غزليات ثناء حيدر ....

[ثناء حيدر]

أنا وعصفور

أنا وعصفور


نَقْوَدْ العصــــــــــفور ع البللور --- والليل بعدو كحل ع جفونـي
والشمس غفيانة بســـــبع بحور --- وبعدها بالمي مســــــــجوني
والندي فوق حقولنا بيــــــــدور --- عَ تم وردة وغصن زيتــوني
ووقف البدر بدهشتو مســــحور --- وعينيه بالشباك مســـــكوني
وقرّب عليي بلهفتــــو العصفور --- بوّس خدودي وشبّع جنوني
نقزت ...قلّي حروف متل النور --- بالشوق والأحلام معجــونة
هيدي رســـــالة من حبيب العمر --- تتضل حتى تلتقو مونـــــة


براغ - 19/8/2006

[Ano0o0o0o0o0oS]

عن جد كلامك كلو زووووووووووووء وشي حلووو وسلمت اناملك الرقيقة التي تكتب كلمات مثل هذه الكلمات
تحياتي الك
أنووووووووس

[ثناء حيدر]

متلك أنا يا نحل عم اجــــــــني غزل ---- متلك أنا يا شــــــــعر عم ازرع أمل
ويا ليل عم دوّر على وجــــــه القمر ---- تيصير لحظة غربتي حدّي صديق
تحياتي الك ثناء وانا بقدر كلماتك وهالابيات يلي نسختا انا كتير بحبا وحابب اعرف المعنى يلي بتنص عليه
وتقبلي تحياتي
انوووووووووووووس

شكراً أنوس لمرورك ... وبعتقد الكلمات سهلة المعنى ما بعتقد بدهن شرح

[size=5]عن جد كلامك كلو زووووووووووووء وشي حلووو وسلمت اناملك الرقيقة التي تكتب كلمات مثل هذه الكلمات
تحياتي الك
أنووووووووس

[/size]

شكرا لحضورك
وأهلاً بك

[بنت الحارة نانا]

مشكورة اخت ثناء يعطيكي الف عافيه
والله حلووووووووووووو
نسخته عندي وحفظته..........

قَـَلّي حياتي وهمستو صارت صلا --- وصار الهوى بروحي ينقوز عا الهدا
ومن وقتها سكران قلبي عَ الحــلا --- خايف ليصحا يوم ... ما يـــلاقي حدا

والله انا صحي وما لقى حدااااااااااااااااااا
تحياتي لكي اخت ثنااااااااء

[ثناء حيدر]

مشكورة اخت ثناء يعطيكي الف عافيه
والله حلووووووووووووو
نسخته عندي وحفظته..........

قَـَلّي حياتي وهمستو صارت صلا --- وصار الهوى بروحي ينقوز عا الهدا
ومن وقتها سكران قلبي عَ الحــلا --- خايف ليصحا يوم ... ما يـــلاقي حدا

والله انا صحي وما لقى حدااااااااااااااااااا
تحياتي لكي اخت ثنااااااااء

عزيزتي بنت الحارة
أهلاً بك زائرة دائمة ... ويسعدني أن غزلياتي نالت إعجابك
لك محبتي

ثناء

[ثناء حيدر]

أجريتُ بعض التعديلات في الوزن على القصيدة فعذراً من القراء الأعزاء

أنا وعصفور

نَقْوَدْ العصفور ع البللّور=والليل بعدو كحل ع جفوني
والشمس غفيت خلف سبع بحور=وبعدها بالمي مسجوني
والندي فوق حقولنا بيدور=عَ تم وردة وغصن زيتوني
والبدر وقف بدهشتو مسحور=وعينيه بالشباك مسكوني
وقرّب عليي بلهفتو العصفور= بوّس خدودي وشبّع جنوني
نقزت ... قلّي حروف متل النور=بالشوق والأحلام معجونة
هيدي رسالة من حبيب العمر= تتضل حتى تلتقو مونة

[SIZE="5"][COLOR="Blue"]

براغ - 27/8/2006

[/COLOR][/SIZE]

[Romel]

وصلتي

وصلتي و عا وجك طل قنديل الفرج تا المصطبة صارت تردد يا هلا

و لما دعستي خيوط ممسحة الدرج صارت عا باب الدار سجادة صلا



ابراهيم

[Romel]

صورة

سبحان يلّي عالخليقة ضافها
صورة عن بلادي خلق أوصافها

شمّيت البقاع الوفي بألطافها
و ضمّيت صنّين الأبي عاكتافها

و حجّة تا بين شفافها كفّي العلم..
ببوسة زْرعت ارزة ما بين شفافها

[ثناء حيدر]

الأخ الشاعر إبراهيم
حضورك ألق في متصفحي
فشكراً لك معطرة بشذى البنفسج والإقحوان

نبع العين ناداني وردتو = تا شوف الرادني بقلبو وردتو
ولحد اليوم محفوظة وردتو = حزينة بين صفحات الكتاب

[mohamad kh]

سلامي للجميع

[SIZE="4"]

بمشتى الحلو يا ناس شو بالي هني = وبآل حيدر ببراغ الحُر الغَني
عالطيبين وعالصدق بالمعدنِ = وعالسيف اللي بيوم اللقا ما بْيِنثني
بيت الخطيب بيت الكرامة بْيِنبني = ومع كل كدرة رمل تطلع سوسنة
يا اختى ثناء علاجك في حلب = روس العدا قدام شِعْرِك تنحني

[/SIZE]

[ثناء حيدر]

بمشتى الحلو يا ناس شو بالي هني = وبآل حيدر ببراغ الحُر الغَني
عالطيبين وعالصدق بالمعدنِ = وعالسيف اللي بيوم اللقا ما بْيِنثني
بيت الخطيب بيت الكرامة بْيِنبني = ومع كل كدرة رمل تطلع سوسنة
يا اختى ثناء علاجك في حلب = روس العدا قدام شِعْرِك تنحني

الأخ محمد الخطيب

باقات ورود من حدائق سوريا إليك في أرض فلسطين الحبيبة
ألف شكر لمشاعرك النبيلة السامية
دمت بخير ومحبة


ثناء

[ثناء حيدر]

الحب منّو حكي بينقال

أول تجربة في كتابة الشعر المحكي
بتمنى تعجبكن


الحبّ ...
منّو حكي بينقال
هوي الوطن
والبيت ...
والعرزال

هوّي الحبيب
اللي انسمى عليي
ومش قادرة شوفو
ومش قادرة غنّيه
بالموّال

يا دهر !!!
لَيْش تلوّع العشاق؟؟؟
شي دايب بحبّو
و شي كتيرعم يشتاق !!

صيَّرْتني يا دهر
متل السايحة بدرب الهوى
ومتل الأميرة بقصرها
والقصر سجن
ومرض ميؤوس
ما منّو دوا

***
يا دهر وينو الحبيب ؟؟
خايفه عليه
من شي حدا
يسرقو منّي
وتكبر النهدات
والعنّه
لا لا
أنا مش خايفه
يا عينيي
بالقلب رح خبيه
ورح أعمل بوابو
مفاتيح سحريه
حتى
إذا فتحت شي يوم
رح لاقيه
بضمو لصدري
وبرجع بخبيه
يا دلّي
يا خوفي
ان رجعت شي مرة
مني يضيع
وروح ما لاقيه

*****
بحبك محبة ما انطوت بكتاب
ولا انكتبت بقصة ولا رواية
حب
نازل من سما الرحمان
معمّد بوردة
ومحفور ع الأغصان
حب!!!
رح ازرعو
بيقلب كل حاكم
تا يصير مش ظالم
تايضحكو وردات
حقلتنا
ونجمات تتلطى
بعريشتنا
وتعشعش
حساسين حارتنا
بتينتنا
وبترتمي الوردات
ع حفاف غيمتنا
وهاك العريشه
سياج دارتنا
تعصر نبيذ الحب
خمرتنا

وبيزهر الزيتون
وبيفرح اللمام
وبترتسم ضحكة
ع شفاف حارتنا
وستي اللي ربتنا
بإيدها ها المغزل التعبان
يندف حريرو خيوط
توتتنا
بتمتم وبتقول
الله يديم لمتنا

يتبع ----

[عصام يوسف]

يا ثناء نيّال القصيدة عليكي .
كتير شُعَرا بنخّوا عَ بواب الحاكم بس إنتي متل عشتريم هالأميره الفينيقية لمّا علمت الشعب يوقف بوجه الإسكندر.
عم تعلمي القصيدة توقّف بوجه الظلم , ترقّي قد ما فيكي لأنّو المجد بيلبقلك و الشعر بيشوف حالو فيكي

[انهل دبس]

الله ... الله ... الله !!!

الغالية ثناء ...

بكل تجرّد ...
وبدون أية مجاملة ...
الله لا يعطي العافية إلاّ إلِكْ ...
ولا يسلـّم غير إيديكي ...
اللي كتبو هالإحساس الرائع ...
والصور البديعة ...
بكل صدق ...
أقول لك: هادا مانو شعر ...
هادا رسم لوحة بديعة من المشاعر والأحاسيس ...
بأروع تناسق وانسجام بالألوان الزاهية الفرحة ...
بكل الحب والتقدير والإحترام ...
أنهل دبس

[ثناء حيدر]

[SIZE="5"][COLOR="Blue"]

سأزرع ياسمينة في متصفحي من ديوان ( بدران ) لصديقي الشاعر [COLOR="Red"]بسام بسطاطي [/COLOR] من مشتى الحلو حيث يقول من :

[SIZE="7"]شْفَافِكْ[/SIZE]



شفافك الحلوين قطعو الهمس = وبردو معادوا يسألوا عليي
بعد اللي كانوا يوشوشوني أمس = ويخبروني كل خبرية
واليوم لو عني منعتي اللمس = وصار الجمر يبرد بإيديي
وبالعتم لو صرتي بقلب الرمس = بيركض وراكي ضو عينيي
مهما الفيّ تهرَب من الشمس = بتبقى الشمس بتموت عا الفيي

[align=center][SIZE="5"][COLOR="blue"]
الشاعر: بسام بسطاطي
مشتى الحلو
19/6/1997
[COLOR="red"]
ثناء[/COLOR] [/COLOR][/SIZE]

[ثناء حيدر]

تكملة القصيدة بتمنى تنال إعجابكن

***
حُبَّكْ
قَدَرْ مكتوبْ عا جبيني
عِمْر انكتَبْ بـِدْفاتِر سنيني
كلّ العمر حدَّكْ
تمَتـَّع بحبي قـَدْ ما بَدَّك
تَاتشْبَعْ بحبّي
وترْويني
وبْحِدْ مِنـَّكْ دَوم
خلّيني

\
/
وسِكِتْ الحَكي
وتأوَّهْ الموّال
وقالتْ إلو:
يا عايش بها البالْ
لـَ شُو ياعمري الزهد والتَفكير
لـَ شُو يا حبي الصّمتْ والتّعتير
لـَ شُو يا دلّي خانَك التّعبير؟

ما قِدِرْ يحكي
خانتو الكلمِه
وهرِّت الدّمعَه
وبكيِتْ النّجمه
وبكيِتْ معو

وقالت إلو منِ جْديد:
لا تِكْـذ ُبْ عليّي !!!
دقات قلبَك بسْمَعا من بعيد
عليها أنا وهَوْنيك يا ما غِفِيْتْ
ومنها أنا وهونيك يا مَا وعِيت !!!
بفْهَمْ عاقلبَك
بالْوَما
بفهم عليكْ كتير
لَوْمَا حْكِيت

صَمتَكْ حَكي
صَمتَكْ بِكي
صَمتَك يا عطري الّليلكي
صَمتَكْ وَجَعْ ما بيشتِكي

تْنَحْنَحْ شوَي وقلّْها:
صامت أنا ... بْمَرجـِة زَهِرْ
سارح بكلمات السحر
بحروفْ أحلى من الشّعرْ
يا تقبريني بسْ !!!
حبّي إلِكْ نعمِة
أو صار شي نقمه؟

وتنهدِّتْ ...
والآه قالتلو:
حبَّكْ ؟؟؟
نعمة عليي ... وصار غانيني
حبَّكْ
بيادر خيرْ لـَ سْـنِيني
بيادر قمحْ
وغمارْ فوقْ غمارْ
تعطيني
غمار والوفا والامل
تِهْديني
وبرمْشْهَا عينَك تغطيني
حبَّكْ بحر !!!
ياريت إغرَقْ فيه
ومن الغرق
أوعَاكْ تنقذني
وتحميني

[حسن بنوت]

*****
قصيده رائعه بس شو رأيك ب

غمار الوفا والحب تهديني
*****

[ثناء حيدر]

[SIZE="4"]

قلبــــي ما نســـــي مرة معــــــادو=وغابــــــو حبابنــــا وإلنا ما عادوا

كانوا بحــبنا يدوبـــوا ما عــادوا=عنا يســـــألو بكلمــــة عـــــتاب

[/SIZE]

[ثناء حيدر]

[SIZE="4"]

ما عرفت عتم الليل صاير ضـوّ=ما عرفت إنو الأرض صرلا جناح
عناقيد صارت تنعصـر بالجـوّ=وكروم راحـت عبّـت الأقـداح
والبحر صار يْرَقْوِصْ من النـوّ=والمي سكرت من رحيق الـراح
تاري الشعر في منتدانا حْلَـوّ=خسارة يا قلبي يبطلو الكلمـات
=--- عنك بدل ما يعملو إصحاح ---

[/SIZE]

[slayman]

][]

[]شو ها الحلا والذوق والأبداع
الخلّى النجوم حبوب معصورة
والعتم صفّا ضو ...!!!ها الصورة
فيها الوحي بيقول ...!!!شوف...؟سماع
بيوت الشعر بالريح محفورة


بعدك صبية يا وحي معتّق
وشعرك صباح الخير ...بالمحكي
وركوة القهوة وكيف ما بنحكي
الأنفاس كلما الورد يتفتّق
بتصير تشهق عاطفة وضحكة
رائعة ومتألقة وخصوصا هون

عناقيد صارت تنعصـر بالجـوّ
وكروم راحـت عبّـت الأقـداح