صور من حفل توقيع كتاب الشاعر شفيق ديب

[amigo]

[size=3]بداية دعوني اتوجه بالتهنئة للأخ والصديق شفيق ديب على هذا النجاح الذي حققة خلال حفل توقيع كتابه الأول اسرار الورد سواء في مضمون كتابه أو في النجاح المميز الذي رافق حفل التوقيع كما ارغب بالتنويه على الاداء الرائع للاخ شفيق الذي تجلى بأبياته الرائعة وإلقائه المميز مع تمنياتي له بدوام النجاح والتوفيق .
كما ارجو منه أن يدعم المشاركة ببعض الابيات التي ألقاها إضافة إلى بعض الابيات المميزة لبقية الشعراء [/size]

[محمد حسن شريم]

مبروك حفلة توقيع الكتاب

عنّي سمعــت قالو النــاس مالو ____ ما عاد الفرح سايع في مجـالو
قلت يـــا مجتمع معقـــول غابك ____ حفلهِ نجوم فيهــا عـــــم يلالو
وأنا يـــا قلب يلّي النـور صابك ____ منّهــــا تالفكــر جمّــع غـلالو
فيهـــا مـــــا كنــت لكـن غيابك ____ قصّري تا بن ديب ارتاح بـالو
ويــا منبرنا للي شفنا عاخشابك ____ أسعد أسّعد العــــالــــــم قبـالو
وحسـان وحسيــن المن حبـابك ____ وبسّام وسمير ال فــــي هلالو
رجع فيهن يـا منبرنـــا شبـــابك ____ حتى عليك قالو شـاف حـــالو
وشفيق السبع حامي ضل غابك ____ سبع يا غـاب مــــا فيلك بدالو
شاعر كبّر وعـــــلاّ حســــابك ____ ضاق الكون لو انقاس بخيـالو
بقلو ترابنـــــا هــــوي تـرابـك ____ حواسي الخمس فيي هيك قالو
وبحفلهِ وقّعّـــت فـيـهــا كتـابـك ____ وسام الشرف نلتو بهيك حفلهِ

___________ وذات الشرف إبن شريم نالو __________

[shahani]

حفل حلو تنشاالله تتهنو يا سكان المشتى

[echo]

بحب بارك للصديق العزيز شفيق ديب على حفلة توقيع الكتاب

و بالفعل الحفل كان ناجح و أتمنى له دوام الصحة و العافية و النجاح دائما

تحياتي

[أبو زيد]

ألف مبروك

يا شفيق حابب هنيك ــــــــــــــــــــــــــــــ بهالحفلة الحلوة كتير

جمال الكون شفتو فيك ــــــــــــــــــــــــــــ ريتك تسلملي يا مير

ألف مبروك وتحياتي ..

[شفيق]

شكرا للجميع


لا تواخذوني ,,كنت مسافر

وبالمحل اللي كنت فيه(صلنفة) ما قدرت ارتاح بالانترنت

هلق رجعنا وتكرم يا رامي

رح ضيف صور من الحفلة وأشعار بس اصبروا عليي لبكرا

[شفيق]

هي قصيدتين من مجموعة القصايد اللي ألقيتها



جايي توقع في المشتى كتاب...............كتبتو شعر من نظرة الأحباب
وولاد جيلي ما بقيلن هم ......................إلا شو غنا الشيخ عمرو دياب

ليش الشعب عالشعر ما بيلتم..................ليش الزجل عن كل جيلي غاب
الظاهر ما عاد الدم متل الدم ........................لما علينا سيطروا الأغراب

جايي توقع في المشتى كتاب ............... كتبتو شعر من نظرة الأحباب
وشو قيمة كتابي بلا محبين .................... وشو قيمة السهرة بلا إعجاب

وشو قيمة الجني بدون الدين ...................وشو قيمة العاشق بلا سرساب
وشو قيمة الزرقة بلا تلوين ......................وشو قيمة الورقة بلا الكتّاب

وشو قيمة الزهرة بدون اللين ..........................وشو قيمة الخمرة بلا شراب
وشو قيمة الإيام في تشرين............................ان ماكان في نوار بعدو آب

وشو قيمة الدنيا بلا الحلوين .................. وسهم حبن صميمي صاب
اللي شبشبوا شيبة جبل صنين ..................والشيبو يللي بعد ما شاب

جايي توقع في المشتى كتاب ....................كتبتو شعر من نظرة الأحباب
وبكل سطر مسطر من سطور.................................حطيت نفحة حبة العناب

وبكل صفحة في عطر منثور ..........................جبتو من الأفكار والآداب
وبكل نقطة عالحرف بتدور ....................بيطلع من النقطة الشعر مزراب

وانتو يا حضاري ياأغلى نور .........................عراب للأشعار مني قراب
ووالد كتابي صرت يا جمهور ..................والوالد المتلي تأبنو يعيش
....................لازم يجبلو من البشر عراب.................



مرة مع الزغلول يا حضار.......................لقيت بقصيدة شعر ما بتشكي
وبالرغم ما تشجعت ليل نهار...............وقالوا نجحت شرف على الدبكي

ما بقيت راضي كتيرعالأشعار ...................حيث الغرور مطعم الضحكي
وحيث الشعر مش من جبل جبار....................الشعر من نبعة عم بتبكي

من هلق وطالع مع الشعار.........................ما بقول بيت بفكرتي بيتكي
مش رح بقول الشعر غير ان صار ...............أخمر من العرقات والوسكي

وحياتكن أنتو يهالأنصار ...................يا بقول شعر بكل شطرة بيت
....................يما بعمري ما بقا احكي..................

[ramroum]

ريتو ألف مبروك ياشفيق

نشالله ينجح الكتاب ..مع انو هاد شي مافي شك فيه

[شفيق]

وهي من قصيدة الشاعر السوري

أبو علي البلوداني مصطفى الحسين ::

رب الارتجالي واللي خاض معارك زجلية كبيرة مع طليع حمدان ومع زين شعيب ومع الزغلول ومع غيرن وما كان سهل أبدا ::


نحنا شعب عا الله اعتمادو ******* وعلى قوة إيمانو واجتهادو

هوية شعبنا أشرف هوية **********وضعها ربنا بذمة عبادو

هوية مسلم مسيحي سوية **********بدم الشعب يعلن اتحادو

شعب مشتى الحلو بين الرعية********ما بيفرق قرايب من بعادو

إذا شتلة بشتي حلوي شوية ******مشتى الحلو شو بيجني حصادو