|
كل واحد يضيف موال
|
25-11-05, 06:10 PM
[size=5]يللا كل واحد يحط موال عرب او مش عرب بحبو.........
 وانا ابلش بموال غالي كتير عقلبي :o "جبلنا بدمنا طرابو جبلنا مهما الدهر غضباتو جبلنا منبقى هون ما منترك جبلنا طراب المشتى اغلى من الذهب"  وبهديه لكل شباب المشتى المهاجرين.... [/size]
25-11-05, 07:21 PM
[B]قلبي عا قلبك متل ما تعلم ربي
لا تبعدي لبعيد صوبي قربي و شدي عا ايد الايد ملياني عروق بتوصلك عالقلب لا تتعذبي و شكرا[/B]
25-11-05, 10:58 PM
ابو الريم
شكرا الك باسكال ع الفكرة الحلوة ...بس شو رايك نعدل فيها من بعد اذنك .انو الموال للي بينزل يكون رد ع للي قبلو يعني نوع من التحدي ...طبعا القرار اللك.. ابو الريم 
26-11-05, 01:06 PM
و هي من عندي موالين لأبو وديع بحبون كتير
الأول:قال و أنا بحبك أنا بعبد سماكي......نحيفة خصر ما عندك سماكة
قال و دخيل الرب اللي كوّن سماكي....نحيفة خصر ما عندك سماكة لك أوف اجعليني ببحر حبك سمكة......صديني برميش عينك و الهداب الثاني:ألا يا ديب بكّاني عويلاك....علوّا ينمزج ويلي عَ ويلاك أل و انت يا ديب بالفلا مضيع عويلاك......و انا يا ديب ضيعت الحباب ال و جفونا حبابنا و لما جوفوني....بكرم محبتي يبسوا جفوني يايابا من كتر ما صبّت الدمعا بجفوني...نبتلي شوك أحمر عالهداب أنا مشتاوي
![[صورة: mw7cpl.jpg]](http://i44.tinypic.com/mw7cpl.jpg)
26-11-05, 11:08 PM
بعطفك طالب المعروف بدي
وجرح قلبي ع جرح الغيربدي ما بدي قاتل الناطور بدي تسمحيلي من هالكرم خصلة عنب
27-11-05, 12:57 PM
كانت صغيرة وكنت متلها صغير
ربيتها وعلمتها تعشق فقير ولمن تفتحت عالحب والنهدات هجرت حنيني وطيرت بكير مش هي أول وأخر المرات كل مرة هيك عم يصير أشقى وأتعب وسابق العتمات وربي الفقيرين ....بالهوى عصافير وبعد مابروق ولملم النهدات برجع لحالي وبقول ....ياالله ياالله...ياالله...ياالله شو كبير بحبك متل ماالخمار بيحب الكاس بحبك متل الله ماحب الناس بحبك متل ماالراعي بيحب القطيع بحبك متل شي طفل مع أمه رضيع بحبك غزالة ...........يا غزالة بحبك متل ماحاتم بيحب الجود بحبك متل عصفور عالعنقود وتضل تجرحني العيون السود بحبك والهوى بقلبي صحيح بحبك متل مابيحتاج للطب الجريح بحبك متل ماالرهبان بتحب النبي بحبك قد ماالاسلام بتحب المسيح
28-11-05, 05:21 PM
انا ابدا ما عندي مانع ...بس في ناس مش شاطرين بالرد بس اذا خابب يلا منجرب ما في شي نخسرو
29-11-05, 12:49 PM
فكــرة حلوي يا أخ/ Pascale وأنا بعشق المواويــــل بس انشالله قريباً جدااااااااااً
بنـــاء على طلب الغالييين على قلب أبو الياس مفــاجأة ( الحنــــــــون) ؟؟؟؟؟؟؟؟؟؟ وهيدا موال بسيـــط: شربت الكـــاس والمـــازا كفـــاني كفـــاني تعزبي ألبي كفــــاني وأنــــا المتت ما تجيبوا كفـــــاني ادفنوني بين نهـــــدا والعبـــــاب شكـــــــــراً Pascale
29-11-05, 01:00 PM
لعيونك ياحنون ...خود مني هالموال..............
انت شتلة الزنبق ونامي وعللي غصنك مفرفح ونامي وفرشي دموعك تحت مني ونامي حرام العطر يدلق ع التراب
29-11-05, 03:28 PM
يا خمر سكار و غنو يا جراحي سواد عيونها كتف جناحي ولك اذا كنت سكران مش هون العجيبة العجيبة اذا شفتها و ضليت صاحي
30-11-05, 08:04 AM
موال الحنون الأول:
خدي سلوى الغرام ومنها فوتي ونكنت هفوي استفيدي ومنها فوتييييييي واسألي ألبي عن عيوني ومنها فوتي طريق العين أأرب للحبـــــــاب الموال الأحـــن الثاني: يا دنيـــا نهار ما بأعد بلاكي خلقني الرب اتحمل بلاكيييييييي :mad: ومافي ألب بغرامك بلا كي وما في دمــاغ خالي بلا عطــــل 
30-11-05, 04:08 PM
هلا والله بكل الحشاشة وشريبة الكاس
 يعني بدها البطحة والارغيلة يلا هيدا الموال للكل وخاصة للحنون ابو الياس :eek: ولشوف بس تسمعو شو بتذكر ................ يا شقرا يا شقرا الرايحة تزوروي بيت اختيك انا تخيت شو بدك بتختيك اذا تعبتي تعي نامي بتختي غطاكي رموش عيني والهداب
30-11-05, 07:26 PM
شو هيدا يابو جميل هالموال كاسح ...يعني ع الوتر الحساس .... :eek:
ياحنون المواويل هودي من عندك ولا لا اذا من عندك شو بدي الك ياخال شغلة  باسكال شو طرحت الموضوع ورحتي ما بيصير هيك... يلا بهديكن هالموال... بليلة وداعك بكيت النايات وغنت معي ع لحن ياويلي رايحة ويا جوعة الغمران ع خصر لفو الزنبق شميلة ليلة و كانت آخر السهرات اديش فيها قلت ياليلي خدلي ليالي كل عمري و هات بعد ليلة متل هااليلة
01-12-05, 02:20 AM
دعيني يا قبر احفر ترابك
كرامة عين هالنايم ترى بك تنام الناس و عيوني ترى بك يتهنو يا قبر فيك الحباب
01-12-05, 05:54 PM
حبيت حط موال مباشر لعلي الديك صوت انشالله بيعجبكم
[rams]http://song4.6arab.com/3ali-al-deek_3ataba-2.ram[/rams]
01-12-05, 09:56 PM
نطرت الليل تايمر ما مروا
ياويلي الليل ع الناطر مامرو حبيبي لكان بحي مامرو هجرني وطول عللي الغياب وهيدا الموال التاني لابو وديع كمان... هاتولي على الهيجا فراسي طبيب يكون متعلم فراسي قللولو ما يحكمني في راسي عليل القلب ع فراق الحباب
02-12-05, 04:55 PM
واله اسفة يا ابو الريم بس كان كتير عندي درس.......
اول موال: يا شقرا يا شقرا شفتك رايحا تزوري بيت امك ولك اذا نقصك حسن حسن حسنيك بتمك ولك جعليني علكت الشيكلس بتمك عليكيني و كزكزي عليي النياب....(عرب عرب) تاني موال:حبيبي من ضلوعي مال عينو فتقرت و ما بيدي مال عينو و كنو عولف غيري مال عينو تطفي بوبو بتراب
05-12-05, 10:55 AM
ياعيني شو هالمواويل الحنوني من الشباب الطيبي وبأوول لأبو جميل كلك زوق على الإهداء الغالي
على قلبي وما بأدر إنسى الجلســــــــــــــــــــات الحنوني :eek: ولأبو الريم بإلككك ملك الزوق ياخـــال إنت وبهدي أبو جميل وأبو الريم موال أحــــــــــــن : قصدت دياركم بالعمر مرة تتحلى كاسة للي بقلبي مرة وإزا الشمس بتغيب كل نهار مرة إنتو يا ريـــان وأبو الريم شمس ما إلهـــــــا غيـــــــاب والموال الثاني: الاهي ريشتوا بالنور غطــــا ونوركم عنور الشمس غطـــــــا لو القمر يا حبـــاب بيغيب غطــــا ما عاد يعود يرجع عالسحـــــــــــــاب :eek: أي والله بدااااااااا كاس حنون انشالله المفاجأة قربت إزا الرب راااااااااااااد
|
|
« الأقدم التالي | الأحدث التالي »
|
