02-05-07, 01:27 PM
فاتح كتب:يا مقنّع لَ شـــــو طاحش طحيشي *** هجمت متل العفــن عالشنكليشي
لا متل الهوندا دفعــــــــك رباعي *** ولاسحبك متل سحب المتسوبيشي
إذا بســــــــــجّل لوهله إنطباعي *** البشــر بتفكّرك تاجــــر حشيشي
لــكــن لازم ظروفـــــــك نراعي *** و نعرف إنــت مانك عالحشيشي
مرهج مصنـــع الطاقه الصناعي *** جــرش مخّك بمطحنـتو جريشي
إذا مرّه قصــــــــد بالواط ساعي *** سحــب روحك متل نربيج شيشي
و ساجي اللي طباعو من طباعي *** قطعلـــك عا دروب الموت فيشي
إذا بتمزح معـــــــو بسم الأفاعي *** بكبّش قرعتـك متـــــــل القريشي
و على طوروس لا تطلـع بداعي *** تقطــــف كـــــــل حبّه بالعريشي
يا هندي أحمر نْهيتـــو بصراعي *** و لا فيــــك تطير يا مقنّع و تعلى
إذا نبّت براســــــــك ألف ريشي
ع هندي أحمر برمت بفنونك ++++ هيدا الجمر أحمر في عيونك
هيدا دمك بعينيك سايل ++++ صبغ أحمر على أحمر جفونك
ولعفنة شنغليشي اليوم طايل ++++ ت سد نياعكن و اوفي ديونك
وعلى دفعي الرباعي انت قايل ++++ بدي أربعة حدي بظنونك
انت ومرهج وساجي الفتايل ++++ وشادي ابن موسى يازبونك
طلّو أربعة بضهر الأصايل++++ تارجعكن دهونن عادهونك
حاجة عنهن تشيل الفضايل ++++ وتحمل خبط ورفيقك يخونك
هَرْبو وشوف عنوان الدلايل ++++ ولاواحد كتب ردة تصونك
وهلأ جيت تا أعمل عمايل ++++ وبدي فيك هالشعّار ربي
++++++++++ وقبل الروح طلعلك جنونك +++++++++
+++++++++++++++++++++++++++++++++++++