الأمثال الشعبية زجلاً

[ثناء حيدر]

الأخوة الزجالون الأفاضل ...
أكون لكم شاكرة لو وافقتم على إغناء هذا الموضوع الجديد في كتابة الأمثال الشعبية الشرقية بالزجل الشعبي.
وأتمنى أن تزينوا هذا الموقع باقتراحاتكم وآرائكم، فليس أجمل من أن نقوم بإعادة إنتاج الأمثال والحكم الشرقية، زجلاً بسيطاً... وأنتم أهل لها ...

أشكركم سلفاً واسمحوا لي على سبيل المثال:


اللي بدو يلعب بالنـــار ---- النار بتحرق صابيـــــعو
الله موصي بسابع جار ---- الجـار التـامن لا تبيــعو

[جوزيف السعوديه]

مشاء الله عليك ................
انا اغبطك على هذا الأبداع الرائع
وتاكدي انا من المتابعين والمعجبين لكِ ولابداعك

[ثناء حيدر]

مشاء الله عليك ................
انا اغبطك على هذا الأبداع الرائع
وتاكدي انا من المتابعين والمعجبين لكِ ولابداعك

الأخ جوزف
شكراُ لمشاعرك النبيلة ويسعدني أن أن تنال كتاباتي الرضى والقبول لديك، وأتمنى من الله أن أبقى عند حسن ظن أعضاء منتدانا الراقي مشتاوي .

جلّ شكري وتقديري

ثناء

[شفيق]

منبرنا الزينّ حالو ...........بيبقى عايش ما زالو
تغلغل في كلمات الشعب.........وعم بيردد أمتالو


هالشّعب بالشعر المغربل مركزو.........وكلمات هالشعر الشعب كلّو غزو
متل المتل يللّي عوزن الشعر قال..........الفي مسلّة تحت باطو بتنخزو


هالشعب السوري الفهمان..........قال الأمتال بكيفو
اللي بياكل خبز السلطان........بدّو يضرب في سيفو

[echo]

الله يا مدام ويا شفيق بالفعل موضوع رائع أنو نكتب الأمثال بطريقة زجلية

عجبوني كتير و ياريت تعطونا المزيد

تحياتي

[ثناء حيدر]

شكراً أستاذ طوني
وسعيدة جداً كون هذا الموضوع قد استحوذ على إعجابك ...

وشكراً للأخ الغالي شفيق الذي ما فتئ ينعش المشاركات ويزينها بقوافيه المبدعة

شكراً للجميع ...




إعطي خــــبزك للخــباز --- حتى ولو نصـــــــو أكلو
ولا تصـــيّد طيرك بالباز --- بيصــــطادك ما بتوصـلو

وأوعا للجاهل تعــــــتاز --- ولا تنســـــى مرحى تقلو
وضــلّك للعاقل عــــكاز --- أحســــنلك وأحســـــــنلو

[شفيق]

مو بسّ عالأمتال منبرنا لفي..............بالمستحيلات القديمة بيحفتي
قالوا العرب في هالدّني ما بيلتقوا.........الغول والعنقاء والخلّ الوفي

[ثناء حيدر]

إلما عندو ختيــار كــبيــــر --- مـــا بــدبّــــر أحــــــــــــوالـــو
استنى ع الحصرم تا يصير --- بكـــرا دبســـــــــــــو بـتـنالـــو

الـراس اللــــي مافي تدبـير --- قـــطــعـو وجـــزّو أولالـــــو
مــا بـــاقي من العـمر كتـير --- التـــوبـــة مــــا بتـــســتنالو

[بسطاطي]

الشـعب الأصيــل الواسـع مجـالو ....... مرايتــــــو كلمــــــات أمتـــــالو
ولازم نهــــــز الشــعر بالغربـــال ........ ونســـتعرض الأمتـال شو قالو ؟؟

قالـــو: الولد لوبــار عٌ كل حـــال ........ بيطـــــلع بتلتيـــنو على خالو
وقالو : اشــتغل تتحاسب البطّــال ........ وكل مين شكشكلو عَ أشكالو

وقالو: للمـــزوّج طمــع بالمــــال ........ يــــــلّي أخدت القـرد عَ مالو
بكــــرا بيطير المـال والرســــمال ........ لكــن بيبقى القــــــرد عَ حالو

وقالو: مع الشــدّي الرجال قــلال ........ وللصبــــر مفتــاح الفرج قالو
وقالو موحال يدوم هيك الحال ........ ومطرح الضيق يساع الف صديق
..................وبـــالمعركي الرجّـــــال برجـــــــالو ........................

[george_syria]

هدية ال خائن

اول شي بتسمحولي اهدي الموال للخاين خدام:
سوريا دخلت لبنان وانهت حرب الأهلية
وخسرنا احلى الشبان منهم بالجملة خي
وخدام ولاده الشجعان جبلون تاني جنسية
وشغلهن بهالدكان بالأسواق الدولية ش
شي بياع وشي دفان نفايات تسم المي
ملاحظة سامحونا على القصيدة اللي اذا عجبتكن في الها تتمة

[هادي]

سامحوني

فكرة رائعة وحكمة سديدة لما................ المثل يصبح زجل من وحي القصيدة
بعرف أسبح بالبحر بس ........................الزجل عندي أمواجه عنيدة
................
الجار للجار يا جيران ................... مهما جار جارنا علينا
والجار قبل الدار لما ...................نشتري وجيراننا أهل لينا

وسامحوني

:confangry :pain:

[ثناء حيدر]

خـلـي العســــــــل محفوظ بجرارو --- لا تفضــــحو ولا تفضح اسرارو
ولا تخاف بكرا رح يجي شي يوم --- والناس تعرف كيف أســــــــعارو

---------

المبتنفقو تدويـــــــــــرة خدودو --- ولا بتنفقو عزماتــــــــــــها زنودو
مهما جرى بالدهر وكيف مادار --- رح تنفقو تعظــــــــــــــيمة جدودو

[أبو نورس]

ميجنا و يا ميجنا و يا ميجنا ***** بأمثال شعبية تزين شعرنا



شحدت بسمة، وقلت يا بنت مني

عليي، و شبعيني سلو مني

لك الشحادة وقت طلعت كار ... مني

سبقني البعض يطرق عالبواااب

[شادي]

ميجنا ويا ميجنا ويا ميجنا ،،،،، بأمثال شعبية تزين شعرنا

جبيني لبّسو الإيمان عمّي ،،،،، وحولي عميعم بفرد عمّي
أنا وأخـوتي عا ابن عمّي ،،،،، وأنا وابن عمّي عالغــراب

[أنهل دبس]

الأمثال الشعبية زجلا

اللي كانوا حُـكَـما وأعْـلا م ــــــــــــــ قالوا: من ماضي الأ يّــام
حَـدْ العَـقرب لا تِقـْـــــرَب ــــــــــــــ وحَـدْ الحَـيّة فروش ونام

اللي قالوا: بتاخُـد الِـبْـناتْ ــــــــــــــ نسخة من صد ور العَـمّات
قالوا: اللي بيزرع يا رَيتْ ــــــــــــــ بـِتـْفـَتِّحْ عِـند و هَـيهــــات

أمتال جـد ودَ ك لِـمّـــا ــــــــــــــ وعَـن خِـبرة قالوا: لـَمّــــا
تـطِـبْ الجَـرّة عا تِـمّــــا ـــــــــــــ البـِنت بتِـطـْـلَعْ لـَ إ مّـــــــا

[ثناء حيدر]

يا هلا وغلا بأبو إيفان

يا عايش بضيق وملو قلبك حـــــــرج --- لا مرح في بعمرك ولا شوية هــــرج
مفكر بإنو الضيق ما رح يـنـتــــــــهي --- ما بعد ضــــيقك يا أخـــــي إلا الفرج

[ثناء حيدر]

كلما الفرحة عليك تهل ----- افرح، لا تسيب الأفـــراح
وكلما الحب عليك يطلّ ----- مـــــــنّو عـمرك لا ترتاح

قطّـفـلو باقـــــات الفلّ ------ الشــــغلي ما بـــدا شرّاح
انشالله كل العمـر يضلّ ----- البيســـكر ما بــعد قـــداح

[ميشيل الزين]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
لا تجرب تزرع معروف =بيدر كلشي بتحبو [/poem] خا يف ما تندم وتشوف = معروفك ميت حبو [/poem]

[ميشيل الزين]

لاتجرب تزرع معروف ===== بيدر كلشي بتحبو
خايف ما تندم وتشوف ==== معروفك ميت حبو

[بسطاطي]

كـــــل ســـــوســــي وفي لهـــــا كيـّـــــــــالها ........ وكـــــــل مهـــــــرا وفــــــي لهـــــــا خيـّــــــالها
شــــوصـــــابني منـّـــــك أنــــــا ياســــفرجلي ........ كــــــل لقـــــــمي كــــــان غصّــــــــا قبـــــــالها