الصفحات: 1 2 3 4 5 6 7 8 9 10 11 12 13 14
من كتاب الغزل
تا شف شفّي
شفّي شفّتك
عالسطر شفّي
حتّى من شفافك
دوق شفّي
كلما بدوق صفحه
مْن الكتاب
يا خيي !!!
شو خايف يدخلو عليك ..
هلي بيدعو الشعر
ويشوهولك حديثك الحلو
بالمسبات
***
هي مشاركة
لأنو عجبني شعرك
**
فتح للشعر ابياتو
ورش فيه
حديثو ...
والحكي رشفة
ورشفة
وبدنيا الشعر !!!
يا ريتو ورش فيه
ورشة حب ...
أو ورشة أدب
مسعود
يا عاصي حما
الخمّار عَنْ قد
نواعيرك , عا خمر
لْ سال
عَنْ قد
يا ريتو ما انعصر
عنقود عَـنْـقد
مرّه حصرم
و مرّه عنب
نبيذ وكاس
طيورك طيّروا وصوبي ما عدّوش
وصابيع الثلج للعشرة ما عدّوش
دخيلو شعرك ال نازل مع الدّوش
كانو نبيذ ع الكاس نسكب
نجيب
سُمرة حلاكي
كيف بعرف ..
مَ سْمَرا ؟؟
و كفّي مسيح
و ما بعمرو مس مَرا
و حتّى من المسمار
يشبع مسمرا
مسمرت صابيعي
عا خصر الميجنا
نفسي ما قبلــــــت نـــــــهار دنّي
وْلا عَ شْفافي شفاف رخاص دنّي
و كتر ما تعـــوّد عْلا الآخ .. دنّي
سَكبــــــتك خمر و شْربتك عذاب
القمر عَ جبين ولفي
تم عَ تّم
ونده ياليل
دخلك تَمّ عتّم
تعي نغفى
شي غفوة
تم عَ تّم
قبل غفوة
تراب على تراب
عند ما بستِك لتمّك ملو التم=الهلال تحجْوب ولمّا ملت تمّ
على حصان البرق لانزل ملتّم=بوشاح الليل شيلك للسحاب
مرّه نْهّج
بهالعتم ..مرّه
نبيت
نعتق متل هالخمر
ما نرضى نبيت ...
مرّه .. مْنِتْدلدق
عرق مرّه نبيت ...
أبيض عا أحمر يشربونا
شفافنا ....!!!!
حــبابي ضــلوع ل بجـسـمي برو حين
حــــكم ظــلمن عــلى قــلبي بروحين
راحــــت حـــاملي جســما بروحين
وأنا جســمي صــفي عجــنة تراب
__________________
فكري بدا وما في حدا بين معو
بلكي بعد ما موت بيبيّن حدا
رمشك سيف عرق القلب قاطع
وقلبي عا مواج السهر قاطع
وشرّدتي خيالي بحضن قاطع
اللي زهّر شوك حاير ع الغياب
بعينيكي ..
تْقرر إنتخابي
حَضنتيني ..
و حلاكي إنتخا بي
أنا خمر الحقيقه ..
إنتِ خابي !!
لْبستي الروح
و شْلحتي التراب
دربكي نجوم ...
المجرّه .. دَربكي
قلبي ربيعك ..و القصيده
دربكي
ياقوت عا تمّك ..
تبسّم ..دُر بكي
و بيناتهن ..
إتضحّك و إبكي
أنا ..؟؟!!
حِلْوِة..
وْجَمِيلِة عْيُونْهَا..
وْإسْمَا شَهَد.....
وِإْلإسِم..
مِثْل العَسَل..
بِيْنَقِّط شَهَد.....
قَلْبِك عَلَيِّي..
فِي مُحَاكَمْتِي..
شَهَد.....
طْلِعْتِي بَرِيئَة..
وِطْلِعِتْ مُجْرِم..
أنَا.....
لَوْ بُرْج بِيزَا..
مِن مُيُولُو..
إسْتَوى.....
مَ بْيِفْرِقُو بَيْنَاتْنَا..
بِخَط إسْتِوَا.....
ورِمَّان صِدْرِك..
يَا حَيَاتِي..
لُوْ إْسْتَوَى.....
مَا حَدّ..
بِقْدَر يِقْطِفُو..
غَيْرِي أنَا.....
إذا حُبّك حقل
ألغام مشّط
بصابيعو
حلاكي الورد مشّط
لا تغيبي عا شاطي الحب
مَ شّط ..؟؟!!
غياب عْلا .. غياب ..
عْلا غياب ...
الشعر حلو منك
وفيه أدب كتير
يا فاتح
***
البحر لما نزلتي
جنّ شطّو
ومسامات القلب
عالحلا شطّو
خيالات الحلم
عالجسم شطّو
وما عادو يعرفو
شكل الادب
شو بحبر العروق الرمح سنّو * اهالي العشق ت القانون سنّو
بجمرتهن م قدرو الليل سنّو * وع كتر القهر قلبي شاخ سنّو
وَلكن للوفا بيبان سنّو * وبيشلّ ببسمتو جيوش العذاب
سحرك جيش
فيّي مر جحـــــــــافل
وأنـاحولت دربو
مـــرج حــــــافل
بيكفي بقلب
ولفك مـرجحــــا فــل
جـــريمــه نمــرجح
قــلوب الحبـــاب
يــــافاتـــح
بضعفـــن ماتشــــعرن
متــــل ماعاش شــــعرك
مــات شـــعرن
أذا حـــرف العتـــــابا ماتشـــــعرن
بيصفّي عالزمن
قــــرمة حـطب
الصفحات: 1 2 3 4 5 6 7 8 9 10 11 12 13 14