبي تعمّد * وزر مكبوت وبشعري تعمّد

عذابي قلبك الجاهل تعمّد * صلبني شكشك بروحي الحراب

[عصام يوسف]

غيابك يوم ..
للشاطي بِ رملو
كيف ما تلفّت
خيالك بَرملو
و كتر ما ظلّك
تغلغل برملو
فتّح عَ الرمل
وجّك و غاب

[علي عامر]

كنّا بمرجة عشق يا قلبي نحل

بأحلى جهد بعد الشهد عقده نحل

وكنّا شمع عا حضنها المعتم نحل

وصرنا بقايا رماد تلويع وضنا

[عابرسبيل]

][size="6"]

بغيرك يا رب بمين بقدر بستعين ؟

طلبنا العون يا ريت النا بس تعين

و كلما أنا من عيون ولفي بست عين !!

ما ببوس تاني عين تا يقلي (هنــــا)

*********************************************

[/size][/QUOTE][/QUOTE]

[علي عامر]

عبيرك بر بحر وجو عابر * جفني على فراقك دم عابر

قلبي عا وقيد الصبر مقلي * نشفلي القهر موجات مقله

م بيسوى ولو ترسي عا بر * العدل جندو بخندق حر شي

يتحقق ت يزهر حب حرشي * واذا مات الأمل شي حرشه

الوعي مزراب بالحيره مق لي * ورجع طوفان نوح بهـ الحساب

[عابرسبيل]

[size="6"]

العربي بعصر المجد صاحـــب إمرة كـــــــان

و أم الفــوارس أم عـــبدو ...... أم ركـــــــان

و وقت اللي عشقو العرب صحبة أمْــريكان

بغداد متل الـقدس ضــــــــــاعـــت مننـــــا

*********************************************

[/size]

[علي عامر]

هـ الأمريكاني يا زميلي عقربه

من مطلعو عا صدر امّو عاق ربي

وكلما بساعات المصايب عقربي

بيمشي مننزفها ندامه دموعنا

[عابرسبيل]

[size="6"]

بعد قرائتي لموضوع بعنوان
كل ما هو دمشقي ... في المنتدى العام ....


أنا ما كنت لولا عندي ... مـــشقي

شقا زعرور تارك عند ... مشـــقي

و لما صرت إقرأ ....... عن دمشقي

حن القشر عـــا عــود الخشــــــب

[/size]

[علي عامر]

م كنت بشيطنة هـ الناس داري

وضلّيت الألم والجرح داري

بنيلي القهر بالمجهول داري

وسقف عم يدلف مويّة عذاب

[شام]

ان شفتي القاف عندك فاء عندي
يا حلوة الـ نام عندك فاق عندي
وحتى ان كان عندك فاق عندي
بْلا عقل العند ما بيفتح بواب

[عصام يوسف]

لمّا شعلتي
من حنين و من حَماس
خصرك تمرّد
تا عَ تاني مَنحَ ماس
رجّعي غزّة رموشك
من حَماس
تا نلتقي
عا ضفّة عيوني أنا

[عصام يوسف]

تَ روحي من خطايا الأرض برّي
رجـعـــت عَ المدرسي قندول برّي
شفافــــــــــي من قلام الـورد برّي
و محّي شــــفاف ميسـون و رباب