|
عيــد عشّـــاق الشعـــــر
|
07-02-06, 10:58 PM
بمناسبة عيد العشاق
حبيّنا نفتح هالموضوع لكل شعراء الموقع ومنتمنّا من كل شاعر ينزّل قصيدة تكون بين الست والعشر أبيات عن عيد العشّاق ومنتمنّا من أخواننا القرّاء ابداء الرأي شفيق
08-02-06, 12:55 AM
الأخ الغالي شفيق شكراً لمبادرتك الجميلة وإنشاء الله سنعمل جميعاً على إغناء هذا اليوم بأحلى قصائد الزجل. وشجعنا يا شفيق بزجلية عَ ذوقك الجميل والراقي ... شكراً لك يا شفيق بكل المحبة ثناء ![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif) ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
09-02-06, 05:26 PM
**************** ما عاد عاهجرك ألي طاقه ____ وعاقــد مـا مشتاق مشتاقه بعيد الحبايب كنـــت متمني ____ طفّي بقلبـــي نـــار حراقه وأحمل إلك باقـــه وتستني ____ في لهفة الملهوف عالطاقه ولما تشوفي طلتـــي تجني ____ وتبوّسي شفافي مش الباقه وما زال مكتبلـي فقط غني ____ وعيش بنفـس للحب تواقه الحُب أحلامــــو معك جنهِ ____ خلي معـو أرواحنا تسرح _________ وفي جنة الأحلام نتلاقى _________ *******
11-02-06, 08:17 PM
![[صورة: HR_RedRose05.gif]](http://tigerladyea.topcities.com/HR/HR_RedRose05.gif) يا قلب يا ناطر على حدود الدني --- ليش عيد الحــــــــــبّ مرة بالســـــــــــنة يا ريت في كل يوم حفــــلة مزينة --- من الحب ما نشــــــبع ولا من الشــــيطنة وأعمارنا بضــــلّ فيك ملونـــــــة --- تشكشكْ عَ خصر الحلو وردة وسـوســــنة لو كان فيي يا هــــوى بحتفل فيكْ --- كلما هدبْ عَ هدبْ تــــــــــــــــــاني ينحني ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
11-02-06, 10:56 PM
ليش عيد الحبّ مرّة بالسنة
يا عيني عليكي يا ثناء .. فكرة جديدة وحلوة كتير...بهنّيكي من كلّ قلبي
12-02-06, 09:47 PM
بعيد الهوى اللي بحسبو عيدي_________بتعرفي شو بريدك تريدي؟؟
بريدك تريدي ندوب نار بنار_____________ونغلّ تنهيدي بتنهيدي وتتنقلي بجنينة الأزهار__________من غصن إيدي عا غصن إيدي تا تسمعي من بلبل الأشعار_________كل ما وعيتي الصبح تغريدي ولاقي بساعات الصّفا المنشود_________اسمك على دفتر مواعيدي وافرش على دربك ورود ورود________ولبّس زنودك مشلح نبيدي وما زال قلتيلي اللي بتريدي___________يا زهوة النشوة بأناشيدي أنتي يا عيدي يا حلا عالحلّ_________من دونك عياد الدّني بعيدي من جبينك هلال الشهر بيهلّ__________ومن غنجتك عيد الفرح زيدي ومن شفّتك عيد الهوى بيطلّ__________وكل ما فتحتي جفونك علييّ __________من عيونك بتخلق سني جديدي____________
12-02-06, 11:32 PM
عيد الحب
عيد الحب
========= هالليلة عيد العشاق وتا يشوفك قلبي مشتاق نرفع كاس .. ندق الكاس نشرب تانطفي الأشواق ** قلبي مشتاق يشوفك ويبقى من اغلى ضيوفك صمدي قلبي بصدر البيت لاتزتيه على رفوفك ** ولما بينعس بدو ينام فرشيلو ريشات نعام وكونو العاشق والمعشوق تتشوفو احلى الاحلام ** حاملك وردة حمرا لونا من لون الخمرة نبيد معتق ومخبى جوا شفافك يا سمرا ** بوستا براس شفافي وحملتا حبي الصافي مقدملك ياها هدية بوسي صحة وعوافي ** وعندك هالوردة بتبقى ترتاح وقلبي يشقى تيطل العيد الجايي وبالعيد يطيب الملقى ** المهيري /14/شباط /2006 جرجس وديع الموراني
13-02-06, 03:13 AM
الحـّب مـش قــلـّك أنـــــا بحبــّـــــك
الحـّب مـش قــلـّك أنـــــا بحبــّـــــك ****** ولا ضـــل فيـــكي معــــذّب ملبــّــــك
ولارصّـــــع ورودك بــأحـــلى لون ****** ولــــد ق جـــرار العــــاطفي بعبــّــــك ولا صـوت لهفي بينطلق من هـون ****** حتـّـــــى يمجّــــــد بالحـــــــلا ربـّــــك ( الحبّ ) لـوفّلـيـت مـــن هـــالكون ****** مايفـــوح غيــــر العطــــر من حبـّــك ************ راجع (بعيــد الحبّ) قبـل الشــوق ****** بـــدّي عــــلى شــــبـّاكـك تكـــــــوني بسـرعة جنوني نما وصلت لفوق ****** بعـــربش ألــــك عا ســــــلّم عيـــوني ************* أنتي ومعي بحس العمـر رمشي ******* والـــحبّ مـــا ببـــكي عا أطــــــــلالو لمســــتغربو كيف قـدرت أمشي ******* وأتـــــرك ورايــــي عــالم بحــــــــالو ************** كمشـت القـلم حتّى المشاعر صب ****** وعـاوراق بيضــا أختصـــر حــــــلمي حبّـيـتـك ومش كــــل مــرّه الحبّ ****** بتقــــــدر ياســــمرا توســــعو الكلمي *************** صـرت بعيوني أســأل الدمعــات ******* كـيـف لـبـيـحبـّــــو بيقبــــلو يفــــــلّو راجــع ألك أسـرع من الخطوات ******* كفّــــي عـا أيــــديكي العمـــــر كـــــلو
13-02-06, 05:17 PM
بسـرعة جنوني نما وصلت لفوق ****** بعـــربش ألــــك عا ســــــلّم عيـــوني
حلو يا حسّـــــــــــــــــــــــــــان
13-02-06, 05:51 PM
قصة....
سمعوا هالقصة.... ------------------- مرّة بعيد الحب ... وبزحمة العيد ........ بْمعرض هدايا بيعرضو فيه الجديد كنت عم اتفرج وكوّن رصيد ......... عن شي هدية تكون بالنوع الفريد ودَخْلت صبية .. بخفّة الريم الشريد ...... وقالت إلي بونجور ونْهارك سعيد باين بإنك شب مزوق عن أكيد ...... ممكن برأيك استعين واستفيد ؟ بْرمْت المعارض شي قريب وشي بعيد ........ نقّي هدية وبعدني بْحيرة ونهيد قلتلها : الشب الّي فكرو مش بليد ....... مابترهج عيونو من الدر النضيد بكلمة ( حبيبي ) عا كَرْت سعرو زهيد ........ زغيّر ملون لون دمّات الوريد بيفرح وفيه بيخلق ليالي الوعيد ....... وبيسكرو كنو شرب خابة نبيد ابتسْمِت وقالت: جبتها ... وحاجة تزيد .... وقالت لبياع الهدايا لوتريد عطيني كروتة ... اللون أحمر ..والعدد ....... 12 كرت مكتوب ( ياحبّي الوحيد ) .... ---------------------------------------------------------------- عندها 12 حبيب... شو رأيكن؟؟
15-02-06, 01:59 AM
محمد حسن شريم مافي احلى من الورد تيتقدم هدية بعيد الحب .. بس الاحلى لمن نشوف الحبيب مقابيلنا .. بننسى الورد والدني كلا .. يسلمو ايديك .. ثناء حيدر هالعيد بيجي مرة بالسنة .. بس العشاق بتشوفو الف يوم بهالسنة ... الله يديم المحبة بقلوب الكل .. يسلم هالايد اللي ابدعت شفيق بليلة حب دافية متل هالليلة .. راح بتحرق قلوب العشاق وتكوي كل تنهيدة وتقرب المشتاق .... يعطيك الف عافية .. مبين العشق بين سطورك ... georges morani الوردة مابتحمر الا من كتر الحب ومن نار الاشواق .. ومافي قلوب عشقانة بتقدر تنام .. حتى بالاحلام بتصير تعشق اكتر ..قصيدة كتير حلوة يسلموو بسطاطي الحب عمرو ماكان كلمة مكونة من اربع حروف .. الحب بيجمع ابجدية اللغات كلا .. تتنقال بهمسة ونظرة وضمة قلب.. كلمات كلا روعة وشفايفة وحب وشوق .. يسلمو حسان .. شادي 75 بنحتار كتير بهالعيد شو بدنا نهدي .. بنقول بدنا نهدي اغلى شي بنقدر نقدمو للحبيب .. قلب .. وروود .. كلمة حلوة .. قصيدتك كتير عجبتني .. ووصف حلو وكاني كنت عم شوف واسمع هالصبية شو عم تقلك ... الله يكبر الحب بقلبك وبقلب الكل ينعاد عكل العشاق .. كل السهرانين .. كل الملهوفين ...
والله يجعل ايامكن كلا حب مو بس هاليللة ... يعطيكن العافية تحياتي الكن ريما
15-02-06, 11:06 PM
حبيبي
مسكت القلم ...
إرتجفت يداي خائفة منه .. فأبت يداي أن أكتب لغير من ملك القلب .. لغير من سلب العقل والفكر .. لغير من جعل القلب بعده لا يملك صبر.. حاولت أن اشرح بين السطور .. عن بعض ما يجوب داخل الصدور.. فبللت دموعي الورقة .. ثم كفكفت دموعي محاولة النسيان .. لكن .. كيف انسى وهو ساكن وسط الحنايا والحشى.. واظن لا بل متأكده أنه الحشى منزل له .. قلبت الصفحة محاولة البدء من جديد .. فكتب القلم اسمه كعنوان للصفحه.. مزقت الورقة !! وحاولت ان افتح كتابا جديد .. فرأيت بدون ارادتي .. يداي تنقش حروف اسمه على وريقات ذلك الكتاب.. كلما احاول نسيان بعض اشتياقي له .. يظهر لي من جديد .. وكأنه لقلبي العيد .. يداعب افكاري حتى في خلوات صمتي .. قول لي مالحل!! يا فارس احلامي !! فالقلب بعدك يا اميري يحتضر.. تحياتي
17-02-06, 11:43 AM
هربان بعيونك أنا هربان……............ بدنية جمال وعاطفة وألوان
دوّر بعينيكي على اللاهوت….…….وسبّح إلك شعر وصلاوألحان شو بوصفك شو بقول فيكي بيوت ......... ما زالني بالمستوى إنسان شو بحبّ اهديكي عقد ياقوت ....... محمول عا صواني من المرجان شو بحبّ ارسم جسمك المنحوت .......... و لبّسو من مدمعي فستان من شان اهدى فوق حبّة توت ........... واوعى على تغنيجة الرّمان من شانك بغرّق سنيني سكوت .... وشو في بعد أغلى من المن شان وحتّى إذا قلتي ((لأجلي موت)) ......... بقبل بأني موت شرط يكون ...........................مَوْتِي عليكي خاتمة أحزان ..................... تحيّة لرفاقي الشعراء والشاعرات من ثناء لمحمد لأدونيس لريما لشادي لشاعرنا الكبير حسان لجرجس اللي أغنوا هالموضوع بقصايد وكلام كلّو شعر وشعور
17-02-06, 11:36 PM
أعترف..
أني أصبحت أترقب واجهات المحلات في شوراع مسقطنا.. وأتبضع الحب وأخزنه في أكياس أضعها في خزانتي المقفلة.. لأهديها لك يوم تعاتبني على جرأة اعترافاتي.. لأقول لك..كم أنا اليوم..أحبك..وكم أنت أتعبتني بانتظارك.. وكم قسوت على تعبي فأطلت..لتأتي اليوم..وتستلم في أكياسٍ حبك.. أعترف.. لأعترف.. فأعترف.. كم أني أريد الإعتراف.. باعترافي.. اعترافا قاطعا.. أنني أعشقك!!
17-02-06, 11:50 PM
adwnes
قد ملئ الحب قلبك الصغير .. لكي تنثريه عبر اثير مشتانا الدافئ .. احساسك العالي قد وصف ما تشعرين وما يكنه قلبك المحب .. اشكر لك قلكم الحنون .. وكلماتك العطرة .. شفيق شكرك ينبع من محبتك لمنتداك وموقعك .. وتعبيري لك بالشكر الجزيل لما تكتب ياتي بالطلب الملح بان تبقى دوما منير قلوبنا بكلماتك الجميلة .. شكرا لك |
|
« الأقدم التالي | الأحدث التالي »
|
