المشاركات: 47
المواضيع: 0
تاريخ الانضمام: Nov 2005
السمعة:
0
مرحبا شباب
يعطيكن العافية ,,آسف على هالغيبة بس مشاغل الدراسة و السفر أكتر مما تتصوروا ,, الحقيقة لفت انتباهي عنوان الموضوع فتشوقت للدخول تا شوف شو مستوى العتابا و الميجنا بالمنتدى
الحقيقة الأبيات حلوين ,,, و شفيق كتب بيتين حلوين و موزونين و قوافي محبوكة ,,, بس الأخ شادي بدأ بداية حلوة بالوزن ,,, و رجع تا يكسر بالوزن !!!!!!!
الحقيقة البيت إذا انكسر بيضيع معناه ,,, و بيصير ركيك ,,,, ولازم شفيق ينبه على هالناحية
فأنا قلت من واجبي قبل ما يتفشى هالشي هون و خصوصا بالعتابا و الميجنا ,,, لازم نبه عليه كوني عضو هون ,,, ولا لأ يا شباب ؟؟ المهم السيد شادي بس خبرنا طالما عندك أبيات موزونة 100% و أبيات مكسورة ,,,,
ممكن تقلنا إذا إنت اللي كنت كاتبن ,, أو منقولين ,,, عذراً ,, بيجوز تكون عم تنقل الأبيات المكسورة للمنتدى ,,, و انت أبياتك اللي عم تكتبها موزونة ،، فبهذه الحالة ,, نرجو عدم النقل و نكتفي بكتاباتك الموزونة ,,, و إذا كان الأمر العكس !!! فلا حول ولا قوة إلا بالله ,,,,,, أرجو التوضيح لو سمحتم و إبداء الرأي ........
يا وحي الشعر امشي و انت قدنا **** عجنة نكون قدك ، وانت قدنا
و إذا بتقــــدر عاتبنا ،،، و انتقدنا **** إذا منكسر شي ردة بالعتـــاب
المشاركات: 95
المواضيع: 10
تاريخ الانضمام: Jan 2006
السمعة:
0
قبل ما وضح بحب أعرف من الشاعر أبو نورس البيوت المكسورة من البيوت الموزونة ................وشكرا
المشاركات: 47
المواضيع: 0
تاريخ الانضمام: Nov 2005
السمعة:
0
طيب
الأبيات الموزونة هي
سلو سوالـــف سما ولها سلوكي
سو سمعوا سبب سقــمي سلوكي
سري ساري سلى سلكي سلوكي
سكر سكر سكب سكر البــــــاب
--------------------------------------------------------------------------------
جروا الأريام وجـــوارن جـــرامي
جبر جاروا جرن عيني جــــرامي
حبـــهم جــر جـرجرني جـــريمي
بعد هالجرجرة تنسي الحبــــــــاب
وزنو صح مع انو جريمي التالتة الواحد بدو يطعج تمو تا يجيبها
--------------------------------------------------------------------------------
تعي بشورك رأي منشاركوني
تشــــارك بالرأي منشاركوني
وعلى عنقي متل منشاركوني
إقطعي راسي فدا عيون الحباب
و الباقي اللي إنت كاتبهم كلهن مكسورين ،،، منهم مكسور بحركة صغيرة و منهم مكسور و الكسر واضح جدا ،،،،،،،،
لذلك وضحلنا الله يخليك شو القصة ؟؟ و هل الشعر منقول ؟؟ أو انت اللي كاتبو ؟؟؟ و الأبيات الموزونة إلك ولا لغيرك
والكرة في ملعبك
المشاركات: 95
المواضيع: 10
تاريخ الانضمام: Jan 2006
السمعة:
0
أخي وعزيز شكرا على شاعرييتك ، أنا هاوي شعر وماني بشاعر بس في بعض البيوت لكبار شعراء العتابا والي والي أنا بحترمهن بأ ياريت تصححلي إذا في كسر بالبيت وتوضحلي ياه الي هنن :
عباب الدار مبرك (( كبش غالي ))
عباب الدار ((مبرك كبش غالي))
وعباب الدار مبرك كبش ((غالي ))
وعباب الدار طلوا لحباب
هاد البيت للحج الحسواني (( أبومحمد )) ، برأيك شو الكسر الموجود بهالبيت
المشاركات: 95
المواضيع: 10
تاريخ الانضمام: Jan 2006
السمعة:
0
أنا قلبي بعينك عاش راعين
الحبيب الباع عمرو عاشرا عين
تركي المركب يسافر عا شراعين
بلا متحركشي موج لعباب
هاد البيت للشاعر أسامة السمرة (( أبو خليل )) ، وضحنا الكسر الي فيه م الشكر
المشاركات: 1,123
المواضيع: 101
تاريخ الانضمام: Nov 2004
السمعة:
0
إذا باب الشعر فارق عتابو.....................أنا ما بفارق الشعر وعتابو
وشادي خيّنا عليي عتابو..................يا محلى من الحبايب هالعتاب
تاني عتابو ...مقصود ...العتابا إذا بتصحّ ,,,,,,إذا ما بتصحّ قولولي حتّى غير البيت
المشاركات: 1,123
المواضيع: 101
تاريخ الانضمام: Nov 2004
السمعة:
0
أهلا بالأخ الغالي أبو نورس والأخ الغالي شادي ...
والله يا شادي الغالي ..
أبو نورس عم يحكي صح ......في شي ميّة بالميّة موزون ..وفي شي فيه شويّة مشاكل ....بس وحياتك مو مشكلة كلّو بيصير ....ومين منّا ومن الشعراء الكبار بمطلعن ما خربط وما كسّر .....
فلذلك نحنا كأخوة ومناصرين للزجل لازم نشجّع بعضنا وننصح بعضنا لمصلحة المنقود والقارئ ومصلحة الشعر أوّلا ....
فيا حبيب القلب شادي ...
أنت من الواضح أنّو بيطلع بإيدك شي حلو .....واللي كتبتو حلو .....بس بتمنّا تتأنّى أكتر عالوزن ...
ووحياتك نحنا أخوة وكلنا غلطنا ومن واجبنا نساند بعضنا ..
وشكرا لابو نورس الغالي على مشاركتو القيّمة ..
أخوكم شفيق
المشاركات: 1,123
المواضيع: 101
تاريخ الانضمام: Nov 2004
السمعة:
0
وبخصوص ردّة حبيب القلب the jackal بدي اتشكّرو كتير على هالبيتين الحلوين ...
بس بدي وضح هالنقطة ...
أكتر قافية مشهورة بختمات العتابا هيي ....العذاب العقاب ...اب ..أب...أب....الخ
بس في قافية تانية ومزبوطة هيي ...المدى ...الحدى ...الودى .....دا ..دى ...دة....الخ
وبخصوص قافية الكهربا ......بيجوز تكون صحيحة ...بس يمكن أنا نسيان مراجع الزجل شو بتقول بهالحالة ...
إذا افترضناها غلط معناها الحلو كتير ...أهم من مظهرها ...ومو صعب على حبيب القلب يصلّحها ...
وهالبيتين ذكروني ببيتين المرحوم خليل روكز ..
عرفتك كيف بتمدّي باعينك.......بفكرك وأد حبّاتك بعينك
خايف ما تجي عيني بعينك.......والكونتاكت يجري بالعصاب
المشاركات: 95
المواضيع: 10
تاريخ الانضمام: Jan 2006
السمعة:
0
أرجو التوضيح
شكرا حبيبي الغالي شفيق وعلى راسي أنت وكل الشعرا المحترمين ،، بس بطلب من خيي حبيب قلبي أبو نورس يبين لي هالبيتين شو المكسور فيهن ،، لأن متل ما قلتلك أنا هاوي شعر وأكيد ماني أدك أو بمستواك ،، زيدنا من معرفتك ،،
وعلى فكرة بيت ((عباب الدار مبرك كبش غالي )) هاد من أشهر بيوت الشاعر المرحوم الحجي محمود الحسواني ،، وما بظن أنو في حدا هلئ من مستواه بالعتابا طبعا مع أحترامي للجميع (( هاد رأي متل ما قلتلكن رأي هاوي شعر وخصوصا العتابا )) فبأ إذا في كسر بهالبيت الرجاء تنبهني عليه ،،، نورونا ،،، الله ينور عليك،،،
أما البيت التاني فهو للشاعر أسامة السمرة (( أبوخليل )) وأنا بعتبرو من شعراء العتابا الكبار في لبنان وسوريا
..............مع خالص حبي واحترامي لجميع شعراءنا
المشاركات: 25
المواضيع: 5
تاريخ الانضمام: May 2005
السمعة:
0
قالت لعنا ضيف شرفنا وحل****قعدت بيهلمشكلي فكر وحل* قلتلها بكانون طرقاتك وحل**** واب غبرا وهل المشاكل مش لنا
المشاركات: 47
المواضيع: 0
تاريخ الانضمام: Nov 2005
السمعة:
0
كل عام و انتم بخير
كل عام و انتم بخير جميعا
الحقيقة تعقيبا على كلامي الأخير مبارح بقول :
أنا قلبي بعينك عاش راعين
الحبيب الباع عمرو عاشرا عين
تركي المركب يسافر عا شراعين
بلا متحركشي موج لعباب
البيت السابق موزون تماما ,,, بس بيني و بينك لما قرأت الأبيات كلها بالجملة متل ما بيقولو صرت حسهن كلهن مكسورين متل و يمكن هالبيت سقط سهوا
بس بالنسبة للبيت التاني أكيد بالأصل لازم يكون موزون بس انتة يمكن لما كتبتو كان ناقص منو شي حرف بالشطر الأخير
عباب الدار مبرك (( كبش غالي ))
عباب الدار ((مبرك كبش غالي))
وعباب الدار مبرك كبش ((غالي ))
وعباب الدار طلوا لحباب
يعني الأصل لازم يكون بالشكل التالي،،،،، و عباب الدار طلـو هالحباب
شوف حرف الهاء اللي كان ناقص ،،، أثناء الغناء ,, المتمكن تمام بيكشف هالكسرة الصغيرة و لو إنها حرف واحد ،، بس برجع بقلك بيجوز الحسواني قايلو موزون و إنتة كاتبو و منقص منو شي حرف ،، و بيجوز الزلمة كسر البيت إذا كان عم يرتجل ارتجالي سهوا و هاد الشي مش عيب لأنو ما حدا معصوم عن غلط و خصوصا إذا كان ارتجالي ....
و بالنسبة لباقي الأبيات ,,, متل هاد
شفـــيق كون عليي من منشار
تيصير رأيك بين الناس منشار
لك جيب سيف أو جيب منشار
قطاع راسي فدا عيون الحباب
و غيرو من بقية الأبيات ,,,, بعتقد كمعنى نحنا حبيناهن ,,, بس الوزن يا بو الشــود ،، يعني 95% من قوة البيت بوزنو ،، لما منقول بيت موزون و كلماتو ركيكة ،، منعرف إنو نحنا قدها و قدود بس هيك طلع معنا البيت شو بدنا نساوي ،، بس لما منقول محبوك بس مكسور ،،، أي واحد بينتقدنا
و بالنسبة للسيد شفيق و البيت الأخير
إذا باب الشعر فارق عتابو.....................أنا ما بفارق الشعر وعتابو
وشادي خيّنا عليي عتابو..................يا محلى من الحبايب هالعتاب
الكلمة بتجوز تماما و بستستخدم كتير ما عليها شي ،، بس اللي بدي قولو إنو البعض بيعتبر تضمين حرف الواو في عجز الشطر الأول إلى كلمة عتابو ضعف بالبيت ،،، أنا شخصيا إذا بكتب البيت كتابة ما بعتقد إني ضمن حرف الواو للقافية ،، بس اذا كنت عالارتجالي أحيانا بضطر قولها كونو واحد بيكون بوضعية خاصة ,,,,
وهلأ خدو مني هالبيت :
تا حتى نعيد ليلة انس قوني ،،،، المنايا مر حنظل ان سقوني
الوفا صعب عليي انسى قونة ،،،، بإيدي زرعتها بصدر الحباب
المشاركات: 1,123
المواضيع: 101
تاريخ الانضمام: Nov 2004
السمعة:
0
أنا لباب الشعر زارع عتابو........خلقت ربّ اللي بيغنّو عتابو
وشادي خيّنا عليي عتابو..........يامحلا من الحبايب هالعتاب
المشاركات: 1,123
المواضيع: 101
تاريخ الانضمام: Nov 2004
السمعة:
0
حبيب القلب أبو نورس
بخصوص الواو ....قد يكون متل ما عم تقول أنت صح ......
بس أنا بعرف ((بما أنك فتحت بواب الاحتراف)) أنو الواو وقت تكون بكلمة الجناس بالعتابا ...ما بيجوز تستخدمها بمعنى واو العطف غير مرّة وحدة ....
مثلا ما فيك تقول .......
وعودي ....بمعنى وعود ....مظبوطة الواو منها وفيها
و عودي....بمعنى ارجعي ....الواو عطف
و عودي .....بمعنى الة موسيقية ...ما فيك تستخدم واو العطف مرة تانية ....
وبالتالي هيك الغلط ...
وكمان يا حبيب القلب ...
ذكر كلمة أنت ...مرتين ....قد يكون غلط
وبما أنكم عن تذكرو شعراء العتابا ..
وقع بإيدي شريط ...بين الحسون ...الحاروفي ...ورفعت مبارك ...وصالح رمضان ..
وأنا ما بعرف بينهم غير رفعت مبارك وهوي الوحيد اللي ما كسر والتزم ....
وسمعت بالشريط من الشعراء الباقيين ...كسرات فظيعة بالوزن .....فلذلك أنا برفض تسمّوا هالشعراء ..مرجع للعتابا ..وبرأيي الشاعر اللي بيعتبر حالو محترف ...وبيرتكب غلطات وزنية ..هاد عار على الشعر ..
بس المبتدئين شيئ تاني .....
وعلى راسي يا أبو نورس الغالي ويا شادي
المشاركات: 95
المواضيع: 10
تاريخ الانضمام: Jan 2006
السمعة:
0
الشاعر يوسف الحسون
كل عام وأنتم بخير ،، خيي الحبيب شفيق عطيني بيت من البيوت الي سمعتها بالشريط من بيوت المكسوره للحسون، والرجاء توضحلنا الكسر الي فيه، وبكون ممنونك ، مع شكري وامتناني من أخوك الصغير شادي،،،،،،،
وعلى فكرة في شريط بحب تسمعوا إذا وقع بأيدك ليوسف الحسون حفلة للسفرة في لبنان ببيروت يمدح فيها شخص قطري اسمه خالد ال ثاني باللغة العربية الفصيحة لمدة 40 دقيقة والباقي بيكمله علالا ،، فالرجاء تسمعو وتعطينا رأيك فيه لأنه رأيك بيهمنا يا الغالي ،،،،
ومع شكري للشاعر أبونورس ،،،،
المشاركات: 1,123
المواضيع: 101
تاريخ الانضمام: Nov 2004
السمعة:
0
مرحبا أخي شادي الغالي
بخصوص يوسف الحسون ...أنا من زمان وقع شريط لألو بيمدح سوريا وفلسطين تبع ...
حافظ عطانا عهد .......وفي إلها كمالة ..حلوة كتير كتير ...
أكيد أنو الحسون شاعر كبير من سمعتو اللي سمعت فيها ....وبخصوص الحسون يمكن نسيت اذكر تقيدو بالوزن بمشاركتي السابقة سهوا ..بس هوي كمان بيتقيد متل رفعت وصوتو حلو كتير ...
بس في التنين صالح رمضان والحاروفي يمكن خبّصوا كتير بالوزن ....
المشاركات: 95
المواضيع: 10
تاريخ الانضمام: Jan 2006
السمعة:
0
الشعر أبيض ميوجد أوسخافيه ----- كرم بدك في عنا أو سخا في
الشعر منو تبجــــح أو سخافي ---- الشعر قديس ما بيعرف عياب
المشاركات: 95
المواضيع: 10
تاريخ الانضمام: Jan 2006
السمعة:
0
ما بعرف كم زند بلوي ولاكم
بطل بقدر أنا صـــارع ولاكم
تــقــل منـديل ما بلــقى ولاكم
وبغمزة عين بوقع عالتـــراب
المشاركات: 5
المواضيع: 1
تاريخ الانضمام: Jan 2006
السمعة:
0
مرحب يا صحاب حبيت شارك معكم وهي بيت مني :
العتابا بصغرنا بوابها طرقنا ــــــــــــــــــ مشت عاكيفنا بمسالكنا وطرقنا
كل مانسمع آوف ليها طرقنا ـــــــــــــــــ وتعالو نرد كم ردة عتـــــــــاب
المشاركات: 95
المواضيع: 10
تاريخ الانضمام: Jan 2006
السمعة:
0
زرعــــتلك بقلب الـــــدار نخــــلة...............تتبقى ذكــــر لما الـدار نخـــــــلي
طحن عضمي الغرام وطاب نخلي...............بديــن الظـــالمين من الحبــــــاب
المشاركات: 95
المواضيع: 10
تاريخ الانضمام: Jan 2006
السمعة:
0
عزهر جنينتك حوم فراشـــــــــــة............ورمش عيني لفصطانك فراشـــــــــــي
وإذا نمتي ما دفيتي فراشــــــــــي............النوم عالشوك أحلى وعالتـــــــــــراب
|
