نحنا اعضاء المنتدى اصدقاء...(لازم نساعد بعضنا)

[Pascale]

بعد عدة اشهر اصبحنا اصدقاء و من واجبنا نساعد بعضنا تنحل مشاكلنا......
و متل ما بتعرفوا مواضيعي كتير واقعية ميشان هيك قررت اطرح هيدا الموضوع عليكون و هو انو كل عضو عندو مشكلة او بيعرف حدا بيعاني من مشكلة و مش قادر يحلا....بطرحا هون و من جرب نحلا سوا...
و هيك منصير ننصح و نساعد بعضنا.........فشو رايكن؟؟

[هادي]

الصدق والصداقة مع ندرتهما كنز لا يفنى

Pascale فكرة ممتازة بشرط نحسن تطبيقها وأن تكون معاملتنا بأخوة وصداقة حقيقية لأن ذلك سيزيد من ترابط أسرة مشتاوي أكثر ان نجحنا في ذلك

:thumbs: 100 % :thumbs:

[Pascale]

و انا بنفس الطريقة فكرت.....شكرا لدعمك هادي

[fadi11]

اي شكرا يا باسكال و انا رح بلش الحقيقة انا بالشهور الاخيرة زاد وزني كتير بعد ما كنت سنبتيك( ما تضحكوا) مع العلم اني طالب بكالوريا و صرت ما عم اقدر سيطر على نفسي بالاكل بقا شو بدي اعمل؟؟؟؟؟؟

[sisi]

أنا متل فادي
هاي مشكلة كل الطلاب بسبب المراجعة الطويلة و القعدة درس و أكل

[fadi11]

و انتي كمان يا سيسي سمنتي العما شو هالمشكلة و الله شي بيعقد انا رح جن

[bashar]

فكرة كتير هلوة شكرا sisi

[the jackal]

أخ فادي لازم يكون عندك إرادة لضبط النفس. مشكلتك بيواجها كل الطلاب تقريبا بأيام المراجعة لأنو بيقعدوا كل المراجعة بالبيت و بياكلوا و بدون نشاط رياضي لذلك بتتشكل عندون دهون, لتحرقها بس يخلص الفحص بتعمل نظام غذائي مع رياضة
الصبح بكير بتعمل رياضة بس ما تكون قاسية من أول مرة بعدين بتاكل بتوقف أكل للغدا و بترجع بتوقف أكل للمسا هلق بالمسا المفروض تطلع و تروح عالقصاع بتشوف الصبايا الحلوين هيك بتكون فتلت القصاع كلو بترجع عالبيت إذا بدك تسهر
تعشا من وصلتك عالبيت و إذا ما بدك الأحسن تنام بلا عشا.
بس لازم تعمل رياضة و إلا بشرشط جسمك.

[fadi11]

شكرا يا جغل عالنصائح المفيدة بس بدل ما روح عالقصاع رح روح عالطريق الغربي لاني بكون بالمشتى