ما رأيكم بأبو وديع

[سوزان]

مرحبا للجميع أولا أنا من العراق بس حبيت أسألكم شو رايكم أنتو السوريين بأبن بلدكم السلطان أبو وديع طبعا أنا كتير بحبو وبسمع كل أغانيه وأنا تربيت وكبرت على صوتو للوسوف وبرأيي أنو مطرب اسطوره في عالم الطرب وهو مش فنان ابو وديع ملك وسلطان وأنا ما بعرف ليش انو في سوريا مثل ما سمعت انو المطرب الاكثر شعبيه هو الساهر طب ليش تاركين ابن بلدكم حبيبنا الوسوف مع احترامي لأرائكم وللساهر لأنو كمان هو ابن بلدي بس ما بحبو طولت عليكم ماهيك بس بليز بدي رايكم مهما كان وشكراااااااااااا

[goldenrose]

سوزان اهلا وسهلا فيكي وبكل الاحباب من ارض العراق الشقيقة .........
شوفي انا بحب قلك انه الانسان برأيي ولانه انسان عنده عقل يفكر ويألف ويخترع هوي انسان مخير وليس مسير لانه كل شخص بيحب على طريقته وبيفكر على طريقته وحسب مستوى ذكائه وشخصيته بيحلل الامور وبيعرف شو الانسب له وانه يفكر انه هيدا الشي انسب
انا مع احترامي لكل محبين الوسوف والك كمان ما بحبه او بالاحرى بطلت لانوا الوسوف كان بأحسن المراتب ومن ايدوا نزع صوتوا وشكله وصاروا محبينوا كتير قلال بس بقلك اني بحب اسمعه لاني في شخص عزيز كتير على قلبي بيحب الوسوف وبيهمني رضاه منشان هيك بسمع للوسوف شوي بس اذا اجيت لرأيي وانت قلتي بدك تسمعي رأيينا انا من عشاق الساهر لانه الساهر كان بأحسن المراتب وبعدوا بأحسن المراتب وانشاءالله بيبقى بأحسن المراتب من ناحية الكلمة واللحن والصوت الجميل العذب والاصالة وانا بقلك وقت اسمع الساهر وشو ما كانت نوع الغنية بيرعش بدني كل النهار ومتل ما قلتلك كل واحد عنده رأي وانا حكيت رأيي
سوزان انا اسفة اذا خيبتلك ظنك بأعتباري او مين رد على الموضوع وكان هيدا ردي بس الصراحة حلوة اسفة لاني طولت عليكم
اسفة من كل محبين الوسوف على رأيي بس الاخت سوزان طلبت رأينا وعلى فكرة لو ما ورد اسم الساهر بالموضوع انا ما كنت علقت عليه
شكرا سوزان واسفة مرة تانية من كل محبين الوسوف
وبعتذر من الصديق كفروني لانه من المولعين بالوسوف بس كفروني اسفة هيدا رأيي؟؟!!!

[سوزان]

شكرا على رأيك يا أختي بس ابو وديع كان وما زال بالمرتبه الاولى بالوطن العربي كلو وحتى الساهر يشهدلو لابو وديع بهذا الشي لأنو المطرب الأول بنظرو والساهر ما اشتهر الا لما الوسوف غنالو وبأعتراف كاظم from east to west abu wadi3 is the best

[يونان]

ياجماعة فعلاً الوسوف اسطورة وهو دائماً كان الأول ومازال الأول وراح يبقى الأول وهذا مانشاهده على شاشات التلفزة
وانا برأيي انه مو بس لازم يكون اسمه سلطان الطرب لازم يكون امبراطور الطرب لأنه مافي بعده ابداً ليش كاظم وين كان
لما ابو وديع طلع اول مرة على المسرح الجمهور يرقص على اغانيه الطربية فعلاً ماكذبوا لما سموه سلطان الطرب مع احترامي لجميع الأراء

[Relax]

رأيي الخاص

اسكت !


اسكت !


اسكت !































100%

السلطان ابو وديع

[echo]

أنا بعتقد أنو مافيكي تطرحي سؤالك و خاصة هون بمشتاوي لأنو كلنا منعشق أبو وديع و هو السلطان و بعدو ماحدا يغني

و كمان هوي ابن المنطقة و أكيد منحبو أكتر من أي مطرب و شعبيتو بسوريا أقوى من الساهر و اقوي من أي مطرب مو بس بسوريا بالعالم كلو

و سلام و أحلى تحية لأبو وديع

[سوزان]

مشكورين طمنتو ألبي والله نحنا بنحبو للوسوف كتير بس انتو شايفين شو عم بيصير وشو عم يحكو عليه

[ror]

بغض النظر عن رأي بأبو ودريع فيني قول أنو أبو وديع صار يا سوزان بالنسبةألنارمز بالمنطقة يعني متل الدلبة و مغارة الضويات و غيرا من رموزنا أو متل دجلة و الفرت و الحدائق المعلقة عندكن بالنسبة ألي بعشق الأغاني القديمة و بسمع الجديد منا و اطمني المحبين و المهوسين في ازدياد مستمر

[يونان]

يا سوزان مثل ما اتفضلوا الشباب قبلي وقالوا انه مو معقول تطرحين هيك سؤال وخصوصاً بمشتاوي لأنه انا اتوقع اكثر المشتركين شاركوا بمشتاوي لمحبتهم للوسوف ولمعرفة اهم اخباره وأنا اولهم

[سوزان]

والله يا يونان انا كمان اشتركت بهذا الموقع لاني بحب الوسوف وطلع عندي هذا الموقع بالصدفه وانا بعمل بحث عن الوسوف

[Mr. Samo]

ما بغرف شو بدي قول اذا كان الكلام عن ابو وديع ذهب فالسكوت الماس




so no comment

[كفـرونـــــي]

في البداية دعوني أرحب بالصديقة سوزان من القطر العراقي الشقيق كعضوة جديدة في منتديات
مشتاوي

اهلا بك سوزان في عائلة مشتاوي ونتمنى لك أقامة ممتعة بيننا في ربوع هذا المنتدى الجميل
اما عن سؤالك حول جورج وسوف فلن أقول لك
رأيي لأنه سيكون واضح جدا في توقيعي الخاص

وهذا ليس رأيي فقط بل هو رأي الملايين من
عشاق الوسوف

وبمناسبة انضمامك الى منتدانا أولا
وكونك من عشاق الوسوف ثانيا
احببت ان اقدم لك هاتين البطاقتين عربون صداقة
ومحبة وأتمنى ان تنال اعجابك


لكي مني كل الأحترام والتقدير
تحياتي كفروني

[mounirfarkouh]

الأخت سوزان من العراق الشقيق
لاتظني أبدا أن شعبية كاظم الساهر تفوق شعبية سلطان الطرب جورج وسوف
الوسوف ملك الزمان والمكان

[سوزان]

شكراا عالترحيب يا أخ كفروني والله اني ما عندي شك بمحبتكم للغالي ابو وديع واني كتير فرحانه بهذا الحكي و بالمنتدى الحلو تبعكم والبطاقات حلوه وشكرا عليها بس اني عندي وعلى فكره ضفت ايميلك يا كفروني اذا تسمح وشكرااااااااا ملك يا ملك سبحان ربي ما أجملك يا أبو وديع

[الحنون]

أهلا وسهلا فيكي يا سوزان أمــــــا بعد

يا أختنا الكريمة منرحب فيكي بإسمي وباسم الإدارة وانشالله تكوني عضو فعال معنا بمنتدى مشتى الحلو يلي بيحلى بأعضاءه

وبالنسبة لسؤالك يا سوزان إجيتي على الجرح لأنو ما بيطيب إلا بسلطان الطرب وملك الغناء العربي جورج وسوف

يعني محتار شو بدي أووول وإشرح عن محبة السلطان بس العالم بيشهد إنو في محبة من الجمهور للمطربين على مر الزمان

بس يلي بيحب الوسوف جمهور غريب صدقيني يا سوزان أنا من عشاق الوسوف من هو وصغير لحد اللحظة هذه فتخيلي

محبتي له إذا قال أي كلمة مالها معنى أو مقطع غنائي بسيط جداً مثلا فإني أحبه وأسلطن عليه صدقيني أكثر من أم كلثوم

هذه محبة الوسوف عندي يمكن تقولي أم كلثوم عملاقة الطرب وعندها مساحات صوتية كبيرة أقول لك الوسوف لو كان

بعصرها لكان كوكب الشرق بدون مبالغة بالنسبة لي هكذا الوسوف وعند سؤال كاظم الساهر بقناة المستقبل عن الوسوف

قال هو يقيمني لست أنا أقيم مطرب صار له بالفن سنين وصاحب مدرسة فنية

ومثل ماقال طوني :

أنا بعتقد أنو مافيكي تطرحي سؤالك و خاصة هون بمشتاوي لأنو كلنا منعشق أبو وديع و هو السطلان و بعدو ماحدا يغني


وهو المطرب الوحيد ياسوزان أخذ شهادة تقدير من مهرجان جرش ليس كأي فنان أخذها لأنه لأول مرة بتاريخ مهرجان جرش

حيث وقف عليه العمالقة بأن الوسوف أتى ليحضره جمهور الخارج أكثر من الداخل حيث جلسوا الجمهور الخارجي على

كراسي خارج المدرج ليسمعوا السلطان وهذا الحب الكبير حتى هو وصوته برأي بعض من الآراء أن صوته تعب أو تغير

للأسوء أنا عندي الوسوف كل ما كبر كل ما سلطن وأنا بحكي باحساس ومحبة وبمعرفة قليلة بالفن والمقامات والذي يؤكد

الفرق أن :

كاظم الساهر يغني أغنيته على المسرح نفسها بالأستوديو لا يزيد عليها شيئاً لاحظي ذلك أما الوسوف عندما يغني مثلاً أغنيته

إرمي الشبك يعني من الصعب التلاعب بهالأغنية وبالمقامات وباليالي صدقيني بحفلة LBC الأخيرة أبدع و...........

لو أريد أكتب صفحات بالوسوف وأقول يلي ما بيحب الوسوف الله يهدي للطريق الصحيح هوي سلطان الطرب جورج وسوف

يلي بيعرف بالفن أقل شي بيقول إنو الوســــــــــــــــوف ملــك الأداء قبل الطرب

شكراً وتحياتي إلك

الحنون/ أبو الياس

[الموت الاحمر]

هلا وسهلا بسوزان من القطر العراقي الشقيق
بس قبل حابب اعرف من وين بالعراق
وتشرفنا فيكي وباهل العراق وبحب قلك بالهجة العراقية ((انت والله خوش عضو))

اما بالنسبة للوسوف ........الاسم لحالو بيعطي حجمو اما الشهادات الباقية للاعضاء فهي مجروحة
بس على جميع الاحوال انا بالذات الوسوف والهوا سوا
بس كمان الساهر مش سهل الو اغاني ومواويل بالهجة العراقية بتبكي الصخر بس انا بعتقد انوكل مطرب الو شعبيتو جمهورو
بس الوسوف الو كل الشعبية ..................
وابو وديع الو كل الجمهور

[سوزان]

هلا بيك يا الموت الاحمر أنا من محافظة صلاح الدين وحلوه هاي انت خوش عضو خوش يعني منيح بالسوري صح اني كتير بحب الحكي السوري أما بالنسبه لردك فعلا أبو وديع بس اسمو يعطي حجمو ومهما قلت لا انا ولا أي واحد يعطي حقه للسلطان وشكرا

[Pascale]

ahlan wa sahlan bi suzan ...laykeh ya suzan bima2eno ana mshtewiyeh bass mesh sekneh bl mashta fa ana m3al2a bkl 7ajra bl mashta...aboo wadi3 shakhes metel el 7elem 7ada bi2elik seltan ...bl mashta abou wadi3 metel el hawa el mshtewiyeh byetnafasoo...ana shakhsiyan el wassouf soltan law ba3ed 200 senneh hiuweh wa7do el seltan w ma 7ada byekhod 3arsho......a7la ta7iyeh la abou wadi3 el ghaleh

[ramroum]

شكرا سوزان عهالموضوع الحلو
انا شهادتي مجروحة بالوسوف ..لاني بحبو كتيــــــر يعني شوماقلت الوسوف عندي هوي الـ top
وكاظم أروع من الروعة..بس أبو وديع غير شكل

بعتقد الاعضاء قبلي جاوبو وقالو شو انا بدي قول متل طوني والموت الاحمر والكفروني ..والكل

thanx

[الموت الاحمر]

هلا بيك يا الموت الاحمر أنا من محافظة صلاح الدين وحلوه هاي انت خوش عضو خوش يعني منيح بالسوري صح

هلا وغلا بسوزان واهلا بمحافظة صلاح الدين وكل سكان المحافظة طبعا مركز المدينة تكريت وهي مدينة جميلة جدا
وبحب اعطي لفتة بسيطة انو محافظة صلاح الدين تتوسط العراق تماما فمدينة كركوك وتعرف بمدينة التاميم ومحافظة نينوى ومركز المدينة هو الموصل من الشمال والعاصمة بغداد من الجنوب ومحافظة والانبار ومركزها الرمادي
طبعا اشهر من نار على علم
حبيت انتهز الفرصة واعطي لمحة بسيطة عن المحافظة
شكرا سوزان وانشالله بنشوف مواضيع اشمل واقوى