مناظر مسيئة للمشتى......

[yara]

1_عدم التقيد بقانون النظافة و الرجوع لعادة رمي الزبالة بعد ما بيكون عمال البلدية قد نظفوا المكان و هلكوا
2- المرأة اللي بتنظف بلكونا و بتنزل المي الوسخة عالسيارات و الطريق
3_ الشحادين المنتشرين و اللي كل ما شافو واحد مارق او سيارة بينطوا قداما
4- شرطي المرور بيوقف السيارات و بيعطل السير مع انو هو المسؤول عن تنظيم السير
5- الشوفير اللي بيوقف بنص الطريق و بيطق حنك مع فلان و علتان و بيوقف السير
6_ الشباب اللي بيركضوا ورا السيارات الداخلة على المشتى مشان تأجير الشقق
7-بياعين العرانيس
8-كولبة ام علي
9-السيارات اللي بتمشي عالمازوت و بتعبي الدني بدخانا
10- البياعين اللي بيحتلز الارصفة ببرادات البوظة و الصاجات و ووو.....إلخ
11-ضجيج السيارات و الموتورات

[Mr. Samo]

1.فالج لا تعالج
2.هيدا ظاهرة حضارية و لا حدا بهمو التاني
3.اي هودي بيقصمو المصاري مع الشرطة لهيك ما بوقفوون
4.كرمال يطلع مصاري
5.لانو مافي مين يحاسبو بيكون الشرطي يا عم يطلع عشي بنت او مع شي واحد بدو يبخششلو
6.اي الله يساعد , كمان هودي بيقصمو الغلة مع الشرطة
7.بقدمو عطر طبيعي للناس
8.ما في النا حكي
9.لانو المراقبة كتير قوية ب 25 ليرة بتشتري اكبر شرطي
10.بالمصاري كلشي بيصير
11.هادا مالو حل

[echo]

صرنا حاكيين عن هالموضوع شي 10000 مرة بس ماحدا بيهتم

[yara]

شو هاد سمير سكرتا بوجنا .......
طرحت الموضوع مشان نلاقيلا حلول مو مشان نلاقيلا حجج
و معك حق بكلشي بتحلو المصاري بس مو دايما
و مشان كولبة ام علي هاي اهم شي : نازعا كل شكل الطريق و الرصيف مو ملكا لحتى تحط عليه صناديق الخضرة و ما تخلي حدا يمرق و مو بس هيك بتقعد عالم عندا مو ناقص غير تعمل كافيتيريا كمان ........

[الخال]

الحق يقال

هكذا تعودنا أن نرى مانريد وأن لانقول كل مانعلم ليست الشرطة ياأصدقائي كما ترون بل يوجد لهم علينا حق بأن ننصفهم فهم أبنائنا أو أخوتنا ويعانون مثلنا من مرارة العيش ان كان هناك لوم يجب أن يقع على عاتق الدولة أليس هم الذين يسهرون حتى الصباح في أيام الشتاء القارص كي ننعم بالأمان أليس هم الذين يرمون بأنفسهم داخل النار عندما يحدث حريق في أحراج البلدة ويرمون بأنفسهم عندما تقع مشكلة في حلبات المصارعة ضمن البلدة وينالون نصيبهم من اللكمات كما أني أريد أن أسأل هل بمقدور الشرطي نزع ( الكولبة ) أو تطهير البلدة من المتطفلين المشكلة أكبر من الشرطة ومن ال 25ليرة وان كان أحدهم مخطأ لايجب أن نعمم على الجميع أنا لاأدافع عنهم بل أريد أنصاقهم ولو أن الدولة تعطيهم مايكفي للعيش بكرامة رجال الأمن في البلدان الأخرى ماكان ماتقولون عنه كل الشكر لجميع عناصرمخفر شرطة مشتى الحلو والسيد رئيس المخفر والسيد مدير الناحية .
الخال

[yara]

يا خال أنا بتصور انو بهالحالة لازم نفتح موضوع جديد لأن منكون خرجنا عن نطاق الموضوع الأصلي و نحنا ما عما ننقد الشرطة بهالشي بالعكس عما نحكي عن مشكلات السير مو عليون و الموضوع عن شغلات عما نشوفا كل يوم و عن وضع عايشينو و عما يضر بالمشتى
و طبعا انو مو كل الشرطة هيك
و أنا بشكر كل شرطي سهر عراحتنا و عم لاحظ بهالفترة انون عما يتعبوا كتير و بتضل سيارة الشرطة عما تمشي بالشوارع كل الليل

[نسر]

عذرا للتدخل في موضوع كتبنا فيه الكثير و ها هو يتكرر
ولا داعي لفتح موضوع جديد أخر فقد نوقشت كل هذه المواضيع مرارا و تكرارا و بإمكانكم التعليق فيها مباشرة

و أما الملاحظ أن الشباب توصلوا لفهم أمر لطالما حوربنا و انتقدنا من أجله و هو أن كل شيء متعلق بفساد الدولة و أن هذه المظاهر إنما نتاج هذا الفساد و الإهمال
و لن يصطلح هذا الصغير ما لم يصطلح الكبير ....و ليس في الأفق ما يلوح بذلك
بلد حارة كل مين إيدو الو
قانون و نظام مفخوت من رأسو بدكم ياه من القعز يضبط
و عيش يا كديش

بتمنى من الشباب الصغار أنهم يفهومو هل الأمر و ما يحطوا اللوم كله على هل كم درويش من الشعب يلي بنفذو الأوامر و دوبهم بسيدو ريقهم بهالكم ليرة أول الشهر التي لا تسمن و لا تغني من الجوع