يا مشتاوي أنــــا شاعر بجلك

[محمد حسن شريم]

****************

يا مشتاوي أنــــا شاعر بجلك ___ حبيب العمــر كلو مـــــا بملك
وإذا غيري عشق منك شويي ___ أنا عشقتـك مثل ما إنــت كلك
لإنك فــــــــي جمالك مزهريي ___ علينــا فــــاح منهـا عُطر فلك
ولإنو تنينـــا كبرنــــــا سويي ___ جميلي شلــت وجميلـك بشلك
وإذا إيدي عــاقسم الشاعريي ___ لجمتا بشــل إيدي ومــا بشلك
ولإنك يــــا حبيبي اشتقت ليي ___ أنــا عــادرب قلبــي رح بدلك
تعـــــا تــــاغل فيـــك وغل فيي ___ تعـــــا يـــا فــيّ أتظلــل بظلك
تركني فيــــــــك كلمهِ عاطفيي ___ تركني سيف عالأعــداء سلك
تركني فيــــــــك لهجهِ عامليي ___ تبقى مثلها مقــــاوم عــاحلك
ولإني في صفــــــوف الأوليي ___ كنت ومــا قبلت قاصـــي يذلك
جايي من بعد هـــــاك القضيي ___ الحُصلي من وراها شوحصلك
المثل مشهور كلمــهِ جوهريي ___ لا تاخد صاحبك غيربعد زعلي

___________ وانا هاالمثل ذاتو جيت قلك ____________


*******

[echo]

لك أهلين و الله فيك يا محمد من جديد بمشتاوي و أهلين برجعة النمر

[شفيق]

رجع عا موقعو فلتة سنينو…….ارقصوا ب عيد الإبا يا مناصرينو
رجع نمر البطولة والأصالي…….…تا يغمر موقع المشتى بحنينو

متل البدر في سود الليالي……....….…يللي في غيوم محاوطينو
جبينو بالسما بيضلّ عالي…….………مهما الغيم يحجبلو جبينو

خلق بالشعر من أعلى سلالي...............لأنّو دين ربّ الشعر دينو
جدّو كان ربّ الارتجالي.......................وعمّو قائد الشعر بيقينو

قبل هلّق إجا نحاس الجّهالي...................حتّى يقاطع الدرّ برنينو
بس الدرّ بدّو يضلّ غالي....................مهما يجرّب الحاسد يهينو

يا بو ادم أنت شاعر خيالي..............من جنوب الشهامة العابدينو
من حومين عنوان البسالي.............اللي فيها السيد الجوهر يزينو

وموقعنا عرينك بالوكالي.................وأنت سبع المعنّى العارفينو
وحتّى يضلّ للشعّار هالي................وحتّى الشعر يعلى يا محمّد
........................ضروري يرجع السبع لعرينو...................

[محمد حسن شريم]

******************

خلفي يــــــا قوافــي الشعر ردو ____ أسامي كتار شــو بدكـن تعدو
أنا كلمن كتــــــــب رده بمشاعر ____ إلا خيّ غالــــي مــــــا بعدو
شفيق المثــــل سيــد عــــالمنابر ____ عاخصمــو ما حدا قادر يردو
بيوم الحرب صوتو صوت هادر ____ بيــوم السلم دمعاتو عــــاخدو
ويلي عــــــــانقد شعـــري مثابر ____ خصم كبير صعبي نشوف ندو
راجح كلمتـــــــــو كلمــة عناتر ____ إلا الزجل تايكبر مــــــــا بدو
ويا حسان اللي قمحك عــالبيادر ____ مونهِ في زمن قاحـــــل بجدو
ويا أياد اللي فضّيـــــت المحابر ____ بشعرك للذكي باقــــــي تشدو
ويا بنّـوت اللي فكرك ضـل قابر ____ جهل والباب خلفو عـــم تسدو
ويا إستــاذ البلا ضرب ومساطر ____ جعفر للعقـــــل مِنــــو أستمدو
وثنــاء العــــاأدبها الحرف ساهر ____ أميره ذوقها مـــــا لقيـــت قدو
ويا بشــار ال جمالك ضل ظاهر ____ روكز في خيالك عـــــم تردو
وعمــر بالشعر يا طفــل المسافر ____ إلك مستقبل وبمضي عــاغدو
وشــادي بالتحدي ضــــــل ماهر ____ شعرو للفهم ضلــــــــو مردو
وفـراس بشعرك الحلويـــن باهر ____ شاعر والحلا تمسمر عـاحدو
ويامشتاوي اللي همي عم تشاطر ____ فيهن وبمدير ببــــــوس خدو
رامي دعوتـــــــو دعـــوة أكابر ____ وطوني لمنتدانـــــا مــــد يدو
وأنا المعروف عني مـــــا بكابر ____ بحالي ولا حدا هالقلــب ضدو
أنـــــــا خيي وحبيبي كل شاعر ____ حتى لو هجاني بميــــــة ردهِ

___________ بيبقى خيّ من قلبي بودو __________

********