|
لمحبي ومتذوقي العتابا
|
20-01-06, 10:30 PM
منــــاي تلمحــــك عيـــنــي وراكي.........وعقالله حمــــلتي لاقــــــي وراكي
ولضل طول العمر راكض وراكي.........وما بنســـاكي تيفنيني التـــــــــراب
21-01-06, 03:23 PM
لمّا الشّعر نفســــــو هلّ جواري ------ حروفو تأنّقت لي هَـ الجـــواري وأوزان القصــيدي هـ الجوا ريّ ------ لنفس الشّــــــاعر الحامل عذاب ![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif) ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
22-01-06, 04:16 PM
كنت صونك وبريف العين داري ،،،،،،،، شو الي غيرك ماعدت داري
كـنتي تركـــعي عبــــواب داري ،،،،،،،،، صرتي تركعيني عالـبـــــواب
24-01-06, 02:59 PM
جنب بيتك أنا بس كون خاطر ،،،،،،،، فدا عيونك بروحي بريد خاطر
العتابا غزلتها كـــرمـال خاطر ،،،،،،،، خدودك والمباسم والهـــــداب
26-01-06, 10:30 PM
وهبت الحب أصبح من هباتي ،،،،،،، انسرق وانهب ردّي منهباتي
وأمـك إذا حـــردتي منها باتي ،،،،،،، بقلبي بسكر عليكي البــواب
28-01-06, 06:39 PM
الي حج وجاب من مكة عمرتين ،،،،،،، وإيمانو أد هالدنيا عمرتين
بعمـــرلك ضـــمن قلبــه عمرتين ،،،،،،، وبـأدملك مفاتيح البــــواب
31-01-06, 04:28 PM
اندلق عبري تكون سيل عبري ،،،،،، ومن شط لشـط صــعب عبري
تكلمني عيــون الســـود عبري ،،،،،، قرأت الترجمة ما بين الهداب
03-02-06, 06:37 PM
كنـت أومـــي إذا بأيــدك وميتي ،،،،،،، وكنتي كاسي وخمري وميتي
وصرتي خرسة وطرشة وميتي ،،،،،،، ما بتردّي عمجنونك جـــواب
05-02-06, 03:14 PM
وعتّا وكان قصدي تعود بالفور ،،،،،،، جفتني وزاد بحر الشوق بالفور
ياريت وعدا يكون وعد بالفور ،،،،،،، تجي وتحتل قلبي من الحبـــــاب
10-02-06, 09:34 PM
جفـنك بـس يتكحـــل بميــلو ،،،،،،،، نجوم ال بالسما صوبك بميــلو
وشفافك لو تغطيهن بمي لو ،،،،،،، المي معوكــرة بتصبح شــراب
14-02-06, 01:26 PM
يا ريت الي جرالي شفتي شفتي ،،،،،، أنا بشرب دموعي شفتي شفتي
ومـن أول ملتـقـيـنا شفتي شفتي ،،،،،، جمر عمينطفي بريق الحبــــاب
02-03-06, 03:44 PM
بيتين مافي متلن
حرف العين : عـدو عــدا عـداوة عاد عادي ،،،، على علــة عنيـني عاد عادي عري عرّم عرامي عاد عادي ،،،، عمي عمّر عروشو عالتراب بلشت بهالبيت وبحب أنهي فيه : حرف السين سلو ســوالف سما والها سلوكي ،،،، سوا سمعو سبب سقمي سلوكي سري ساري سلى سلكي سلوكي ،،،، سكر سكّر سكب سكـّر البــــاب بتمنى تعطوني رأيكن بهالبيتين ،، ،، ،، وأن شالله تنال أعجابكن ،، وسلامي ،،،، أخوكم شادي
25-03-06, 01:56 PM
لك الله حيو أصلك ،،
لك يا هيك العتابا يا بلا ،، وبصراحة أديش صرلي أسمع عتابا أحلى من هالبتين بعمري ما سمعت ولا لح اسمع ،، وتشكر حبيب قلبيي
02-04-06, 11:54 PM
يعطيكن العافية
أبيات حلوة ،،، يستحق قرائتها ،،، بس ياريت الأخ شادي يكتبلنا المصدر من وين مشان نحفظ حق الشاعر اللي قايلهن ،،، مثلا سلو ســوالف سما والها سلوكي ،،،، سوا سمعو سبب سقمي سلوكي سري ساري سلى سلكي سلوكي ،،،، سكر سكّر سكب سكـّر البــــاب من أبيات مصطفى حسين الجميلة ،،، بس التاني ما بعرف إذا كان هوة اللي قايلو كمان ولا لأ !!!!! استمروا ،،،،، يعطيكن العوافي ,,,,,,, العطى عنتر عبس ولعبلا موني ****** جعل تمك كرز و العب لمونة وإذا فيهن بجي والعب لاموني ****** شفافي وقت ما داقوا شراااااااب تحياتي
03-04-06, 08:10 AM
يا أسمر ميّل عْلى القلب ميلي --- مرورك شهد والعســلات مي لي إلي الآهات والأحلام مي لي --- لإيمتا معك بيطـــــــــول العذاب ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
03-04-06, 10:38 AM
الشاعر هالدّني لولا ثناها............وما بدّو شكرها وكلمة ثناها
بيرجع يركع مقابل (ثناها)...........العطت للمرتجل أحلى تياب
03-04-06, 04:10 PM
بهالبيتين يسلم تم الي قايلن ويسلم أدين الي كاتبتن
أكيد هالبيتين لشاعرنا لكبير أبو علي البلوادني ،، يا أخي المكتوب مبين من عنوانه مو لازم يكتب عليه لمين البيت ، شي معروف أنو لشاعرنا لكبير ملك العتابا الحقيقي أبو علي البلوداني ،، ليش في شاعر بيقدر بيجيب هيك بيتين؟؟؟؟؟ مرة تانية بحب بشكرك على هالأبيات الي نورت المنتدى فيهن ... وإلك الشكر أبو الشود أبو علي بعمرو بالشعرملك ،، بالإرتجــالي هالكـــون كلّه ملك مابتستحي تسمي حالك ملك ،، بوجــود بوعلي شمّــاط الرقاب
04-04-06, 12:13 PM
متل ما قلت أخي (( البلوداني وبس )) بالفعل هالبيتين لشاعرنا لكبير أبو علي البلوداني ،، وعا راسي أنت وأبو علي البلوداني ، وعا راسي بلودان كلاّ لأجلك وأجل شاعرنا ،،،
بدي أسألك (( البلوداني وبس )) الشاعرين أبو علي البلوداني ، وأسامة السمرة ( أبو خليل ) لساتن حرب ولا تصالحو ،،،، وإذا لهلأ ما تصالحو فبندعي الله يرجعو يلتقو سوا ويتصالحو وترجع المي لامجاريها لأنو بصراحة لما يكونو سوا بيطلع الحفل غير شكل ،، بيكونو ثنائي مافي أحلى منو ،، وتحياتي إلك وشكرا على مشاركتك الطيبة وهي بيت لشاعرنا لكبير أنا مغرم صبابة خلقت صبّاب ،،،،،، الحرمان بيني وبينها صبّاب قبلـيـني لا إديكي المي صبّاب ،،،،،، وبـغـرفــة نوم تعلـيقة تـياب انشالله نكون ناقلينو صح
06-04-06, 12:38 AM
البلوداني وبس كتب:أكيد هالبيتين لشاعرنا لكبير أبو علي البلوادني ،، طبعا نحنا منفخر بالشاعر أبو علي ،،و هوة تاريخ عريق بالعتابا و الإرتجال ، بس من باب التحفظ برأيي لازم ينذكر إسم مؤلف البيت تحت البيت أو القصيدة ،،، و بعدين مو شرط بس البلوداني اللي يقول هيك بيت يا سيد ( البلوداني و بس ) العذر منك ،، و مبين عليك كتير مغرم بالميجنا و العتابا بس لساتك بأول المشوار ،، مشان هيك حاطط بيت مكسور !!! و إذا بيشوفو أبو علي بيكسرلك دياتك !!! لإنو لازم تعرف إنو قافية ( ملك ) اللي إنت مستخدمها هيي قافية ميجنا و ليست عتابا !!!!!!!! و أنا مشان هيك بحب إنو تكتبو إسم كل شاعر بتكتبولو أي بيت ،،، ما بعرف إذا شفيق بيوافقني الرأي و الآخرين ..... لإنو بهالحالة ممكن ينكتب شي بيت ما إلو علاقة و يندس بين أبيات أبو علي و نحنا نقرؤو !!!! و نفكرو إلو و هوة أبعد ما يمكن عن هالشي ...... بتمنى ما كون قسيت بالكلام (( البلوداني و بس )) بس لا تقيم الناس قبل ما تحتك فيها (( مشانك مو مشاني )) .... النحلات شهدن بعــد وزن خاتمين ***** و شعري بإصبع فن وزن خاتمين داقوا شهدنا كتار و الزنخات مين ؟ ***** داق بشعر مكسور ... رح يشكي لنا ________________________________ محبتي ..... |
|
« الأقدم التالي | الأحدث التالي »
|
