[size="6"][color="red"]كنت مارق وشفت حمار واقف بالطريق ومتل الكأنو عم بيفكر وصافن بها الدني حبيت احكي بالشعر هههههههه[/color]

يا حمار أنتي بتفهم وهنّي جحاش
ما بيفهمو تا وصلونا للكباش
راحو تا يتفقو عليناوعا الوطن
يا ريت منّك ياخدو حكمة ب بلاش

قديش زقّو من الغريب سلاح
وما استعملو عا حدودنا طلقة
انشالله يموتو وكلنا بنرتاح
ولا يعلقّونا بالحرب علقة

ويا حمار أنتي زينة الراحو
بتحمل عا ضهرك تا تعمر دار
وهنّي بيزقّو الموت ما ارتاحو
يحلّو بقا عن ضهرنا يا حمّار[

بحر الزجل

/color][/size]

slayman · 04-04-10, 03:57 PM

[SIZE="6"][COLOR="navy"]شو قال الحمار

الحمار قلّي الجحش ما بيفهم كتير
بيحس حالو غير عن كل الحمير
ولولا عزمتو نهار عا زق الحطب
بيقول بقبل زق لكن للأمير

وهوني الأمير بينصفو وبيقول زير
منشان يكري عليه ب أمرو خبير
وهوّي تا يظهر جحشني بيحمل تعب
وبيضل جمعة ونص ما بياكل شعير

وقلّي اللي صاير بالوطن فتني وشذوذ
ما يفتكر أنو حدا بيقدر يفوز
هنّي عا سطح البدر عم يتنقلو
ونحنا بننقل كل مدة من نفوز

تابع[/COLOR][/SIZE]

slayman · 04-04-10, 04:00 PM

[SIZE="6"][COLOR="darkorchid"]
[COLOR="red"]
حرف يتدخل[/COLOR]

[COLOR="red"]حرف كتب[/COLOR]

ومن قبل ما تتابع كنت مارق
ذات الحمار بشوف ع مفارق
قليّه... وين رايح ؟ ورا سليمان
يما بعكسو ع الدرب فارق
===========
ياحمار قلتلو ماعنا حل
لازم بلدنا نتركو ونفل
قلي متل غيرك انت خلقان
ولبنان ابنو ان دشـّرو بيذل
============
ماعرفت فينا مين المغفل
وباب الحلول بوجهنا مقفل
وبالإنتخاب منبدىء التغيير
شنهق بصوتو وذينتو رفّل
============
قلي لا تفزع يوم من موتك
يما تجوع وما التقى قوتك
خاف تايغفى الضمير الحر
أو ترتشي وتقبض ثمن صوتك
===========
ورح خبرك مين القبض كمشة
ع الزور شاهد مارمش رمشة
ونص الشعب ع الفقر متلو صار
والا بقوة ودعس مابيمشي
===========
وآخر ماقلي عيش عيشةّ حر
ومتلي لاتبقى ولا تخبي سر
الله خلقني رهن للإنسان
وإنسان يللي بيرهنو انسان
مافي فرق بينو وبين الكر
============
وسعد الصغير القال موالك
متلو الحرف ياحمار غنالك
وبزعل اذا قلك حدا ياحمار
وكل الحمير بحب كرمالك
============[/COLOR][/SIZE]

slayman · 04-04-10, 04:02 PM

[SIZE="6"][COLOR="navy"]مشتاق ليك وضعك مداري
يا رفيق عمري ودرب مشواري
تركتك ما بعرف بعد ما تركتك
مع مين صرت اليوم يا حماري

************
بيخبروني الناس صرت كبير
وما عدت قادر بالوطات...مشي
وياما كنت تتسابق مشاوير
انتي وكرّة جارنا وجحشي

[COLOR="red"]ملاحظة الوطا اسم قطعة ارض بخراج برحليون[/COLOR]

******[/COLOR][/SIZE]

يتبع

slayman · 04-04-10, 04:03 PM

[SIZE="6"][COLOR="navy"]عندك بشر يا حمارنا عكاريت
بيحمّلوك حجار عاضهرك
وانتي بتحمول همّك وما حكيت
وبتشهنق وبتشد من قهرك

بحر الزجل[/COLOR][/SIZE]

قوس قزح · 04-04-10, 04:11 PM

تركت كل البشر وبقا قعدت تتغزل بالحمير هههههههههههه

بس حلو ...مشكور على تعبك

تقبل مروري
تحياتي

slayman · 04-04-10, 04:17 PM

[SIZE="6"][COLOR="navy"]تركت البشر يا حمار ولحقتك
وعرفت انّي خدت من وقتك
ولو ما عليي بيضحكوا الشعّار
بسوق الزجل يا حمارنا سقتك

بحر الزجل[/COLOR][/SIZE]

slayman · 04-04-10, 04:22 PM

[SIZE="6"][COLOR="navy"]تغزّلت فيك وبعدني بحبك

وبعرف عطاك ا[COLOR="red"]لحمرني[/COLOR] ربّك

خخخخخخخخخخخ

ولو صرت عندي كبير يا حماري
بيصعب عليي بها العمر كبّك

بحر الزجل[/COLOR][/SIZE]

hany nassif · 04-04-10, 05:00 PM

[SIZE="5"][COLOR="red"]سليمان جاية اليوم يا خيي
تا خبرك قصة حقيقية
قصة قديمي من عهود عهود
من عهد جدي و خالتي و بية
كان الحمار بوقتها مقصود
وما كان عنا ببيتنا مطيي
المونة تا توصل بيتنا الموعود
ما بتوصل بلا مقدرة قوية
ولوما على جلالو الكفوف تجود
ما جد سيرو بكل حنية

و قدام حد جنينة التفاح
جدي عمل عرزال تا تسلا
و لو ما الحمار بوقتها مازاح
هاك الخشب حتى السقف علا
هوي بيتعب كلنا نرتاح
ولو جبت فاعل يعمل بها العصر
بيكون منو خالقك الله

و بونا امطانوس كان شق الضو
تا يوصل على ضيعتي يصلّي
يكمش لجامو تا يشق النو
بحر الرمل هالسيّج التلي

و مكاريوس دكتور ضيعتنا
كان الطبيب الناجح الشافي
وياما حمل لحمار عيلتنا
وقطع لعندو اطول مسافة

من هيك بدي اشكرك يا بحر
عم تربح جميلي لها الحيوان
ونحنا بها الايام كلو سحر
ما عاد في عندو وفا انسان[/COLOR][/SIZE]

[SIZE="4"][COLOR="blue"]بوعلي[/COLOR][/SIZE]

hany nassif · 04-04-10, 05:02 PM

[COLOR="navy"][SIZE="5"]منوين نبشتلي هالموضوع يا سليمان هلق بيتبنونا جمعية الرفق بالحيوان و بيزعل ابن الخطية بس بهنيك والله شي مميز يا صديقي[/SIZE][/COLOR]

**ثناء حيدر** · 04-04-10, 06:22 PM

[COLOR="red"][SIZE="6"]

يسلم تمّك يا سليمان
أنت والشاعر هاني ناصيف

فكرة كتير حلوة

متابعينك يا بو شربل [/SIZE][/COLOR]

حلبي · 04-04-10, 11:35 PM

على سيرة الحمار......كان في طبيب لبناني اسمو جورج خوري وعندو صديق مهندس شوارع...فكل ما التقوا كان المهندس يعيّر الطبيب بمهنة الطب ويدّعي بانو مهنة هندسة الشوارع افضل واحسن (من باب المزاح طبعا) ....الطبيب كان عندو هواية الشعر ..فحضّر بيتين شعر ليرد على المهندس ولما التقوا وبلش المهندس يحكي زي عادتو جاوبو الطبيب :
اذا صعد الحمار على جبال.....يهندس طرقها وهو يسير
فهذا مهندس الطرقات اصلا..... ومازالت تهندسها الحمير

hany nassif · 05-04-10, 09:56 AM

ثناء حيدر, post: 48113 كتب:
[COLOR="red"][SIZE="6"]

يسلم تمّك يا سليمان
أنت والشاعر هاني ناصيف

فكرة كتير حلوة

متابعينك يا بو شربل [/SIZE][/COLOR]

[SIZE="5"][COLOR="red"]والله كنّا ناطرين رأيك بالشعر عن هالموضوع[/COLOR][/SIZE]

[SIZE="4"][COLOR="blue"]بوعلي[/COLOR][/SIZE]

RORO · 05-04-10, 04:38 PM

[COLOR="navy"]يسلم تمكن حلو كتير وشكرا لتعبكن[/COLOR]

تامر رسوق · 28-04-10, 08:06 PM

الاخ الشاعر بحر الزجل رسالتك بهذا الحوار الطريف من حيث الشكل والمبكي من حيث المضمون قد وصلت.............. ولا ارى انك ظلمت الا الحمار لان الحمار وجد في هذا الكون ليكون هكذا

ولكن ما هي حجة من خلقه الله على احسن تقويم كي يبقى سعيدا ومفاخرا بحموريته

لك مني كامل الاحترام والتقدير

تامر رسوق

تسجيل الدخول
اسم العضو:
كلمة المرور:	نسيت كلمة المرور؟
	تذكرني

منتديات مشتاوي

روابط سريعة

تابعنا