[SIZE="6"][COLOR="Navy"]
وأدونيس على ضفة نهر رنّم --- زحف تا نزفت جروحو الغزيري
وصبيي من ورد نيسان أهضم --- حملت عطرها نسمة غديري
زحف عا جفونها الميل المعتم --- تا كحّل جفنها بمرقة زغيرة
ومتلو أصبع الحمرا المتيم --- زحف عا شفافها تا داب غيري
وحرير الشال حتى صار أنعم --- زحف عا خدها الشال الحريري

رائع يا أمير بالفعل قصيدة حلوة كتير وانا نقيّت البيوت اللي عجبوني بها القصيدة العصماء

أنا عالأرض مجــدي مـا تشـــرّف

ولا بهوى بحر عمقـو ألـف قــامة

بحـري الجـوّ .. موجي ريح ألـّـف

أغـاني ثـورة جـمـوح التــّــسـامي

المركب : نسر مع موجـي تكيـّـف

الجـزيرة : غـيم تاه بـ بجـوّ سامي

وياما بمــركـبـــو الـمقـداف قــدّف

تا يـوصــل عالجـزيرة بالـسـّـلامة

مع انو طوني متهجّم عا البحر يعني عليي ههههههههه عجبني ها المقطع كتير

قصيدة الشاعرين رائعتين من حيث السبك والصور الشعريي والحجج بس بتعرفوا انا مش ناقد محلّف هههه

في نقّاد بالموقع كتار وبطلب باسم الأمير وطوني شلهوب النقد لها المحاورة من أولها لأخرها

بيدق يعقوب الدكتور ماجد الدكتور سلّوم والمتذّوقين الشعر شفيق شادي كرنديزور ههه الأستاذ حسن بنّوت
اشتقنالو وشاعر العصر عصام يوسف وكبيرنا أنهل الدبس المحترم وأطلب نقد خصوصا من الشيخ الأديب صاحب التوأمين
جعفر حيدر ويا ريت راجح معنا تا نسمعوا
ونشوف كيف المستوى

بحر الزجل ناطر النقّاد [/COLOR][/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني