اقتراح للادراة ارجو النظر : و المناقشة مع الاعضاء

[Mr. Samo]

انا بقترح انو يتم التوافق بين المشرفين و المدير و المشرف العام

كل اسبوع او شهر ترشيح عضو للحضول ع لقب افضل عضو بالمنتدى

و بيكون هالشي بالنسبة لجودة مواضيعه المطروحة و موضوعية ردوده

و هيداالشي بخلينا نرقتى بالمنتدى اكتر لانو هيك بيصير كل واحد بدو يقدم الافضل

بتمنا المشاركة و ابداء الرأي

[ملك الغرام]

انا مع هالفكرة % حتى يصير كل الاعضاء مشاركاتون فعالة

[هادي]

اقتراح كويس كتير اذا ممكن انه تطبقه الادارة

وبعتقد اللي عم ينزلوا مواضيع مش مقبولة رح يفهموها لحالهم

شكرا Mr. Samo على اقتراحك ونتمنى من الادارة تدرسه

[echo]

الإقتراح جميل و مفيد

سنقوم بدراسته

[Mr. Samo]

يللا ناطر باقي الاعضاء يعطو رأيون

شكرا لكل مين عطى رأيو

و انشااله خير

[Relax]

فكرة حلوة وياريت الإدارة الكريمة فعلا تدرسها

تحياتي الك مستر سامو

[koba]

كل فكرة تسعى للقضاء على الأوباش المتطفلين على المنتدى نقول لها نعم و نؤيدها علنا نتخلص من المواضيع التي تؤذي منتدانا وتعيق تقدمه مع الشكر الجزيل على هذه الفكرة للسيد سامو ومع التمنيات على الادارة العمل بها ولو لفترة علنا نتخلص من المهاترات على صفحات منتدانا .!!

[Mr. Samo]

اخ koba طول بالك و خود الامور بروية
لانو بالعصبية ما منعمل شي
و لازم يكون قلبنا كبير و نتقبل الكل
و يلا ناطرين الاقتراحات

[angel]

فكرة حلوي وبدا تروي
فكرة بتفيد المنتدى وطوروا
شكرا سامو ع الاقتراح
نرجوا من الادارة الكريمة دراسته

[amigo]

الاخ سامو
بداية اسف على التأخير بالنسبة للرد على اقتراحك
أما بالنسبة للفكرة فإني ارى انها جميلة وربما مشجعة
ولكن من يقلقني موضوع الاختيار ومن سيقوم باختيار العضو وعلى اي اساس وهل من يقوم بتحديد الشخص المميز يتمتع بمؤهلات التحديد
لذلك ما اخشاه يا صديقي عدم الاختيار المناسب وما يرافقه من حساسية واستياء بعض الاعضاء .
لذلك ارجو اقتراح طريقة عادلة ليتم التفعيل

[خالد ديري]

انا براي بيطرح كل مشرف على قسمه الموضوع المميز و من ثم تجمع كل المواضيع في موضوع واحد ثم يطلب اجراء التصويت 0

[Ano0o0o0o0o0oS]

مرحبا للكل
انا بصفتي بقول ضيف مش رح قول عضو انو متل ما قال خالد انو كل مشرف يرشح المتميزين بقسمو وبعدا المشرف العام ومدير الموقع بتعيين العضو وبيعينو بناء على مشاهدة مشاركاتو بالمنتدى
تحياتي للجميع
أنووووووووس