همسة للخال عصام ...

[انهل دبس]

[SIZE="6"]همسة للخال عصام ...

حْضِـرنا حلقات ( أوف 1 ) واستمتعنا بشعر وصوَر وأصوات ’
وبَدأ ( أوف2 ) وكمان استمتعنا بالأشعار الحلوة حتى طل عصام
وحتى حضرنا الحلقة الماضية مبارح ’ وهون تذكَّرت قصة زغيرة صارت معي والقصة :
من حوالي ( 15 سنة ) أو أكتر شوَي إجا لعـندي إبن أختي ( سامر عيد ) وقلي بدي إقرا زجل عطيني شي كتاب ’ عطيتو ديوان الشاعر الكبير خليل روكز ’ وبعِـد ما خلص من الديوان وصرنا دائماً نسمع زجل ونتناقش سألتو مرة عن رأيه بقصيدة لأحد الشعراء فكان جوابو :
يا خالي إنت ضِرَّيتني كتير بالزجل لما عطيتني أول كتاب وكان ديوان خليل لأني ما عاد لقيت شي حلو أكتر من قصائد وصوَر خليل .
وهيك صار فيّي أنا لما حضرت حلقة مبارح من أوف وكانت بعِـد حلقة عصام ’ وبتصَوَّر رح يكون هيك شعوري حتى يرجع يطلع عصام بحلقة جديدة ...
ناطرين إبداعاتك يا غالي وناطرين طلتك علينا بفارغ الصبر ...
وبقلَّـك :
ضَـلَّـك مْحَـلـَّـق فـوق بالعالـــي
بين الكَـواكِـب ... قمَـر بتلالــي
عَـرِّم بالمَجَـرَّة ... عا رفاقـَـــك
دخيلك بَس لا تضَيِّـق خلاقـَـــك
وتِحْـرُم نـَحِلنا زيارة طـْباقـَـــك
بحاجة عِطِـر ورداتـَـك يا خالي
*****

بكل الحـب
أنهل دبس
[/SIZE]