اعدادية وثانوية مشتى الحلو للاسف

[المايسترو]

ابناء المشتى الاعزاء: هل تعلمون كيف يتم معاملة اولادكم في المدرسه ؟ اريد انا اقول لكم بعض الامور وارجو منكم انا تدركوا الخطر الحقيقي عزيزي الاب وعزيزتي الام هل تسمحون بان يعاملون اولادكم في هذة الطريقه اسمعوا ماذا يحدث في اعدادية المشتى اساتذة يتكلمون ويتعاملون مع الطلاب بطريقه غير مسموحه وكانه منطق الحيوانات عبارات والفاظ مثلا يابقر يا حيوانات ياجحاش هذا منطق 5 او6 اساتذة ذو الاخلاق الرفيعه وهنالك من يقول الى البنات وطبعا هن في عمر 15 او 16 واكثرمثلاً بدي اضع شحطتي في فمك امام الجميع وكانها حشرة لايوجد لديها احساس وايضا هنالك معلمة تنتقم تصور تقوم بشد شعر طالبتين وتضرب رؤسهم في بعضهم اضافة الى كلام غير مقبول في منطق العلم ولا احد يتكلم ويأتيك استاذ جديد يتعامل مع الطلاب اكيد كما يتصرف في مكان تربيته اذا ضحك تلميذ مثلا يقول له شو صارك متل ا ل ش :::: : هل هذا منطق استاذ وعلم وكانه ينتقم من التلاميذ وهذا الكلام ينطبق على البنات وعلى الشباب في اي مكان يتعلمون طلابنا ومع هذا الاستاذ تتخيل انك في حديقة حيوانات فعلا فذلك الاستاذ معتمد منطق الرفس على الجميع في هذه الظروف وهذا الوضع كيف يتعلم التلميذ وماذا تتوقع منه على كل حال يذهب التلميذ الى الادارة لكي يشتكي او يقول ماذا حصل معه ينصدم التلميذ من لطف المدير اذا لا يوجد في فمه غير الكلام كذلك من العيار الثقيل ينصدم مرة اخرة على انه يفصل لمدة ثلاث ايام ماذا يفعل التلميذ اين يذهب لايوجد ادارة ولا مدير لذلك في هذا الوضع الطلاب مجبرين على السكوت هذا ما يحدث فعلا ويوجد جميع اسماء الاساتذة الذين يتصرفون على هذا النحو والله يكون غي عون اهل التلاميذ وليس التلاميذ فقط :bawling:

[ماتادور]

والله يا مايسترو حكيك بمكانوا بس هاد جزء من حقيقة التعليم بهل البلد يلي صاربهدلة مو بس بالمدارس وصل للجامعات فصار الطالب من السنة الأولى خبير بأساليب الرشوة وأشكالا بس المهم الأهل يكونوا واعين لهل الفكرةالأستاذ الفاسد والدكتور الفاسد وما يحملوا الطالب كل المسؤولية ويكونوا حجر تاني بطريق الحياة يلي قرر يمشيا بالعكس يتفهو الواقع ويساعدوا لينجح

[طالب اعدادية]

باعتباري من اعداية المشتى أؤكد ما ورد في الموضوع السابق من عبارات بذيئة وتصرفات غير حضارية يقوم بها بعض المدرسين والمدرسات والتي تعبر عن اسلوب تربيتهم .
اضافة إلى بعض الاساتذة اللذين يعتمودن مبدأ التمييز العلني في تعاملهم مع التلاميذ وخصوصاً اقاربهم .
كما احب ان ان اذكر ان معظم الألفاظ والتعابير البذيئة تكون في فترة اصطفاف الطلاب قبل بدء الدوام
وؤكد على ما ورد أنه عندما نقصد إدارة المدرسة للشكوى يكون موقف الإدارة دائماً ضد التلميذ حتى لو كان المخطئ هو المدرس

[Mr. Samo]

حبيب بدك تتوعد الشعب كلو قايم ع هالمبدأ

و انا من زمان حكيت بهيدا الموضوع بس مافي جواب

و مايسترو و ماتادور و فخامة الطالب لو بتعملو شلي 500 واحد مارح يطلع معكن شي

هيدا الحال و مو عاجبك لا تتعلم

[kickers]

شو بيطلع بإيدنا نعمل كللو اضرب من بعضو
و الثانوية كمااااااان
شو بتقول عأستاذ بيضرب طالبة صف حادي عشر قدام الكلللللل
و بيهينا قدام رفقاتا و بيطلع بالآخررررر بيطلع الحق عليها
هاد غير انو أذى أنف طالب بكالوريا سابقا و مع هيك ما تعلم من خطؤوا
بس شو السبب؟؟؟
السبب و ببساطة الأهل اللي بيسكتوا و ما بيحكوا شي
و بيحرضوا الأستاذ عولادون بقولة " الكون اللحم و النا العضم
هادا حال كلل مدارس المشتى و مو بس الإعدادية

[s.h]

عزروني ياجماعه بس هل حديث وترني وبزماني اشتكيت على مدرس
وعمل واصته ورجع وحط حطى ابن عمي وصار يبهدلو عرايح والجاي
وللصدفه قلي ابن عمي ياجماعه رحت ع المدسة هزئتو وبهدلتو قدام الكل المدير ماحسن يحكي
المقصود هدول الاساتذه بلا تربيه لا اجتماعيه ولا اهليه والمحروم منو بدو يطلعو بهل ولاد المساكين
بس الولد يقول لاهلو بيضربو بدال مايسمعو والله حرام هل الجيل بهيك ظلم
بشكرك اخ مايسترو علموضوع المهم جدا



مــــــشـــــكــــــورررررررر :thumbs:

[sisi]

تحذير"وضع المدرسة "

بوعدكم زملائي الطلاب اعتبارا من بكرا في حال تعرض أي طالب للإساءة من الأساتذة بالكلام أو التصرف
بسبب نقدهم و فضح أخطاءهم هنا و في هذا الموقع بالذاااااات
رح اكتب عن الأساتذة بالأسماء و التفاصيل في حال تعرض أي منهم لنا
بحب اذكر انو السنة الماضية تعرض الطالب " س" للإساءة و البهدلة قدام كلللل الطلاب
لأنه كتب عن أستاذ بهالموقع
و عتبي عليه اننو سكت عن ظلمو و ما حكي
و كلنا لازم نساهم اننو نحكي بالتفاصيل و الأسماء
لأنو و للأسف أساتذة هالمدرسة مانون على مستوى يتسموا معلمين
و غدا سأبدأ بالقصص و الأســــــــــماء
انا عتبي عكل واحد بيسكت عن الخطأ
و هاي أهم توصيات السيد الرئيس بشار الأسد
لا أريد لأحد أن يتستر عن العيوب و الأخطاء
و أنوه بأنه في العام الماضي هدد مدير المدرسة الطلاب و قال بأنه يعرف كل من يكتب
بالوقت اللي هو عم يتبع خطة لتخويف الطلاب حتى ما عد يسترجو يكتبو
هذا غير صحيح و لا يستطيع أحد أن يعرف من يكتب
و حتى و إن عرف ما بيقدر يعمل شي لأنو بيفتح عحالو بواب مانو قدا
يعني و ببساطة بيتعاقب عالأغلاط الكتيرة اللي عما تصير بالمدرسة
و بيتورط بقصة مانو قدا
بتمنى من كل الطلاب يساهموا و ما يخافوا و يكتبوا

[المشتى]

مو بس بالإعدادية هالشي عم بيصير إنما بالثانوية

روحوا شوفو آنسة العلوم المحترمة بالثانوية بتطلع منها ألفاظ مريبة فعلا يعني بتخلي الطالب يخجل يقول هي آنستي :cheese:

كل ألفاظها مستوردة خصيصاً لهي الآنسة لأنها بتلبقلها فعلا :thumbs:

جاي توزع تربيتها على الطلاب :mad:

يعني الواحد ما بيستغرب ليش لساتها عانســــــــــــ...................

[Cheguevara]

نحنا معك في تمييز عنصري مثلا ابن فرقة الحزب ا1ا كان مخالف ما حدا بحكيه و المدعومين ايضا امّا البقية الله يسترهم عالبيت فورا

[المشتى]

لك حيو الأبطال

أحلى طلاب و الله

بس الشغلة لا تخافي ما بدها كل هالقد تعصيب و أنا بطمنك أنو الأساتذة كلون هلق عرفو أنو كتبو عنون الطلاب و عم يتصفحو الموقع ليشوفو عن مين كتب

هديك السنة بعد ما كتبنا عن الأساتذة خفت معاملتهم مع الطلاب شوي بس في لسا كم أستاذ الظاهر ما بتعمون البهدلة و الشرشحة على كل حال أنا بتمنى من كل الطلاب أنو يشتكو على الأستاذة إذا كان معهم الحق بس

رزق الله على أساتذة أيام زمان

تحياتي لكل الطلاب و ألك يا sisi الوحشة ههههههههههههههههه

[Mr. Samo]

و الله يا خال متبعد كتير انا اكلت بهدلي لانو كتبت بالموقع

بس لقيت مافي نفع شعب اخد بنج ضد الاحساس

و هلق لنشوف اذا رح بيصير شي عايدك

[جلنار]

ابنائنا واخوتنا طلاب المشتى :
يؤسفني ان اسمع ما ورد عن لسانكم من اخبار مؤلمة واحداث مزعجة والتي من المؤكد أنها تتضمن الكثير من الحقيقة . فقد كنت اعتقد أن هذه الاساليب قد ولّت وغدّت غير مقبولة في ايامنا هذه .
إضافة إلى ذلك لا نستطيع أن نبرئ ساحتكم من هذه التصرفات وردود الافعال فنسبة كبيرة من هذه الافعال تكون نتيجة لتصرفاتكم الخارجة عن الأداب العامة والاحترام .
ولكن هذا لا يبرر أن تتم معالجة الخطأ بالخطأ فأنتم في مدارسكم تتبعون لوزارة التربية فقط والتربية اساس وجودكم .
أما بالنسبة لبعض تصرفات الاساتذة فأنا أرجعها إلى بعض الأمور :
فبعض الاساتذة قضى طفولته وشبابه بين الدواجن ومع المواشي فنقل اسلوب تعامله معها إلى المدرسة .
البعض الآخر ترعرع في ظل البعث فتططبع ببعض اطباعه من السيادية الوهمية والتملق والتمسيح للوصول ونيل الرضى إضافة إلى الشخصية المهزوزة .
مع هذا كله لا نستطيع أن ننكر أو نغيب بعض الاساتذة اصحاب الفكر النير والشخصية المحترمة والتعامل الراقي والرسالة السامية واللذين نكّن لهم كل الاحترام والتقدير ونعايد عليهم مع اقتراب عيد المعلم .

[جاك]

جزء صغير من يلي عم بيصير

مرحبا شباب
أنا كنت ناطر هيك موضوع ينطرح لحتى نبين هالمدرسة السيئة
يلي أوضاعها كل مانها عم ترجع للوراء مع هيك مجموعة من الأساتذة
.

[المايسترو]

اقدم احترامي الى جميع اصحاب المشاركات :حين تم كتابة الموضوع كان الهدف تصحيح الامور التي تجري في الاعدادية وارجو من الاخوة المحافظة على الهدف فقط وعدم التطرق الى موضيع اخرى مثل البع؟؟؟؟؟؟؟؟؟؟؟ وشكرا

[جاك]

الأوادم

مرحبا شباب أنا بحب قول أنو يلي كنت كاتبوا مو هيك لأنو انحذف منها أهم قسم بالنسبة الي ولجميع الطلاب
لأنو مانكن عم بتحسوا بمعاناتنا بالمدرسة
لأنو نحنا رايحين لنتعلم مو لنرجع لعند اهلنا مرضى من البرد والسقعة يلي لازم نتحملها مو بارادتنا بارادة الاساتذة
يلي ماعندن جنس الرحمة والشفقة بقلبن كيف ببيطاوعن قلبن يطلعونا تحت الشتي والبرد لبرا والدنيا زمهرير
الوقت يلي منكون في متجمدين من البرد والسقعة والصعاليك عم ينعموا بالدفء والراحة

شكرا.................................................

[kickers]

مشان البرد تعووووووووودنا
صرلنا عمر عم نلعي و ماحد بيرد
مرة شر المازوت فام حضرة جناب المدير ما خللا الآزن يشيلون
عقوبة النا و طلعت ريحة المازوووووت المحروق
و فتحنا الشبابيك بنص كانون و التهبت حلوقنا و عفنا حياتنا من كتر ما كان برد
شو هالعقوبة هاي.........؟؟؟
ما بدوا يشعلنا الوبيا لا يشعلا مع العلم اننو هالشي مشان ما يصرف مازوت و للإدارة اللي بتفطس من كتر الشوب
بس اننو يشممنا ريحة المازوت ...... شو هاد ؟؟؟
و يا ريت حدا حكي


أما عن الموجهات و لبس الجواكي .... يا ستااااااااار و يا ويلك و يا سواد ليلك ازا ما لبست جاكيت البدلة
حتى لو لبستا تحت الجاكية و ما بينت المهممم تلبسا

مشان البواط " مسموووح بكل مدارس سوريا تلبس أي بوط اللاااااا عنا
الأسود ثم الأسود ...

الخيار و الفقوس مشان الشعر
بنت مو مسموح تنزل شعرة عوجها
و بنت بتفلت كللل شعرا علما ننو شعرا بينربط و ما حدا بيحكيها شي
طلاب بيغضوا النظر عنون ازا ما لبسوا الجاكية او حتى القميص
و طلاب بينفصلوا ازا شي مرة ما قدر يلبسوا لأسباب خارجة عن إرادتو

هاد غير الغمة الجديدة الطالعين فيها:
طريقة تجسس المدير على الطلاب من خلال النط من شباك لتاني و مراقبة الصف
اما بالنسبة للصف اللي مالو شباك بيوقف تحتو يا امما بيحط ادنو عالباب يا بتشوف عينو من درخوشة الباب

و قصص كتيييييييييييير
و حللا ازا فيك تحللا

[marwan]

ما كتبت غير من حرقة قلبي من أيام المدرسة

الموضوع مهم

بس بحب قلكن إنو هالقضية كتير مدارس بتعاني منها مو بس عنكن

أنا ما من المشتى بس بالمدرسة اللي درست فيها بضيعتنا كان يصير شغلات عجيبة غريبة ومسيئة للطلاب وللتربية بشكل عام وبصراحة كل اللي ذكرتوه مو شي قدام اللي يصير عنا

آنسة الفيزياء المحترمة : كانت إذا ضاجو الطلاب شوية تقلنا أو من بعض الكلمات اللي تقولها ( شو عم يطعموكن أهاليكن تبن ولا شعير ) ( اخرسو يا دواب ) بس اللي أحلى من هيك لما تدعي علينا متل الأرملة ( لك اخرسو نشالله بقبركن نشالله بعدمكن نشالله ما بيضل منكن مخبر نشالله يدعسكن شي كميون كلكن سوى ) الآنسة المحترمة بدها تقبرنا 30 شب متل الفلة بدها تقبرنا وتضل هيي عايشة . بإختصار كانت تقضي الدرس دعاوي وعياط ومن كتر ما تعيط وتجعر صار العياط عندها عادة يعني ساكتين ضايجين بتعيط .

المدير المحترم : مرق علينا بالمدرسة مديرين ما إلهن مثيل أبداً . الله خلقهن وكسر القالب

الأول : كان همو الوحيد إنو يرهب المدرسة
كان لما بدو يقتل الطالب أول شي يشلح الجاكيت والساعة ويشمّر عن زنودو وبعدين يجيب تنين يكمشولو الطالب ويثبّتوه ويحمّي البكس ويضرب الطالب على بطنو يقتلو يقوم الطالب من وجعو يوطي ظهرو ويكمش بطنو يقوم المدير وبحركة سريعة يلحقو بدحّة عا ظهرو توقعو بالأرض ويقلّهن شيلوه . وللحقيقة هالمدير حقق طموحو وانشهر عا مستوى الضيعة وجيرانها بحيونتو .

المدير التاني : نفس الطبع تماما ً والواحد بيحكي الحق كان قوي كتير مو أقل من اللي قبلو بالمرة , إذا ضرب حيط بيهدو
بس هادا كان عندو أسلوب تاني غير الأول يعني مثلاً يكون عم يحكي مع الطالب أو عم يحقـق معو أو كذا وفجـأءة يـطـقـّو كـف يزتو عالأرض ( بيباغتو يعني ) بس ما يكتفي بهيك لما الطالب يوقع عالأرض يطب فوقو ويكمل عليه .
وهالمدير إلو قصة مع موجّهة بنفس المدرسة , كل كم ساعة نسمع عياطهن متل المجانين بالكيريدورات أثناء الدرس وتجتمع المدرسة كلها على عياط المدير والموجّهة المحترمة بالبداية كانت تـتـلـفـلـف القصة وتضل مستورة شوية بس صارت تتطور الأوضاع لدرجة إنو يسبسبو بعضهن قدام الطلاب ومرة من المرات الموجّهة الموقرة قد ما جن جنانها وفار دمها من المدير حطت وبزقت عليه قدام الأساتذة وكم طالب كانو موجودين ف هوي شو بدو يعمل ؟ ما بيصير يضرب مرا ,! قام راح تاني يوم جبلها مرتو وحماتو ندفوها قتلة من كعب الدست وما خلو عليها ستر مغطا وهيك بيكون المدير رد إعتبارو بقوة . بس ما كنا نعرف سبب الخناقات

الموجه : مسكين كتير ما عندو وقت يحك راسو لدرجة إنو إذا إجا طالب لعندو مشان يشتكي عا طالب تاني ما يقدر يستنى عالطالب ويسمع القصة ( ما في داعي ) مباشرة يجيب الطالبين ويلسعهن بالبربيش كم لسعة ويقلعهن
وأحياناً كتير يشوف طالب ماشي بالكيريدور يناديلو ( هووووووه إنت إنت تعا تعا كلّك مسطرتين ) وبالفعل يضربو لمجرد إنو دخل الكيريدور بالفرصة ومن دون ما يسئل ليش داخل , ما في البربيشة بالمرصاد دوماً ( يا عمي ما في وقت ملحوق الزلمة )


وهلق متل ما بيقولو الخمير للأخير ف تركت هالنموذجين الخمرانين بالتفاهة لآخر شي

إستاذ الفلسفة , وإستاذ الجغرافيا والتاريخ : ثنائي رائع

إستاذ الفلسفة المبجل : كان بشكل عام يقضي الحصص على سرد بطولاتو بالجيش بس ما هون المشكلة
مشكلتو بيحب النكت هالإستاذ بس مو أي نكت !! كان يحط الطلاب ويحكيلهن النكت الوسخة والبذيئة وملافظ ما بيحكوها غير ولاد الطريق اللي متلو وللآسف كان في بالصف شلة من ولاد الطريق اللي كانو يتبادلو معو النكت وهادي الشغلة كانت القاسم المشترك بينو وبين إستاذ الجغرافيا كمان هداك يقضي الحصة على تعليقات وسخة ونكت أوسخ كلو من الزنار وتحت وكنا نلاحظ إنهن دائماً يحاولو يتحركشو بالطللاب المؤدبين بأسئلة محرجة وبايخة وما بتدل غير على تفاهة اللي بيتلفظ فيها وكلو من باب المزح على أساس وكان الطالب يقلب بنص تيابو والإستاذ يتكهكه متل ال.....ة صرنا نحس حالنا قاعدين بكرخانة مو بمدرسة
بس في شغلة غريبة وبتضحك بإستاذ الفلسفة كان لما بدو يراقب بقاعة إمتحان يحط الطاولة عالمنصة ويحط فوقها الكرسي ويطلع يـتـصنـبـع فوق بالعالي يعني يعمل برج مراقبة وكأنو بدو يصير شي قصف مدفعي أو شي حرب مو كأنو طلاب عم يقدمو فحص .

كل هالشي وبالإضافة للي ذكرتوه إنتو يا طلاب المشتى يعني من البرد وقلة المازوت وعدم السماح للطلاب إنهن يعدو بالبرد بالصفوف والإلتزام الجنوني باللباس المدرسي وهالشغلة أكتر شي بـتـشـق مو من شي بس لأنها تعتبر شغلة ثانوية قدام التربية الأساسية اللي ما عم يهتمو فيها لأ عالعكس عم ينزعوها




شو رح يطلع من الجيل اللي بدو يتعلم على أيادي هالأساتذة الأكارم



شو بدنا نحكي تا نحكي

بس كمان بالنهاية ما فينا ننكر إنو في أساتذة بالفعل ولا أروع من هيك

ملاحظة مهمة : الكلام اللي حكيتو ما في ولا 1% من المبالغة ويشهد عليه ربي

[Sageh]

[size=3]انا كتير بيهمني انو نهتم بامور المشتى بس عالله تكون ما نهتم بالشكل الصح
لائنو مع هيك عيب و مناقشات غير صحيحه و غير موثوق فبا وبحب قول كمان انو الاستاذ ما يعطي و يعلم و يتعب كتير و الطلاب كتير كتير كتير قليلين ادب و زوق لدرجه كتير كبيره
و بيهالمناقشات الغير فعاله او غير لبقه (هذا الذي يحكي على الحزب و هذا الذي يحكي على افضل الانسات في التعليم و الادب و التربيه العانسسسسسسسسسسس والله يا شباب عيييييب كتير كتير يا اخي والله عيب )
انا رايي انو اذا في مشكله بالحكي من قبل الاساتذه او التميز مثلا او او او تكون اما معالجه لبقه على الانترنت او معالجه مع الاستاذ نفسه
و اطلب ايضا من معظم اهالي الطلاب ان ينبهوا و يربوا اولادهوم اكثر من ذلك........[/size]

[Sageh]

ايه صح نسيت شغله صغيره انا بعرف انو الانسه بالمدرسه بتمثل الام و كمان الاستاذ بيمثل الاب
و بعتقد انو امك او امو او بيك او بيو بيحكي معك اسكوت و خروس و كول ........... و الى آخره......بس اكيد هالحكي مو من البون و كمان مو صح و مو لازم ينحكى انا معكن ....... بس طولوا بالكون ما حدا بيكره الطلاب (اكيــــــــــد ) و كمان ملنن سفاحين ولا شي من هادا ( خلــــــص خلــــوا ايمانكــــــن بالله كبيـــــــــــــــــر ) وكمان هالحكي بعتقد نفسيتون ما رح تنتزع (لا تخافو لا تخافــــــــــــووووووووووووووو)

[mounirfarkouh]

قبل أن تتكلموا عن معاملة الأساتذة مع الطلاب فهل الطالب يحترم الأستاذ أولا
لوأن كل طالب يحترم المعلم كما كان والده يحترم مدرسه في ذلك الزمان لكانت المدارس بألف خير
الطالب يضحك وأسفا على المعلم في الشارع بدلا من الأحترام ويستهزا به بينه وبين أصدقائه والمفاخرة بانني فعلت كذا ب الأستاذ فلان هل هذا معقول وهل تريد من الأستاذ أن يحترم الطالب
في الأيام السابقة كانت المدرسة تشتكي على طالب لولي أمره يضربه المعلم فيأتي ولي الأمر يضرب الطالب مرة أخرى
لتربيته وتعليمه وأحترامه للكبير مهما كان التصرف أما الآن فولي الأمر يقول وبكل فخر أذا ضربك المعلم أوكلمك أنا بفرجي الأستاذ هذا التخلف وهذا واقعنا المؤسف
وشكرا