اعتذار للأخ رامي خوري

[شفيق]

الرجاء قبل ما فوت بالموضوع......ما حدى يحمل الموضوع على محمل شخصي ...



يا رامي ..أنت ما بتعرف مدى سعادتي وقت اكتب بهالمنتدى الحلو ..هاد أحلى منتدى بكل المواقع..وهاد المنتدى الوحيد اللي بكتب فيه ...وما بكتب بغيرو ...!!!!!!

وأنت بتعرف ...قديش أنت غالي عليي يا رامي...


أنا بدّي اعتذر عن الإشراف بقسم الزجل ....بناء على رغبة ريح الزجل ...وشخصياتو وبعض اللي راسلوه ...

وكمان ...

بسبب .

تهجم المدعو ريح الزجل اللي ما منعرف عن شخصيتو الحقيقية أي شي ...عليي وعلى غيري من أصحابي الأعزاء اللي ما برضى ينهانو بقسم أنا مشرفو ....!!!!!!!


بس بدي ياك تعرف أنو منتدى مشتاوي هوي أعز موقع عليي ...والمشتى أعز ضيعة عليي بعد ضيعتي ...

وبعد ما اترك هالمنتدى ما عد بدي اكتب بأي منتدى .....

وبعتذر من هلق من محمد حسن شريم عن المشاركة بمرمريتا ....والمباراة الزجلية اللي رح تنقام هونيك ....

وفي ملاحظة أخيرة :::

إدارة هالموقع من أفضل الإدارات اللي بتنوجد .....((الأخ رامي خوري والأخ طوني عنتر))

بس في مشكلة حقيقية عم تشوه هالموقع بسبب بعض المواضيع اللي كترت هالشهر .....


شفيق

[the jackal]

يا jackal أمرك على قلبي حلو ................ وكرمال هالمشتى وكرامة أهلها

مش بس بنظم شعر بالمشتى ..ملو ..................بدوب عيوني شمع عا مهلها

وبقطع وريدي وفي قلامي بوصلو .............تا المحبرة.. تغرف غرف من نهلها

ويسيل دمي عا جبل مشتى الحلو .................ويصير نهر ويكرج على سهلها


إلى the jackal وكل أهالي مشتى الحلو الحبايب....



شفيق
حبيب القلب خي شفيق
نحنا ما منتخلى عنك
انت زينة الزجل و منتدى الزجل

مع احترامي لبقية الشعراء

[نسر]

للشباب و أحلى شباب
لشفيق و راجح و محمد( نتمنى له الشفاء و ندعوا له بالسلامة) و أحلى شعراء و قلوب مليانة و صافية
شو هل الحكي يا خي شفيق
هيدا راجح مو ولد... هيدا راجح ريح الزجل... و قلبه بركان رح ينفجر ... شعر و زجل و كرامة و حق و احساس و كلام عالراس

نحنا ربينا بهمواقع و الكل أخوة و نكد و... مواجع
خلينا سوا تالحب يجمعنا
و لا تخلي الحقد و الدنية ...تفرقنا
أنت يا شفيق... شو يلي يخليك يا راكب الأبجر تنزل ... عن صهوته تيهرب من قدام الريح القوية
هيدا راجح... و مين ماكان... ريح الزجل تعصف بالحق على أعلى هوية
صوت الحقيقة ينادي
لا تجرحو و تهمشو و تتغاضى.... و هوي مجروح
و خليك عقد الفروسية مطروح

وخلينا سوى بالمشتى نصدح
بالكرامة و الحق و الحرية و المنادي... كلها ما كانت تشويه ... و الشمس لازم تسطع
و كرمال ديب هالغابة جقلنا ... ترجع المودة على منتدى زجل هالغابة ...عشي مطرح
حتى ما نقول كان في شعرا ... بهل الوادي المجرح

[the jackal]

درر يا قرايبي النسر درر

[بشار]

شفوق , وعد منّي اذا انت بتبطل مشرف منتدى الزجل , ما عاد بتشوف اسمي بالمنتديات كلها.
انت مشرفنا وتاج راسنا وارجوكم وقفّو الموضوع عند حدّو .
لا تبكّوا الزجل , خليه معيّد فينا متل ما كان.

[amigo]

العزيز شفيق :
بعد التحية والتقدير .
بقدر ما فاجئني وآلمني مضمون مشاركتك بقدر ما استغربت أن يأتي منك هذا الكلام .
- فهل بهذه السهولة تستطيع ان تترك المنتدى وأعضائه بعد ان احببتهم واحبوك , وذلك لمجرد سوء تفاهم عابــــر .
- هل هذا هو شفيق الذي تفوح من بين ابيات شعره رائحة القوة والعنفوان والمرجلة ويستسلم من أول معركة .
- هل هذا هو شفيق الذي استلم قسم الزجل طفلاً فكبر بعنايته وغيرته وتحت اشرافه حتى اصبح الطفل ( القسم ) المميز ضمن المنتدى ليتركه في منتصف الطريق تائهاً .
- هل ينهان عليك ان تترك عائلة الشعراء تتشتت ضمن المنتدى والتي كان لك الدور اللأكبر في لمّها وتعريفنا بأفرادها واستمتاعنا بعذب كلامهم وفرحتنا كلما أنضم شاعراً جديداً إلى هذه العائلة .
- هل هذا هو شفيق الذي اخبرني في دمشق بأنه حقق جزء من احلامه من خلال المنتدى .

- كما و اؤكد لك يا شفيق بأنه لا أنا ولا الكثير من اعضاء المنتدى يرضى ان تترك المنتدى لا انت ولا احد من اعضائه المميزين والفاعلين وعلى الاخض الشعراء . لأنه من السهل ان ينضم 50 عضواً للمنتدى ولكن ما أصعب ان تجذب شاعراً واحد فاعل ومميز .

- وأخيراً أتمنى منك التروي والتهدئة وبقائك بيننا فبك وبأمثالك يكبر الموقع ويزداد شئناً , فما انجزناه سوياً خلال هذه الفترة يعجز الكثيرون على انجازه ولا نرغب بالتراجع .

كما واستغل المناسبة لأبلغ تحياتي للشاعر محمد حسن شريم واتمنى له الشفاء والسعي معنا لإقناع شفيق بالعدول عن قراره .

مع بالغ الشكر والتقدير
على أمل المحبة دائماً

رامي خوري

[شفيق]

أنا زوجة محمد حسن شريم " أحلام شريم "

من محمد حسن شريم إلى جميع أعضاء ومشرفين منتدى المشتاوي .....

بمجرد ترك شفيق مركزه كمشرف على قسم الزجل في هذا المنتدى بدون
علمي أو سؤالي أرجو توقيف عضويتي ومحو كل حرف كتبته في هذا المنتدى
وشكراً على تفهمكم بكل محبه .

يـــــا شفيق المركزك عالـــــي وعلي ___ عــامواقفـك في إرتجال ومرجلي
يـــــا شاعر الصوره يا رده مسلسلي ___ يــا ورد بجنينـة قسمّنــــا المخملي
وتــانعتبـــر إنـــــك خطيــت بمرحلي ___ موسى النبي قتلـو لنفس مسجلي
واليـــــــوم ريــح وراجـح علينا غلي ___ عاقلوبنا وسر الحقيقـــــــه منجلي
وسلطان وشريم اللي نسيو المشكلي ___ والمنتدى بعيونــــــا عـــــاد وحلي
بوجّه كلامي لكـــــــل شاعـــر منجلي ___ وبالفكر والإخلاص قاطــع مرحلي
ومن دون ما سمّي أسامـــــي وإبتلي ___ قلــــــــــت كلمــــة كل شاعر أولي
خيي شفيق انضــــــــل عنّــــو قلقلي ___ كرمال يترك قسم باالمـــــركز ملي
بقول كلمهِ عـــــــــن قناعـــه محللي ___ كلمهِ ما فيها رد يمــــــــــا مجادلي
موقف شفيق ال عمـــــل فيي زلزلي ___ بترك أنا لو تـــــرك وحيــــاة العلي
ووحياة سيدنا وسيفك يــــــــــا علي ___ يا مسجلي عني اكتبيهـــــا وسجلي
من بعد ما يترك شفيـــــــق المنزلي ___ عندي يا شعّـــار المعنّــــى معادلي
يلّي بيحيي حرف فـــــي قسم الزجل ___ يعتبر حالـو مـــــــــات بالنسبه إلي

محمد حسن شريم نمر الزجل وفارسه ونسره ورجل في مواقفه

[koba]

معليش يا شفيق كبرها بتكبر وصغرها بتصغر , لا تواخذني عالتدخل بقسمك بس الكلمة بتنقال والشعر بينظم والحب بيبقى اذا كان في ارادة عند الانسان .
يا عزيزي الا ترى انه بخروجك من القسم تقر بأن ريح الزجل شيخ الكار بيناتكن ؟ ومتل ما كتب ريح الزجل فيك ترد عليه و بيجوز ردك يكون أفضل وسيلة لكي يهدأ هالتسونامي الزجلي وينضم للقسم ويوجه حكياتو بغير مسار ويستفاد منو المنتدى بدل ما يضيع القسم ويروح التعب هباء .
هالريح صحيح اليوم هوجاء وثائرة بس أكيد في سبب .خلينا بالكلمة الحلوة نعرف شو المخبى عند الأخ ريح الزجل وليش كل هالشراسة بالهجوم ؟
يا ريح اذا في عندك سبب لكل هذه الثورة والهجوم فمعليش تشرح موقفك بكم بيت شعر هاديين اذا سمحت جاوبنا !!!
وأما أنت يا شفيق دائما ومع كل خلافاتنا بالرأي كنت صمام أمان بالمنتدى واليوم لازم تبقى متل ما عرفناك والحوار دائما يحل كل الازمات ولا داعي يا شباب لصب الزيت على النار مع اطيب التمنيات لكم بقسم زاهر ومليئ بالحيوية .

[بشار]

لا تفزع يا شعر نحنا ضماني_____منحفظ مستواك من الاهاني

واذا انصارك بهالعصر قـلـّو_____نحـنا محافظين على الأماني

شوف نجوم أهل اذوق هـلـّو_____بـعـرسك شـرّفـو يأدو تهاني

وتـحـتـى يسمعونا اليوم طلّو_____مـتـل طـلة حبيبي الأولاني

وانا ورفاق عمري اللي تجلّو_____ما عنّا فرق بين اول وتاني

نحنا حـافـظـيــن عهـود خـلّو*____ما منغّني عا ذات الأسطواني

نـحـنـا للـخـيـال زرار فـلّـــو_____عصرنا الفكر وسكبنا المعاني

ولأنــو الـشـعـر غامرنا بظلو_____قــدر ما نـخـتلف بيضّل عنّا

_________بياض قلوب أطفال الحضاني__________

خلّو-خليل روكز

فردها بقا شفوق

[the jackal]

خيي شفيق :
أنا ما بعرف أكتب شعر بس رح قلك كلمتين من القلب
منتدى الزجل هو ضو بعتمة غربتنا .....هو دمعتنا و بسمتنا ....
هو جمعتنا المسا بعد نهار طويل و متعب....
بتمنى أنك ما تكون أنت و الغربة علينا

و شكرا

[شفيق]

مرحبا يا شباب......

موضوع اعتذاري عن الإشراف ....مانو موضوع نكاية وموقف و""تكبير راس"" ....بل هوي بناء على طلب بعض الشخصيات ...!!!!!!

وأنا بعمري ما حبيت اتكبر على حدى وهدد واتوعد إذا ما تنفذت رغبتي ........

بس بهالقسم عم يجربوا يهينونا ..أنا ومحمد .....ونحنا بقسم للشعر.....وإذا اللي بينظم شعر ما كان بنفسو شاعر...هاد لا يمت للشعر بصلة ...وما حدى مضطر كل ما يفتح الموقع يشوف هجوم عليه .......ولو بدنا نرد الرد القاسي منرد ّّّوحياة الخالق منرد !!!!!بس أخلاقيات المنتدى وأخلاقياتنا بتمنع هالشي........

فلذلك ..أنا في عندي مجموعة حلول مرتطبة ببعضها عالتسلسل ......وبظن الكل رضيانين عليها ....واللي هيي :::

1__ حل الخلاف مع المدعو ريح الزجل ....ودخولو معنا بهالقسم كأخ مو كعدو ...بشرط أنو يعطينا الحقيقة الكاملة ......والردود المقنعة ......

2__ نسيان اللي مضا ......ومسامحة ريح الزجل مين ما كان وشو ما عمل ......

3__ إذا ما رضي هوي عالشروط السابقة ......وضل مصر عالعداوة ...!!!رح نعتبرو عدو لإلنا ورح نحاربو بهالمنتدى ...............





ويا كوبا .....

بخصوص شيخ هالكار .......نحنا ما عم ندور على زعامة لشعراء المنتدى ....بس إذا حدى عن جد بيفكر يتحدى ...أنا جاهز غني مع رب الشعر إذا بيطلع معي عالمنبر .................


وشكرا لكل اللي أبدوا رأيهن .........

[koba]

يا شفيق العزيز !!!
لا سمح الله تكونوا عم تدوروا عا شيخ كار أو زعيم بس حبيت ان ادغدغ حواسك الشاعرية واثير عاطفة الحب لمنتدانا الذي اعلم كل العلم انك تكن له المودة ولكن نويت ان تتركه لسبب بسيط وهو ان احدهم يستعمل شعرا للذم والتنكيل بالاخوة الشعراء وهذا سبب غير كاف لكي تترك وتمضي بل عليك كمشرف ان تتحمل اكثر من البقية والا لما أوكلت لك دفة الاشراف .
على كل الاحوال شروطك مقبولة بالتزكية كما قررت انت عندما وضعتها ولكن ثالثها سئ بعض الشئ والمسامح كريم والا أين الشهامة العربية ؟وكن على ثقة انك صديق مع وجود خلاف رأي بيننا وذلك لانك رجل حوار ولا أتمنى ان لا تتبدل بين ليلة وضحاها .!!!!

[شفيق]

أهلا بكوبا والله .....

نحنا منعادي اللي بيعادنيا....


وبتمنى من المعنيين يقلولي شو بيشوفو؟؟...