اجى الزفت وراح الزفت

[ramikhouri]

و أخيرا جاي الزفت ؟؟؟؟
تساؤل لبلدية المشتى حول موضوع ظريف للغاية .
قصة طريق فرعي من الممكن أنه لايعني للكثير من الناس الأهمية الكبرى لكنه يعني للسكان المقيمين هنالك الكثير .
لنقسم الطريق لثلاث أقسام الغاية منها توضيح هذا الفيلم السينيمائي ؟
القسم الأول : العرض حوالي ثلاث أمتار يبدأ من بيت المهندس كرم نصارحتى بيت عبدو جبران العقارات المجاورة لهذا القسم على اليمن أرض حنا دميانس عجي . على اليسار بيت هيلدا و بناء قيد الإنشاء لنديم خوري و بناء قيد الإنشاء لداني تقلا .
القسم الثاني : العرض حوالي متر وسبعون يبدأ من بيت عبدو الجبران حتى بيت إبراهيم تقلا .
على اليمين حناعجي طابق ثاني و بيت يفتاح داوود . على اليسار بيت عبدو جبران وبيت هايل البسيط .
القسم الثالث :العرض مترين على طول بيت إبراهيم تقلا يتسع حتىأربعة أمتار عند بيت منيف تقلا نهاية القسم الثالث على طريق الثانوية. على اليمين أرض لوليد داوود يليها بيت عدنان داوود وعلى اليسار القسم الأكبر أرض إبراهيم تقلا يليها بيت منيف تقلا .
- المطالبة كانت منذ زمن بعيد بتعريض الطريق وتزفيته .
المستفيدين ماديا من الطريق .
1- إبراهيم تقلا . شقة للاجار .
2- حنا عجي . شقة للاجار .
العوائق هي:
1- البلدية ليس بالإمكان الاستملاك .
2- وليد داوود . الطريق أعلى من أرضه بحوالي أربعة أمتار وكلفة الجدار الإستنادي باهظة جدا حتى أنه يرفض بشدة إنشاء جدار إستنادي لأرضه حتى ولو على حساب البلدية لأنه مسرور وطاير عقلو بالحجر الدبش القديم المهدد بالسقوط بين ليلة وضحاها مسببا كارثة من الممكن أن يذهب فيها ضحايا بشرية
3- إبراهيم تقلا لا يتنازل عن شبر أرض .
4- عبدو جبران متعد على الطريق بالبناء قديما ولا يتنازل.
5- داني تقلا متعد على الطريق بالبناء حديثا .
وبعد المطالبة الملحة على عهد عدد كبير من رؤساء البلدية توصلنا بالنهاية مع السيد نبيل حنا رئيس البلدية الحالي وبمساعدة المهندسان أيمن نصار وطارق جرجس إلى حل على قول المثل الكحل أفضل من العمى . إلى توسيع الطريق برضى الأهالي وبسرعة الله يخليكن رح يجي الزفت .........
1- حنا عجي أعطى من أرضه مايلزم للتوسيع ( بس ما ظبطت) لأن الكوع على زاوية أرضه أضيق نقطة بالطريق بحاجة إلى جدار إستنادي قدر من قبل الخبراء في البلدية بأكثر من مئة ألف وفي الحقيقة لا يساوي ربع القيمة .
2- عبدو الجبران أخذت البلدية من فراندة بيتة المتعدي به على الطريق حوالي المتر على طول بيته ( و مو بكيفو غصب عنه ) لأنه بحاجة إلى رخصة بناء طابق ثاني .
3- هايل البسيط أعطى للبلدية حوالي متر ونصف على طول أرضة البالغة عشرة أمتار وكان الشرط الهد على حساب البلدية وبناء جدار للأرض على حسابه الخاص .
4- إبراهيم تقلا رفض الفكرة نهائيا .

و إجى الزفت .......
ولم تصل الفرحة لباب الدار . لأنه زفت القسم الأول بداية الطريق و القسم الثالث نهاية الطريق وبقي القسم الثاني من الطريق المحفورالذي أعطى فيه أصحاب العقارات قسم من أرضهم بدون تزفيت و دورهم مفتوحة بدون حرمة دار والسبب .
1- عارض الأهالي متعهد الزفت الذي همه رمي الزفت بأية طريقة وبدون فرش بحص فوق التراب المحفور ( ستين عمرو مايضاين) المهم ياخد مصاري ويحقق أكبر نسبة أرباح .
2- عدم تعاون البلدية بإنشاء جدار إستنادي لايتعدى طوله أربعة أمتار وإرتفاعه متر ونصف للكوع على زاوية أرض حنا عجي أضيق منطقة في الطريق .
3- وجود مجرور كان قد إنكشف على وجه الأرض بسبب الحفر للتوسيع ورفض المتعهد وضع البحص لتغطية التراب والمجرور مدعيا أن البلدية لم تطلب منه .
4- عدم تعاون مؤسسة الكهرباء لنقل عامود كان قد أصبح في منتصف الطريق بعد التوسيع .
5- والأجمل من هذا بوقتها عند مراجعة البلدية . ؟ إذهب للمهندس فلان هو المسؤول عن الزفت والمهندس فلان يجيب أنا لست المسؤول عن الزفت . المسؤول عن الزفت هو فلان وعندما نسأل فلان يجيب ( لاياعمي مين قالك ) أنا مو مسؤول عن الزفت فلان هو المسؤول . وفلان وين يا جماعة الخير والله فتنا بالحيط ............
وإجى الزفت وراح الزفت وإجت الشتوية وبلش الشتي ينزل ويتغلغل من تحت الزفت من خلال القسم المحفور القسم المنكوب وبلش يقبع الزفت و قديش بدو يطول هالزفت .
رح يروح الزفت ويضل المجرور المكشوف صامد وعامود الكهربا بنص الطريق متل الخازوق واقف . و في أزفت من هيك زفت . ؟؟؟

رامي ميلاد خوري - ابو طارق

[غبيط الإرمة]

رامي خوري شكرا على تعبك وعلى هذه التغطية الرائعة
يعني تخيلت نفسي عم شوف المشهد وعم شوف العياط وتشبير الايدين وخبط الاجرين

الحقيقة هذه مشكلة كبيرة بالمشتى فناهيك عن طبيعة المشتى الجبلية الصخرية
وصعوبة شق الطرقات فيها ترى ان اهالي المشتى لم يحترم احد منهم المخططات
واصول البناء والشاطر بيحاول يتعدى عالتاني ليكسب متر زيادة وصارت القضية شطارة
وانا بعتقد اذا منحاول ندور بالمشتى كلا لنشوف اذا في شي حدى معمر نظامي ومحترم
القوانين مارح نلاقيه لانه يلي بيعمر نظامي بيعتبر حاله مغبون او مظلوم

شغلة بدا الله

[غبيط الإرمة]

على فكرة تتمة لتعليقي
فانا اجد ان الجدار الظاهر في الصورة الاخيرة ومكتوب عليها الجدار الاثري
فبالفعل اثري وبعتقد لم يبقى الا القليل بالمشتى هكذا نوع من الجدران والبناء
وبرايي منظره اجمل بكثير من منظر الباطون البشع وهنا في اوروبا يفعلون المستحيل
للمحافظة على هكذا جدران وهكذا بناء

[ramikhouri]

إل غبيط القرمة

الأخ العزيز غبيط القرمة
إسمك رجعني كتير لورى إيام السباحة بغبيط القرمة و الولدنة وسرقة العنب والتفاح من بساتين بيت عواد .
أما بالنسبة للجدار الأثري مو بس عاجبك إنت وصاحبو عيجبني أنا كمان .
لا تفتكر إنو بينهان عليي ينشال هيك منظر قديم و أثري أنا ما عم طالب بإزالة الجدار إنما بإيجاد حل للموضوع وأريد أن أعلمك أنني قد إقترحت على المهندس المدني إبن صاحب الجدار طريقة للمحافظة على المنظر الجمالي للجدار وهي حقن باطون بين الفراغات في قلب الجدار والأفضل لك أن لا تعرف بشو جاوبني...........؟

[amigo]

أبو طارق العزيز :
أنا برأيي أنك عم بتعزب حالك أكتر من اللازم ع موضوع مو كتير مستاهل وبدك تربح منية ع شي مو محرز لأن متل مانك شايف هـَ الزفت بعد ما بتهلك لحتى يزفتو بدك ترجع تشتغل من الأول وتموت مية موته حتى يئبولك الزفت حتى ما يلحقو مي

[غبيط الإرمة]

أما بالنسبة للجدار الأثري مو بس عاجبك إنت وصاحبو عيجبني أنا كمان .

الظاهر مليان قلبك من صاحب هالحيط
انا مابعرف مين صاحب الحيط ولا وين بيصير وكوني الي زمان كتير طالع من المشتى
فمعلوماتي فيا ومعرفتي بالناس ضعيفة الى حد ما

بس صدقني واذا بتنظر بتجرد للموضوع وبتنظر لهالجدار بدون ماتنظر لصاحبه
ولا لابن صاحبه رح تشوف انه منظر الجدار بهالحجر اجمل بكتير من الجدران
الحديثة وبعتقد انا انه سبب رفض صاحب الجدار لاي حل اكيد سبب مادي
واذا بيتقدمله بحل يحافظ على منظر الجدار وبدون مايحط مصاري عليه اكيد
رح يوافق
مع تحياتي الك سيد رامي خوري