الموشح

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

يام الشــلحة الشـــفافة ----- وصدر الألمـاس
حطي شفافك ع شفافي ----- ضيعت الكـــاس
وحياة الحب الصـــافي ----- جسمي حســاس
كل ما تميلي ع كتــافي ----- كتـــــــافي بدّوب

[ابي سعدى]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

مبارح مرقت ع الوادي ----- أم الزنـــــــار
صــــرنا نغني قــــرادي ----- وننظم أشـعار
وكل ما صـــبّلا زيادي ----- من شـفافي نار
تقــلـــي منــي معّــتادة ----- نوع المشروب

[رامي]

إيدي من الشال بتسبح --- صوب النهدين
وشعرك شلال مسرح --- فوق الكتفين
وحتى النسمة ماتفضح --- وين الإيدين
قبالك مش ممكن أسمح --- للريح هبوب

[رامي]

أمــك شــغلت تـفكيري --- بين سق ونق
ووضعت قلبي بالحيرة -- وقـلبـا مــا رَقّ
وإنـت هـلكتيني بـغيرة --- تــِا قلبي طـق
ومع هيك بحجرة كبيرة --- بحبك مضروب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

بُعْـدِك ... نار بْتِحْر ِقـْنِــي ــــــــــــ وبـِتـْزيد هْمـــوم
وقـُرْبـِكْ بَحـر يغـَرِّقـْنِـــي ــــــــــــ وما بَعْـر ِفْ عُـوم
وصَمْـتِكْ سَـيف يمَـزِّقـْنِـي ــــــــــــ ومِشْ قادِرْ لـُوم
قـلبي الْ فِيكي عَـلـَّقـْنِـــي ــــــــــــ ومافي لِي هْروب

[انهل دبس]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب ؟؟

عا أوَّل قِـبِّة بْصِــــــدْركْ ــــــــــــ رَح صَلـِّي وصُوم
وعا تاني قِـبِّة بْصِــدْركْ ــــــــــــ بـِغـْرَقْ وبْعُـــــوم
ولـَمَّا بُوصَـل عا خِصْــركْ ــــــــــــ مِين بَـدِّي لـُــوم
راسي الدَّايـِخْ مِن خـَمْـركْ ــــــــــــ ولاَّ المَشْـــــروب

[ابي سعدى]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

قالــت عم تكتـــب ردة ----- وأنت ســـــكران
بخــاف الــردة المرتدة ----- توعّـي الجــيـران
ع كراسي خدودا وردة ----- بتروي العطشان
وطيب شرب الماوردي ----- بأيام الشـــــوب

[ابي سعدى]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

كــل مابتمر زيــــارة ----- ع رصــيف البور
بتحرق قلب البحارة ----- فوق البـــابـــور
زنود السمرة قهـارة ----- وبلوزة ســــبور
علقت فيها الســنارة ----- بان المحجـــوب

[ابي سعدى]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

ســــمرة وع شفافا حمّرة ----- بلون الجّلنــــار
وع السكرة خدود السمرة ----- عم تلهــــب نار
قالت لا تســـــــكب خمرة ----- بيكفي شو صار
مبــارح كســــّـــرنا الجرة ----- واليــوم الكـــوب

[ابي سعدى]

بيوصَـلْ عا صِدر مْعَـــرَّا ــــــــــــ بيرجَعْ مَصْلوب

الحلوة بالسهرة لقيتا ----- بيـن الجيـــــران
رحت ســـألتا ع بيـتــا ----- ومـنّي فـّزعــان
ولما ايدي مّــديتـــــــا ----- تحـت الفســتان
صــارت تصـرخ لـتـيـتـا ----- شمّعـت هروب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

شَقرا ... وبْلـُوزة حَـمْــــرا ــــــــــــ وجـِينز البـِنطـال
ونِضَّارة شَمس... وعَـمْرا ــــــــــــ وكَـبُّوت وشــــال
شُـو بـِحْـكي عَـن هالسَّمرا ــــــــــــ شِي ما بينقـــــال
بَـدّي فـَرفِـحْ مِن خـَمْـــــرا ــــــــــــ حاجي مَـكْـــروب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

ياام التـَّوب الحَـريـــــــري ــــــــــــ مْقـَصَّب تِقـْصِيب
بَعـدِ الفارَقـْتي الدِّيـــــــري ــــــــــــ بَـدِّي تِطـْبيــــــب
جروحي ماعاد زغـيـــري ــــــــــــ بَـدَّا تِقـْطِـيـــــــب
كِيف لـْفِيتي عا غـَيـــــري ــــــــــــ وعِـفـْتِينــي دوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

أمس مْرقـتِي من قـْبَالـــي ــــــــــــ بْتـَوب الشَّـفـَّــاف
مِن عَـينـَين القـُوَّالــــــــي ــــــــــــ عاللحم بْخـَـــــاف
ريقِـكْ خـَمر الـدَّوَالـــــــي ــــــــــــ وخـَمْراتو نـْضاف
سْـقيني مِنـُّو لـَحالــــــــي ــــــــــــ بـِرْجَع لـَهْلـُـــــوب

[رامي]

كل ليلة بعمل غارة --- وعا بيتا بسل
ومرة لمحتني الجارة --- لما عم فل
وقالتلي بتاني زيارة --- يا صوبي طل
يما عا هيدي الحارة --- لا تعود بنوب :angry001:

[mohamad kh]

عوافي يا غانمين!! بتسمحولي بالمشاركة

[size=4]

بيوصَـلْ عا صِدر مْعَــــرَّا --- بيرجَعْ مَصْلوب
** ** ** ** ** ** ** ** **
لما اهلك شافوكــــــــي --- ولعب الوسواس
وصارو امك وابوكـــي --- بموقف حســاس
عملت مصاحب اخوكي --- قدام النــــــــاس
يوم صارو يمنعوكــــي --- تحاكي القلـــوب
** ** ** ** ** ** ** ** **
بيوصَـلْ عا صِدر مْعَــــرَّا --- بيرجَعْ مَصْلوب
** ** ** ** ** ** ** ** **
غنيتلك موالـــــــــــــي --- يوم كنا صغـار
كبرو عناقيد الدالـــــــي --- وكبر الخمَّـــار
راحت من عمري ليالي --- وراح المشوار
وبعدو بيخطر ع بالــي --- اول محبــــوب
** ** ** ** ** ** ** ** **
بيوصَـلْ عا صِدر مْعَــــرَّا --- بيرجَعْ مَصْلوب
** ** ** ** ** ** ** ** **

[/size]

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

حاجي لـَهْـفِة خـَدَّاعَــــــــة ــــــــــــ وحاجي تـَمْثِـيــل
بَينْ السَّاعة والسَّاعـــــــة ــــــــــــ حُـبِّـكْ بيمِيـــــــل
عْـيونِـكْ مِتـل الوَلاّعــــــة ــــــــــــ وقـلبي لـِ فـْتيــــل
بْنـَظـْرَة مِنـُّو لـَوَّاعـــــــــة ــــــــــــ بيصْفى مَخـْرُوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

من ِ شْـفافِك هالدِّفـْيانــــة ــــــــــــ تِـرْياق شْـر ِبـتْ
وروحي كانِت تِلفانــــــة ــــــــــــ ومِن لـَمْسِة طِبتْ
صِدرك ياما لـَفـَّانــــــــي ــــــــــــ وعا صِدرك تِبـتْ
رَحْ إلـْبـِسْـلِكْ يا فـْلانِـــة ــــــــــــ من ِ العِـفـِّة تـُـوب

[mohamad kh]

كل عام وانت بخير

فستانك صدرو نـــارو --- مربي تفــــاح
تفاح الْ غالي سعـارو --- عنا بيرتــــاح
تركت الخمر وخمارو --- من دون قداح
لما عَ صدرك صـارو --- يقرو المكتوب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

الفادي المَصلوب بصِـدرك ــــــــــــ راضي بها الكاس
حتى تـُوفِـيلو نِـــــــــــدْرك ــــــــــــ مَـرَّة وينـْبَــــــاس
قـلبي مْلـَوَّع من غـَــــدرك ــــــــــــ يا بـِنت النـّـــــاس
وبـِلـْيالي عِـمري بّـــــدْرك ــــــــــــ عا طـُول غـْــروب

[انهل دبس]

بيوصَـلْ عا صِدر مْعَــــرَّا ـــــــــــ بيرجَعْ مَصْلوب

صدرك مَرْمَرْ ... ومْطـَعَّــمْ ــــــــــــ لـُولـُو ومِرجـــان
وألله حَـلاَّه ... وتـَمَّـــــــــمْ ــــــــــــ جـَوز الرمَّـــــــان
بَيناتـُنْ وادي جْهَـنـَّـــــــــمْ ــــــــــــ مَسْـكُـون بْجـــان
تا يحْمُوا الصَّـدر الكَـــــرَّمْ ــــــــــــ مِتـْلي مَحْـبُـــــوب