|
اللقاء القمة ( حسان وشفيق ) عالتصويت يا شباب
|
08-04-10, 10:23 PM
![[صورة: hassan-shfic.jpg]](http://www.mshtawy.com/photos/albums/userpics/10002/hassan-shfic.jpg) حلقة هذا الأسبوع الجمعة 9 \ 4\ التاسعة و النصف بتوقيت سوريا و لبنان اللقاء القمّة حسان بسطاطي : البحر الأمواجو ماجو مـ َ بـْيِهدا الليله هـْياجو .... .... شفيق الديب : مش أمواجو زْياده عْلَيك بْزِفَّك موجه مْن مـْواجو ---------------- و كما قالت الدكتورة كلوديا أبي نادر : مثل العاده : معكن ما في شي مثل العاده --------------- إذا ً : بالتوفيق يا شباب المنبر عنكن بينادي ... قدّ الحمله وْ بزياده معكن متعَوّد تا شوف ... اللي فوق العادي عادي $$$$$$$$$$$$$$$$$$$$$$$$$$$$$
10-04-10, 01:39 PM
عذرا ً على التأخير
[SIZE="5"] [COLOR="black"] [/SIZE]
أووو((شفيق)) وووف: الزجل فكر وْ حلا وْ سبْك وْ صِياغه... بمهدو المبدع تـْربّى و كاغى و زجـل لبنان فـي غـَدّي وِ أمـسـي ... فَتَح للشعرأكبر سوق صاغه و أنا شــــاعر بصرخاتي وِ هـمـسي ... صُبحي للـشــمــس بكـّير ناغى صرت خرطِشْ حروفي فَوق شمسي ... النجوم مـْن الورق هَرِّت فراغه وْ صِفي عشرة حروف و ْ زِدِتْ لَمسه ...بـْرَقَم يِتْنَصـَّب عـْلى الغَير آغا خمسه سوريا وْ لبنان خمسه ... وَصايا تـْجَمَّعو في شرع واحد عـ َ نهج الجلجله وْ نهج البلاغه -- وْ أنا شاعر إلي جَوّي و ناسي ... صَمِت سِرّي خَلَقْ فِيّي الفَراسي سِرّي جُرح لو مَرّه تـْوَضَّح ...الصبر من لوعتي بـ ْيِشْحَد قَداسه مِن ألوف السنين بـ ْ غَير مَطْرَح ... سِمعو قصّتي دْروب الرَّواسي وْ مِن اليونان جيلي حَبّ يِنْزَح ... لشاعر سوريا وْ جَمَّر حَواسي أنا مِن صغْر سِنّي طـْلِعِت أفصَحْ ... مِن الغَير, و إذا بـْيولَع حَماسي عتابا, ميجنا, معنّى, مْوَشَّح, ... قَصيد بـْخَرطِش الفَرد الأساسي وْ يَـ حسّان اللي جاييني: تـْلَحْلَح ... إذا راسَك رَقَم خرْج الدّراسه بالوقت اللي بَدّي بـْكلّ مسرح ... لحتّى حطّم الرقم القياسي أنا في حيدر و ْ سَيفو مْسَلَّح ... وْ بـِراسي إسم مار مارون راسي و إذا حسّان عالدّنيا بـْيِربَح... سِلاحو مَعْ سِلاحي ما بـ ْيِصمُد وَلا بـْيِرْبَح على مارون راسي -- وُ يا عامِل عـ َ أمثالَك خليفه ... افرِقـْنا قصّتَك صارت سَخيفه إذا تـْجَسَّد جهادَك في طموحَك ... بِأحسَن حالْ بِتْصَفـّي وَصيفي كـْبير السِّن لاكن في وُضوحَك ... ثـَبـِّتْ وَضْعَك امـْورَك مـُخيفه رَبيعي بَلـَّش يـْحَرِّك سُفوحَك ... لـَحتّى تْشَطـِّب الفصل الخَريفي وَانا شاعر بِيِشْفيلَك جُروحَك ... شقيقي: النّور , و الفرقـَد :وَليفي خَطَفْت الشّمس مِن ذرْوة نزوحَك ... وْ خَطَفت الموهَبه مِن جوّ ريفي وْ خَطَفْت مْغامره مِن فِلك نوحَك ... وْ خَطَفت مْن الخَطيفه عالوَظيفه وْ جايي إنْصَحَك :سَيِّجْ عـ َ رُوحَك ... لأنّو روحَك بـْهاليوم جايي شفيق الدّيب ياخذها خَطيفه -------------------------------- أوووو (( حسان ))وووف: دوقـي يـا قَـصـيـده مِـن يـَدَيّـي ... تـفـّاح الـوَحـي و الـشّـاعـريّه مسيح الشعر مـ َ بـْيِفدي خدودِك ... إذا الفردوس ضَلّ بـْلا خَطيّه إذا خْيال العطِر طَرْطَش جعودِك... يـ َ ليلكة الجمال السرمديّه كأنّو شي نهر زَرْكَش وُرودِك ... ضِفّه :زهر, ضفّة: مزهريّه كِتِرْ مـ َ اخْضَرّ بالإحساس عُودِك ... مثل إلهام نَقَّط عبقريّه وْ نغمه مِن حَفيف وْتار عودِك ... وِقْعِت عن غْصوني مِسِتْويّه إنتي مَمْلَكه بـْتِعلى حدودِك ...عـ َ مملكة الخَيال الواقعيّه تاجِك شَهقة الرّيح بـْصَعودِك...مْرَصَّع مَيل: شمْس, وْ مَيل: فَيّه إذا قلعةْ حَلَب غَنِّت قُدودِك ... بِلحـْن مْوَشَّحات المشرقيّه بْتوعى جارة الوادي بـْخُلودِك ... تغَنّيلِك قصيده بْعلبَكيّه أنا صرلي عُمُرْ ناطِر وُعودِك ... وْ كاس العُمر عَمّـ بيمِزّ فِيّي كلما غـْيابِك يـْلَوِّن وُجودِك ... بِصير النّور يِحْرُق شمعداني و شَمْع عْيونِك يـْنَقِّط عَليّي -- و هَلـَّق يا شَفيق بـْ كلّ تَكـّه ... إحني جْبينَك وْع الأرض تـَكـّي انتِبِه تمرُق عيونَك عا حروفي ... بلكي حرف فيها انـْشَكّ شَكّه كانت بالمضى كـْفوفي عَطوفه ...تِدْفَع مكرمه , وْ عَنَّك تـْزَكّي وْ بعد ما كان تضحَكلَك كفوفي ... هَلـَّق راجعه عـْيونَك تـبَكّي سِرب المكتبه بـْيِشْبَه رفوفي ... إذا بـْيِنْدَكّ جِفت الجَّهل دَكّه إذا فـ ِ كـْتاب مِثـْلـَك عا رْفوفي ... بـْيوقَع بين تَكّه وْ بين دكّه لـ َ تِفرَح لو شُفِت مرّه كسوفي ... وْ عِلِق فِيّي القَمَر و انْشَكّ شَكّه بـ ْ فِكّو زِرّ أشقر عن طيوفي ... بيِفْلَت بين فكّي وْ بين فَكّي إنِت مـ َ بـْتقْدُر تـْغَيّر ظروفي ... أنا بـْغَيِّر وُجودَك عا مـْحَكّي إنِت بالكاد تِقرا عالظروفه... وْ أنا بْحَكـّي اللي موسى عميحَكـّي إنِت مـ َ بـْتقدُر تـْواجِه اُلوفي ... أنا نصر السّما بـْيِمْضي عـ َ صَكّي إنِت دَرْبَك مْسَكَّر عا سيوفي ... وْ أنا فاتِح بـجرْدِ الغَيم تَكّي و هَلَّق مِن بعد عرْكه شَغوفي ... افْلـَحِت فيها البحر مِن دون سِكّه رَح بتصير تِبرُم عا دْفوفي ... وْ بَعِد مـ َ تـْدوخ رح تِبْرُم عـ َ حالَك مثل مـ َ بـْيبْرمو حجّاج مكّه ----------------------------------- الأســــ زغيب ــــــْـتاذ : زيحو الويل وْ شِدّو الحيل ...وْ كـُلـْمـِنْ يِعْرُضْ إنتاجو تـ َ نـْشوف المنبر هالّليل ... لـ ْ مين بدّو يـْلـَبِّس تاجو -- يا ديب: البسطاطي الـْ صار ... حِلمو عالشّاشه تـْطلـّو يـ ْ إسم اللجنه و الحُضّار ... الليله بـْقلـَّك وِ بـْقلـّو: ما فيكـُن شُعّار كـْبار ... تـْصيرو إلاّ مـ َ تـْضَلّو مثل البحر الـ ْ ليل نـْهار ... ما عمـ ْ ترتاح مـْواجو ------- بسطاطي : البحر الـْ أمواجو ماجو ... مـ َ بـْيِهدا الليليه هـْياجو حتّ يـْشوف بـْعَينو الدّيب ...كيف بـ ْ قَرِّصلو كـْماجو -- الشاعر مفخرة الأيّام ... وْ تاريخو مرجع لاهوت دروبو جلجلة الآلام ... وْ تا تحيا الكلمه بيموت الـ ْ بيعَبّو سْراجو مْن الشّام ... تـ َ يـْضَوّي لـْيالي بيروت بـْيوصَل عـ َ شْواطي الإلهام ... آخر شهقه بـِسْراجو -- ديب : بزودة ردّك شعرك شق ... بـْسَبْك الشّعر و انتاجو ما فه كـْماجات يـ ْ رقّ ... الجباز العاطل صاجو -- سراجي بالروح بـْيِنْباس ... الصّبح عـْلى نورو بيلين اللي كان يـْدَوّر عالنّاس ... بـْقصّه معروفه مْن سْنين اسْمالله راسَك يا حسّاس ... انْجِبنالو سْراج (دْيوجين) فَتَّش جمعه في هالرّاس ... ما بيلاقي الـ ْمحتاجو ----- ديب ان ْ زاد بـ ْ إزعاجو ... خِفّة عقلو و ِ غـْناجو تا خـَلّي جْنابو بـْهالليل ... يِحمَرّو عا كرباجو -- تـْثـَقـَّف يا إبن العشرين ... لمّا بـْقرا بالمنهاج لو عاش بعصري دْيوجين ... لسراجو ما كان احتاج بس المثلَك يا مسكين ... بـْيِبرم بِفْتيله و ِ سْراج عا قصر الوهم مْن سْنين .. و ِ بْيِتْفَركَش عـ َ دْراجو ------ يا غَدّار اللي حـْوالَيك ... اليَمّ مـْفَوَّر بـ ِ هياجو مش أمواجو زْياده عـْلَيك ... تـْسفَّك موجه مْن مـْواجو -- سْراجي مْن نْجوم المجهول ... و دْراجي الرّوح الحرّه اللي الوحي عـْليها بيجول ... وْ سِرّو عـْليها بـْيِتـْمَرّى و عـَدراج السّر عـْلى أصول ... يمكن يِتْفَركَش مَرّه البيقَضّيها طْلوع نـْزول ... بـ ْ إسراءو و ِ بْ مِعراجو ------- الشاعر جسر و جانِح نسر... انفَك الأسر بإنتاجو بـْ عسر وْ يِسر و مَدّ وْ حَسر ... وْ جَبر و كسر بـْ نحتاجو -- مْن التّهذيب بـْنفح الـ ْطيب ... الجّرح يـْطيب بـْلا تقطيب من التقصيب بـْلا تعصيب .. الفكره بـْ صيب بـْلا تصويب البدّو يـسيب الشعر يـْشيب ... وْ بدرو يـْغيب بـْلا تكريب بـْهيب بـْعيب بـْخيب بـْغيب.... بـْجيب الديب عـْلى نـْعاجو -------- زْغير وْ جد بـْمَزْح وْ جَد ... الـْ خَصْم انـْ رَدّ بـْإزعاجو انْ جَدّ الجَّد بـْصِدّ بـْشِدّ ... بـْرِدّ الحَدّ عـْلى غناجو -- فوق الشير عـْلَيي شير ... الليله بْسير عـْلى الميدان قبال البير بـْجيب النّير ... عـْلى نْواطير فـْروخ الجان بسطوة مير الشّعر بـْدير ... الدّفه, بـْغير عـْلى حسّان كـْبير كـْتير: يـْصير زْغير ... اجير الزير عـْلى سْياجو =================== شـــــــ( معنى )ـــــفيق : شُعّار نحنا وْ بالوحي سرسابنا ... نـْخَلّي الخلود يـْجَهْجِه مـْن غْيابنا وْ حروفنا الرّوح, الزهور كْتابنا ... اسيوفنا الشّعر الثقافه قـْرابنا وْ حسّان لمّا الموت يِطْرُق بابنا ... نحنا ملوك المرجله بتهابنا حتّى حساب الشّعر يِظْبَط مِن جـْديد ... لازم على المنبر نـصَفّي حْسابنا ------------- حـْدود الخلود الشاعر بـروحو اجتاز ... حامل خيالو تذْكَرَه و فكرو جَواز بـْيِمْرُق عـ َ صحرا نَجد بيزَهّر حِجاز ... بـْيِمْرُق عـَلى الـْنهوَنّد بينَدّي حجاز طَرْطَش على قوس القدح قلبوك ْواز .. وْ لًَوَّن سما الكلمه برسشة تركواز لاكِن إنِتْ نَصَّبت حالََك بالمجاز ... جايي تـحاسِب عبقري بالتاج فاز زيح الغَشاوي عن عيونَك يا شفيق ... حسّان شو ذنبو إذا عـْيونَك قـَزاز -------------- زْيادات رَدَّك ما لـِها عندي شؤون ... الغَدّار عمـ بيزيد أشعارو جُنون يـ ْ مْفَكِّر بـْهالرّد عالعالَم تـمون ... انْشَالله شـ ِ عَين تـْصيبَك عْلى هالفنون عْيوني مساحة نور وِ جْفوني سكون ... وْ في انعكاس النّور سكرانه الجفون عْيوني زهور مْفَتّحه فوق الغصون ... وَقِّف على حـْياده يـ َ زهر الزيزفون عْيوني عيون الشّعر و عْيون الصّواب ... و (الشَّب) شو بيفَهّمو بـ ِ هالعيون -------------- عْيونَك كأنو عيون ميزان انكَسَر ... و عيون وادي نَشَّف بـْقلب الحجر لـ َ فْهمت فيها وْ لـ َ اتْرَكِت فيّي أثر ... وْ رحْ فَهّمَك شو حْكايتي بالمختصر ببّو عيوني ما بيفْهَم بالنَّظر ... مـْوَلـْدَن بِخَزّق شعر بيخَرطش صُوَر ما بيلعَب غير عا سطح السَّما ... بيشِدّ بالشّمس وْ بِدَحْرِج بالقمر ------------------ شدّ الشّمس عا ملعب الليل الغميق ... وْخلّي النّجوم مْشَوشَحه بالمنجنيق و شَكّل مِن غْيوم السّما ميّة فريق ...يا نايم عـْلى االسّطح و بـْنومَك غَريق فاق الشَّفَق تـ َ يـْفَيّقَك: يا أخّ: فيق ... وْ يِكْشُف عيوب الليل عن حَقّ وْ حقيق هَونيك مش رح يفضَحَك إلاّ الشَّفَق ... وْ هَون مش رح يِفْضَحَك إلا ّ شَفيق ------------------ بالعَتم لـ َ تـْتاجِر يـ َ سمسار العَمى ... وْ تكشُف سرار الحلم لو حقدك طما ليله حبر خَبّى القصيده بالوَمى ... وْ خَبّى جْرارنْبيذ بالنشوه وْ سَمى لولا كَشَفتو يا شفيق بـْهالحِمى ... بدَّك تْلاقي مـْحَل مـ َ خـْيالو ارتَمى ميله: السّما عـْليها انْدَلَق حبر التراب ... وْ ليله: الأرض سِكْرِت مِن نْبيد السَّما ------------------ اعزِفْني شِعر يا راحي فراحي ...ت َ عَتّق خمر أفراحي فـراحي وْ خَلّي السّحر يِحْبسني بـْورودَك ... وْ حنين الفجر يطلقلي سَراحي صَباح بـْيِنشد مْوَشَّح قدودَك ... وْ صباح بصوتها تـْناجي جراحي وْ صبا شِعري على مسرح جرودَك ... رِجِعْ وَحَّد صَباحي مَع صَباحي وْ يـ َ حسّان اللي جايي في شرودَك ...شـ ُ صَرْلَك نصّ نايِم نصّ صاحي اسمالله عـْلَيك غلطانه ردودَك ... و يا ريتَك ردودَك صرت ماحي عـْلِقِت و فـْضيحتَك هَزِّت خـُلودَك ... اجتياحي سَرْسَبَك مِن افتتاحي سالِم و انْحِني وْ سَلـِّم حدودَك ... ( رومل) ما بـْ يردَع اجتياحي وْ لأنّك ليل و الليل بـْ خدودَك ... و أنا الفجر الفجر اللي متوَهَّج جناحي رْجِعت فرجيك شو قيمة زنودَك ... رْجِعتْ زيحَك عن الأربع نواحي رْجِعِت اصطي بـْ صمودي عا صمودَك .. رْجِعِت بـي زخمتي وْ زأرِت رياحي رْجِعِت سَجِّلّك نهاية وجودَك ... وْ خَلّي المنبر بـْ نصري يـِسَجّل عـ َ تاريخ الجهل ثورة صَباحي ------------------------------- لمّا العتم عالليل ليلَكْتو ... فَتَّح عـ َ خدّ الليل ليلَكتو مثل المَلَك: تاجو سَهَر و قـْمار ...مجد السما و الأرض مملكتو غَنِّت قْمار: سْهار بعد سْهار,... وْ لمّا طريقو عالهدا سْلَكتو ادْلَقْت النَّعَس مِن جرّة الفخّار ... وْ ضَلّيت سَيْهِر فيه تـ َ هْلَكْتو ليله أنا: حُب و حنين و غار ... شـ ُ اشْقَرّ كثرة ما اسْتَهْلَكتو وْ عمري فراشه حايمه عالنّار... حـْرقتو بعتم الليل و اهلَكْتو ليلي خليج وْ لجـّتو أسرار ... فَتَّح بعبّ الموج فَيلَكتو طالِع مِن سراجو حِلِم جبّار ... كثرة مـ َ حكّيتو وْ مـ َ دَلَّكتو ليلي اللي جَمّع هالنجوم غْمار ... وْ قليّ أنا كلّ الفضا مْلَكْتو ساعة مـ َ سمَّعتو قصيدي غار ... وْ بَس نجمه عاش كتلكتو مهما شفيق يـدوُر عالبيكار ... معنا مـ َ رحـ بتمرّ كَولَكتو وْ مهما رَقَص تا يلفط الأنظار ... عالنّاس ما بتمرّ فزلكتو دَخْلَك تـْقلّي كيف صبْحَك صار ... لمّا على شْريط الحكي عـْلَكتو الصبح الـ ْعـ َضو الشّمس صار نْهار ..كان مكوي عا كفوف الليل لمّا لبستو إنت جَعْلَكتو ----------------- غزلية الشـــــ( شفيق )ــــــاعر : عمـ يِسْألو شـُ بـْريدِك تـْريدي ... يا روح انشودة أناشيدي بـْريدِك اتْريدي نـْغِل ّ نار بـْنار ... وِ نـْدوب تَنْهيدي بِتَنْهيدي وْ تِتْنَقَّلي بِجْنَينة الأزهار ... مِن غصن إيدي عا غصن إيدي بـْريدِك تـْشيلي مِن فجر آذار ... عْناقيد صبح غـْروبها نـْبيدي وْ خَلّي الخمر يِسْطي على الخَمّار ... من فجر آذار وْ فجر عيدي ما زال سِحرِك سِرّ للأسرار ... لحظات اكبَر مِن مَواعيدي مِن دونِك وْجود السَّما بـْيِنْهار ... لو ما السّما مِن سِحرِك تـْزيدي ما في سنه بـْتوقَف وْ لـَنّو نـْهار ... لاكِن رح بـْقلـِّك بِتَغريدي: راس السّنه هاك السّنه ما صار ... لو ما فَتَحتي جفونِك عـْلَيّي و خلقِت من عيونِك سنه جْديده ============ غزلية الشـــ(حسان)ــاعر : ريشه وْ لوحة وخرتشه وْ بسمه وْ نسمه بْجوانحها وَتَر مبحوح بتشيلني عـَجْناحها النسمه بتحطّني مْقابيلها وْ بتروح عالحبق يِغْفى رسمها وْ رسمي وْ يِعبَق المرسَم بالعطر و يـفوح وْيرتِعِشْ من خمرها جسمي وْ يِتْنازَعو فِيّ الجَّسَد و الرّوح تـَتـْصير لوحه للحلا عنوان وْ يِدْلـُف كُفُر مِن معبد الإيمان وْ مِن قبل ما يوعى الرّسم باللون يِتْسابَقو عا رسْمها الألوان نادى الأحمر صاحبو الخمري قَلّو أنا وْهَبْتَك بقى عمري بَسّ اتْرِكني بـْمَحَلـَّك حِل ّ عشْفافها بلكي انْطَفى جَمري و اتْشارَع الأزرَق مع الحكلي تا يوقَفو عـ َ جْفونها كحله لون البَنَفْسَج فَكّ هالـْ لونَين وْ قَلُّن أنا العينين مستَحلي عـ َ خدودها اخْتَلفو زهور كـْتار نَرْجِس و جوري و زنبق و جلـْنار وْش ِعْلِت مَعارِك بين لون وْ لون حتّى انْطَبَع عالخَدّ لون النّار لوحة جمال وْ قالِب مْصَوَّر الكون فيكي مْشَعْشَع مـْنَوَّر لا تكبَري بسحر الحلا بالذّات إنتي الحلا فيكي بـْيِتْكَبَّر إنتي خـْلِقْتي أجمل اللوحات وْ حِلْمِك على مْروج الحلا زَهَّر كانِت بِرَسْمِك تِسْكَر الرّيشات يلـّلي مـ َ فيها قلب حتّى يـْحِب كيف اللي عندو قلب مـ َبـْ يِسكََر --------------------------- زغيب: قالتلي احْمَرّو زْهوري ... وْ كنَّك قطّاف مـ َ تـْخَلـّي الورد الجوري ...يـْضَلّ بـْلا قـْطاف -- ما بدّي إشغـُل راسي ... بـْموسى وْ فرعَون بدّي تْعيشي بـْإحساسي ... وْ تـْضَلّي هَون وْ تِمِّك عا كاسي ناسي ... مْن الحُمره لَون ما بدّي عَوِّد كاســـي ... عا غَير شْــفاف -------------------- شفيق: بْلوزِك شَفّاف وْ صافي ... وْ شَفّافه الرّوح ان صاغو حْروف عـْلى قـْوافي ... شاعر مجروح وْ مثلك شْفافِك وِ شْفافي ... خلّيني رُوح مَرِّق روحي الشّفافه ...... فوق الشَّفّاف ------ حسان: مـْرَقتي عا نهر(الكلب) ... وْ رَتَّل ترتيل صَفّى يكرُج بالقِلب ... وْ عـ َضْفافو يْسيل حتّى يِبعَتْلِك قلب ........ النهر مْراسيل كِتْبِت عـَ وْراق الدِّلب ... قْلام الصّفصاف -------- يا لبنانيه زْهوري ... الجوري بِتْجِلّ جاييكي شاعر سوري .. وْ مغرَم بالفِلّ يمكن مِن رَوض عطوري... انساكي وْ فِل ساعة مـ َ الورد الجوري ... يِتْسى النّفناف -------- اخْلِقتي بيروت وْ زِرْتي ... الشّام بْساتين وْ تونِس خَضرا زَهَّرتي ... بْرَوض النَّسرين وْلمّا بغداد اكبِرتي .......... بين الحلوين صَدَّقتي الكذب هوْ صِرتي.. مثل الصَّحّاف ---------------- [/COLOR]
10-04-10, 03:11 PM
[COLOR="sienna"][SIZE="6"]
[COLOR="black"]الشاعر المرهف أستاذ زياد سطاح سلمت يمناك على هذا النقل الجميل وهذا التدوين لأمسية البارحة التي كانت رائعة بفضل شاعرينا الرائعين : [COLOR="red"]الشاعر حسان بسطاطي والشاعر شفيق ديب [/COLOR] فرشوا لنا السماء بالجمال فسمونا إلى العلا بكل فخار أمام شعراء الأرز . أبدع شفيق وأبدع حسان وكلاهما كتبا اسم سوريا على جبين الشمس .[/COLOR] [COLOR="red"] نفخر بكما أيها الفينيقيان الجميلان [/COLOR] [COLOR="black"]الشكر كل الشكر يا أستاذ زياد وبانتظار الشاعرين : [COLOR="red"]معن محمد، وسمير هلال[/COLOR] ثناء [/COLOR][/SIZE][/COLOR] ![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif) ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
10-04-10, 08:19 PM
[SIZE="6"][COLOR="red"]كل الشكر للأخ والصديق الغالي زياد سطاح على الجهود المبذولة في نقل الحلقة كاملةً
والشكر للشعراء المميزين ديب المنبر وخياله الشاعر الكبير شفيق ديب الذي أتحفنا بدرر من مكنونات بحره الواسع شفيق ديب حضور وصوت وصورة حماك الله كما أحيي الشاعر حسان بسطاطي الذي أتحفنا بغزلية رائعة تصلح أن يغنيها كبار المطربين وكنت أتمنى لو أنه أهداها لمطرب مثل الياس كرم لأنها تتناسب وطبيعته مع احترامي للجميع وبالنسبة للتصويت فقد صوتت أكثر من مرة ولكن ياحزركن لمين أبو حيان[/COLOR][/SIZE]
11-04-10, 03:06 PM
الشكر الجزيل لك أخ زياد على المجهود الرائع موضوع ولا أجمل و كل الأمنيات بالتوفيق لحسان و شفيق :beer:
12-04-10, 05:32 PM
[COLOR="blue"][SIZE="5"]وقعنا بحيرة عظيمة لمين بدنا نصوت ؟؟؟ هيدي عين و هيدي عين ......... الخيّال بعدو خيّال و البسطاطي تاريخ زجلي و عمق و فلسفة يمكن لازم نصوّت لموسى زغيب صرنا بركي ابو ربيع بينجح هوي قدام العمالقة عظيم يا شباب عظيم جدا [/SIZE][/COLOR] [SIZE="4"][COLOR="red"]بوعلي[/COLOR][/SIZE]
12-04-10, 07:56 PM
ع ألأوف اسمعنا ألكلمات = فل ويسمين وجوري =
م بيلبق تاج ألنغمات = الا ع جبين ألسوري =
13-04-10, 12:03 AM
[COLOR="green"][SIZE="5"]قالولي اسماع الأشــعار.....وصوّت اصحاك تخبـّي
جيت ومعي غصن الغار.....وقلبي مليان محبـّــــي طلعوا أحبــابي الشـعار.....تنيناتن جــــــّوى قلبي شكرا لجهودك استاذ زياد مع حبي ابو الوفا[/SIZE][/COLOR]
18-04-10, 02:43 PM
[video=youtube;fE_Vl-4-DSs]http://www.youtube.com/watch?v=fE_Vl-4-DSs[/video]
لمشاهدة الفيديو للمتصفحين من سوريا [URL="http://www.mshtawy.com/videos.php?view=hassan_shafic"]إضغط هنا[/URL] |
|
« الأقدم التالي | الأحدث التالي »
|
