مشتى الحلو الى الامام او الى الخلف

[susu]

مشتى الحلو الى الامام او الى الخلف
يجول بيخاطري عديد من الاسئلة الى اين تصل المشتى في السياحة؟
وهل السياحة مفيدة للمدى البعيد؟
وهل تلاحظون اتها اكتسبت بعض المدنية فهل هذا نعمة او نقمة؟؟؟
تعليق :
يمكن اننا نفرح عندما نرى قريتنا مشتى الحلو تزدهر وتصبح جوهرة الجبال الخضراء
ومصدرا لجذب السياح المحليين والعرب وايضا نفرح لتطورها العمراني والسياحي والفندقي الناجح
انها نعمة من جهة فهي تحرك اقتصاد المنطقة كلها للافضل
ومن جهة اخرى فهي نقمة من هنا تبرز المشاكل بحيث نلاحظ كمية الاشجار التي فقدناها
واصبحت اسمنت وشوهت المنظر الخلاب في المنطقة واصبح الخضار في محيط البلدة للاسف
وهل تعلمون ان الاستهلاك الزائد للمنطقة يجر اليها التلف ومهما كانت التصليحات ستكون على حساب طبيعتنا
ونلاحظ ظهور العادات السيئة على مفارق ضيعتنا من شرقها الى غربها ( صراخ بيت للايجار)
ما رايك بهذا الموضوع من جهة وهل تلاحظ ان المشتى بد أ ت تفقد بلتدريج ملامح الضيعة الجميلة واصبحت تميل الى المدنية
( نعم ام لا)

[sisi]

الشي الحلو و المهم و اللي بيميز المشتى عن غيرا
و الشي اللي بيخليها أولى المناطق السياحية
إنو المشتى مو ضيعة و لا مدينة
يعني فيها خضار و فيها تطور عمراني و فيها منشآت سياحية
بس هالمنشآت سلاح ذو حدين
يعني كان إلا دور كتير كبير بجذب السياح و إلا دور كبير بمحي الخضار العام
يعني لازم ندور عطريقة للحد من هالزيادة
شكرا سوسو الموضوع كتير مهم
و بتمنى الانتباه الو و المشاركة فيه

[susu]

شكرا كتير sisi
عا التفاتك واهتما مك بلموضوع
وبتمنى انو الكل ينتبه علي لانو بلفعل موضوع هام
ويجذب الاهتمام فيه
مشكورة sisi

[resha8]

معك حق سوسو بكلشي التيه لانو الضيعة كل ما لا عم ترجع الى الخلف
اجتماعيا مثلا لازم الضيعة تعرف بعضا كلا
وهدا الجيل دوبو يعرف جيرانو صرنا متل المدينة
شكرا سوسو

[mounirfarkouh]

لقد كانت المشتى من أجمل المناطق السياحية في سوريا من سنة 1970 حتى1985 لقد كانت من أهم المناطق
بالنسبة للذي كان يعرفها فلم يكن هناك جشع ولاطمع في البناء حتى تفتحت أعين الناس في المشتى على البناء الذي أدى الى
تراكم البناء وفقدان الناظر الخلابة التي كانت في كل البيوت في ذلك الوقت والآن أصبحت مدينة فالأسمنت المسلح أكثر بكثير من الأشجار

[koba]

الأنسة المحترمة سوسو !!!
لقد وضعت يدك على الجرح الذي لن يندمل قريبا فمن عرف المشتى سابقا وعاشر أهلها وأمضى فيها جزءا من عطلته الصيفية في الفترة الذهبية 70_85 سيجد الآن فرقا شاسعا من كل النواحي اذا ما أراد تكرار تجربته .ولذلك اود ان أطلب منك طلبا صغيرا وهو ايجاد صورة قديمة للمشتى يعنى من تلك الفترة وعندها المرء يستطيع ان يرى بنفسه الفرق الشاسع بينما كان وما أصبح وساعتها ستكون المشاركات أكثر من ناحية ومن ناحية أخرى يستطيع من يود تذكر تلك الفترة ان يتذكرها بكل وجدانية ويعبر عن رأيه مع نفحة من عبق تلك الأيام الجميلة .
على كل الاحوال لك جزيل الشكر على هذا الموضوع فقد أيقظت الذاكرة التي كادت ان تموت في الغربة .
من كترة البيوت والبنايات لم أستطع ان اجد دار الاهل لذلك ارجو كل من يمتلك صورة قديمة للمشتى ولديه المقدرة ان يعرضها ان لا يقصر مع جزيل الشكر للجميع .

[ror]

الأخت سو سو المشكلة أنه لا يمكن تحديد الى أين تتجه المشتى لأنها من عدة نواحي تتجه نحو الأمام و من نواحي اآخرة نحو الخلف
و أعتقد أنه لا يمكن أن ندعو المشتى قرية و لا يمكن التعامل معها كا قرية فالمشتى أصبحة مدينة سياحية اكثر منما هي قرية و هذا لا يبرر قطع الأشجار المستمر فمن نواحي البيئة والطبيعة نعم نحن نحو الخلف أما من نواحي السياحة و جلب المصطافين فنحن نحو الأمام و بحكم عملي ألاحظ التهافت الغير طبيعي و المخيف على عمليات شراء العقارات و البناء في المشتى ( فالشاطر يلي عندو أرض بيقطع الشجر فيها و ببلش العمار) يمكن بالمشتى ما ضل عنا غير عدد بسيط من البقع الخضراء يمكن لازم نحنا شباب و الصبايا بالمشتى نكون يد واحدة لنحمي هل كم شجرة الباقين لأن ما في أمل من بلدية المشتى و مكتب السياحة و والروؤس المتاجرة فينا وبأرضينا لا بل هني المسؤولين عن خراب ها البلدة الحلوي و اتجاهها نحو الخلف كما قلتي شكر عا موضوعك لكتير مهم

[susu]

شكرا

نشكركم جميعا لاهتمامكم بهذا الموضوع
وكما قيل( الاباء ياكلون الحصرم والابناء يضرسون)وبما اننا نضرس كلمثل يتوجب علينا واجبات لكي لانقع بنفس اغلاط الاباء
واشكركم مرة ثانية

[susu]

هادي الصورة

انا حاولت نزل صور قديمة لبلدتنا
بس للاسف ما قدرت وبامكانك كوبا انك ترجع للصفحة الرئيسة بمشتاوي وت
تتطلع علين
(صور عتيقة عن المشتى)

[titi]

شكرا كتيررررررررررر سوسو
عهلموضوع الهام بس شو ما صار المشتى ببتضل حلويييييييييي ونا سا احلى
شكرا ام السوس

[Rawan]

شكرا كتير سوسو
فعلا انو الموضوع جدير بلاهتمام
والكل لازم يطلع عليه
والمشتى بتضل منورة باهلى
شكرا كتير

[echo]

موضوع كتير مهم

مبارح جبلي فادي رفيقي فيلم فيديو عن المشتى من 20 سنة و كيف كانت بشرفي كانت روعة و كتير كتير حلوة و بين كل بيت و بيت بستان شجر لازم نحافظ على المشتىة لحتى نقدر نشوف شوية خضار بالمشتى

شكرا سوسو على هالموضوع المهم

[susu]

شكرا كتير لروان وتمارا وطوني
وفعلا يا طوني انو المشتى اذا بدنا نحكي بعقلنا
عم تتطور سلبيا اما بعاطفتنا حتضل بقلبنا ذكرياتا الحلوة وكمان ذكرياتا الجاي
شكرا

[ملك الغرام]

والله انا حسب ما بسمع حكي الكبار بالعمر بيقولو انو المشتى كانت متل غابة و كانت البيوت يفصل بينها بستان مو حيط سمينتو و فيه شغلي رح احكيها و هي متل طرفة
عيمي مغترب من حوالي 30 سنة اجا مرة على المشتى ما عرفها حتى انو صار يقول لوين اخديني انا بدي روح على المشتى

فتخيل السرعة التي تغيرت بها هذه المنطفة الرائعة الى جبال الاسمنت

[susu]

شكرا كتير ملك الغرام
حبيت اشكرك عا تعليقك
وفعلا المشتى كانت من ابل غابة واليوم بعد ما تعمر هلكم الهائل من البنايات
راحت مظهر الغابة
واسفة اذا اتأخرت بلرد علموضوع
شكرا

[semas]

دائما المواضيع اللي بتتعلق بجمال المشتى بتحمل بحة حزينة وغصة بقلب كل من بيعرف المشتى ايام زمان قبل التجارة ايام اللي كنت وين ما بدك بتلاقي فية شجرة وساقية مي وصوت معرجلينة ع سطح تراب وكنت تسمع اهلا وسهلا من قلب طيب بدون ما يكون في شروة او بيعة او تاجير بيت انا ماني ضد التقدم بس ضد تبديل الوجوه وضد تبديل الشجر بالاسمنت والجار بالتجاربس الزمن عم يمشي ونحنا عم نخسر كل شي حلاه طبيعي ويمكن نصير نعتمد ع الديكورات الصناعية واللي راح ما بيرجع خسسسسسسسسسارة

[adidas]

... عودوا قبل ما الجفا يغمر ليالي العمر ...

http://www.marmarita.com/nuke/modules.ph...=0&thold=0

[susu]

شكرا كتير ( semas) على ردك وابداء رايك المميز في الموضوع
واحب ايضا ان اشكرك( اديداس )على مشاركتك وقد اطلعت على الرابط
ولكن اتمنى منك ان تعطيني رايك الشخصي في الموضوع وتشرح لي وجهة نظرك
وغرضك من الرابط
وشكرا

[adidas]

بعتذر منك الصديقة سو سو ومعك حق ما حطيت رأي بموضوعك
اول شئ المشكلة مو بالاحجار الاسمنتية و البناء يلي منلاحظو بصورة مذهلة بمنطقتكم باعتبار اصحاب المشاريع كلهم من عندكم من الضيعة بس وقت بيجو الغربتلي و بيصير هني اصحاب المشاريع هون المشكلة يعني بالفترة الاخيرة الواحد ماعاد يعرف مين جارو او من وين !!!!
والمشتى مو بس جمال الطبيعة يلي فيها ........جمال طبيعة ناسها كمان
انشالله تكون وصليتك فكرتي

ت ح ي ا ت ي

[susu]

شكرا لك اديداس على التوضيح
وانا فهمت قصدك
شكرا كتير على التعليق