30-05-10, 11:49 PM
قــالو الدنيي نزول طلوع..........و بعد الدّرجة في درجة
و عالم بتموت من الجوع.........ع السّـــــلم درجة درجة
و عالم بتموت من الجوع.........ع السّـــــلم درجة درجة
|
درجة درجة
|
30-05-10, 11:59 PM
قــالو الدنيي نزول طلوع..........و بعد الدّرجة في درجة
و عالم بتموت من الجوع.........ع السّـــــلم درجة درجة الشـــاعر ما بدّو توقيع.......رَسمي يعّرف عن حالو بيت الــشعر بلا تقطيع.......بينزل شـــقفة من خيالو لا بينـباع و لا بـــيبيع.......بـسوق الجمـلة مـــوّالو صـبّاط ل بـدّو تــرقيع.......سعرو بسعر الكندرجي
31-05-10, 01:11 AM
أوّل مَ الـــشاعر بــيطير ...... بتحكي الـناس بأخبارو
بيت ل فيّـو ولاد كــتير ...... مَ بتسمع صوت كبارو شـعّار اعْـتنقو الـتزمـير ...... و شـعّار اخـتلفو تبارو عْلَى نفس المنبر بتصير ...... تقلّك هالـمنبر برجي
31-05-10, 09:49 AM
[COLOR="darkolivegreen"][SIZE="7"]يا عيني ع ربّك يا استاذ
شو هـ الروائع[/SIZE][/COLOR]
31-05-10, 11:00 PM
درجة دؤجة
قــالو الدنيي نزول طلوع..........و بعد الدّرجة في درجة و عالم بتموت من الجوع.........ع السّـــــلم درجة درجة الشـــاعر ما بدّو توقيع.......رَسمي يعّرف عن حالو بيت الــشعر بلا تقطيع.......بينزل شـــقفة من خيالو لا بينـباع و لا بـــيبيع.......بـسوق الجمـلة مـــوّالو صـبّاط ل بـدّو تــرقيع.......سعرو بسعر الكندرجي .......... العزيز الحسين مخول مبدع بهذا العطاء واسمحي ان انبه لخطأ اظنه غير مقصود حكمته القافية واستنكرته المعاني وليكن (الرد من دهنو سقيلو)كما يقول اخواننا الدمشقيون اليوم عملت الكندرجي ......سعرو بسعر الصرماية وبكرا دور المعمرجي...... ومين بيعرف شو جاي رح تعمل حالك فرجة .......عا صفحات المشتاوي وع صفحات المشتاوي......... بنصبح للعالم فرجة حمل بايدك باقة ورد ..ورشرش عطرا عا الجيران ومابدي مني تحتد .........صّحيت بفكري الانسان الانسان الهو عن جد.... بيراعي ظروف ا لطفران لو انو العامل ما كّد ............ماكنا طلعنا درجة
01-06-10, 09:51 AM
محــسوبك عامل باطون ...... ســعري بســعر الكندرجي
تشــرين لزقتو بــكانون ....... و شــباط دحشتو بــدرجي وعن نفسي بقلّك مجنون ..... أجــدب بســــتاهل خــرجي لاكن شــاعر مــا بتكون ...... ن مــقدرت الــعين تفــرجي إنّو دموعك صارو عيون..... و قادر تبكي...و تســترجي! بين المشتى و الكــفرون ....صلّــينا و قلــنا يــــا رب ما شفت غصون الزيتون.... و لا قريت ب آيات الحب إنت بــ تفكيرك مــلعون .... دغري قلت الــشاعر سب وقاف بــساحة مرجعيون.... بــ تشــم تراب الــمرجة أخي الكريم : لمّا بتسمع عيطة ( باروووود) تبقى فوت ل جوّا . ب ذكر العيطة و البارود.....شي عصملّي و شي فرنجي با لساحة عْساكر و جنود..... اتّــهمو الــشاعر إخونجي!
03-06-10, 10:21 AM
أخي الزرزوري:
بدّي أعتذر منّك على ردّي الأخير بلحظة غضب. يمكن أنا معصّب شوي زيادة بهالأيام من ( التّهم الجاهزة..كي تلبسك الجريمة ). ع كل حال , بعترف ب سوء معاملة الحوار و عدم تقبّل النقد . بتمنّى تقبل إعتذاري. مع محبّتي و إحترامي لك.
03-06-10, 11:57 PM
درجة
الشاعر الحسين مخول كلنا معرضون لمثل هذا الموقف ... كنت اتمنى ان اعرف ايميل خاص حتى لاانتقد ذلك البيت الا من خلاله فالهدف يااخي هو رفع سوية هذا التراث الذي نعتزبه ولكوني رأيت فيك من هو اهل لحمله لما تملكه من موهبة وقدرة على الصياغة بعفوية عجيبة انك شجاع واقدر لك ذلك وقلما نجد من يعترف ويعتذر وهذا لايفعله الا من حباه الله بالتواضع والمنطق وحسن الخلق وشعبيا نقول من يعصب بسرعة يرضى باسرع مما دعاه للتعصيب كنت قد كتبت لك ردا واحجمت عن ارساله كي لاننزلق بمهاترات لاتضر ولكنها ايضا لاتنفع سوف ارسله لك على البريد الخاص اذا مارغبت ...ولك حرية النشر مع كل الاحترام واعتبر ماحدث كأنه لم يحدث |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر