شعراء الزجـــل أيـن أنتــــم ؟؟؟؟

[amigo]

الاخوة شعراء الزجل في منتدانا الغالي ...
تحية طيبة وبعد :
لا أخفي عنكم كثرة الاسئلة والرسائل الخاصة التي وردت إليّ تسأل عن شعراء الزجل ضمن هذا المنتدى
. ماذا حل بهم ...؟ أين عبق اشعارهم .. ؟ أين عنفوان تحديهم ...؟ أنين حنين غزلياتهم ...؟
أين الأوف والعتابـا وهز الدفوف ....؟
ألا يدرون انهم حلّو في ارض تعشق الكلمة وتقدس المعنى !
استمتعنا بهم كثيراً .. تابعناهم بشغف .. لماذا تركونا ؟ هل سيعودن قريباً .؟ اشتقنا لهم .
لا اعرف ماذا أجيبهم ..! بل اعدهم بأنهم عائدون واسأل الله ان يتحقق وعدي وان لا ننتظر هطول هذا الغيث طويلاً لينبت بستاننا ازهار من الكلمات و كروم من المعاني .
من هنا من أرض مشتى الحلو
أتمنى منكم واخص بالذكر الشاعر محمد شريم ما يتمناه الكثيرين عودة قريبة لنفتح صفحة جديدة مليئة بالحب والتقدير والاحترام
مع بالغ شكري وتقديري للجميع

[راجح]

وهلق أنت بالأشعار قاقي *وجاوب قبل ما تطلع خلاقي
لأني صرت فلوجه جديده * ياويل الأرض من وهج احتراقي
ورد وقول انتي للقصيده * العميد العاشعر سلطان باقي
وأناوحياة عينك مش بعيده* بعد ما اعتذر ارجع وامحي
كل الفركشوا بساحة سباقي

راجح

[راجح]

واذا بدك تطول روح طول * ونقي ردك الشعري وصول
واذا مع أهل كهف الشعر بدك * تغفا عالكهف بالشعر حول
انا ملهم شعر لوكنت حدك * حجار الصم بوجودي بقول
كفاك تحط ايدك فوق خدك * وببحر فكارك فكارك تجول
أحسلك بلا ما كون ضدك * تمنى بس تاوقف بصفك
وبلا ما يلك تمك من الأول

راجح

[جعفر حيدر]

يا شعري من ندى الأفكار ندي
ويا روحي من الأزل للأزل مدي

خصمي ما رح بزلزل كيانو
ولا ناوي فركشو بفرد ردة

ولا بدي اسحقو بصهوة حصانو
ولا ذلو ببعض كلمات بدي

كتار الكنفشو ورجعو استكانو
لما وضعت فوق الخد يدي

سكتت شوي تا يطلع جنانو
وعدي يا نجوم الضهر عدي

بلكي راجح الفلتة زمانو
بعد شي كام سنة بيصير ندي

[ثناء حيدر]

غضبان راجح عكّر الجو وبدي
يقمز عا حد الموقدي قمزة جدي

تروا ياراجح من قبل ما تبتدي
معنا حدود الشعر منها محددي

وتا فيك تعرف شو مرامي ومقصدي
بدك دهر تدرس زجل في معهدي

بأشعارنا البتقول للشمس اسجدي
بأشعار سطحية معك مش واردي

ويللي بيقطّر سم عا ورود الزجل
مش متل يللي قطّر دموع الندي

[راجح]

يا شعري من ندى الأفكار ندي
ويا روحي من الأزل للأزل مدي

خصمي ما رح بزلزل كيانو
ولا ناوي فركشو بفرد ردة

ولا بدي اسحقو بصهوة حصانو
ولا ذلو ببعض كلمات بدي

كتار الكنفشو ورجعو استكانو
لما وضعت فوق الخد يدي

سكتت شوي تا يطلع جنانو
وعدي يا نجوم الضهر عدي

بلكي راجح الفلتة زمانو
بعد شي كام سنة بيصير ندي
__________________
جعفر حيدر



صمت وجاي تفطر عافطيره* وصرت تتشردق بنقطة عصيري
وسند ضهرك على متن جيد *ومد جريك عاقد الحصيري
واذا بتشوفني مكنفش ياسيد* أنامكنفش متل ورده زغيري
أنا مكنفش أنا مقاوم بعيد * على الجبهه وبحرق زمهريري
أنا بحار كنفش تايقيد * حبال الصاريه بيوم المصيري
وأنت قدام هالكنفوش حيد* الأسد لو كنفش الفروي بتعرف
بأنو علقتو علقه كبيري

راجح

[راجح]

غضبان راجح عكّر الجو وبدي
يقمز عا حد الموقدي قمزة جدي

تروا ياراجح من قبل ما تبتدي
معنا حدود الشعر منها محددي

وتا فيك تعرف شو مرامي ومقصدي
بدك دهر تدرس زجل في معهدي

بأشعارنا البتقول للشمس اسجدي
بأشعار سطحية معك مش واردي

ويللي بيقطّر سم عا ورود الزجل
مش متل يللي قطّر دموع الندي

ثناء حيدر





ويابنت السباتي اليوم فيقي * وشوفي وزنك الشعري الحقيقي
بيكفي بكل رده بألف موقع * تحكيلي عن "الطير الفنيقي"
أنتي شاعره?ياشعر اسمع * نشاذ الشعر والكسر الموسيقي
أنتي مثقفه? يانثر اقشع * كبر الادعا بقاقي وقيقي
أنتي للحقيقه صوت جعجع * بنخرة غبرتو ما ب بل ريقي
أنتي طوب تحت الغصن سقع * ما بقبل بالشعر عدو رفيقي
انتي طحل للمنطق بتفجع * أثينا ن شافك الفكر الغريقي
أنا بحرب التحدي رصاص لعلع * حريق جهنم بيشبه حريقي
وقبل منك يادبش المابينفع * انطفى لولوالحكي بلمعة عقيقي

وصرت بالشعر كل ماالسيف ارفع * خطوط البرق تولع من بريقي

وشوبدي بعد قلك لوبيطلع * براسك بحر رح سدو بمضيقي
وبدي بعد مابالشعر اقلع * عيونك تاحياتك ما تطيقي
فك مفاصلك تالنصر يركع * وحرم كل شاعر فوق منبر
يتقاطع طريقو مع طريقي



راجح

[راجح]

وهي ردودي

شفيق


يا راجح أنت من أية قبيلي ..............حروفك مزعجة ,,فكارك هزيلي

مهما تكون بدي ضل قلك............................البخيلة بدها تبقى بخيلة

ما حلّك ترجع قبالي ما حلّك......................تلات مرّات غرقتك بنيلي

وشريم الأبي بالشعر ذلّك ...............ورجوعو صوب موقعنا يا راجح

..................... بيسوى راجح وهيكي سليلي


وبشّار الأبي بينو وبينك .....................مسافة صعب توزنها بعينك

هوّي شاعري وبالشعر ناجح............وأنت بالشعر متل غراب بينك

نصب عالكوكب الشمسي مراجح.......وأنت لو متت ما بقلّك يا حينك

ويا حارق نص بالأفكار راجح......................وكبّيتو بأنهارك وعينك

ومش هالنص لو بيبقى يا راجح................إذا بيضلّ منّي بسّ اصبع

..........................رح بيفوت هالإصبع بعينك


وبسطاطي إذا بيكون بدّو.................فيه يدوّقك ضربات حدّو

وأنت يا شويعر بهالذل راضي..........بتحلم توصل دقيقة لحدّو

هوّي كبير في حاضر وماضي..........أبي وكتار أمجادو تحدّو

ورفض ينزل عميدان المواضي.......إذا ما كان ربّ الشعر ضدّو

وإذا شفتو بخيالو صار ماضي........وشقّ الأرض في كدّو وجدّو

هوّي عن قصد شقّ الأراضي..........حتّى يجهّز التربة ويصرخ

.................لراجح بيك الله لا يردّو


وثناء بشعرها الصافي قويّة .......... محبوبة من عموم الرّعيّة

ونظرها ما تنازلّك وشافك...........يا مجهول الأسامي والهويّة

الحسد بالشعر كتفلك كتافك...........بعمرك ما ربحت بالشاعريي

قلت فرنك ما أجمل هفافك...........يا برغوت العمولة اليعربيّة ________المقصود بالبرغوت ..هي عملة قديمة ..

وحكيت على الزئير باصطيافك.........ومن شفافك بتطلقلي المنيّة

بدّي سدّلك فتحة شفافك..............إذا في غير مرّة جيت تحكي

.......................على بنت السلالة الحيدريّة
__________________
سامحوني

شفيق



__________________






وأبو نورس مزوّدلك جروحك.........وعمر عا وجهك مكتّر قروحك

هودي مواهب وهودي ضماني...........جبالن ما بتنزل عا سفوحك

وأنت موهوب لكنّك أناني ...............وبودّي كان ما انكر طموحك

هاجمني أنا عندي تفاني ................ولا تحارب رفاقي في نزوحك

وبموضوع النقل والاستهاني...........رح بقلّك وعتّملك وضوحك

نقلت الرد عا موضوع تاني..............لإني ما بودّي عود انقل

................ عنار جهنّم بهالليل روحك..................
__________________
سامحوني
شفيق




الك ياشفيق

وأنت يا الجاي متل الحنكليسي = لحوت الشعر مابتطلع فريسي
جقمتك في قفا ايدي المظفر = شلحتك صوص في دست الهريسي
ووقت ماشفتك معفن مهرهر= وراسك طلطميسي بطلطميسي
بعد عنك بطش سبعي الغضنفر = لأنو السبع ما بيقرب فطيسي
أنت بالموهبه منفض مشحتر = ناشف بس شاطر بالدسيسي
أنت في جوقتك أرؤوط فنجر = عيونو وحيلتو حيله خسيسي
أنت لاجوهر ولافيك مظهر = مليسي المنظر بجوهر ميليسي
متل حيه بلون التبن أصفر = بروح منجسي ورقبه حليسي
وبالجامع ابن ملجم وخيبر = و متل يوداظ جوات الكنيسي
لامحضر جلستك للشعر محضر = ولا للذوق جلساتك أنيسي
ولابريدك خصم وشريك منبر = ولا رفيقي ولا حتى جليسي
أنا بدي السما -تالشعر يظهر- = بملاك الموهبه تلاقي بليسي
أنا برمد جهنم بس احضر = برج الأرض لولا حديت عيسي
محمد باسني بحرا وكبر = ولموسى كنت بالعليق ديسي
وعيسى للي زرعني بلون أخضر = زهره قال فوق المي ميسي
ويا هالدنياافرحي نصري مسوكر = ومدى باعي بدنيا الشعر قيسي
أنا بحر القريحه وريح عبقر = اجت تاتشعل الكون بوطيسي
ومش أنتي يابو الراس المدنكر =أنت وجوقتين الشعر عندي
أفاعي مربطه جوات كيسي



راجح

[شادي75]

ياعيني عالشعر.....

------------------------

[ثناء حيدر]

انفشي يا ديوك ريشك شاف حالو
راجح .. وابتدى يسرج خيالو

مجالو متل شارون القضية
اللي حابس بالحقد أطول مجالو

زعل من غضبة الفينيق فيّي
صهيوني ... وعم بيزيد انفعالو

وياآ شامي ... يا سوريا الأبية
أحلامك ... وحلمي ما انطالو

لاآ شارون هالبيّتْ النية
ولا ابنو راجح .. الصاير خيالو

ولاآ شعرو اللي حاقد بالهوية
ومتخفي بحروفو وارتجالو

بيقدر ع الأراضي الفينيقية
مهما راجح يجمّع مثالو

زعل من كون أبياتي سورية
خاين للوطن ... خاين بطالو

زعل من هالثقافة اليعربية
ابن صهيون راجح ... شاف حالو

ثقافتناا الجولان الأبية
وراجح عم بيغني لإحتلالو

***

أنا اسمي ثناء محيدلية
اللي شارونكْ إنتْ ... هزت جبالو

أنا اسمي ثناء الحيدرية
قلبي الفهم ... وحروفي مآلو

أنا اسمي ثناء الحيدرية
لا تقرب طهر اسمي ... ولا جلالو

إمي المعرفة والعلم بيي
كنوز العلم ع كتافي انشالو

أنا اسمي ثناء الفينيقية
حروفي الدهر ... عبّالو غلالو

ع درب الحب والكلمة النقية
راياتي وحضوري ما استقالو

***

ويا راجح يا أبو الكلمة القوية
يا بو شارون ... يا معبي سلالو

مش شغلة من الديمقراطية
ترقص كلما هزو حبالو

***

ومتل ما سقيت شارونك منية
بدي شرّبك دمّو بحالو

إذا بتغيظك الكلمة الطرية
تغني فيه وترندح قبالو

رح عبيك في كرشو شويي
وعبي من قرابتكن شوالو

***

يا متخفّي باسم بلا مزية
لحتى يزيد سمّو واختيالو

أنا ما بخون سوريا بإيديي
ولا بسمح لراجح ... يا رفاقي
يخون الوطن لو شارون خالو

[عفراء ماجد]

انت مينك يا طول بدون غله
يا جايي تنقل الميي بسله

التحداني على شكلك تخلع
التحدي بحسبو لعب وتسلي

يا جايي العرش كيف ما كان تخلع
بردة جهل وبصوتك تعلي

بردك من بعد ما الموت تجرع
على جهنم تزيدالطين بله

زيح تحلل تحرك تفرع
فلّي راسك من الأمل فلّي

اٍذا بتكون من شيبوب أبرع
يا شيبوب الزجل شو باك قلّي

يا هاجم عا دروب الموت أسرع
من صاروخ بالطالع معلّي

بيك قال اٍبن جديد بزرع
واٍمك عند ما سمعت بموتك
عم تندب يا تعتيري يا دلّي

[شفيق]

ما بدّي تعاتبيني يا مبادي______على اللي رح بقولو للأعادي

ويا جوهر ما بودّي اليوم زينك_______التنك موجود والنحّاس بادي


يا راجح أنت بالأشعار مينك؟؟ _______يا مجهول الهوّية بالتمادي

إذا العقلات شفتن فاصمينك_______لشخصيّات عم تكتر زيادي


ما رح قلّك ِسوى الله يعينك______يا راجح أنت منّك شخص عادي

وإذا ظروف المعيشة مجننّينك________الصبح اسمك علي والضهر فادي


وعالعيادة ما عم يقدر حنينك_______يجّرك ,,رح بتشقع يا فؤادي

نحنا عالعيادة اخدينك___________وأنا بدفعلك حساب العيادي

ورح منضل هيك مراعيينك__________ذنب الدهر أنو طلعت ((سادي))



وبأشعارك الياما مبهدلينك__________قلت كلمات ما منهن إفادي

فطيسة,, طلطميسي,, معّرفينك_______حليسي,,مدنكر..وكيس الشحادي


يللي باسم شاعر ذاكرينك___________هودي مجرمين بكلّ وادي

بقلّن والأفاعي محاوطينك__________استحوا لا تبهدلوا سمعة بلادي


يا راجح لا تسمّعنا رنينك_________بحكي ما قالتو قرود البوادي

إذا الثعبان ساويتو قرينك__________-مش بعيدي يجي منّك جرادي



وفي شاعر قال كلمة عم تدينك__________عن قطعان راعيهن ينادي

في واحد شذ فيه مشبّهينك_________البيشوفو ما بيشعر بالسعادي


هيدا يمكن بيطلع شبينك__________إذا مش أنت عندك هيك عادة

اتّفقنا كلّنا عا حرق دينك__________وأنا ورفيق شعري الأخ شادي

بالقطران نحنا داهنينك__________________لأنو حالتك طلعت بتعدي

_________انزوي وحدك واوقف عا حيادي_________





أخواني الشعراء والقرّاء


اعذروني عللي ذكرتو بقصيدتي لأني أخدت عهد على نفسي بأني ما احكي أي كلمة تنزل عن المستوى الشعري بس للضرورة أحكام …
بس كمان واجبي ردّ…

ويا راجح …أنا بناء على طلب أخواني وزملائي الشعراء …ما رح رد عليك ولا بكلمة ..وأنا منايي ضل عم بكتب معك حتى تنكسر الكيبورد تبعك …

بس بناء على طلبهن …رح وقّف وهنن رح يوقّفو …ورح تخلّي المنتدى كلّو مفتوح لإلك واكتوب اللي بدك ياه وغنّي بالطاحون

[ثناء حيدر]

[size=5]ما بدّي تعاتبيني يا مبادي______على اللي رح بقولو للأعادي

ويا جوهر ما بودّي اليوم زينك_______التنك موجود والنحّاس بادي


يا راجح أنت بالأشعار مينك؟؟ _______يا مجهول الهوّية بالتمادي

إذا العقلات شفتن فاصمينك_______لشخصيّات عم تكتر زيادي


ما رح قلّك ِسوى الله يعينك______يا راجح أنت منّك شخص عادي

وإذا ظروف المعيشة مجننّينك________الصبح اسمك علي والضهر فادي


وعالعيادة ما عم يقدر حنينك_______يجّرك ,,رح بتشقع يا فؤادي

نحنا عالعيادة اخدينك___________وأنا بدفعلك حساب العيادي

ورح منضل هيك مراعيينك__________ذنب الدهر أنو طلعت ((سادي))



وبأشعارك الياما مبهدلينك__________قلت كلمات ما منهن إفادي

فطيسة,, طلطميسي,, معّرفينك_______حليسي,,مدنكر..وكيس الشحادي


يللي باسم شاعر ذاكرينك___________هودي مجرمين بكلّ وادي

بقلّن والأفاعي محاوطينك__________استحوا لا تبهدلوا سمعة بلادي


يا راجح لا تسمّعنا رنينك_________بحكي ما قالتو قرود البوادي

إذا الثعبان ساويتو قرينك__________-مش بعيدي يجي منّك جرادي



وفي شاعر قال كلمة عم تدينك__________عن قطعان راعيهن ينادي

في واحد شذ فيه مشبّهينك_________البيشوفو ما بيشعر بالسعادي


هيدا يمكن بيطلع شبينك__________إذا مش أنت عندك هيك عادة

اتّفقنا كلّنا عا حرق دينك__________وأنا ورفيق شعري الأخ شادي

بالقطران نحنا داهنينك__________________لأنو حالتك طلعت بتعدي

_________انزوي وحدك واوقف عا حيادي_________

أخواني الشعراء والقرّاء


اعذروني عللي ذكرتو بقصيدتي لأني أخدت عهد على نفسي بأني ما احكي أي كلمة تنزل عن المستوى الشعري بس للضرورة أحكام …
بس كمان واجبي ردّ…

ويا راجح …أنا بناء على طلب أخواني وزملائي الشعراء …ما رح رد عليك ولا بكلمة ..وأنا منايي ضل عم بكتب معك حتى تنكسر الكيبورد تبعك …

بس بناء على طلبهن …رح وقّف وهنن رح يوقّفو …ورح تخلّي المنتدى كلّو مفتوح لإلك واكتوب اللي بدك ياه وغنّي بالطاحون

[/size]

الأخ الغالي شفيق
يسلم هالتم
شعر حلوووووووووووو

بكلّ المحبة
ثناء

[the jackal]

تحية إلى جميع الأخوة الشعراء
أولا نشكر الاخ رامي على إحياء موضوع الزجل في المنتدى
ثانيا نرحب بعودة جميع الشعراء و نخص بالذكر الشاعرين راجح و جعفر حيدر و ننتظر عودة محمد شريم أيضا
الأخ شفيق :
نرجو الاتفاق مع زملائك الشعراء بالرد على الشاعر راجح الذي نقر بمقدرته الشعرية
علما بأن الردود التي كتبتها هي بقوة شعر راجح و حبة مسك .......
و هذه حلاوة المباريات الشعرية و خاصة الزجلية كما هو الحال في جميع المباريات الزجلية
و ننوه بأن قوة الشعر لا تظهر إلا في مثل هذه الحالة

و كل العالم ناطرين

[جعفر حيدر]

يا شمس شعري من فضائك أشرقي
وكلشي بيكتب شعر روحي واسبقي

يا كهوف ... راجح بالغياهيب ... اعتقي
بلكي بشعرو سيف شعري بيتقي

ويا حروف شعري اسم راجح اشنقي
وراسو المعتر تحت شعري علقي

وفلوجتو من كاس شعرو سرسقي
وكلما تنحنح دوخيه وعرّقي

بلا مرجلي ولا ختيرة بصوتي النقي
رح انصحك ... يا ولد كفي ما لقي

وقلك ... يا راجح يا بترجع تستقيم
يا بشقفك ستين شقفة يا شقي

[راجح]

الشاقوف شلتو بفرد ايد وعالحجر * نقرتو طلع من عتمة الموت الضجر
ولماالربابه بكيت بشعري, الغجر * مشيو حفايا من فرنسا للمجر
وياحيدر المتل الشجر عاش الحياة * بيموت واقف متلما يموت الشجر

أشكر جميع الذين راسلوني على البريد الخاص ..وأقدر الردود وكما وعدت الأدب أدب وليس قلة أدب
ولك معزة خاصة ياحيدر لأن ضميرك حي وتعرف الحق والخير والجمال

الوداع

راجح

[جعفر حيدر]

راجح يا شاقوف الشعر لما هوى
عالليل طل الضو والعتم استوى

بتنخوز القعدات وبترفع لوى
وعا كتفك المليان رفع المستوى

أوعا يا شعر العبقرية تنطوى
وتبات ليلك عالتجهم والطوى

مشيو الغجر واستجمعو كل القوى
لما الربابة دمعها جابو الهوى

يا بشد رحلي معهن بوجه الرحيل
يما معي بترجع تنتسلى سوا

[راجح]

فقط ارضاء للذين راسلوني طلبا بالمزيد ..وكفاها بقى ..وهيدا شفيق أنا مابحب أقسى عليه

وكمان الجنس عمتشحد دخولو = بنار المعركه وتحكي بميولو
بعد ما بالشعر فلست جايي = بحجه واهيه تطعم خمولو
وتقلك بس اسمع بالبدايي = بجنس وشعر شو صاروا يقولوا
على الحالين عنك بالحكايي = قالوا ضعيف محلولي خيولو

وأنا "سادي" عنيف بمستوايي= ببطشي المنبر بخرسن فحولو
وعلى المتلك "مزوخي" بالعصايي= ضربت الجوع تاشبع حقولو
"الشبق" فيي غضب جايي ورايي = وياويلك بس ماتضرب طبولو
بدو يبزقك دم الغوايي = تابطنك عالضرب يلفظ سلولو

اعترف بالموت ياطفل القنايي =البحر مافيك تتحدى سيولو
وبأول معركه حرقتك كفايي = وعيونك عالوجع صاروا يجولوا
وبتاني معركه شلحتك نفايي = بسجن الضايعه منو قفولو
وبتالت معركه دبحتك لغايي = شريفه ترد للمنبر أصولو

وعلى شعرك اتطلع بالمرايي = وشوف الضعف كيف لفلف فصولو
القوافي بالبدايي وبالنهايي = بمعاني مشوهه صاروا يصولوا
وحكي فاضي ما لمعت فيه آيي = ولا جوهر ولا مزين بلولو
ولا بيسعد بموضوع القرايي = ولا بيوقفك عرضو وطولو

وهلق قبل ما يلمع بهايي= بعالي فكر مابتقدر تطولو
اقتنع بالضعف واعطيني الدوايي = وسلم سيفك الخلصت حلولو
لأني الأوحد وصرت بسمايي = الاسم اللي الكواكب زقفولو
وصرت غول الفلش شمسو عبايي = وشو نفع الكون لوما تطل شمسو
وشو نفع الشعر لوما يطل غولو

راجح

[راجح]

تعانسافر مع وتار الربابي = بموسيقى الحزن فيها شق بابي
وسكب نهر الرحيل وقال ياللا = شراعك ناطرك خلف الضبابي

ياحيدر لونك المجروح خلى = الحكي ينزف ع صفحات الغرابي
وصرت متلك جناح جنون على= و نفض ريشو غناني من الكآبه

البيحبوني الصدق فيهن تجلى = بسؤالي كيفك وأخدوا جوابي
وماكرهوني بدنيا الشعر الا = الماقدروا يوصلولي بالكتابه


الغجر متلي السهر فيهن تسلى = ونط الكاس منهم عالخوابي
وأنا متل الغجر وحياة الله = بدق على ربابة شعر بكى
تلاميذ الحقيقه والصحابه

وخلص ياحيدر منشان الله خلص

وبعتذر من كل البيقولولي لسا وكمان وعميبعتولي رسايل ..البركه بالشباب وكلهن طيبين

راجح

[شفيق]

يا راجح من بعد أوّل خناقة ......................تصالحنا بأخلاق ولياقة

بس رجعت أنت بدم حامي................نكرت الصلح ولغيت الصداقة

وقلتلّي بأول شوط سامي...........(( الشعر لا ضفدع بيحوي ولا ناقة))

بس اليوم شفتك يا غرامي...................بحكيك,, ما إلك أدنى علاقة

استحي يا غول من هيكي أسامي..............متى الإنسان في عقلو تلاقى

هالغيلان عار على الكرامي..................ما فيها عقل ما فيها رشاقة

ويا تاهمني بحكي مش من مرامي..........وقلت إنّي فتحت للجنس طاقة

شفتك لو بتقشع جرح دامي ..................بتفرح والقلب بيفيض طاقة

وفسّرت الحكي بمنطق ظلامي ...............بوجه تاني لأشكال العلاقة

وكنت ما قلت إنّي في كلامي..................قلت كلمة جنس لولا يا راجح

.........................في عندك جنس من جنس اللباقة................