صدفة و انا و الليل و الخمار
و الفجر عم بيجهجه و يطلع

وناطر العتمة تا تصير نهار
وبوج وهج الشمس تتشلع

و بهالعمر تا نكمل الاقدار
المفروض مرة نسمع و نقنع

عمر البشر لحظةو لحن غيتار
مهما كبر بالاخر بيوقع

تذكر يا عمري وقت كنا زغار
نلعب مع الازهار تا نشبع

و هلق يا عمر بآخر المشوار
عالاخرة منفوت ما منرجع

لا المرج قادر يشبعك يا حمار
من هيك نعمة خلقت يا ختيار
للشعر الله وللسما مرجع[/COLOR][/SIZE]

[COLOR="red"][SIZE="5"]ابو علي

[/SIZE][/COLOR]

slayman · 17-11-10, 03:54 AM

[SIZE="6"]لا تموت متل العتم يا هاني
متل الشمس خليّك حتى تموت
فيّق جروحك عا عمر تاني
وحضّر كتابك للوحي تابوت

انتي بشر غير البشر يا جار
انتي موسيقى بتنعزف للصوت
وكلما الوجع بيحرّك الأوتار
بتدوب نغمة آآآآآخ قبل الموت

نيّال قلبك ها الدني مودّع
ورايح عا دنيا تانية وفرحان
وعليك بدها القافية تدمع
جهّز محل زغير ..لسليمان

يا حراااااااااااااام

حبيّت إني بالزجل أرثيك
بركي يا هاني العمر جايبلك
عمرين حتى تعيشها وما فيك
بنموت يمكن كلنا قبلك

نزّلت دمعة عين سهراني
وخليّت قلبي بغربتي يعاني
وكرمال الله حاجتك أرجوك
تكتب شعر حساس عا الفيسبوك
بزعل انا عن جد يا هاااااني

تقبل مرثايي من بو شربل بلا زعل
ههههههههههههههههههههههههه[/SIZE]

hany nassif · 17-11-10, 04:07 AM

[COLOR="blue"][SIZE="7"]

موجوع يا بو شربل اعتقني
بهالعمر جمر العمر عتقني
ما عاد فيي اكرع القصدان
هرهر شبابي الورد فتقني
بعرف حياتي لفها النسيان
و صار الوجع عالنوم يسبقني
و ما كنت صدق بالدني انسان
الا ما وصل الموس عا دقني
[/COLOR][/SIZE]
[COLOR="red"][SIZE="5"]ابو علي

[/SIZE][/COLOR]

slayman · 17-11-10, 04:11 AM

[SIZE="6"]ألشاعر سليمان طراد
وحياة ربّك روق يا هاني
بهالعمر كل الناس بتعاني
ما فيك تقشع بالدني فنان
والله يا هاني بعيشتو هاني

حتّى اللي حملو بالعمر صلبان
انصلبو عا خشبة عمرنا الفاني
باعوا المسيح وصرّفوا الإيمان
ويوضاس صاروا يمكن تماني

بها العمر رخصت قيمة الأنسان
والموت حق وجرح جوّاني
ويا بو علي بيحبك سليمان
خرطش شعر عا وراق ما بتموت
شعرك أبد والفن ربّاني

خرطش ضل وتراك المناكفات ههههههههههه

بحر الزجل[/SIZE]

hany nassif · 17-11-10, 08:45 AM

[COLOR="blue"]

[size="6"]بحياة ربك هات الفية
اسكر انا وياك يا خيي
كل اللي باقي بالعمر كم يوم
عم يقطعوا متل الحرامية
و العمر متل الكفر وقت الصوم
بي حركش بجرح الالوهية
قديش صرلي طعمتك يا نوم
ما دقت من ايام منسية
لا تواخذوني ولا تحطوا اللوم
ايام جرحي بيرشح غناني
و ايام روحي بتعتب عليي
[/COLOR][/size][/color]

[SIZE="4"]

[COLOR="red"]ابو علي[/COLOR]

[/SIZE]

سلوم الياس سلوم · 18-11-10, 09:52 PM

[SIZE="5"][COLOR="darkgreen"]ما كنتُ أرغب التَّدخُّل ,
كي أستمتع أكثر بهذا القول الرَّاقي ,
لكن دمعتي سبقتني فقالتْ:
**********
يا بو علي كُفّْ البلا
قطَّعتْ قلبي بهالصَلا
سليمان بالإيصون معك
شمَّاس رندحتو حلا
***
عمرو الزَّجل ما ودَّعكْ
متل الصَّلا ما وجَّعكْ
كلّ الخليقة بتندعكْ
مثلكْ أنا قلبي انسلا
*****
ـ أساتذتي الكرام :
هاني ناصيف وسليمان طراد المحترمين
أعتذر لهذه المقاطعة وكنتُ أودُّ أن تبقى الصَّفحة لكما فقط
لكن ما أثرتماه من مشاعر وأحاسيس دفعني للمشاركة.
أكرِّرُ اعتذاري ولكما جزيل شكري ومحبَّتي .[/COLOR][/SIZE]

slayman · 19-11-10, 03:07 PM

[SIZE="6"][COLOR="navy"]خرطش يا هاني بيوت ومواويل
وفيّق جروح النحت بالأزميل
بتضل شاعر نت ما بيموت
كتابك صلا وقصايدك إنجيل

موجوع جرحك عم ينز بيوت
فيها الحلا صوب الحلا بيميل
واللي بيقرا شعرك المنحوت
بيحس الله ناحت تماثيل

من دون إذن عا قلوبنا بتفوت
متل الصلا من مدخل الترتيل
ويمكن قصادي عا الدني مبعوت
تا تجوهر الكلمات بالأشعار
وتا تحدد الإبداع بالتحليل

بحر الزجل[/COLOR][/SIZE]

hany nassif · 19-11-10, 03:35 PM

[SIZE="5"][COLOR="blue"]

اتركني بهمي حاج تغريني
هم العمر عم تحملو سنيني
متل العلى شط البحر مشلوح
و ناطر تجي و تطل شي سفيني

الانسان اخرتو شوية شوح
و شي كم دمعة تكون عالهيني
الانسان جسم و روح و المسموح
يغفى وعد يوعى حلم ديني

و بالاخرة بباب الكتب بي سوح
فوق السطر متل الكانو جمر
عا رماد عمري بنار كاويني
[/COLOR][/SIZE]
[SIZE="4"][COLOR="red"]ابو علي

[/COLOR][/SIZE]

slayman · 19-11-10, 09:45 PM

[SIZE="6"][COLOR="navy"]ياكبير يا رسّام موقعنا
نحنا بحبّك كلنا وقعنا
لا تضيّع الشردات بالعركات
صوت القوافي بس سمّعنا
خرطش شعر وبيوت بكريات
تا يكون فيها ها الدني معنى
وخايف بعد ما تكتّر الحفلات
ما تعود تكتوب يا بطل معنا
ههههههههههههههههههه
طوني التهى..لاحق رومانيات
وفادي بحلقةأووووف ضيّعنا
وما ضل يكتوب هون غير حكماااات
لا المنتدى بينفع بشعرو كتير
وما تظن غيرو رح بينفعنا

بحر الزجل[/COLOR][/SIZE]

hany nassif · 20-11-10, 12:32 AM

[SIZE="5"][COLOR="blue"]

انا انسان جرحي انتسابي
الجرح و الآخ عنوان بكتابي
السعادة مش الي الله بيشهد
السعادة حلفت ترافق جنابي
الخيانة نحرت القلب التنهد
بطعنة غدر من اغلى حبابي
انحرمت من السعادة و صرت اشحد
بسمة عطف من اقرب صحابي
انا ما بزعل و لا بريد احرد
و عا مين بحط لومي او عتابي
عا الله ؟؟ ... عالدني .... عا ليل اسود ؟؟؟
عن السرقو السعادة عن عتابي
انا ما بعتب و لا بريد احرد
و بكفي تحسسوني بالغرابي
اتركوني عالجرح قلبي تعود
لانو ربنا جلة جلالو
بخيطان القهر خيّط تيابي

[/COLOR][/SIZE]

[SIZE="4"][COLOR="red"]ابوعلي[/COLOR][/SIZE]

slayman · 20-11-10, 12:44 AM

[SIZE="6"][COLOR="navy"]انتي ملاك الموقع الراقي
البعدو بيخرطش شعر عا وراقي
بتضل يا مضروب تهجي الناس
وما عرفت يا ناصيف هو رفاقي
بنّجتنا عا النت بالأحساس
وصفيت للزهور الزجل ساقي
وكلما بتشرب بالمعنى كاس
بتبلش تحركش بها الشعّار
ورفيق غيري كيف بتلاقي

بحر الزجل[/COLOR][/SIZE]

slayman · 20-11-10, 12:47 AM

[SIZE="6"][COLOR="navy"]ألشاعر سليمان طراد

بيخبروني الناس مش هاني
وضعك دقيق كتير بتعاني
وقالوا الأطبا كرهت حتى تشوف
وعايش تفضّي وتفتح قناني
بعرف انا الأنسان عندو ظروف
بتمرق عليه بتتركوا حاني
بس الفنا يا صاحبي ملهوف
يزيّن زهورو بحوض جبّاني
من هيك بدك صار جوز كفوف
تا تفيق تكتوب شعر وغناني
بحر الزجل جايي على المكشوف
يقلّك اذا بتموت بالخمرة
بأسف عليك كتير يا هاني

بحر الزجل[/COLOR][/SIZE]

hany nassif · 20-11-10, 01:01 AM

[SIZE="5"][COLOR="blue"]

مبارح رحت تا شوف ايامي
بركي الغراب بيصبح حمامي
تاري غراب البين ما بيصير
أبيض بلون الزنبق النامي

فت على مشفى واقعي بكير
وعندي أمل عني حدا يحامي
تار الدوا يا صاحبي تخدير
وجرح العمر بواقعي حامي

المحروق قلبي بس عا مشاوير
لعند الحكيم وأمر ألزامي
وبيي يا بو شربل مريض كتير
عندو انا بالعمر متعامي

بيطق قلبي بيدفع فواتير
عا نقل دم وعا إبر مورفين
هيدا وضع لبنان..أجرامي
[/COLOR][/SIZE]
[COLOR="#ff8c00"][SIZE="4"][COLOR="red"]ابوعلي[/COLOR]

[/SIZE][/COLOR]

hany nassif · 20-11-10, 01:32 AM

slayman, post: 49970 كتب:
[SIZE="6"][COLOR="navy"]ألشاعر سليمان طراد

بيخبروني الناس مش هاني
وضعك دقيق كتير بتعاني
وقالوا الأطبا كرهت حتى تشوف
وعايش تفضّي وتفتح قناني
بعرف انا الأنسان عندو ظروف
بتمرق عليه بتتركوا حاني
بس الفنا يا صاحبي ملهوف
يزيّن زهورو بحوض جبّاني
من هيك بدك صار جوز كفوف
تا تفيق تكتوب شعر وغناني
بحر الزجل جايي على المكشوف
يقلّك اذا بتموت بالخمرة
بأسف عليك كتير يا هاني

بحر الزجل[/COLOR][/SIZE]

[COLOR="red"][SIZE="4"]اففف يا بو شربل غمّقت يا بو شربل اتركني بالانا في و لا تنبش الاوجاع
[/SIZE][/COLOR]

[COLOR="blue"][SIZE="5"]

يا كاس البلحلا زيّن شبابي
شربتك أخ تا خفف مصابي
و لاني من الفجر للنجر بكدح
كنت خيي بشرودة و ارتيابي
العمر يا بحر غيمة و عم بتسبح
بفلك اضيق من بطانة جيابي
اكبر من وجودية المطرح
و ازغر من الوهية ترابي
و بعد ما صار مني العمر ينزح
دبت عا نزوتي بكاس التصابي
و صرت كلما نداني الصوت اسمح
لغيري يدخل عتابي لاني
تركت الموت واقف عا عتابي
[/SIZE][/COLOR]
[COLOR="red"][SIZE="4"]ابوعلي[/SIZE][/COLOR]

slayman · 20-11-10, 03:06 AM

[SIZE="6"]الخمرة يا هاني كتير مأذيّه
وفيها سموم ومجرمي هيي
بتدوّبك متل التلج عا النار
وبتسرق سنين الطفوليي
يا رفيق حاجي بعيشتك تحتار
وتغفا عا بطحة خمر يوميي
وتضيّع سنينك متل ختيار
ناطر يجيه شباط يا خيي
انتي ضحية والضحايا كتار
وتا ساعدك عا الجرح ما فيي
مجبور كفّك يحمول المسمار
وتتحمل الأوجاع والأخطار
واياك مرة تعتب عليي

بحر الزجل[/SIZE]

hany nassif · 20-11-10, 10:13 AM

[SIZE="5"][COLOR="blue"]

تركني يا بو شربل عا ذوقي روح
ما عاد عقلي يحمل سمومي
صفيت متل الجسم من دون روح
يما الماشي بحقلة لغومي
شو نهايتي.... محمل عا نتفة شوح
افضل اذا بي غيبتي ارتاح
و لا ضل حامل خشبة همومي
[/COLOR][/SIZE]
[COLOR="red"][SIZE="4"]ابوعلي[/SIZE][/COLOR]

slayman · 20-11-10, 03:46 PM

[SIZE="6"][COLOR="navy"]مجبور تحمول خشبة همومك
ومجبور عا شرب خمر لومك
ومجبور ترحم نفسك ولا تصير
تشرب يا هاني بكاسة سمومك
خليّك عايش عاالبنج تخدير
وحضّر لملقا ربنا طقومك
وما تعيش عمرك هيك فوق سرير
تعبان ناطر رحمة الخلّاق
تأكد ما في انسان بيقومك

بحر الزجل[/COLOR][/SIZE]

hany nassif · 21-11-10, 02:21 AM

[SIZE="5"][COLOR="blue"]شو بعد بدك يا عمر مني
ما شاب راسي من زغر سني
حملتك بقلبي عام خلف العام
و كل عام عم بتكبر العني
اتركني بي حالة عايش الاوهام
و لا تردني على كون جنني
اتركني ما بدي عيشة الاحلام
ممنوع احلم حل دشرني
الورد الربي بي روضتوا بسام
بيعطيك عطرو كل ما يجني
بس الخلق عا فرشة الالام
بيعطيك كل شي بيملك بهالارض
كرمال لحظة يعيش متهني
[/COLOR][/SIZE]

[SIZE="4"][COLOR="red"]ابو علي[/COLOR][/SIZE]

slayman · 21-11-10, 02:44 AM

[SIZE="6"][COLOR="navy"]ألشاعر سليمان طراد
بعت الدني وعم تخسر سنينك
وطبّقت عا حالك قوانينك
ونسيت انّو ربّنا رحمان
الخلّاك تعرف بالدني مينك
رح حلّفك بالحق والوجدان
لا تخسر ورودك وياااسمينك
اللي بينتحر ...بتصير للشيطان
روحو وانا ما جيت تا دينك
جايي يا هاني يقلّك سليمان
تراك الخمر ورجاع لدينك
وضوّي شموع الحق عن إيمان
ولا تخاف زكرك بالدني بيضل
والله على الأوجاع بيعينك

بحر الزجل[/COLOR][/SIZE]

hany nassif · 21-11-10, 08:21 AM

[SIZE="5"][COLOR="blue"]

بحياة ربك كن يا سليمان
حاجي بي قلبي تشعل النيران
و تخنق حنيني بالشعر ببيوت
فيها الوحي عم يغزل الخيطان
يمكن انا بهالشهر لازم موت
و اخلص من الاوجاع و الاحزان
يمكن يقولو الناس عني خوت
و كتر الوجع خلى العقل تعبان
بوصيّك لما بتحمل التابوت
لا تزرف الدمعات بترجاك
خلي الورد يشرب من الفنان
[/COLOR][/SIZE]
[COLOR="red"][SIZE="4"]ابوعلي

[/SIZE][/COLOR]

تسجيل الدخول
اسم العضو:
كلمة المرور:	نسيت كلمة المرور؟
	تذكرني