ويــــــــن مــســافـــر....

[ramroum]

[rams]http://song.6arab.com/julia-bo6rus_wain-mesafer.ram[/rams]

تصور انك آخر مره
رح تندهلي ورد عليك

أخر مره تلمح وجي
عم بيزهر بعينيك

وين مسافر ..اوعا تسافر
وين مسافر ..اوعا تسافر
آخر مره بقلك هيك
آه آه آه

تصور انو تكون الليله
اخر ليله بتسهر هون

وانو الورده يلي لونتها
آخر مره يكونلا لون

ياه الضايع من يلي قالك
انو مانو هون الكون
آه آه آه

تصور انو تكون الليله
اخر ليله بتسهر هون

مش معقوله انك بكره
مش رح تمرء حد البيت

وان اخر مره الليله
رح تسالني ان كان حبيت

ولا معقوله يلي كانو النا
يصيرو كلياتهن ياريت

تصور انك آخر مره
رح تندهلي ورد عليك

أخر مره تلمح وجي
عم بيزهر بعينيك

وين مسافر ..اوعا تسافر
وين مسافر ..اوعا تسافر
آخر مره بقلك هيك
آه آه آه

لـ جوليا بطرس ..مع إني مابحبا كتير بس هالإغنية إلها بتجنن

[Mr. Samo]

حلوي الغنية , شكرا لانو اول مرة بسمعا

[ramroum]

u r welcome samo

[مـ الريم ـيس]

ذووووووووووووووووووووق

الله يعطك الف الف عافيه يارب

[goldenrose]

من أروع ما غنت جوليا بطرس

رمروم بالبداية خليني رحب فيكي بعد طول غياب وقلك اشتقنالك واشتقنا لمواضيعك الحلوة وانشاءالله هالغيبة تكون كلها خير ولمصلحتك بس لا تعيديها وتطولي كتير على طول هلي علينا هلي صغيرة
بعدين خليني اتشكرك على هالغنية الرائعة اللي بحبها كتير وصارلي فترة عم دور عليها وما كنت لاقيها بهديها لأميغو لانه كمان بيحبها ومن فترة ونحنا عم نتنافش منشان تنزيلها ومين أجا ونزلها رمروم الغالية على قولة أميغو بس مو بالنسبة اله لوحده انت غالية انتي غالية علينا كلنا
بس خليني عاتبك عتب صغير والعتب على قد المحبة يعني معقول انك ما تحبيها لجوليا بطرس
هيك بدك تزعليني منك معقول يا غالية ولو..... بس بأختيارك هالغنية قدرت هالشي وعرفت انك مذوقة وبالأخير الدنيا أذواق يعني كل واحد بيسمع اللي بدو ياااه مو هيك رمروم يعني انا حتى لو ما بحب فنان معين بس يمكن اسمع لو غنية تعجبني وحبها


رمروم انتي كتير مذوقة واعجابي فيكي زاد بأختيارك هالغنية

بتمنالك كل التوفيق

وللامام دائما

[Aboud]

اهلا وسهلا فيكي رمروم والله من زمان وين هالغيبة ؟؟؟؟؟؟؟؟
بس مثل ما قالت غلودن روز ما معك حق ما تحبيها لجوليا بطرس لان صوت ما بيتكرر
والاغنية حلو كثير لجوليا بطرس فعلا ومن اخبار هالمطربة العظيمة ..

انها تستعد لإصدار ألبوم غنائي جديد من إنتاج شركة روتانا يتضمن 8 أغنيات و يحمل عنوان "اتعودنا عليك". تتعامل جوليا في الألبوم مع الشعراء و الملحنين المعروفين مثل مروان خوري و سمير سفير و جون مادجيان و غيرهم. كما تقوم لأول مرة بكتابة كلمات أغنية خاصة بها و تسجلها بصوتها.شكرا

[angel]

والله اهلين وسهلين برمروم الغالية
وين هل الغيبة كلا انا هل شفت موضوعك وأغنيتك الرائعة
وانبسطت كتير انك رجعتي
نور الموقع رمروم وماعد بدنا ياكي تغيبي
شكرا الك

[echo]

أيا غيبة يا شباب الموضوع ضرلو من الصيف الماضي من نص تموز 2005 بس العضو ميس الريم ردت عليه و أنتو فكرتو أنو ريم رجعت

على كل حال إنشاء الله بترجعلنا قريباً لأنو اشتقنالها و اشتقنا لمشاركاتها الحلوة متلا

[Aboud]

أيا غيبة يا شباب الموضوع ضرلو من الصيف الماضي من نص تموز 2005 بس العضو ميس الريم ردت عليه و أنتو فكرتو أنو ريم رجعت

على كل حال إنشاء الله بترجعلنا قريباً لأنو اشتقنالها و اشتقنا لمشاركاتها الحلوة متلا

اهلا طوني والله معك حق الموضوع صار له من 14/07/05

بس الواحد شاف الردود فكره موضوع جديد ، على العموم منتمنا للأخت رمروم ان تكون باحسن حال وانشاء الله نشوف مشاركات الها عن قريب ونعرف اخبارها ...

شكرا