ضيافة الدخان في قاعات العزاء

[mick75]

بالفعل عادة غريبة في أثناء تقديم التعازي ألا و هي التسابق في تضييف الدخان و حتى انه صار عرفاً
يرافق القهوة المرة و الماء و للأسف حال أي عادة دخيلة تصبح قانوناً يحتاج كسره لشجاعة و إقدام ..
و لكن أحب ان أحيي بعض قاعات الكنائس التي منعت تقديم الدخان ، و لو أن هذه العادة مستمرة
في كثير من المناطق و الطبقات ، لكن بصراحة ما أسوأها من عادة و كأننا نرسخ الخطأ في مجتمعنا
بيدنا ، و ما عليك سوى الدخول لقاعة تقديم عزاء لترى سحابة الدخان القاتلة ثقيلة على جميع الحاضرين ..

[Nadijda]

له ولو مايك طول بالك مو لهل الدرجة ..
التدخين عادة عند البعض صحي مضرة صحيا بس الواحد بهيك ظرف بيكون متدايق وحزين و
بدو شي يفش خلقه فيه وما بيشوف غير الدخان ادامو مبعث للراحة....
لانو من اهم الاسباب يلي بتدفع الناس للتدخين المشاكل والاحزان النفسية
وصعوبات الحياة ..و..و...و..
ماني عم برر موضوع التدخين بس عم خبرك ليش بالاخص بالتعازي بتشوف
هل الظاهرة
عا كلن كل شي زاد عن حدو مصيبة. انو الواحد اذا ما بيقدر يستغني عن الدخان اقل ما يمكن
انو يخفف منو بشكل كبير ومعو معو بيصير الواحد يبعد عنو لكن بشرط انو تكون الارادة قوية
ويكون الواحد مقتنع بضرر التدخين ........ :thumbs:

[mick75]

بس الواحد بهيك ظرف بيكون متدايق وحزين و
بدو شي يفش خلقه فيه وما بيشوف غير الدخان ادامو مبعث للراحة....
لانو من اهم الاسباب يلي بتدفع الناس للتدخين المشاكل والاحزان النفسية
وصعوبات الحياة ..و..و...و..
ماني عم برر موضوع التدخين بس عم خبرك ليش بالاخص بالتعازي بتشوف
هل الظاهرة
:thumbs:

تأكدي أن التدخين لن يكون مبعث راحة لا في العزاء و لا في غير العزاء هو مجرد " أكل هوا " ( أجلكم )
و ضرر صافي على المدخن و إزعاج ما بعده إزعاج للجميع .. و لا تتخيلي في سوريا التدخين في
كل مكان ، حتى في وسائل النقل و المكاتب و لا أحد يأبه للقانون و لحظره بعكس الكثير من الدول
التي حينما تسن قانون للمنع - يعني المنع - لكن عندنا في سوريا مجرد مجاراة للقوانين في العالم
و تعاميم فارغة من الحكومة ..
و حتى الأحزان النفسية لن تنفع معها لا السيجارة و لا الأرغيلة و لا التلفزيون لأنها الحزن في نفس
و روح الإنسان و الحل يجب أن يكون في الجزء المضروب بالحزن ..
و غير هيك سبب التدخين هو التقليد الأعمى و خداع بعض البرامج التلفزيونية بأن هذه هي المرأة
الواثقة و هذا هو الرجل المقدام " و تصوري في الولايات المتحدة و غيرها حظروا ليس فقط إعلانات التدخين
بل حتى ظهور السيجارة في المسلسلات و الأفلام "
و كم نحزن عندما نرى مراهقين يحملون السيجارة لا لشيء إلا ليظهروا
كالكبار و يظنون واهمين أنهم سيكسبون الاحترام و أن الجميع سيسمع لهم عندما يرى السيجارة بيده ..
و لن أتحدث عن الذين المال الذي يهدره الكثيرون على علبة السجائر و هم أحوج ما يكونون لربطة خبز ..
و في النهاية " لماذا أثناء التعازي " لأن الأمر صار فرضاً و كل من يدخل لقاعة عزاء سيدرك أن
" صواني الدخان المتنقلة " صارت كابوس و مظهر مزعج للغاية يجب أن ننتهي منه ..

[هادي]

دخن عليها تنجلي واذا الدخان ممنوع اركل بس شرط ما يكون معسل

فعلا ان التدخين مضرة والامتناع عنه مسرة


حتى ان مشيخة الازهر الشريف في القاهرة قد افتت بحرمة التدخين في المساجد والطرقات والشوارع والبيوت وكذالك في الكنائس وفي بيوت العزاء يكون اولا .............

والتدخين ضرره اقل بكثير من التهجم على اصحاب الاديان الاخرى

بس الصراحة ...................... ما رح تنجلي حتى لو دخنت عليها

فما تدخن عليها لانها ما رح تنجلي

moke: :angry002: moke: :hahaha: moke:

[رغدة المصري]

أنا من أكتر الناس يلي بيدايقو لما بشوفو الدخان عم ينتشر في الوقت الحاضر...على الرغم اني بحتقر نفسي كل ما شربت سيجاره بس انا ما بقدر ابعد عنو يعني اتعودت عليه على الرغم من اني لسه صغيره بس ايش بدي اعمل...وازا بتشوفوني كيف بكون مدايقه لما بشوف حد بيدخن بتقولو اوووف على قد ما بتكره الدخان وانا فعلاً بكرهو بس كل ما ببعد عنو ريحتو بتستردني...وللأسف...الدخان نقطة ضعفي الوحيدة
بس نصيحة رغود لكل شخص في الدنيا ابعد عن الدخان على قد ما بتقدر لانو بضر ومش ممكن ينفع...مستحيل ينفع

رغود المصري...وبعدي فليكن الطوفان

[adidas]

حتى ان مشيخة الازهر الشريف في القاهرة قد افتت بحرمة التدخين في المساجد والطرقات والشوارع والبيوت وكذالك في الكنائس وفي بيوت العزاء يكون اولا .............

شو صارووا كمان ما يفتوا بالكنائس " ما شاء الله "

والتدخين ضرره اقل بكثير من التهجم على اصحاب الاديان الاخرى

لانه ليس خفي لا يظهر ولا مكتوم لا يعلم ويعلن
و من له أذنان للسمع فليسمع ..

والله يا خيي مايك صارت الجنازة عنا بتكلف متل شئ عرس و اكتر و متل ما قلت انت الدخان مضر ع كل شئ حتى انها زيادة مصاريف ع الفاضي ....
بمنطقتي بالكنيسة عملت صندوق اسمو صندوق الموتى و بيتم فيه جمع الاشتراكات من اجل تخفيف المصاريف وقت العزاء
بعيد عنكم جميعا

[Pascale]

عنجد غريب امر مجتمعاتنا........

[petra]

معيك حق يا بسكال غريب كتير مو شوي :dazzler:

[هادي]

يا خيي يا علوش أنا ما قلت انهم عم يفتوا بالكنائس انا بقصد انه على المسلم اللي يروح على الكنيسة في مشاركة في زفاف احد اخوانه المسيحيين أو في مشاركة في جنازة احد اصدقائه او جيرانه انه يحرّم عليه التدخين ونحن هنا في المدينة نحيا اهل ليس كما أرى من كتابات مايك وأشباهه

وانا افهم استغرابك لان كتاباتك تدل على قروية في التعامل مع الاخرين كما مايك تماما ( والطبع يغلب التطبّع ) واعذرك لان بيئة القرية تكون عادة محدودة جدا وسلوك ابن القرية لا يستطيع الخروج منه لا فكريا ولا نفسيا مهما وصل في سلم العلم حتى لو سكن العاصمة او لو طلع على القمر ولو كان حطيني


[U]الا ما رحم ربي[/U]

ولا تسالني كيف؟؟؟؟؟ لان هذه شرحها يطول

مع احترامي الكامل لكل اهلنا من ابناء القرى

[adidas]

و الله يا صديقي هادي هيك بينفهم من كتاباتك لانو لاحظ معي كيف ربطت الجملة و عطفتها :

حتى ان مشيخة الازهر الشريف في القاهرة قد افتت بحرمة التدخين في المساجد والطرقات والشوارع والبيوت وكذالك في الكنائس وفي بيوت العزاء يكون اولا .............

كان فيك توضح من الاول وجهة نظرك , بس استغربت انو الازهر صار ميفتي عنا بالكنيسة " والله ناقص " حاجتك الهجمات ع الاقباط بمصر اذا متتبع اخبار ....

وانا افهم استغرابك لان كتاباتك تدل على قروية في التعامل مع الاخرين كما مايك تماما

انا يا صديقي اتمنى ان تعود مدينتي الى قرية,ضيعة لان انظر الى اهل القرى كيف يتعاونون مع بعضهم البعض " في السراء و الضراء" ...
ولكن لا تلقي كلماتك يمينا وشمالا و انت لا تعلم ماذا تقول

يأسفني انه بعض الاشخاص لا تستطيع التمييز بين حرية التعبيير وكتابة ما يجول في خاطرها من افكار و اخطاء في مجتمعنا السوري الذي منذ فترة اعطيت له حرية التعبيير " اتوافقني ام لا ؟؟؟؟ "


طلب زغير اذا فيك تبعتلي ايميلك منشان ابعتلك احدث اسماء ....؟؟؟؟

لك من ابن الضيعة كل الحب و الاحترام يا ابن المحافظة

[shadiking]

[مرحبا كيفكون انا اول مرة بكتب بمنتدى وعجبني الموضوع

انا ما رح علق على الموضوع بس بدي خبركن عن قصة صارت معي في احد العزاء

انا ما كتير نشط بمجال العزاء بس مرة رحت بدي عزي جماعة عندون بالبيت
سو وصدف انه اولاد المتوفي 3 اطباء منه القلب وغيره وغيره

ام وقف احد الاولاد و مسك الضيافة الدخان و مد ايدوا عو يضيفني وصدف انو دكتور القلب


ما اخدت بس قلتلوا شو ها لقدر انتا دكتور و عم تضيفني سم

ما عرف شو بدوا يرد حمر كلو سوا
وبس