سوريا تحت ضغط التزايد السكاني (الى اين) موضوع للنقاش العام الرجاء ?

[fadi11]

اعتقد ان الشعب السوري قد وصل الى حالة لا يحسد عليها من التردي الاقتصادي و لكن هل نعلم الاسباب؟؟؟؟الناس دائما يضعون الذنب برقبة الحكومة و لكن اليس على الشعب حق ؟؟عام 1958 كان عدد سكان سوريا بحدود الاربعة ملايين نسمة و الان حدث ولا حرج فقد بلغ العدد نحو 18 مليون نسمة فكيف ستستطيع الحكومة تامين التعليم و فرص العمل و المتطلبات الحياتية لهؤلاء القادمين الجدد؟؟؟؟ وكيف سنستطيع تحقيق معدل تنمية يتوافق مع عدد السكان اذا كان التزايد السكاني اصلا هائلا اجيبوني رعاكم الله انا قرات ان عدد سكان اوروبا لم يزد الا بشكل طفيف جدا منذ الحرب العالمية الاولى وهذا ما مكن الحكومات الاوروبية من تحقيق الرخاء و التنمية و لكن نحن الى اين و قد بلغ مجتمعنا مبلغا من التخلف جعل الانسان يفتخر اذا كان لديه عشر اولاد مثلا و هذا الشئ اعتقد انه معين في فئة محددة من الشعب السوري فالى اين يا سوريا اصحي

[mick75]

معك حق

اعتقد ان الشعب السوري قد وصل الى حالة لا يحسد عليها من التردي الاقتصادي و لكن هل نعلم الاسباب؟؟؟؟الناس دائما يضعون الذنب برقبة الحكومة و لكن اليس على الشعب حق ؟؟عام 1958 كان عدد سكان سوريا بحدود الاربعة ملايين نسمة و الان حدث ولا حرج فقد بلغ العدد نحو 18 مليون نسمة فكيف ستستطيع الحكومة تامين التعليم و فرص العمل و المتطلبات الحياتية لهؤلاء القادمين الجدد؟؟؟؟ وكيف سنستطيع تحقيق معدل تنمية يتوافق مع عدد السكان اذا كان التزايد السكاني اصلا هائلا اجيبوني رعاكم الله انا قرات ان عدد سكان اوروبا لم يزد الا بشكل طفيف جدا منذ الحرب العالمية الاولى وهذا ما مكن الحكومات الاوروبية من تحقيق الرخاء و التنمية و لكن نحن الى اين و قد بلغ مجتمعنا مبلغا من التخلف جعل الانسان يفتخر اذا كان لديه عشر اولاد مثلا و هذا الشئ اعتقد انه معين في فئة محددة من الشعب السوري فالى اين يا سوريا اصحي

شو بدك تحكي يا خيي فادي ...

[fadi11]

لك اااه يا مايك الواحد بيطق بهالبلد و الله اذا ضلينا على هالمعدل لنوصل لمرحلة ما نلاقي ربطة الخبز بس شعب غبي مو الكل طبعا فئة معينة بس ومعروفة

[the jackal]

أنا رأي غير هيك
يوقفوا السرقات و النهب و..................الخ ما بدي فوت بمتاهة
و سوريا قادرة على إطعام الشعب الأمريكي

[mick75]

يا جغل

يا جغل وين ما كان إلا ما يصير هدر حتى بأمريكا و أوروبا
يعني شوي من هون و شوي من هون ، يعني شوف الصين لو دولتنا بتعمل قانون
طفلين لكل عائلة و انتظر كم سنة و شوف
ضغط التزايد السكاني كبير جداً بسوريا
و بالمقارنة ... أمريكا كلها بتزيد بالسنة مليون و سوريا لوحدها 550 ألف
.... لو سوريا منذ الثمانينات أصدرت هكذا قانون كنا بأحسن حالاً
يعني نوعية الشعب يلي بسوريا لو ذهب و عاش في أوروبا أو البلاد الأسكندنافية
أو اليابان سوف يدمرها و يخربها بعاداته و أميته و جهله ؟؟
كانت الشعوب الأوروبية مثال بالصدق و في بلاد تعلم أهلها الخداع و التفاق و الكذب
من الأمم التي هاجرت لعندهم عافاهم الله و انار عقولهم لمعرفة سبب التقدم و التطور الوحيد
في هذا العالم

[the jackal]

أخ مايك

أنا معك في تزايد ضخم بعدد السكان بسوريا بالنسبة لحجمها بس مو بالنسبة لمواردها و طاقاتها
لاحظ كل الكون ميتزايد مو بس بسوريا ليش نحنا عنا مشاكل أكتر من غيرنا مع العلم أنو عنا موارد غير بلاد ما عندا ياها
بسوريا مافي هدر في سرقات في نهب للشعب . أميركا كلها و كل كبرها ما عندا هدر قد ربع اللي عندا ياه سوريا
لأنو دولة بتحترم حالها بتحترم شعبها , عندون في قانون في قضاء في مين يحاسب الحكومة,حتى الكونغرس في مين يحاسبو, أما عنا فلتانة الحكاية.
بأميركا في سرقات بس مو الحكومة اللي بتسرق بعض النواب و المسؤولين وبمجرد ما طلعت إشاعة عن واحد فيون
دغري بيتحول للقضاء وبيتحاسب مين ما كان يكون, الحكومة هون بتسرقك عينك عينك.

[semas]

الله يا اوادم الله يبشركن بالخير انا بعرف انو مافي عندنا كثافة سكانية عالية بسوريا يعني اذا حسبناها 18 مليون على 185

الف كيلو بيطلع عندنا 100 شخص لكل كيلو متر مربع يعني على مستوى الكثافة السكانية لهلق الوضع منيح وبيحمل وعلى

مستوى دخل الفرد والكثافة المالية فيكن تشوفو اول فضيحة للمعلم عبدالحليم خدام وشوف كام مليار من الدولارات حاطط

بالقجّة وما خفي كان اعظم بتلاقو انو المشكلة مو بالخلفة الكتيرة المشكلة بالبطون الكبيرة

[mick75]

ما لم يكن له حس المشاركة


يا جغل أنو موارد و أنو طاقات ...سوريا بأفضل حالاتها البترول و الغاز بالكاد يكفيها
و محطة توليد الكهرباء بجندر لوحدها تستهلك 70% من إنتاج سوريا
سوريا بلد عايش برحمة ربك ، خبزنا كفاف يومنا
و بالنسبة لسيماس ، نسيان أن ما يزيد عن 60% من مساحة سوريا صحراء قاحلة
شأنها شأن كثير من بلدان الشرق كمصر و الأردن و الخليج هذه الحسابات الخلبية
لا تتماشى مع الواقع ، و لو حسبنا على أساسها الكثافة بالإمارات و السعودية
مثلاً لما وجدنا سبباً مقنعاً لارتفاع أسعار العقارات الجنونية و صعوبة المعيشة فيها ...
حتى لأهل البلد و ليس فقط للوافدين كما يسمونهم ...
هل نظرت للعاصمة دمشق حيث 70% يسكنون في مناطق مخالفة ، هل أتيت و رأيت سكان الحجر
الأسود و السبينة و مخيم جرمانا و دف الشوك و غيرها الكثير
و حكمت بنفسك كيف يدمر هؤلاء حياتهم و الوطن بطريقة عيشهم و أفكارهم المتخلفة ؟؟
و بالنسبة للفساد انا شايف حتى بأمريكا ما في محاسبة و لو في محاسبة كان الكونغرس
يعزل بوش على (أفعاله ) و إهداره مئات المليارات على حروبه المجنونة
و أي إنسان تابع خلال السنوات الماضية بعض قضايا الفساد التي اشترك فيه نائبه
ديك تشيني بقضايا شركات الطاقة يدرك أن أقل مبلغ بتلك القضايا يعادل ميزانية سوريا
و كان المتهم بتلك القضايا و من تتم محاكمته مجرد موظف درجة عاشرة ؟؟؟؟
و عودة لوطننا لا ننكر أن هناك فساد و لكن أنا مؤمن رغم ان البعض يعتبره مرض عضال
أن هناك علاج له ، و هذا العلاج هو التكنولوجيا .
كان الموظفون يقبضون رواتبهم عند المحاسب و إذا كان راتبك مثلاً 9609 اعتبر 9 ليرات
طارت و هذا مهما قيل عن السبب (فراطة أو غيرو ) فهذا إسمه فساد ، فأتت بطاقة سيريا كارد
و قضت على هذا الأمر ؟؟
و كذلك الامر فواتير التلفونات و غيرها مثل دفع رسوم السيارات عبر لصاقة و غيرها ...
التكنولوجيا برأيي ستقضي و تخفف الكثير من الفساد و الهدر ..
و لن ينتهي الأمر سيبقى البعض من ضعاف النفوس و هذه مسؤولية الدولة لتطرد و تسرح أي موظف
مهما كان مدني أو عسكري يستغل منصبه لمآرب شخصية ...
و أحد أسباب الفساد هو نسبة اعتماد المواطنين على الدولة و على القطاع العام .
فمثلاً في سوريا هذه النسبة 65% كما سمعت و ربما أكثر و في لبنان 27% و ربما في الولايات
المتحدة أقل من 10% . فلا يوجد قطاع عام يشرف على قطاع الاتصالات و الطاقة ..
و الكل يعرف الفساد في القطاع الخاص أقل لأن ذلك سيؤثر عليه مباشرة بسبب المنافسة بين الشركات
و لأنه أي شركة خاصة لن تساوم على سمعتها و تفقد زبائنها من أجل صفقة فساد ..
و إذا تم تخصيص تلك القطاعات و إلغاؤها في سوريا فستنتج أزمة اجتماعية في البلد ...
و برأيي أول ما يجب فعله كإجراءات إسعافية هو تخفيض مدة خدمة العلم لمدة عام واحد
أو أقل على مدى سنتين و إصدار قانون للأسرة على غرار الصين لمدة عشر سنوات ...
ولماذا لا تنشأ الدولة مثلاً مترو انفاق في دمشق رغم تكاليفه الهائلة ثم لتتفضل الدولة
و تسحب معظم السيارات الحكومية التي يتم دفع عشرات المليارات على وقودها و صيانتها
و ليتنقل الشعب بطريقة نقل حضارية و نظيفة ..
و لماذا لا تلزم الدولة المواطنين بتبني أنظمة الطاقة المتجددة ...و لماذا قام معظم
الشعب السوري رغم فقرهم المعلن بتركيب " دش " عندما كانت أسعاره مرتفعة ...
و لا أحد اهتم بتركيب جهاز للطاقة الشمسية لينعم بطاقة نظيفة و رخيصة ؟؟؟
صحيح الدولة مسؤولة عن كثير من الامور التي فشلت في تحقيقها و لكن المواطن
ما لم يكن له حس المشاركة و العمل سيبقى الامر مجرد كلام منثور لا يقدم و لا يؤخر