اللــــــــــي البيـــحبّ روحــو تــــروح

[Firas H]

حلوة يا شفيق

الحقيقة ذكرتني بردّة للشاعر طليع حمدان كانت من أقوى الردود على الزغلول في إحدى الحفلات

عالدير خدني مركزي ما رح يضيع ـــــــــــــــــ مجنون بالحلوين عرفوني الجميع
الأم الحنونة الـ جنّت بطفلا الرضيع ـــــــــــــــ والريشة الـ بتجن باللحن البديع
والنسمة الـ بتجن بزهور الربيع ـــــــــــــــــــــ والعاشق الـ بيجن بالخصر الرفيع
مجانين متلي ومتلهن قلبي وديع ـــــــــــــــــــــ ولو رحت بيروحوا على الدير الوسيع
تا أشكرك قدّام هالعالم تقول ـــــــــــــــــــــــــــ يا ريتني مجنون متلك يا طليع



الله يعطيكن العافية ويالله حموها كمان

[مروان]

هالمشتى يا سليماني......نبع مواهب وغناني
منها بحاجة محل الشعر.....يمرّ ويعطيها قناني


اوعى تحكي عالخوتان......اسأل نتشه العلّا جبين
واسأال الباشا سلطان........بيحكيلك عن بيت الدين
واللي حبّو بعض جنان.......سجّل عندك يا مسكين
عبلة وعنترها المنصان......ونابّليون وجوزافين
واسأل روكز أو حمدان.....الخطّ شروقيّة نسرين
هودي متلي يا مروان......مجانين وحبّو مجانين
لكن مروان سليمان.........من كترة منّو كربوج
..............(((عقّل))) أكبر فنّانة...........

من المنبر لسليماني --- ال عَتّق خمرة الغناني
جايي مروان سليمان --- يعبّي للمشتى قْناني
***
ياأخوث عشق المحبوب --- بي رَقّي فكر الإنسان
مش متلك عقلك منكوب --- ومن نار الشهوه خوثان
شو بتطلع كِلّك محسوب --- قدّام ال كانو فرسان
داير بالشعر المجدوب --- عالنسوان الفلتاني

[شفيق]

منها بحاجة محل الشعر........يمرّ ويعطيها قناني


كليوبترا مع عشتار............اركع قدّام التنتين
كانوا ينقّوا رموز كبار.......ويصيدوهن عالميلين
نقّوني ربّ الأشعار..........وهو نسواني وعالحالين
ما بحطّك قدّام الدار.............أصغر عبد لنسواني

[مروان]

من المنبر لسليماني --- ال عَتّق خمرة الغناني
جايي مروان سليمان --- يعبّي للمشتى قْناني
***
نسوانك يلّي حبّوك --- وفاير معهن هالفوره
مش رب الشعر اختاروك --- لكن رب البندوره
بسهره طعموك وخلّوك --- سكران بنص الطّوره
ولَتْسِد الأجره جابوك --- تفتح عندن دكّاني

[شفيق]

منها بحاجة محل الشّعر......يمرّ ويعطيها قناني


نسواني الكرهو وصافك...........مع أوصافي بينعزّو
وربّ البندورة الشافك...............من دمّك بدّي مزّو
ودكّاني اللي ما عافك...............جابك تا قلبك غزّو
واعصر من زوم شفافك.............سم الأفعى تا نزّو
ومن هالطاسة العاكتافك.......اعمل نضوة لحصاني

[مروان]

لما دخلت ديار مشتاوي --- وماتركت بكرومو ولا زاوي
فن وأصالي بتربتو لاقيت --- والطرب فيها بالسما ضاوي
خيّي شفيق ال عالغصن هدّيت --- وصوتك رَخامي وموهبي حاوي
إنت الروايه بكلمتك صفّيت --- وشعرك لكل فصولها راوي
قدْ ماأنا بالموهبي علّيت --- وجرّبت أسكب للبشر كاسات
ببقى قبالك بالشعر هاوي

[ابو الزلف]

كيفك شفيق

مع حبّي ومع تحناني............لكل من بيغنّي غناني
خلقت بشعري فلتة دهر........الشعر السوري اللبناني

يا منبر شعري المختار........جايي عالمشتى ومش تا
سالم وبإكليل الغار..........عبّي المصيف والمشتى

و مو جايي بين الزوّار........لكن جايي عالمشتى
حارب شلعة هالشعّار...........شاعر يلحق بالتاني

اللي بدّو يتفضّــــــــل

المشتى و عيون الوادي ......و الكفرون حدن جارة
وقفو ا بوجه الاعادي .......بتشهد دلبة و مغارة
المشتى عندا عادي ........ما تقسى ع زوارا

[شفيق]

كون الشّعر ساعة ما لفّينا...................وروح العطر عالحرف لفّينا
وشاعر رصف جوهر وشاعر صاغ.........بموقع المشتى تنين غنّينا
مروان شاعر موهبي ودماغ..................ضيّق مدى الزرقة بعينينا
عا جوّ وطّينا بأرض فراغ.................وعا أرض علّينا وما وطّينا
ومروان يا أصل الما فيك صباغ...............كل ما حنينك سبّحك لينا
وروح الوحي لينا إجا من براغ..............بيكون مروان الأبي جايي
.........................يرفرف بجوّ الموهبي علينا.......................

[شفيق]

لأبو الزلف

هالمشتى عندا عادي.......ما تقسى عا زوّارا
لكن ضدّ الأعادي.........خلقاني تحمّي نارا

[شفيق]

دخلك يا عطر الشاعر بهالليل سوح.......وشتّي قصائد ورد عا كلّ السطوح
بالرّغم ما موضوعنا حبّ النزوح..........واسبوع صرلو بهالقسم ما عم يلوح
بعدها بواب التحدّي مشرّعــــــة.........لشاعر يجي عالمنبر وشاعر يروح

[محمد حسن شريم]

*******

بتبقى يا مشتاوي لنمر الــزجل غاب ____ مهما علينا اتطفّلو وســـــدو البواب
عليك جيت اليــــوم تافكفـــــك رقاب ____ وبروح مش باقي عاوجداني حساب
وشفوق بين رايح وجايي شريم هاب ____ جايي فقط نسّيك شو طعــــم العذاب
وضل أخذ فيك مــــــــــره ورجّعك ____ تاتضل دايخ بين ذهـــاب وبين إياب

***

[ثناء حيدر]

بتبقى يا مشتاوي لنمر الــزجل غاب --- مهما علينا اتطفّلو وســدو البواب
وشفوق بين رايح وجايي شريم هاب --- جايي فقط نسّيك شو طعم العذاب


[size=5]

روعة يا أستاذ محمد
كتير حلو

وينك يا أستاذ شفيق

يالله ناطرينكن على أحر من الجمر ...

[/size]

[شفيق]

يا ليــــــــــــــل خدني عالسما وأطلالها.................وجيبني اسهر قبال الالهة
يمّا الحبيبة جيبني عا شــالهـــــــــــا...........وخدني دهب سكران من سلسالها

بنت الوحي العافت أبوها وخالها................ودابت إلي من خالها لخلخالها
صارت تجي وتروح تا تدوّخ شفيق...........وترقص يمين شمال منها لحالها

[محمد حسن شريم]

*********

عابنت رب الموهبي حاجـــي جــدال ____ في عرسها دوخان من ضرب الطبال
راحت معي مشوار عـــاحدود الخيال ____ ومن يومها قالت رجوعا شــي محال
راحت معي ودوقتها طعـــــــم الدلال ____ حب وغزل تالشمس مالت عــالزوال
ويا مضيّع الردهِ برقصـــات الوصال ____ مــره يمين مـــره جنوب مـــره شمال
عاحبل بنت الوحي رقصّت الخصال ____ وحبل الكلام عليه عـــــم ترقص عقال
تاصرت عــالحبلين ترقص يـا شفيق ____ والرقص عـــــــالحبلين منـــو للرجال

******

[شفيق]

برقص عميّة حبل لو الحبل انذكر............لتشوف أفضال الحبال على البشر
أكبر فضل حبّ الحبل بالمختصر...............لرقبة شريم الباسها كتر السمر

حبل الشمس موصول في حبل القمر........صبح ومسا بنور البصيرة والبصر
وحبل المطر لفّ الدني بحبل البُشر.........وحبل الوتر سحّب موسيقا من الوتر

عطيني الحبال وعيفني طوف الجّبال............((وروح نطّ بدون حبلة عالشّجر))))

[شفيق]

وينك أبو ادم!!!!!

جاعوا لزوّار السنة بواب البيوت...........وجاعوا كفوف الصوم لجداديل خوت
ويا شريم جاع الموقع الأصلي الثبوت......لردّك بعد وقت السكوت على البيوت
قلّي سكوتي حرّم عليك الكلام............يمّا كلامي حلّل عليك السكـــــــــــــــوت

[محمد حسن شريم]

برقص عميّة حبل لو الحبل انذكر............لتشوف أفضال الحبال على البشر
أكبر فضل حبّ الحبل بالمختصر...............لرقبة شريم الباسها كتر السمر

حبل الشمس موصول في حبل القمر........صبح ومسا بنور البصيرة والبصر
وحبل المطر لفّ الدني بحبل البُشر.........وحبل الوتر سحّب موسيقا من الوتر

عطيني الحبال وعيفني طوف الجّبال............((وروح نطّ بدون حبلة عالشّجر))))

*****
عيب أستحي مش هيك عن إبن الجنوب ___ بيخبرو بوجدان طافـح بالعيــــوب
أسأل تواريخ التحـــــــــــرر والحروب ___ مين ال رفع للعز هامـات الشعوب
ما بنط عاشجره غريبهِ عـــــــــالدروب ___ من دون حبلهِ من الحيا لازم تدوب
ما أنت نحنـــــــــا بالشروق وبالغروب ___ لو عبتني بتعيب حالك يـــــا لعوب
ثابت أنــــــــــا بخندق عم يفوّح طيوب ___ خندق مقاوم مش إلو الرقصه نسوب
وما زالني ثابت وأنتِ عـــــــــم تجوب ___ بيني وبينك فرق أعدادو ضـــروب
خلقت كعبة شعر ثابـــــــــت موضعـي ___ طوف حولي عليك لا تخلي ذنوب

***

[محمد حسن شريم]

جاعوا لزوّار السنة بواب البيوت...........وجاعوا كفوف الصوم لجداديل خوت
ويا شريم جاع الموقع الأصلي الثبوت......لردّك بعد وقت السكوت على البيوت
قلّي سكوتي حرّم عليك الكلام............يمّا كلامي حلّل عليك السكـــــــــــــــوت

*****
لا سكوتك سكوت ولا عندك هالسمى ____ ولا حكيك العطشان بل من الظما
فتّح قبالي عيونك وشـــــــوف السما ____ نجماتنا بالنور فـــــــي كل الحما
وبين السكوت وبين حكي الما أنسمى ____ فيه فكره للعقـــــــــــــول بتنحما
وبين منك مبدع ومنـــــــــــــك لبيب ____ لا بالحكي رح تفهــــم ولا بالوما

***