الموشح

[ثناء حيدر]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

رفرف من صوب الوادي ----- عصـــفور التين
عم بزقــزق وينــــــــادي ----- وخلفو حساسين
راحو كل الصيــــــــادي ----- يصـــــيدو حلوين
رجــعو يـــغنو قــــرادي ----- وجفتن معطـــوب

بْيوصَـلْ عا صِدر مْعَـــرَّا ــــــــــــ بيرجَعْ مَصْلوب

ما فِـيني بَعِّـدْ عَـنـِّــــــــك ــــــــــــ يا سِـتْ الكِـــــلْ
خـَلـِّيني قـْرَيِّـبْ مِنـِّــــــــك ــــــــــــ عِـمْري ما بْمِـلْ
نـُوَّار بيحْـلـُفْ إنـِّـــــــــك ــــــــــــ عِطـَّرْتي الفِــــلْ
الّـلولو بياخـُد مِنْ سِـنـِّـك ــــــــــــ قالِبْ مَسْـكُــوب

بيوصل عا صدر معرّا-----بيرجع مصلوب


شفافِك خمر و زوّادي-----و طبعة بالقلب

و عيونِك أسمى شهادة-----بفنون السّلب

الفادي كان جرحو عادي-----عاخشاب الصّلب

بسّ عْلى صدرِك فادي-----بيحسد أيّوب

لله دركم ما أجمل ما تكتبون يا شعراء الغزل !!!
سلمت أناملكم

ننتظر المزيد

ثناء

[ابي سعدى]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

شعرا الأسـود ع كتافا ----- شـــــلال صغيـر
وكرم الأشقر ع شـفافا ----- مقطـــر تقطيـــر
صــدرا تلجــا نفنــافـا ----- حدا نواطيـــــــــر
كل ما بغني أوصــافا ----- بتصرخلي ستوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

يالـّلي فارَقتي الحـــــارة ــــــــــــ وشعـَّلتي النـَّـــار
وما عِـدْتي جـِيتي زيـارة ــــــــــــ دخـْلِكْ شُـو صـار
أيّامِكْ كِـلاّ خســـــــــارة ــــــــــــ وزْمَانِـــــــــكْ دار
بُـكْرا بْـتِصْـفِي خِـتـْيـــارة ــــــــــــ وضَهر ِكْ مَحْدوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

شِـفـْتا مَتـْعَـبِّي المَـيّـــــي ــــــــــــ مِن راس العِـيـن
قِـلـْتِلاّ يالله سْـويّــــــــــي ــــــــــــ قالِتْ لـَ ويـــن ؟
مَـنـْعُـوني تـْقـَرِّبْ لـَيّـــي ــــــــــــ إخـواتي تـْنِـيــــن
وقالولي: إمّي وبَيِّــــــــي ــــــــــــ إنـَّـكْ خـَلـْبُــوب *

*خلبوب:خـَدّاع

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب


يا قـلبي حاجي تِخـْفـُـــق ــــــــــــ تِبْـكي وتـْنـُــــود
بُـكْرا بـِتـْقـَطـِّفْ بـِنـْــــــدُق ــــــــــــ حِلمِـة لـِ نهـــــود
وبُـكْرا هالشَّمس بْـتِشـرُق ــــــــــــ وتـْشِــــــــمْ ورود
وبـِتـْعِيش وعِمرَك يمــرُق ـــــــــــ غـَنـِّي ومَطـْــرُوب

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

كيف بدي جرحـي داوي ----- صرلي سنتين
قلبي من الحامض لاوي ----- ومالـــي قلبين
بملقى مشـــــتاوي ناوي ----- أنظـــــم بيتين
بلكي بملقى مشـــــتاوي ----- بتحــن قــلوب

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

قــــال بتكفيني وردة ----- ما بدي مــــال
ياريت بتبقى حـــدي ----- حبك رســمال
من الدنيـي كلا بدي ----- شـاعر زجـّال
الشمس بيفقعها ردة ----- بتلغي لغروب

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

عيون الحارة المحتارة ----- عليهـــــا بتبص
عم تمشــي كل الحارة ----- ع الوحدة ونص
شـــفتا بتما ســـــيكارة ----- انشـــالله بتغص
ويــــن بتروح الدّوارة ----- بالأتوســـــتوب

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

شـفت الحلوة تعبانة ----- بعد القـــــــداس
بست الشفة العرقانة ----- وضميت الراس
طل بتوب الرهباني ----- الشــماس الياس
صار يبربرسـرياني ----- ويشــــــد التوب

[ابي سعدى]

:beer:

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

كـل ما النسمة ع القَبة -----عملت مشــــوار
بتاخد من عطر الرقبـة ----- بتعطـي الأزهار
ع صــــــدرا قْبة وقْبة ----- قْبتين صغــــــار
كل قْبـــة عليها حَبـــة ----- عم تسقي حبوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

طِـلـْعِـتْ تا تِعْـمُلْ فـَتـْلِـــة ــــــــــــ بْعِـزْ الشَّـوبَــات
حتـّى تـْعَـلـِّق هالـْ مِتـْلِــــي ــــــــــــ فـَوق الدِّبْقـــــات
إمَّا طـَعْـمِيتا قـَتـْلِـــــــــــة ــــــــــــ وسِمْعُوا الجارات
فـَرجـِتـْني جـِسما بْخـَتـْلــة ــــــــــــ مِليان عْـلـُــوب *

*علوب: آثار الضرب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب


مِن رَفـِّة رِمش السَّاحِـر ــــــــــــ بـِتـْقيد النـَّـــــــار
بْـقـَلبي... وبْيبقى ساهِـــر ــــــــــــ دايخ مِحْـتـــــار
قالِت: يالله يا شاطِـــــــــر ــــــــــــ نِِطـْلـَعْ مِشْـــوار
قِـلـْتِلاّ: مانِي قــــــــــــادِر ــــــــــــ إتـْحَمَّـل نـُـــوب*

* نـُوب: مصائب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

جـِيتي ... وقـلبي مَمْـنونِك ــــــــــــ فـَضْـلِكْ عالرَّاسْ
يا حِلوايي ... مِن دُونِــــك ــــــــــــ ما بْيحلى الكـاسْ
شْوَيي,شْوَيي وعا هَـونِك ــــــــــــ جـِنـَّنـْتي النـَّــاسْ
يا بْنـَيِّة رموش عـيونِـــك ــــــــــــ سَيفـُنْ قرضوب*

* قرضوب: قاطِـعْ

[Romel]

مع كامل احترامي لشعرائنا الكرام:

بيوصل عا صدر معرا-------بيرجع مصلوب


قالت بو سعدى برّا-----من السّاعة اتنين

و انهل ناطر عالجمرة-----دبس الخدّين

و حتّى أهرب و اتبرّا-----من هالشّبين

خدني عا جناحك سفرة-----يا كابتن بوب!

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

الحلوة لا رومـــل بدا ----- ولا أنهل دبـــــس
وحدو بيبقى بو سعدى ----- بينهل بالدبـــس
هتلر حــــدي ما هدا ----- ولا عنتر عبـــــس
بدمـــّــو يلي بيتحــــدا -----شعري مكـــتـوب

مع حبي وتقديري

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

بُو سَعـدى ... أهلا وسَهلا ــــــــــــ بمشتاوي ... فِيكْ
المَشتى أرضا مع أهــــلا ــــــــــــ تـْقِـلـَّك: لـِبَّيـــــــكْ
بْحِضْـنا تـْضِمَّـك عا مَهلا ـــــــــــ كْـرامِة عَـينيـــــكْ
مْـنِفـْرشْلـَكْ أرضا وسَهــلا ـــــــــــ قر ِنـْفـُل وطـْيــوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

قـلبي جايـِيكي بْعَجْـلِــــة ـــــــــــــ يا إخـت الشَّـمــس
اهتـَمِّي بْأمرو من أجْـلي ـــــــــــــ بـِحْواس الخـَمـس
قالِتْ: ر ِجْـلـَكْ عا ر ِجْـلي ـــــــــــــ وعَمْ تِهْمُس هَمس
بـِتـْمَنـَّى صَفـِّي حَجْـلــــــة ـــــــــــــ وتِبْقى اليَعْـقـُوب *

* اليَعْـقـُوب: ذكَر الحَجَـل

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

بو سعدى حاجي تِشْهَــــقْ ــــــــــــ حاجي مِحتــــــار
وبرهوم بْجَـنبَـكْ زَقـــــزَقْ ــــــــــــ وعليهـــــــــا دار
هَيْ بَـدَّا خـَمر مْعَـتـَّــــــــقْ ــــــــــــ ما بَـدَّا زغــــــار
وعا دِبْسَاتي رَحْ تِلـْـــــزَقْ ــــــــــــ دِبْسي مَرغـــوب

[جعفر حيدر]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بيوصَـلْ عا صِدر مْعَــــرَّا =بيرجَعْ مَصْلوب[/poem]

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

*******

غيابك طال وع غيابك= نزلت دمعة
وصار لي ناطر عابوابك = شهر وجمعة

ضوو حولك أحبابك = أحلى شمعة
وقلبي بعدو ع حسابك = يضوي ويلوب [/poem]

[حسن بنوت]

[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يعطيكن ألف عافيه يا شباب, للحقيقه موشحات جميلة جدا والجميع يرجوكم المتابعه

*****
حتى تضلي مشتاقه=لهاك الديره
باعتلك أجمل باقه=وبوسه زغيره

عودي عالديره سواقه=يما طيري
حتى نرجع نتلاقى=براس الزاروب
*****[/poem]