وديع الصافي ... Arnold

[Arnold]

حبيت بها الموضوع اني ذكركون بمطرب بعتبروا ملك الغناء و اللي لحد الآن ما مرق بحنية صوتو و قوتو و اتساع مساحتو مع محافظتوا في الاتساع عا رجولة الصوت ...

الفنان الكبير وديع الصافي ...
صوت أصيل من لبنان .. فيه وطنية .. و فيها الأصالة العربية .. غنى لكل المناسبات و أعطى و كان جديرا بالعطاء و الخير ... ناضل في سبيل رسالته و كافح من أجل عروبته .. و كان السفير لبلاده في جولاته الفنية في سائر أنحاء العالم .. له عدة ألحان و أغاني خالدة تحكي تاريخ لبنان و عروبته .. كرم لبنان فأكرمه .. ارتقى بفنه أكثر بتعاونه مع الفنان فريد الأطرش في آخر أغنياته ( ع الله تعود ) و هو أحد أقطاب الطرب في العالم العربي ..
الاسم الفني : وديع الصافي
الاسم الأصلي : وديع فرنسيس
اسم الأب : بشارة
تاريخ ميلاده : 1927
مكان الولادة : نيحا الشوف
الطول : 171 سم
الوزن : 95 كغ
لون الشعر : كستنائي
لون العينين : عسلي
الهواية : الصيد
أفضل الألوان لديه : فستقي
أفضل المأكولات : كل المأكولات
أشهر الأعمال الفنية :
السينما : موال
المسرح : بيت الدين و موسم العز
الإذاعة : الأغنية التي أحبها الناس
التلفزيون : البرنامج الذي أحبه الناس

و إليكم أغنيتن هدية .... و أتمنى لمن عشق صوت وديع أن يشارك بأغاني له ... و ستكون الأغاني إهداء لكل أعضاء المنتدى .. ( و اللي بدو يحدد براحتو ... )

عندك بحرية

عندك بحرية يا ريس
سمر و شرقية يا ريس
و البحر كويس يا ريس
و صللي حبيبي يا ريس

عا الرمل الدايب كتبنا
شوق الحبيايب دوبنا
و انشاالله توصل مراكينا
الـ فيها أهالينا و حبايبنا
و الفرحة تكمل يا ريس

ريحة أراضينا يا ريس
عم بتنادينا يا ريس
امشي و طير فينا يا ريس
من مينا لمينا يا ريس
ودينا بلدنا يا ريس
تا نشم ترابو يا ريس

الموال :
حبيب القلب نادانا فرحنا
نزرع ورد و نحضر فرحنا
و إذا بيتم بالملقى فرحنا
لرش الورد عا دروب الحباب

و دخلك يا هوا الشمالي
نيران الهوى قتالة
و بالغربة بتخطر على بالي
أيام زمان و ليالي
بعدا على بالي يا ريس

قتلوني عيون السود
عا البال يا عصفورة النهرين يا ملونة و مكحلة العينين
صارلي عا ها المفرق تلات ايام و ما كنت استهدي عا بيتك وين
صارلي تلات ايام ما كنت أعرف نام حفرت خيال الشمس عا المفرق
و رف الحساسين الأجا تفرق و ما كنت استهدي عا بيتك وين

قتلوني عيون السود يا ليل المالو حدود
قتلوني عيون السود
و بنية عم تكبر من يوم ليوم زهرة محروسة بعيون النوم
خوفي يا سنين لا تمر سنين و تنساني عيونا السود
أنا لسأل عليهم من حي لحي دور عا صواتن ببرك المي
و السهل يغيب و الليل يغيب و يطلوا عيونا السود
جينا الدار يا أهل الدار ليلتكن سعيدة
سيف النار يغزل نار و يدهب قصيدة
علوا البيارق تعب الليل و المدى مارق بصهيل الخيل
فوق الدار زهر الغار و انكتبت اشعار
رجع الراجع ضحك اللون و الفرح والع هون و هون
صار اللي صار و الغنا دار و يا هلا بالزوار

[sisi]

وديع الصافي شخص عظيم و صوت جبلي شامخ بشموخ أرزة لبنان .....
مشكور آرنولد لانك ما زلت تحتفظ بمخزون من الذاكرة سيظل يوقظك الى الأبد ..... جيلي و جيلك و الجيل القادم .....

رح حلفك بالغصن

رح حلفك بالغصن ياعصفور

بالورق بالفيّ .. بالنبعات

بـ الزيـّـح جناحك بريشة نور

بـ المرجَـحك مع زرقة النسمات


بتطير ياعصفور

عَ كوخ من وزّال

رويال سقفو زهور

مفروش بالعنبر

حد الندي الأخضر

دنيي ظلال ظلال


تقشع عريشة وباب

بــ فيـّـتا مزوي

وحلوه بإيدا كتاب

سلّم على الحلوه

وان هديت رياحك

بتمرمغ جناحك

عَ السّطح عَ الحيطان

عَ تياب مدريـّـة

عَ البسط عَ القمصان

عاا كلشي تخزّق

عَ المقعد الأزرق

عَ القمر السّـكران

الـ بيذكرا فيّي

آآه فيّي

بيذكّرا فيّي

وان كان مافي شــي

من حبّنا باقي

بتسكّت السّاقي

ياطير وبتمشي


وبتغطّ تحملّي

يا منهكك التلة

يامن هداك الـ غــاب

شي ذكر شي قشة


ومن خرطشة دَيها

من تحت إجريها

شي نقدتين تراب

شي نقدتين تراب

تراااب .

[Arnold]

ألف شكرا لسيسي العظيمة .. بالفعل ها الاغنية من أروع ما غنى وديع ..... شكررررررررررررا

طل الصباح

كلمات : أسعد السبعلي
ألحان و غناء : وديع الصافي

طل الصباح و تكتك العصفور
سهرنا و طولنا بنومتنا
شوفي الشفق فرق علينا النور
و الشمس منشورة عا خيمتنا
و الكون غاشي و الفلك مسحور
من سقسقة ميات نبعتنا
يا اختي اسبقيني و ولفي المعدور
حتى نكفي نكاش بورتنا
ليكي الجدايا هدهدوا المعبور
و خربوا مطاعيم كرمتنا
عيطيلك صوت لها الناطور
عنزة أبو طنوس خربتنا
ضهري يا خيي من التعب مكسور
و نقطة موي ما في بجرتنا
و بدي الحماية تزق عا التنور
و انده بدربي بنت جارتنا
تا ترق معنا الخبز يا منصور
راحت عياري كل خبزتنا
بشغلنا بايت علينا كسور
وحمضت بتكون عجنتنا
يا اختي عفاك روجي يا بدور
و لك راح النهار و الشمس غدرتنا
و مرشقيلك غمر لها القرقور
نحنا انسبقا يا اخطيتنا
و ان ما قدرتي تبعتي الفطور
ودي لطيفة بنت خالتنا
قديش يا اختي بعيشتي مقهور
غير شكل عن شبان ضيعتنا
بألف خير و عايشين بسرور
و مغمسة بها الدم لقمتنا

بتزعل كخيي سماع مني صبور
شو منعمل إذا هيك حالتنا
عرزالنا بيسوا تمان قصور
مناخو حلو من سنديانتنا
سلعات معزي معمشقة عا صخور
و منجيرة الراعي و عنزتنا
و مغارة جعيتا و أرزنا المشهور
و مغارة جعيتا و شعب سورية المشهور
بيسوا الدني من عيشتك زعلان
غلطان غلطان غلطان
حلوة كتير عيشتنا

[Arnold]

ولو

تأليف : أسعد السبعلي
لحن وغناء : وديع الصافي

ولو .... هيك بتطلعو منا
و ما تعودوا تسألوا عنا
عا القليلي تذكروا الماضي .. الماضي
بسمة على شفاف الهوى كنا ... ولو
ولو هيك بتتركوا المجروح
عا فرائكم صفا عا آخر روح
متعوب فكرو منكسر قلبو
و عا دروبكم روحو بتجي و بتروح ( 2 )
و لو .. كفتا ها القسا كلو
مهما جرا عا البال بتضلوا
ولو .. ولو .. ولو

[Arnold]

طلو حبابنا

كلمات : مصطفى محمود – لحن : زكي ناصيف – غناء : وديع الصافي


طلوا حبابنا طلو
نسم يا هوا بلادي
بين ربوعنا حلوا
ضحكت زهرات الوادي
بالفيات غنينا
و عا الميات تلاقينا
و نحنا حكايات في بالو
من نسمات موالو
و لما النسمات تحلالو
بين الغابات بينادي
فوق جبالنا السمرا
طل الفجر يحاكينا
بين مروجنا الخضرا
صار الورد ينادينا
و نحنا من بعيد نحديلو
عن حب جديد نحكيلو
عا السمر الغيد نوميلو
من خمر العيد يسقينا

موال :
سوى ها القلب يا حلوة ما عنا
حرام يكون عا فرائك ما عنا
قلب حيران يتنهد ما عنا
يشفي غربته طول الغياب
طلو حبابنا طلو
نسم يا هوا بلادي
بين ربوعنا حلو
غنانا الطير الشادي
و نحنا من بعيد نحديلو
عن حب جديد نحكيلو

[Arnold]

الله يرضى عليك

كلمات : توفيق بركات - لحن و غناء : وديع الصافي

الله يرضى عليك يا ابني
ضهري انكسر و الهم دوبني
خود ليلى بنت ضيعتنا
بترتاح معها وما بتتعبني
خود ليلى بنت ضيعتنا
بنت عيلة متل عيلتنا
بتعيش يا ابني متل عيشتنا
سماع مني و لا تجاوبني
الله يرضى عليك يا ابني
بنت المدينة بدها خدام
إلا عا ريش انعام ما بتنام
ليلى يا ابني إن جارت الايام
بتعيش عا الزيتون و الجبنة
الله يرضي عليك يا ابني
سلمى ما عندا عليك حنية
و معودي عا الرقص ليلية
بعود عنها و خود عينيي
و خود روحي و لا تعذبني
الله يرضى عليك يا ابني
صرلي عمر يا ابني بربي فيك
و تحت فية جانحي بربيك
يا ابني عا درب الخير عم بهديك
الله يرضى عليك يا ابني
يا ابني

[جوزيف السعوديه]

الف شكر لك..فعلا وديع يستحق كل الثناء والتقدير فنان متئلق

[Pascale]

صوت وديع الصافس متل هياكل بعلبك ببلدنا ..متل شجر الغار بضيعتنا...قديم و صامد متل ارز الرب بجبالنا....arnold شكرا كتير على مواضيعك المهمة و المميزة....و وديع الصافي بيستحة متل هالتكريم الصغير......

[Pascale]

..............................بتحبني و شهقت بالبكي...........................
بتحبني وشهقت بالبكي
وراسا على صدري تكي
قالت إذا بتحبني لا تروح
ولا تغيب عني يا حبيبي الروح
لا تترك بلادك
ارض أجدادك
قلتلها زهقان لبنان مش لبنان
نسمات عم بتلوح بالوديان
وتلال شعلاني وجبال بتشتكي
وبتحبني وشهقت بالبكي
سألت الضياع شو صار بزهورك
سألت المدن شو صار بقصورك
ردت زهوري صارت بواريد
وع القصور تكسر القرميد
ناح ارز الرب
ع العاطفة والحب
قالت حبيبي لا تكون يأسان
البلاد حلوي مسيجي زهورا
وبتحبيني وشهقت بالبكي

[sisi]

كل الشكر لك آرنولد عذوقك الراقي ....

[rams]http://music.6arab.com/wadee3..zra3na-tlalik.rm[/rams]
:thumbs: :thumbs: :thumbs:

[sisi]

يا ابني بلادك قلبك عطيها
و غير فكرك ما بيغنيها
نما حميتها يا ابني من الويلات
ما في حدا غيرك بيحميها

بيّك موصّيلك قبل ما مات
بلادك صلا للحب صلّيها
لو عليها ثقلت الحملات
و شي عين غدر اطلّعت فيها
مثل الأسد خليك في الحزات
صرخة بطل عالكون وديها

يا ابني بلادك يوم طلّ النور
ضوّت نجومو عا رواضيها
و المركب الأول القص بحور
فيلك شراعو من شواطيها

أرزاتنا مرقت عليها دهور
و بعدنا منكبر بماضيها
وصبرا عكتف جبالنا ناطور
جنون العواصف ما بيلويها

يا ابني بلادك جنّة الانسان
بصوتك يا بلبل ضل غنيها
تنقل ما بين الورد و الريحان
و حكايتك للساقية حكيها

خليك يا ابني عالوطن سهران
و عين اللي بيجيها النوم وعيها
و كلّ شبر بنذر من لبنان
أرضك لابنك بس خلّيها

يا ابني السما تضحكلك و تحميك
و تضل درب العز تمشيها
و تلّة الأرزة بنسرها نسميك
و جوانحك عالريح عليها
و الغار كل مواسمو يهديك
و افكارك قناديل ضوّيها
و عالشمس خلّي حلمك يودّيك
و دراج فوق دراج تبنيها
يوم الرجوع بلادك تلاقيك
و عنّك صغار المجد ترويها

[Arnold]

شكرا سيسي من أجمل ما غنى وديع ... تسلم ايديكي
وشكرا كتير باسكال و جوزيف السعودية و بتمنى تشاركوا بها الموضوع لحتى نحافظ و نذكر بأجمل فن عربي أصيل

كرمال قلبي يا عيون تصبروا
عليي و عا سكب الدمع لا تتكبروا
و قدام يلي بحبها رشوا الطريق
و لا تخلوا تيابها يتغبروا
زرعتي بعيني شوق و بعيني بكي
الما يشتكي من حبها و لا يشتكي
قلبي فهم حقها لمن حكي
و يخبروا العزّال شو ما خبروا
لمها الحلوة اللي الزهر متلا ما خلق
الصبح يللي بصدرها نور اندلق
لمن وصل مكتوبها قلبي اشتلق
من عطر عينيها الحروف تكبروا
بحبها .. و ما بحب غيرا بالوجود يا خللتي
و العمر سكرة عاطفة و غمرة زنود
و اللي تعود يسكرو ورد الخدود
و ما عاد شم الورد الله يصبّروا
كرمال قلبي يا عيوني تصبَّروا
عليي و عا سكب الدمع لا تتكبروا
قدام يللي بحبها رشوا الطريق ...
و لا تخلو تيابها يتغبروا
لما الحلوة العندنا رسولك ورد
و عن ساعة الملقى أخد معنا ورد
حلم الهوى فتح ببستانو ورد
و بعد الضنا صارت ليالينا هنا
نشف نبع الهوى و ما رويت غلي
و جفت أرضنا و جمعت غلة
بريش الجانح الدفيان غلي
حتى سمعك دق القصب
يا ريشة لهفتي حني و غطي
بدمي و لهفتي و عا قيس غطي
و يا عيني اللي سهرتي الليل غطي
دقيقة نوم عا فراق الحباب

[Arnold]

قالت بترحلك مشوار

كلمات : عبد الجليل وهبي – لحن : فلمون وهبي – غناء : وديع الصافي


قالت بترحلك مشوار
قلتلها يا ريت
قالت لكن أوعا تغار
حوالي العشاق كتار
قلتلها بطلت .. خليني بالبيت
قلتلها مكسّر تكسير .. و ما بمشي هيك مشاوير
قالت اسمع مني و روح .. و يللي بدو يصير يصير
عشت كتير و شفت كتير و غيرك ما حبيت
قلتلها بطلت ... خليني بالبيت .. بيت
قالتلي أوعا تهتم .. انشالله ما بتشوف الهم
قلتلها راح اللي راح .. مليتيلي قلبي جراح
قلتلها من ها الأخبار .. قالت ما انهمّيت
قلتلها بطـّلت .. خليني بالبيت
موال ..
حبابي وين ما راحوا يحلون
بقلبي و عقدة همومي يحلون
كاس المر بالمبسم يحلون
و يصبح كاس طيب للشراب
تاري الحب فنون فنون
و ما بيعلق غير المجنون
قالتلي ما عندك قلب
قلتلها غيرت الدرب
لا رح أعشق و لا رح حب
ها المرة تربيت .. خليني بالبيت .. بيت

[Arnold]

يا بيتنا الخلف الضباب

يا بيتنا الخلف الضباب
هونيك عا حدود القمر
بالعطر بالنسمة انغمر
بالشمس .. من قبل الغياب
يا بيتنا الخلف الضباب

مهجور و ما عندك حدا
عتقت بوابك عا الشتي و عصف الهوى
مهجور ماعندك حدا
و عتقت بوابك عا الشتي وعصف الهوى
أماااااااااان .. ويلي
و العاصفة الها صدى
تهجم عليك تمرجحك كلك سوا
و عم ياكل الغال الصدي
و العنكبوت استأجرك داير مدار
غرقوا حجار الموقدة بالأرض
و العليق عربش عا الحجار
يا بيتنا الخلف الضباب

ما عاد بو زهرة مرق حد القبو
ما عاد يسرق سرقو ( بو زهرة الوي وي بييكل جيج )
ما عاد بو زهرة مرق حد القبو
ما عا يسرق سرقو
و قديش ما قلبو احترق يا بيتنا
انت اقطعت برزقتوا
و درفة الشباك مشلوحة .. وين
تحت الدرب .. شلحتها الرياح
و معلق المزراب مرجوحة
راحو الاهل و العز بعد الاهل راح
يا بيتنا الخلف الضباب

يا بيتنا .. البيت الفقير
مين بيقول الحجر .. رح ينتهي
متل البشر. . و بها الدني عمروا قصير
يا بيتنا البيت الفقير .. يا بيتنا البيت الفقير
يا بيتنا ..... الخلف الضباب

[sisi]

آرنولد كل الشكر إلك للمرة المليووون .......
بالفعل الأغاني اللي اخترتها من روائع هالفنان العظيم ..

على الله تعود على الله
يا ضايع في ديار الله
من بعدك انت يا غالي
ما لي أحباب غير الله

*****
يلي مرمرت زماني
كأنك بطلت تهواني

*****

يا أبو الاحباب لاقيني
من بعد غياب هنيني
حاجي من دموعي تسقيني
نشفت دموعي اي والله

*****

عتابا :

على الله تعود بهجتنا والفراح
وتغمر دارنا البسمة والفراح
قضينا العمر ولف ضل وولف راح
وضاع العمر هجران وغياب

*****

لو جاني يوم مرسالك
وطمني يوم عن حالك
لطرب الفؤاد كرملك
واسجد على أبواب الله

[rams]http://music.6arab.com/wadee3..3ala-Allah-t3ood.rm[/rams]

[adidas]

ياريت بيتثبت الموضوع !!!

صاير قليل نسمع لفنان بعظمة العملاق " وديع الصافي " بهالايام حتى هون بالمنتدى الموضوع صرلوا فترة بس غير مثبت

وينك يا جولدن روز ؟؟؟
بتشكر آرنولد وسي سي ولو متأخرع الموضوع الحلو والرد الأحلى و راح نتابع مع مواوييل و أغاني فقط لوديع الصافي

*****

سوى هالقلب يا حلوة ما عنّا
حرام يضل عفراقك معنّى
قلب حيران يتنهّد معنّى
يشكي وحدتو طول الغياب



*****



شو صار مدري بحالها شو صار
لا علم من صوبها و لا أخبار
بكتبلها بيعود مكتوبي
مرتجع ما في حدا بالدار


وبيعملو جلسات أهل الحي
قال لازم شد حالي شوي
قلتلهن اللي بإيدو مي
مش مثل يلّي بإيدو نار


يا ريت قلبي بيحملوه بشي يوم
كانوا عليّي ما بيحطّوا اللوم
بضل اتخانق أنا و النّوم
وحياتها ما بنام ليل نهار


يا غايبة و بالفكر موجودة
عودي كفانا حرقصة عودي
بيكرجوا الدمعات عخدودي
كل ما اسمك عبالي دار



*****



أهلا و سهلا بالغزال الطلّ
و يا صباح الورد قبل الفلّ
النا يا سلوى ناطرين كثير
تنشوف نورك عالجناين هلّ


معنا بعدك و بتضلي معنا
ما دام للحب بين الناس معنى
و مهما قلبت الأيام معنا
لغيرك ما عم نفتح هالبواب
يا حبيبي
يا حبيبي
يا حبيبي



*****



قلتلّك يا ليلى العمر ماضي
و على عنقي جفاكي سيف ماضي
قلتلك يا ليلى العمر ماضي
و على عنقي جفاكي سيف ماضي


الليلة عالوفى و الحب ماضي
و لبكرة ما عدت احسب حساب



*****



يا جارح القلب يا جارح القلب
مالك عالجفا ناوي
حملتني هموم عنها
ما روى الراوي


يلّي بنارك فؤادي والحشا كاوي
في كل كتب السما رب السما وصاك
اجرح و داوي
يا ظالم اجرح و داوي

[sisi]

مرقوا الحصادين مرقوا طيور البرد
يبسوا وراق التين و الغيم تل الجرد
و عم ينزلوا حساسين يبكوا بفيي الورد
و ناطورة الياسمين بعدا ما رجعت بعد
مين ناطر مين مين ناطر عابواب الشوق مين ناطر
ناطرها تطل و تقلي يا هالمتعوس شو ناطر
و إن كان البعد نساها بتضل تغني و ناطر
بيضل العاشق عاشق و الناطر بيضلو ناطر
نحنا بكير حبينا حبينا كتير حبينا
ضوينا شبابيك الغربي و كتبنا السهر علينا
و إن كان الهوى عذبنا و مشانا صوب المخاطر
خلي عينيها تندهلي صوب المخاطر بخاطر
طال الحكي عاباب بيتن طال
و إتنهدت و تكسر الموال
و لما عيونا بالدمع ضحكوا
ما عرفت يللي تنقال كيف نقال
و مغيرة مغيرة و مولداني مولداني
و خدودها خير السني يا من قطف يا من جني
و زغيرة زغيرة و مزيني مزيني
و عيون بتقول إسكني فيي و طيري يا دنيي
يا حلوة اللي الهوى دبل عينيكي الهوى
اللي غدي لحيكن قلبو عشق و إتكوى
لما حكيتي شعشعوا نجوم البكي و إتلوعوا
يا طيور طلوا إتسمعوا يا حور عالمي إنحني
يا حلوة اللي السهر هدهد حلاها السهر
طال الحكي عالحكي و ضوى عليكي القمر
و الناس طلوا يسألوا لما إلتوا الخصر الحلو
يا قمار عالأرض إنزلوا و يا ليل ليل عالدنيي

[Arnold]

البير

قديشنا صحبة أنا و ها البير
عتاق نحنا من زمان كتير
و غماق شوفي سرار مطويي
بقلوبنا و دموع و مشاوير
هـ أنا و ها البير
قديش صرلي بعرفو شو عمر
جيل البيادر و الولاد السمر
ايام كان الغمر خلف الغمر
موسم صبايا و حب و شحارير
هــ أنا و ها البير
يا بير ها الكانت توالفنا
بتمرق كأنا ما بتعرفنا .. يا بير
زرعنا .. سقينا الزرع و قطفنا
و بدنا نسرب ما بقا بكير
بكير .. هـــ أنا وها البير

كورس :
عوافي يا بو فارس تعبان كتير
دايما منشوفك حارس عا حفاف البير

هو :
خلصت الشغل و ما ضل عليي ولا جل
مرقت شربت و رح فل الليلة بكير

كورس :
يا بو فارس شو عملنا لا تسألنا
سأل سأل معاولنا بتحكي و بتطير
عم تشتاق الغنية عا القمرية
مدري الليلة السهرية وين بدا تصير
الليلة السهرية عا بير المية
وحياة عيونك بو فارس بدنا غنية

هو :
انتو عا عيوني لكن عيفوني
بخاف الملعونة هي مرتي تقوم تجي عليي

كورس :
ولك يا بو فارس .. وحياتو فارس
ان اجت أم فارس منقلها بعدك صبية
له له له له

هو:
لك عيفوني دايقتوني
بصير بدي غني عا اللس

كورس :
مش رح نرجع مش رح نقنع حتى نسمع
منك صوت صغير و بس

هو :
أوف أوف ….
لمن شافتني تنهدت مندون حكي
و رغرغت بالدمع قصدها تشتكي
و احمر ورد خدودها و تكيت خجل
من غصتي ما قدرت قلها شو بكي
و ضليت واقف و هي كمان وقفت معي
طرحنا و ما قلنا لا رجاع و لا رجعي
و تنيناتنا بها الوقت كنا بلا وعي
عرفنا شو حكيو قلوبنا من التكتكة
لا هي حكتني و لا طلع مني حكي
يا ورد كيف تا من الوصال حرمتني
و قديش عا دروب الهوى مرجحتني
موتتني تا سمحتلي اقطف قمر
من بعد ما مديت ايدي جرحتني
يا ورد يا ورد يا وردي
يابا يابا ياباياااااااااا
يـــــــــــا بيييييي …

[sisi]

ناطرك سهران " من أجمـــل ما غنى العظيم وديع الصافي "

ناطرك سهران بضو القمر
بتذكر البسمات و ليالي السهر
لا القلب قادر يحتمل هم النوى
و لا العين فيها بعد تتحمل سهر
قللي القمر شوباك
ناطر على الشباك
و مسهر النجمات
عم تكرج الدمعات
بيكفي يا عاشق لوعت قلبي دمعة عيون الزهر
و انبح الوتر
ناطرك سهران بضو القمر
و الغيم بالعالي
تأثر لحالي
و سمعت النجمات
من هالقلب آهات
آهاااااات
حن القمر بين الغيوم الشاردة
مع دمع عيني كرجت دموع القمر
ناطرك سهران بضو القمر

[Arnold]

شكرا الك سيسي ... كأنك ببالي .. و بتعرفي الأغاني اللي بحبا لوديع

زغيرة و مولدنة

طال الحكي عا باب بيتن طال
و تنهدت وتكسر الموال
و لما عيونا بالدمع ضحكوا
ما عرفت ياللي انقال كيف انقال

و زغيرة و مولدنة
و خدودها خير السنة
يا مين قطف يا مين جني

يا حلوة ياللي الهوا
دبل عينيكي الهوا
اللي عدى لحيكم
قلبو عشق و انكوا
و لما حكيتي شعشعوا
نجوم البكي و اتلوعوا
يا طيور طلوا اتسمعوا
يا حور عا المي انحني

و زغيرة و مولدنة
و خدودها خير السنة
يا مين قطف يا مين جني

يا حلوة ياللي السهر
هدهد حلاها السهر
طال الحكي عا الحكي
وضوا عليكي القمر
و الناس طلوا يسألوا
لما التوا الخصر الحلو
يا قمار عا الأرض انزلوا
يا ليل ليل عا الدني

و زغيرة و مولدنة
و خدودها خير السنة
يا مين قطف يا مين جني