المشاركات: 1,123
المواضيع: 101
تاريخ الانضمام: Nov 2004
السمعة:
0
يا أنصار المعنّى سامحونا ...........نطرتو كتير حتّى تسمعونا
وقشعتونا علقنا بهيك مشكل........وما ظنّي هيك بدكن تقشعونا
منبرنا بأبو ادم تكلل ...............وبراجحنا الفكارو هاجمونا
هنّي تنينهن للشعر منزل.............واحد شيخنا وواحد أبونا
ونحنا بدّنا نطلع ما ننزل............تأنصار المعنّى يناصرونا
تنقشع هالشعر كلّو تكمّل..........وظهرنا بموقع المشتى وقلنا
......................راجح بيك منعدّو أخونا...............
المشاركات: 432
المواضيع: 54
تاريخ الانضمام: Feb 2005
السمعة:
0
خناقه? كيف سماها خناقه? = وأنا بخناقتو مالي علاقه
لأنو مش عدوي وبالمشبرح = عدو للشعر هوي وللباقه
أنا عامسرحي شاعر وبسرح= برحاب الفكر وبروض اللياقة
وبيني وبين غيري بكل مسرح = علاقه من المحبه والصداقه
أنا ن هاجمت, شعري مابيجرح = ولا بلعن ولا ببادر ب(راقا)
ولابباطح ولا بحرد بمطرح = ولا بقتل جمل كرمال قاقه
وهلق تالشعر بالشعر يفرح = وتنعطي من الورد للناس باقه
وتايسرح جونا بخيلو ويمرح = وماتحني من التقل عالأرض ناقه
بصرح من قلب طيب مرحرح = اذا الشاعر بيوقف عند حدو
========= بشقللو بقلب الصدر طاقه
راجح
المشاركات: 1,123
المواضيع: 101
تاريخ الانضمام: Nov 2004
السمعة:
0
عدوّ الشعر والفكر وسموّو .........لكن مش عدوّو في علوّو
ولأنّو في عداوتنا مشارك........عدوّ الشعر عملو مش عدوّو
ويا قمحات الشعر رشّي بدارك.....ويا غيمات المطر هالأرض روّوا
وكفّيلي الفبارك يا فبارك ...............ويا أخصامي إذا فيكن تقوّوا
وإجا راجح افندي تا يعارك..............ومدري شو فكارو عم يسوّوا
لكن بعد ما خلصوا المعارك.............تضامن كوكب المنبر وجوّو
ويا راجح هالصدر لاحق ودارك............ولا تشقّوا تا ألحانك يدوّوا
وإذا الطاقة بصدرك صرت زارك...............بدّن ريّتين الشاعريّة
.....................عمنبر شعرنا الزجلي يضوّوا..............
المشاركات: 432
المواضيع: 54
تاريخ الانضمام: Feb 2005
السمعة:
0
واذا دياب الغناني عميعووا = لأنو كواكبي بالليل ضوو ا
وعرفوا الأدن وحش الشعر فارك = راجح راجع يشبق بجوو
على الطاري فتحت بابي وتارك = شبابيكي ربا المنبر يهووا
وعلى الحارك أنا- وشدد ع حارك= عصافيري عمرج الورد جووا
ومتل ما بشارك بسيفي بشارك = بغصون السلم يللي عميلووا
لأني الموهبه بالقلب زارك = وصفحاتي جبال الشعر طووا
وعلى اللي جربوني بالمعارك= وحلف" بغداد" ضد الشعر سووا
مازال تسلحوا بوسع المدارك = وقبل ما يلفظوا الكلمه ترووا
جايي بمنطقي تالسلم بارك = ويللي للسلم فتحوا الأيادي
=======بأياديهم أيادي الشعر قووا
راجح
المشاركات: 1,123
المواضيع: 101
تاريخ الانضمام: Nov 2004
السمعة:
0
يا عالم,, منبر الأفكار مرغم..............يشوف الفرق بن حلوو ومر غم
منبرنا الشعر عالشعر فارض................عند ما نسمعو الأشعار نغّم
ضروري نقشعو الأفكار عارض.............وما نقشع منبر الكلمة ملغّم
أنا ما رضيت اكبر عالقوارض............رغم ما سبع فنّي الخصم أرغم\\
وإذا الشاعر طموحو ضلّ غارض...........وكلامو لّوت المنبر وجلغم
وإذا ضل وتحدّاني بمعارض................كلامي مع كلامو ما تناغم
بقبل طببو ومتطرّ مارض................شرط ما بطغمة الجهّال يطغم
وإذا خصمي بقي لشعري معارض.............أنا بسامح وبكبر عالأذيّة
..................لأنو عادتي عادات ضيغم................
المشاركات: 432
المواضيع: 54
تاريخ الانضمام: Feb 2005
السمعة:
0
وأنت يا مدعي اقرا بلاغي=أنا المن محضري المحظور لاغي
وكتابي مأدب مهذب مشذب=متل طفل وشي انو عميكاغي
وبعد ما المنبر بشعرك تعذب = شلح حالو بحضني بشوق طاغي
وقللي غيرك العشعر كذب =جرحني بكلمتو وطير دماغي
ومافي غيرك أنت شاعر مهذب = لحني على نولك حكايه
========وبصوتك مهجتي بالليل ناغي
راجح
المشاركات: 432
المواضيع: 54
تاريخ الانضمام: Feb 2005
السمعة:
0
ومازالك راجع وجايي بنفشي = وأسرار الحرب للناس تفشي
كنت وقفتك على حد حدك = لو أنك بتلقى نص دفشي
بعلمي السلم جايبلي بيدك = بعدما طفشت مني ب بس طفشي
شوصابك تالحقد عالحرب ردك = وعفشت بأوضة الأشعار عفشي
فاسي ناطرك ياعين جدك = الرح يزتك ترابي ببوز رفشي
وعلى لتوني اذا ماكان بدك = ترجع فيه من جمر القصايد
========الفخ القافشك مليون قفشي
راجح
المشاركات: 432
المواضيع: 54
تاريخ الانضمام: Feb 2005
السمعة:
0
وبعد هلق ماعاد صدق كلامك=ولابقبل رجوعك أو سلامك
أنت خاين عهودي بالغناني = انكشفت وطار عن ضهرك حرامك
ومازالك راجع على صولجاني = تشبر رح بكسرلك حسامك
وارجع اجبرك توقاف حاني = وغصب عنك تقدم احترامك
وتذكر أنت يل خنت الأماني = وصرت عن سطحك تطير حمامك
الفرصه ضاعت وجسمي رعاني = وغلي دمي ورجع غولي أمامك
ومازال بدمك بتسري الخياني =بعد هلق مافي صلحه اتطمن
========الشفره جاهزه تقطع كمامك
راجح
المشاركات: 1,123
المواضيع: 101
تاريخ الانضمام: Nov 2004
السمعة:
0
تحدّي القافية لمّا علنتو .....................باسم السلم تجريحك حضنتو
((نحنا)) شرشحت أنتو و((نحنا))........ياما تغلّبت عا اسم ((أنتو))
إذا يا شعر رحت ونحن رحنا .............عند راجح العم بيقول خنتو
بقلّو نحن بالتاريخ لحنا ......................بفادينا البحمل المجد عنتو
وإذا شفت الشعر مرّة جرحنا ............متل يوضاس يللي اليوم هنتو
رح يزورك وقت ما نكون زحنا..........وأنتو ان كان لو فيكن كرامي
...........................شنقتو حالكن بالعمد كنتو.....................
ويا سم الشعر مين اليوم بخّك ...............حتى قبالنا تشغّل مضخّك
ياما نزلت صوبك عالزّوايا.....................تأقبل حد منّي يوم نخّك
ويا بو فخّ الأفاعي والحيايا.................عهالحكيات بدّي اليوم طخّك
استحي, يا بصدرك بصيب الروايا......استحي يا فلان يمّا بشيل مخّك
وإذا هالفخّ زدتو بالعطايا.....................بفخّك عقلك المفصوم رخّك
ويا علقان عا فخّ النوايا.......................حتّى السّم من سمّك يسمّك
.....................ضروري يعلق لسانك عفخّك..........................
لا تصدّق كلامي بكون كاين....................أنا ألفين متلك صرت هاين
مع المتلك ظهر بالشعر طفرة...........الصدق فعل الصدق بالكون داين
صابك متل واحد قال كفرة....................ونشر كفرو على كلّ المداين
وباخر عيشتو تلاشى بحفرة.....................تمنّو صار جهل العقل باين
نفر منّك كلام الشعر نفرة...................ومن أشعارك اصفرّوا الجناين
وقلت خاين أنا وطلّعت زفرة..............وأنا التاريخ فيي الصدق صاين
وأنت بالشعر يا بو حبوب طفرة...............خنت كل الأقارب والقراين
وبدلت الاسم في اسماء صفرة.............وأنا متطرّ هلأمراض عاين
سحبت السيف قدامك يا شفرة....................لأنو اللي بيتخجّل بأسمو
.........................هيدا من الأصل بيكون خاين....................
يعطيك العافية......!!!!!!!!!!!
المشاركات: 1,123
المواضيع: 101
تاريخ الانضمام: Nov 2004
السمعة:
0
بقصيدة موجّهة مش عا بلاطك...................أنت فكّرتها هجيت بلاطك
وأنا ما رضيت وجّهها بإسمي..................إلك. ما زال سلمك احتياطك
لكن نيّتك في كل بصمي.........................رشّت بالحقد طلقة مشاطك
يعني نيّتك عا شعر رسمي..........................نيّة حاقدة من جنبلاطك
القصيدة للخصم في كل رسمي.............وأنت مش خصم تا اخنق نشاطك
اللي نازع منبر الأشعار خصمي...........وكنت ما تدايقت من قصد شعري
.........................لوما في مسلّة تحت باطك................
المشاركات: 432
المواضيع: 54
تاريخ الانضمام: Feb 2005
السمعة:
0
افلشي ياريح شعري عالبراري = فراش التلج تايهجوا الضواري
واذا ديب الأذيه العين فنجر = بسوطي بركعوا بليل التباري
أنا من هالتحدي كتير أكبر = ومافي شاعر بيغني من عياري
المدى من طول باعي كان أقصر =وسما الالهام أصغر من مداري
واذا الشاعر بيعرف رح بيخسر = لشو يهجم بليلو عانهاري
لأنو للي تحدى ريح صرصر = عديم الفكر شاعر انتحاري
أنت بالون من نفخه مطنبر = وطار لعند أسراب الدواري
ولما طق لا الطفل الزغير = بقى يريدو ولا حقو مصاري
واذا بالبهدلي طمعان أكتر =ماأنت مبهدل ومش عمتداري
أنا مابهدل الطفل المعتر = ولا بزيد الحمل فوق المكاري
ولأنك كنت ياشويعر مخير = ونبهتك أنا من بطش ناري
اجاك الموت ياتفل المعصر = ياخرقه مخزقه ياانكشاري
أنت لوفيك حس ودم أحمر = كنت خجلت من وهجي الحراري
وكنت وفرت عاحالك بأخطر = تحدي تضحك عليك الجواري
بتطعج بالحرف تتصير تقدر = تحطوا قافيه بشعر التجاري
وبتخرطش حكي مردد مكرر = ومابدفيك هالتوب العياري
ومعاني شعرك من الموت أصفر = سطحيي مافيها اخضراري
كأنو ب سم باجوقك مغرغر =وقت مابتفتحوا بشعر البزاري
اقتنع يازغير يا فاضي ياميبر = مشكشك من ابر شعري وحواري
مافيك تبلط البحر- المشجر = بموجو الأزرق - الكسر صواري
ولافيك تنط عامنبر مقدر = يحمل هيبتي ويرفع شعاري
لأنو المامشي ع بلاط مرمر = مافيه يمرمر ملوك وحواري
أنا المهر العضهرو الريح سفر = القطع في شبحتو جبال وصحاري
أنا مزار , الذكا خبزو المقمر = جبلي وباسني ونام بمزاري
أناالقلعه للي فيها المجد عمر = قصر للشعر حتى يضل جاري
وفيي بير للمنبر مسور = سرار الشعر صارت من سراري
أنا السيف الوقف عاكل منبر = وحامل أمر شلتو باختياري
واذا شاعر على منبر بيحضر = بطاسه متل يللي عاكتافك
========بضربه بشيل راسو من جواري
راجح
المشاركات: 432
المواضيع: 54
تاريخ الانضمام: Feb 2005
السمعة:
0
لشو ضيع الجوهر فيك يابو =الراس الجاب هم على جنابو
انفقش راسك وقت شديت ضرسي = ويلعن بوالبصل عابوصحابو
وبقلبك لو زرعت مليون غرسه = مارح تطلع الغرسه من ترابو
وأناعرس الشعر بيكون عرسي =اذا بتشيل سيفك من قرابو
ووحياتك أنا ضبيت ترسي = مطمن في وجودو وفي غيابو
ولأنو علقتي بالشعر شرسه =واسمي للقصر على بوابو
وهرستك بالتحدي وصار هرسي = درس حطو المعنى في كتابو
وأنت البس يل مافهمت درسي = لأنو راسك مسمك خشابو
ويللي ربطوك بألف مرسي = تاحتى تجابه للي الموت هابو
ويعني لو قعدت جنبو عكرسي =بتبقى اجر كرسي حد منو
======وهوي كرستو بتكتب جوابو
راجح
المشاركات: 432
المواضيع: 54
تاريخ الانضمام: Feb 2005
السمعة:
0
وكفى بسنانك الفرشاي فرشي = وافرشلك شواك الشعر فرشه
مازالك في بحث عقلك ودمك = فقير خطي ضيع فيك قرشي
واذا الموضوع رح تفقع بسمك =لأنو ماقدرت توصل لعرشي
العتب عابيك اللومه عاأمك = لأنك مامرشت بالعقل مرشه
خالك ناكرك ,خجلان عمك = وجدك قال بهدل شرش شرشي
وحبله خالتك ,قالت ع همك = يمكن يشبهو الجوات كرشي
يعني مصيبتك بدها تطمك =مش بس لو بتترك بيت أهلك
====حتى لوسكنت جوات حرشه
راجح
المشاركات: 432
المواضيع: 54
تاريخ الانضمام: Feb 2005
السمعة:
0
اتطلع بالمرايي وشوف راسك =عجيبه كيف بيتفوت لباسك
حجر طابو على كتافك معلق = الله يعلقو بلفظة نفاسك
وزغر عقلك براسك كان شلق = السمعو رنتو وملو جراسك
وأنت يامكبتل مورم مفلق = ولبن شحمك مدلدق فوق كاسك
استحي من دماغك الأورب الغلق =عحالو وصار يخجل من قياسك
وباب الفك في تمك مطلق = وحنكك مرتخي وظهروا ضراسك
ونمل الموت لعيونك تسلق = وصفي بدك شي دفشي تاتسرب
======وبنخر عضامك تأبد حواسك
راجح
المشاركات: 1,123
المواضيع: 101
تاريخ الانضمام: Nov 2004
السمعة:
0
يا كذّاب الشعر والشاعريّة ..................يا شرشوح القوافي المنبرية
لشو خجلان بالأصل المأصّل؟................يمكن ما إلك أصل وهويّة
رح بقول الصراحة بكلّ منزل...............أنت مكروه من كلّ الرعيّة
لزقة لو بتلزق ما بترحل ........................إذا بينزل إلاه السّرمدية
إلك ألفاظ بشعة يا مغفّل........................بتعبّر عن المفصوم هيي
رصيدك بالأدب تحت المعدّل........ورصيدك بالجهل ألف على ميّة
أنا مبهدل عند ما الدهر اسأل..................عن مفصوم كلماتو غبيّة
لا بيردّ عالردّ المطوّل ...........................لأنّو راجح ونفسو دنيّة
أنا بطعج حرف؟؟في كل مجمل...............أنت كذّاب يا ربع الوقيّة
وإذا عالطعج بدي اليوم انزل...........ما بطعج غير راسمك يا بنيي
يا مهر الشعر يا شويعر محلحل..........أنا عا سرجك الماكن بفيّي
وإذا راسك تحت منّي بيجفل....................كرباجي بيفهم عالبقيّي
ويا قلعة ...اسمك الليلة تبهدل................منّك جوقة القلعة القويّة
حرامي شعر وزنك ما بيتقل.............لو بتسرق حروف الأبحدية
وعقصّة قطع راسي الصوت طبّل.......,,...براسك يا عديم الشاعريّة
بقطع راسي شرف إلكن بيحصل...........لكن راسك اللي رخيص سعرو
...........................بقرف المسو لحظة بيديّي
ويا بو ألفاظ بشعة في صورها.............بقلب لسانك الأصفر اقبرها
ذكرت الأهل ما زالك معقّد.............من عيلة طلعت من مختبرها
ودليلي عقدتك بالنفس أوجد..........ووجد حيطان سودا في حجرها
بقدر سبّك بتعبير أسود ................بغضبة نزوة النفس وضررها
ويا راجح لو كنت إنسان أصمد ........وسليم بنفسك السودا وجورها
حلّك تشهر باسمك تتسعد ................بهمزة وياء تتشاهد حضرها
ولعيلة اسمك بتوضيح أبعد ...............إذا رجّال يا راجح اذكرها
وكلماتك اعملها حجار معبد................بيكفّي كل ما خيمة تلاقي
.........................تلملم شعر فاضي من نورها..................
المشاركات: 432
المواضيع: 54
تاريخ الانضمام: Feb 2005
السمعة:
0
أنت صادق بكلشي قلت عني = وهيدا "ذوق" منك مش تجني
ويللي كاتبو, بوج المرايي = قريتو وكان في عكس التمني
ولأني بحافظ على مستوايي =ولأنو الشعر عااسمو أأتمني
بدي ضل احكي بمستوايي = بأخلاقي بحسي بالتأني
ومارح قلك أنت أرعن كفايي= ولابقلك أنت للموت جني
ولابقلك نزق أنتي وذكايي = فضح ضعفك وايماني امتحني
ولابقلك أنت فاجر وجايي = تتجنى على الشاعرالجنه
ولابقلك خسرت وألف رايي = ارتفعولي أنا من زغر سني
ولاأفلست تاتبدا بهجايي = بحكي أسودعلى أصفر ع بني
ولابقلك تعا وزت الدوايي = ومع ولاد الشوارع روح غني
ومارح سميك أخوت بالحكايي= وبدم الشعر شعرك عمتحني
ولابقلك أنت شاعر دعايي = بتحلم "بالسياده" وبالتكني
ولارح قول عنك بالنكايي = قليل الفهم مابتلبق لفني
ولا راعي ولا أمي قرايي = ولامسحوق من كتر التدني
ولابقلك أنا بعزي رجايي = فيك وخيبتي بشعرك بهني
لكن رح بقلك بالنهايي = أنا الشاعر أنا المعروف اني
بذوقي ربحت وخصمت الروايي= وأنت من كتر ذوقك عالمنابر
===========مافيك المقطع القلتو تتني
علقت مابين ديي اليوم علقه= وصرت مفلوق مني ألف فلقه
اذا لسانك زلق و وصفت حالك = بلاما تلومني عاهيك زلقه
أنا كلشي عملتو على عقالك =نكزتو بحيث بعرف مابتلقى
واذا أنتي كنت حاطط ببالك = عليي بتنجلق بالشعر جلقة
طمن بالك الجلقه حلالك = ودلقيتك بدست المي دلقه
منها بتطلع بتشبه خيالك = متل بيضه انسلقت نص سلقه
وتحتى فك عن عنقك حبالك = وماتبقى روحك من الخوف قلقه
رح بقلك شو اسم للي قبالك = اسمو الفرد يللي بنص راسك
====طلق تايختم الموضوع طلقه
