صور من عيد ميلاد ( الحنون ) تنعاد عليك ابو الياس

[amigo]

شوية صور من عيد ميلاد رامي الياس ( الحنون ) 13/9/2005 باليازدية مع احلى شاب وصبايا
تنعاد عليك ابو الياس وان شاء الله بنفرح منك عن قريب ( احلى سهرة والله )

[Relax]

الأخ الغالي ابو الياس انشالله عقبال الـ 100 يارب
وانشالله منفرح فيك بأقرب وقت ياغالي

أخوك جورج دبس
ألمانيا

[ramroum]

كل عيد وانت بالف خير ياحنون
ع قبال الـ 100


يسلمو رامي عالصور
thanx

[Aboud]

كــــــــــــــــــــل عـــــــــــــــــــــــــــام وأنــــــــــــــــــــت بخيــــــــــــــــــــــــــر


وعقبال الـ 100 سنة يا ابو الريم وانشاء الله هالسنه تكون حنونه معك

:eek:

[goldenrose]

هاااااااااااااي يا احلى حنون
تنعاد عليك وعقبال المية وتحقق كل احلامك
anna

[angel]

كل عام وانت بالف خير
وسمعت انو السهرة كانت كتير حلوي
ونشالله عقبال المية

[echo]

تنعاد عليك أبو الريم و عقبال الــ100 سنة و إنشاء الله قريباً منفرح منك

تحياتي

[الموت الاحمر]

ابو الياس الغالي .........صحيح اتأخرت لعيدتك
بس كنت بالحفلة اول واحد عيدك
وانشالله ياحنون بتحقق كل امانيك الحنونة ومنفرح منك بأقرب وقت ياغالي ................... :p
اخوك عا الموت ...........الموت الاحمر ابو جميل

[ابو الريم]

عيدك يا لأنت العيد ..........من ابو الريم لاحلى ابو الريم (الحنون) انشالله هالسنه الجديده من حياتك منشوفك عريس وبتحقق كل ما بتريدو .......بس انتبه هيدا ما بيعني انو ما ني ناطرك ع 41!لا ناطرك ........صحيح اسف ع التأخير بس اليوم لحتى صرلي وقت متل الخلق لحتى عيدك ....وكل عيد ميلادك وانت متل ما بدك تكون أنشالله بتكون.

[زهرة المدائن]

كل عام وانت بخير ياحنون وانشالله على قبال الميه
والسنة الجاية نفرح منك
والحفلة قالو انو حلوي

[كفـرونـــــي]

سنة حلوة يا أبو الياس
تنعاد عليك يا حنون شي كم مية سنة بالخير والصحة والسعادة
انشالله سنة الجاي بنحضرك حفلتين : حفلة ميلادك
حفلة عرسك
شو رأيك ؟؟ هيك احلى يا غالي ....

مع اطيب التمنيات أخوك كفروني ( ابو جورج )

[Rammosh]

بعتزر كتير ع التاخير بالمعايدة بس ظروف بعدتنا عنكن يا غاليين ..

عقبال المية سنة يارب يا رامي .. وانشالله بنفرح منك عن قريب ..

بس انا ماطلعو الصور عندي ليش ؟؟

[الحنون]

يسعدلي مساكم ياحبايب ألبي

بعد هالغيبي الطويلي بسوريا الحبيبة على قلوبنا وتأخيري اللاإرادي

بالرد عليكن بإلكم سامحوني .........

حبيت إشكر حبيب ألبي رامي خوري يلي فرحني بهالمفاجئة وبهالصور الحلوي وبألوا انشالله نفرح فيك بس مع مين؟؟؟
والسهرة كانت حلوي ياأبو الريم بيلي كانوا فيها وعلى رأسن رامي خوري وبشكرك على اختياري كمشرف للقسم العام بموقع مشتى الحلو انشالله نكون عند حسن الظن مع كل المشرفين والأعضاء حتى يصير أحلى وأقوى موقع بالعالم :eek:

وبدي أول للصديق المتألق وصاحب الفرحة الدائمة المشرف أبو جريج إنو كلك زوق ياحبيب ألبي وانشالله تكون إيامك

أفراح لأنك بتستاهل الخير.

يارمرووووم الحنوني كللك زوق كنا حابين نتعرف عليكي أكتر من عائلة مشتاوي وانشالله نفرح فيكي يارب .

وللغالي عبودي فرحت كتير من هاللفتي الرائعة منك بالعلم أنا مقصر تجاهك وانشاالله السني الجاي منفرح فيك ميي بالميي :eek: .

وبأول للغاليي آنا حبيبة الألب إنتي أحلى عيون دهبيي وجهزي المتي جاي هلأ وانشااله منشوفك أحلى عروس وسلمي على الأهل وبرحب فيكي بموقع مشتى الحلو وبتمنى وجودك معنا بمشاركاتك ومواضيعك الأكيد بدا تكون حنونييييي .

وكلك زوق يا أنجيل وأنا بدون ما أعرف شب ولا بنت ياريت نعرف؟؟؟؟ حتى نكون عائلي وحدي بموقع مشتى الحلو وانشالله إيامك تكون أفراح .

ولمشرفنا العام والغالي عقلبي لو ما شفتو طوني عنتر ينعاد عيك إنت كمان وبتمنالك مستقبل رائع لأنك بتستاهل .

ولصديقي وحبيب ألبي والغالي أبوجميل عقبال ما نفرح منك السني الجاي مع الحنوني وأنا معك دائماً لأنك أثبتت محبتك إلي وجهز المتي اليوم عنجد أحلى سهرة معك والله .

وعلى راسي أبو الريم حبيب ألبي وإنت بألف خير يارب جهز الترنيييييييييييييييييييييييييب :o .

وزهرة المدائن وانت بألف خير هالإسم رائع مزوق بس بدنا نعرف على العموم رح فوت على التعارف لنتعرف مين معي

وعلى جميع الأحوال منرحب بزهرة المدائن بالموقع بإسمي وبإسم كل المشرفين والأعضاء ياريت نشوف المواضيع والمشاركات البناءة والحلوي لأنو هالإسم بيحمل خلفو كتير شغلات ؟؟؟؟ .

أما خيي وصديقي أبو جورج الحبيب بأول وإنت بألف خير وانشالله السني الجاي أنا رح جوزككككك خلص حلاااااا بقا
وتكون أيامك فرح ومستقبل حنوننننن .

وبأول لرمووووش كلك زوق وانشالله منفرح فيكي أول وبعدين أنا شو ريك؟؟؟ وبالنسبي للصور أول ما تفتحي بتنتظري شوي حتى تشوفيهم لأنو صار معي هيك أول ما فتحت . وانشالله للأمام دائماً يارمووووش .

وبدي أول لأبو حربا الغالي بشكروا على المسج يلي كنت حابب يكون معي بالحفلي بس الظروف أقوى منا انشالله منشوفك
عريس ياحبيب ألبي وسلم على حسام كتير .

وبشكر كل واحد شاركني فرحتي سواء بوجودو معي أو بإتصالو أو عن طريق الإيميل......

وتمنياتي للجميع بالتوفيق والفرح

أخوكم الحنون/ أبو الياس

[Houssam]

[I just want to say that it was very nice to have your birthday in Mashta and I am very happy for you
Happy birthday and I am very sorry so I could not be their with you to

[jamil]

كل عام وأنتم بألف خير

[الفلوجي]

انا جدبد ليش ماشوف

[أنين الحب]

كل عام اونت بخير
وعقبال المية سنه يارب ,,,

الي شهر راجعه من لبنان ,,, وياريت مارجعت أد ماكان الجو حلو
كل يوم أضيها سهر بعاليه ,,,


أنين الحب

[الحنون]

وإنت بخير مزوقــــــة يا أنيــــن الحب إسم حنون وانشالله ما تشوفي الأنين بس الفرح

وبرحب فيكي بعائلة مشتى الحلو وانشالله منشوف مشاركات ومواضيع

هادفة لأنو مهما صار بيضل الشعب اللبناني والسوري أخوي

سواء رضت السياسة عن هيك أو لا ومنطقة عاليه حلوي كتير بس أنا كنت

لما إنزل على لبنان ضل أكتر وقتي ببيروت أو بالبترون لأنها بتتميز بطبيعة حلوي كتير متل مشتى الحلو

وانشالله منشوفك بضيعة الجمال والسيــاحة الأولى بسوريا هيي مشتى الحلو

وأهلا وسهلا فيكي

[Pascale]

بعتذر عتأخير... كل عيد و انت بخير حانون نفرح منك

[الحنون]

بعتذر عتأخير... كل عيد و انت بخير حانون نفرح منك

وإنت بـــألف خيــــر يا أخ/ Pascale والفرح يعــــــم حياتك انشالله