الموشح

[جعفر حيدر]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلما رميتيني رصاصة=عـمـري بـيـزيـد[/poem]

--------------

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
غلطنا تأخرنا هفوة = والقلب حتار
ما بعرف كنها نسوة=وكني ختيار

كنت تسلق عا ربوة=من جمر النار
صاير باخد لي غفوة = بكرم عناقيد[/poem]

[mohamad kh]

كِلما رْمَيتيني ... رْصاصة ـــــــــــــ عِـمْري بيزيــــــدْ

هاللي بيرْمِـيك بْـــــــوَردِة ــــــــــــ بْرشُّـو برصــاص
يا محمد ... إنـْتَ سَـنـْـــدِة ــــــــــــ ومانـَكْ لـَــــوَّاص
كِل الخرطوش العِـنـْــــدي ــــــــــــ بيصير نجـــــاص
لـَو صَوبَـكْ يا أَفـَنـْــــــدي ــــــــــــ كان التـَّسـديـــــــد
* * * * * * * * * * * * * * * * *
شكرا كثيييييير اخ انهل الله يقدرني عالرد!!!
* * * * * * * * * * * * * * * * *
فرد رصاصك إتنحــــول --- لَكـَرم نجاص
لما التصويب اتكـــــلـــل --- بعـدة قرطاس
صـــول فيها واتـــــجول --- بفرد رصاص
وارمي اللي طال وطوَّل --- ما فــي تهديد
** ** ** ** ** ** ** **
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** **
اخ انهل الك ولجميع متصفحين هاي الصفحة وخصوصا انت وابراهيم تفضل فوت على موضوعي اللي عنوانو "سلام شباب انا ب 11-11-2006 بصادف عيد ميلادي..........." وبتمنى منك تعطرها بشي ردة حلوة زي فضلك انت وجميع الاخوان اذا ما في غلبة طبعا... وشكرا سلفا...

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

كلما عيونـــا بتقـــــــلّي ----- ياشـــاعر عود
بتنزل دمعـــة عم تغلي ----- بتحـرق لخدود
رمـوش جفونا والكحلـة ----- مدفـــــع بارود
خلت جيـــــش العثملّي ----- تحــت التهـديد

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

سهام عيونا مرشوشـة ----- من فوق السطح
بيرمي جفنا خرطوشة ----- بيجرحنـــــي جـرح
خطفت مني طربوشي ----- وقالتــــلي مـــزح
كلما دمّع ع رموشــي -----مزحاتــــــــا تزيـــــد

:beer:

[انهل دبس]

أهلا وسهلا خيي جعفر وأهلا برجعة الأخ ابي سعدى

كِلما رْمَيتيني ... رْصاصة ـــــــــــــ عِـمْري بيزيــــــدْ

عْـشِقـْتِك بالمِيِّة مِيِّـــــــــة ـــــــــــــ مِن غِير تـَمثيــل
ياام عـيون العَـسْـليِّــــــــة ـــــــــــــ مْجَـنـَّني المِيــــل
لـَو كِنـْتِي نِصْرانيِّـــــــــــة ـــــــــــــ بـِقـْرا الإنجيـــــل
وان كَـنـِّكْ إسلامِيِّـــــــــــة ـــــــــــــ حْفـَظـْت التـَّجويد

[mohamad kh]

تحياتي للجميع

كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** **
يا ريت تكوني بْدَارِي --- بْأخر اللــيــل
لحــتـى شعلـك ناري --- وللصبح نْمِيل
كُتْبِك حافــظ وقـاري --- توراه وانـجيل
قرانــك معــي ساري --- والـــليل يـعيد
** ** ** ** ** ** ** *
كِلما رْمَيتيني ... رْصاصة ـــــــــــــ عِـمْري بيزيــــــدْ

[رامي]

ردة حلوة شباب الله يعطيكون العافية,وياريت بها الردة يكون في إعتناء أكتر بالنوعية على حساب الكمية منشان تستمر ردة حلوة متل ما بلشت .

وكلما رميتيني رصاصة --- عمري بيزيد

بحبك أكتر من ذاتي --- يا أحلى السمر
يابلسم لجروحاتي --- وشيطان الشعر
عغيابك صرنا تلاتة --- نسهر عالخمر
وحدة نفسي ودمعاتي --- وآه التنهيد

[رامي]

سهرنا ومن هاك السهرة --- عابوح العود
قلبي بحبك ياسمرة --- بعدو موعود
حرقتي قلبي من نظرة --- بعينيكي السود
وكل نظرة تقلّي بكرا --- في وعد جديد

[mohamad kh]

كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** **
يا رامي ردَّك احلى --- من عيونا السود
ذكرك احـق وأولى --- يــا بـو الــخدود
انهل الردة تــولَّــى --- ورقّـَص الـعــود
وبرهوم بْرَدُّو حلَّى --- لـــيالـــي الــعيد
** ** ** ** ** ** ** *
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** **
بو سعدى طل علينا --- من بعد غياب
طال الغيبــة استنينا --- نْطَــْرناه إياب
برجعة جعفر حسينا --- كُلْنــــا احباب
يا احبـــــابي غنينا --- الردة من جديد
** ** ** ** ** ** ** *
كِلما رْمَيتيني ... رْصاصة ـــــــــــــ عِـمْري بيزيــــــدْ

[ثناء حيدر]

عذراً على تطفلي يا شباب
... بوحكم سحرني .... وددت بمشاركة متواضعة أمام إبداعكم !!!

[poem=font="Simplified Arabic,7,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وكلما رصاصَك يرميني = عمري بيزيد

***
وردَك بكتابي حفظتو = عطرو بيفوح
وهمسك بالقلب كتمتو= وسرو ما ببوح
حبك أيقونة حملتو = يا روح الروح
وليلك ع شمعة سهرتو = وطال التسهيد [/poem]

[انهل دبس]

أهلا وسهلا بالسيدة ثناء وبمشاركتك الحلوة
وأهلا وسهلا برجعتك يا رامي . ومنتمنى الجميع يشاركونا

كِلما رْمَيتيني ... رْصاصة ـــــــــــــ عِـمْري بيزيــــــدْ

الغـَمْـزة عَـمْ تِرمي مِيِّــــة ـــــــــــــ مِن غـَير ضْروب
وعَـن غـَمْـز الحِنـْطاويِّــة ـــــــــــــ ما فِيني تـُــــــوب
حَتى سْـباعْ البَـرّيِّــــــــــة ـــــــــــــ الـْ ما إلـْها قـلـوب
شافـُو اللي صاير فِـيِّــــي ـــــــــــــ وهَـرْبُـو لـَ بْعِـيـــد

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

يام الشــــــال الكموني ----- يســـــلم هالشال
بحطك ع صدري قوني ----- وبخفي الســنسال
ومهما النــاس يلوموني ----- بكـــــل الأحــــوال
بحطك جــوات عيونـي ----- وبرحــــــــل لبعـــيد

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

شـــعرا ع كتافا لحـافا ----- مشكشك بزهور
نازل فارش ع كتــــافا ----- شــــــــلال عطور
كل ما بغني أوصـــافا ----- وبكتبلا ســـــطور
بتسقيني كروم شـفافا ----- كاســـــــين نبيد

:beer:

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

يام الكــنزة الخمريـة ----- وزرار الـــورد
ردي هالشال عليّي ----- دابحني البرد
كل جيوش البريـــة ----- مافيهـــــــا ترد
نظرات المشـتاوية ----- عند التســــديد

:thumbs:

[ابي سعدى]

كِلما رْمَيتيني ... رْصاصة ـــــــــــــ عِـمْري بيزيــــــدْ

فردت ع شــــــعرا طرحة ----- بوقت الاكليـل
غمرت قلبي بالفرحـــــة ----- متل الانجيــــل
وكل ما تســأل ع الصحة ----- وبالخصر تميل
بلمح من تحت الشـــلحة ----- جـوز عواميـــد

moke:

[انهل دبس]

إلى الأخت ثناء

إلى الأخت الغالية ثناء

كِلما رْمَيتيني ... رْصاصة ـــــــــــــ عِـمْري بيزيــــــدْ

هالوردات اللي تـْخـَبُّــــــو ـــــــــــــــــ بـِكْـتاب زْغـير
والهَمْسات اللي طـَبٌّـــــــو ـــــــــــــــــ جُـوَّات البـِيــر
وحُب اللي نام بْعِـبُّـــــــــو ـــــــــــــــــ عاأحلى سرير
عا الـْمِتـْلـُو راضي رَبُّــــو ـــــــــــــــــ وأيَّامو عِـيـــد

[انهل دبس]

كِلما رْمَيتيني ... رْصاصة ـــــــــــــ عِـمْري بيزيــــــدْ

عْـيونِك عَمْ تِرمي رْصاصا ــــــــــــ كِلـَّيتـُــــــــو رَشْ
عالشِّـبَّان البَصّاصّــــــــــة ــــــــــــ بـِتـْحِشُّـنْ حَـــشْ
روحي ما بَـدَّا خـْلاصـــــــا ــــــــــــ وتا خِلـْقِي فِـــشْ
مِن صدرك بَـدِّي نجاصــة ــــــــــــ حِلـْوان العِـيــــــد

[انهل دبس]

كِلما رْمَيتيني ... رْصاصة ـــــــــــــ عِـمْري بيزيــــــدْ

حاجـِب عَـينِـك يا بْنـَيِّــــــة ــــــــــــ قـَوس النِشَّــــابْ
عَم يرمي سْهامو عْـلـَيِّــي ــــــــــــ تا قـلبي صـــــابْ
عْـزَمْـناكي ... عالسَّـهْريّة ــــــــــــ وما خـَدْنا جْـوابْ
سِمْعـوا أهْـلِك يا عْـنـَيّـــي ــــــــــــ وبـِلـْشُـوا تـَهْـديـد

[mohamad kh]

باااااااطل خيا انهل حدا يهددك وانا عايش (رد على ردك)

كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** **
اللي يْهَــــدِّدَك انهل --- قللي عليــــه
تـَ خـــلي دمو ينزل --- يتغســــل فيه
دمــو وحياتك غسَّل --- جـــوا عينيه
قُلّ للي طال وطوَّل --- شو في ببعيد
** ** ** ** ** ** ** *
كِلما رْمَيتيني ... رْصاصة ـــــــــــــ عِـمْري بيزيــــــدْ

[mohamad kh]

كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** **
من لَــمَّا سـافَـر شَـالِـك --- ضل الشلال
بس قوليـلي شو مـالـك --- سـت الجمال
انـو يِــتْــغَــيَّــر حـالك --- بعــدي مُحال
شو اللي مغيير حْوَالِك --- يا بنــت البيد*
** ** ** ** ** ** ** *
كِلما رْمَيتيني ... رْصاصة ـــــــــــــ عِـمْري بيزيــــــدْ
(*:البيد- البيداء او الصحراء)